Tamna Ilauyut talvani Nuttaqqat Inulramiini, Sherry McNeil-Mulak ilauyuqlu tamna Uqaqtiuyuq Ayuittiagiikhimayut Andrew Nunez, pulaaqpaktaat nunalaangit Pangnirtung Qikiqtaryuaq talvuuna Qiqaiyaqvia 27 - Qitiqauyaqvia 1, 2017mi. Talvuuna pulaaqtilunik, Sherry Andrewlu katimaqatigivaktaingit nunalaani havaktiuyunik taimaitunik hamilaatkuni havaktiit, ilihaiyiit, iliharviat atanguyait, ihumarlukhimayuliqiyut havaktiit, ikayuuhialiqiyut, Palihimatkutlu.
Talvuuna akhurnatqiaq, RCYO-kut havaktiit pulaaqpaktait ilihaqtun tamangni iliharvingni uqaqqatigiyaangat havakhimaaqtangit munagihimaaqtangitlu talvanga Ilautquyauhimayunik Nuttaqqat Inulramiingitlu havakviani, akhuurutigiyaingitlu inulramiit pidjutikhangit. Atauhiuyuq havakpaktangit talvungautilunuk, katimaqatigivaktavut inulramiit talvuuna inulramiit pizzatuqpaktunik unuangani talvani inulramiiqarvingmik Pangnirtungmi - una katimavikhaq ilauqaqpaktuq nunalaani ikayuinaqtunik, ilihaiyiingit Palimatkutlu.
Tamna RCYO-kut quyagiumayangit inuit tamaita ilauvakhimayut nallagianganik apigiyaangatlu apiqutingnik, ilituqhaiyaangat hunanik tamna RCYOngit havakpaktunik, ayuiqhagianganik talvuuna inulramiingit pidjutikhangit.Sherry Andrewlu utiqhimaliktun havakvianun piqaliqhutik amigaitunik nunalaani kiudjutigiyauvakhimayunik, taima ilaqatigiikhimavakhimayaini tamangnik tamaat RCYO-kut havaktunik!
Hivayaqluta Qaritauyakkut Titiraqluta
867-975-5090 Iqalungmi
1-855-449-8118 humilliqaak Kaanatamit
Pulaarluta
Tun’ngahuktitpagavut inuit pulaaqtut havakviptiknut. Hivayalraaqluta pulaaqtinnatit titirariaptikni takuvikharnik.
Pingahuani Natiqaqtuq, Qamutiik Igluqpangani
PO Box 488 Iqaluit, NU X0A 0H0
Qilamiuqtuqaqqat Uqaqatigiyakhavut
Ihumagiguvit nutaramikluuniit ilihimayat qilamiuqtuqtumik ikayuqtauyukhamik, hivayaqlugit hapkuat nampangit qilamiuqlutit.