Nunalaangitni


Mittimatalik: Tattiarnaqhilirvia 17-21, 2022
11/18/2022

Olivia Nubiyalu katimaqatigivakhimajait nutaqqat, inulramiit, nunalaani katimajijiujut, ikajukhimaaqtun kivgaktiujut talvaniitilunik Mittimatalikmi. Nunaqaqtun talvani tunngahuktitivaktin RCYOkutlu quviagijauvakhimajut pittianginaqhutik aituihimaaqpakamik uvaptingnun talvaniitilunuk. Ilangit atugiikhimavakhimajavut pulaaqpaktugut nunalaani inuuhiriknirnik katimavianun, arnat qimaaviat, katimaqatigivakhugitlu ilaunginaqtun munagidjutiqaqtunik nunalaani kivgaktiujut, uqaqqatigivakhugitlu katimadjutikhaptingnik Haamlatkut Katimajiinun.

Iqaluktuuttiaq: Apitilirvia 23-29, 2022
10/14/2022
Mariama unalu Katie quvianaqtuq, havakyuaqpakhunilu, pulaaqhutik Iqaluktuutiami. Ilangit quviahuutauyut ulapqiblutik ulapqiblutik uvalu pizzamik angnanun katimayunun uvani Iningnikhat Palacemi uvalu takublutik nakuuyumik atuqhutik RCYOtkut nahainik ulapqiblutik nunallaami. Quanaqqut nunallaami Iqaluktuuttiami tun'ngahuktitauyut!
Kangiqtugaapik: Apitilirvia 27 - Tattiarnaqhilirvia 1, 2021
11/02/2021
Hamaniitilugik Kangiqtugaapingmi, Nubiya unalu Nancy takuhimayuk amigaitunik nutaqqanik inulramirniklu! Quviahuutit amigaitut kihimi quviagiyumaqpiaqtavut havaktit inulramiillu ilauyut uvani Illisaqsivik Katimayiit unalu tugliq atanguyaq, ilihaiyit, ilihaqtullu hamanga Quluaq Iliharvianin qungahuktitiyut. Alianaqtuq qungiaqtitaugapta haffumani Piqqusilirivvik Inuit Pitquhiliqinikkut Iliharvia Igluqpak, niriblutallu mamaqtunik niqainarnik niqinik.
Salliq: Iidjirurvia 10 – 13, 2020
02/28/2020

Diana tingmidjutaa Salliq-mut pijait aallanut pulaaqhuni havagvingnut talvungalu Sakku iliharvik. Ilihaqtut aligikpiaktaat ilaugamik taaffumunga Nippit Tuhaqtillugu: Inmikkut Pittaalaqidjutikhamingnut Katimajut unalu Hila Alappaangnaqtuq katimadjutaat. Quana tunngahuktittigaffi ikahuqpiaraffilu aliahuktittuta!

Qamanittuaq: Iidjirurvia 3 - 7, 2020
02/28/2020

Nakuukpiaktuq pulaangmat Qamani’tuamut Diana-mut. Qamani’tuamiitillutik Diana uqarijait ilangit Nippit Tuhaqtillugu: Inmikkut Pittaalaqidjutikhamingnut Katimajut unalu Hila Alappaangnaqtuq katimadjutaat. Quana tamangmiknut iliharviknut nunallaamullu tunngahuktittigaffi. Nakuugikpiaktaa Diana takujait inuit Northern-mi.

Sanirajak: Ubluqtuhivia 13 – 17, 2020
02/28/2020
Nakuukpiaktuq tingmijaami Sanirajak-mut, nunallaangat pinniqpiaktuq nutaqqat inulrammiillu nakuukpiaktut uqaqatigivlugit. Nakuurikpiaktara ulapqivluta uqaqatigiingnirmut ilihaqtullu naalakhugit amihunut pidjutikhanut uqaqatigiigutikhanut. Nakuupiaktuq tunngahuktitaujaami nunallaami uqaqvigivlugit amihut inuit ajungnaittumik.
Kinngait: Ubluirvia 9 - 13, 2019
02/28/2020

David Jeff-lu havainiqmi ittut Kinngainni (Cape Dorset) havaarivlugu Nippit Tuhaqtillugu: Inmikkut Pittaalaqidjutikhamingnut Katimajut iliharvikni. Hilaklukjuangnahurittumi havainiqmi pihukpaktut nunallaami. Atauhiq alkiahuutaujuq tunihivlutik niqinik pizza-liuqatgijumavlugit inulrammiit talvani inulrammiit katimaviani. David Jeff-lu aliahukpiaktut pittaaramik algamik aadjiliuqhutik iglup haniraani aallat taimailiurvianni.

Tikirarjuaq: Hikutirvia 25 - 27, 2019
02/28/2020
Aliahuutigikpiaktaat Diana Kim-lu Tikirarjuamiillakhutik ikittut nannut tahamaniinmata. Qujagijumajait nunallaamiutat agitiqattarmagit ingilradjutikkut upautijakhainut humilikaak qajagipkakhugit. Qujagikjuaktavullu inulrammiit inulrammit katimavinungauhimajut ilauvlutik akimanahugittunut atuqhugu yo-yo ulapqiujaq.
Uqhuqtuuq Kugaarjuklu: Hikutirvia 1 - 10, 2019
02/28/2020

David tingmijuq tamangningnut Uqhuqtuuq Kugaarjuk-mullu uqautigivlugu Nippit Tuhaqtillugu: Inmiikkut Pittaalaqidjutikhamingnut Katimajut katimaqatigivlugillu nunallaamiutat. Takugait ilangit nakuukpiaktut ilihaudjutikhat tamangni iliharvikni utiffaarumavlunilu katimaqatigilugit aallat inulramminik kangiqhipkaidjutigilugillu nutaqqat pilaarutikhainut RCYO-mullu

Ausuittuq: May 28 min 30 mun, 2019
07/17/2019
Ausuittumiitilluni, David takudjutiyuq amigaittunik inungnik tun’ngahuktitpiaqpakhutiklu quviahukpaktutlu ilitturiyaanggata aliahukpaktuq talvaniitilluni. Aliagikpiaqpagaalu talvunggaungmat qiqiktamun takuplunilu anggataqmik hikumik.

Pages