Jane Bates
Nutaqqanut Inulramirnullu Uqaqtikhaanik
Jane-iup unipkaanga aullaqtiqtuq Mississauga, Ontario-mi hikhinngunaittumi najurvigijaujumi tiguaqhiinni. Pijumaraaginnarhimavaktuq ikajurnikkut inulrammirnik, pidjutiutiguplugu Titiraqaliqhuni Inuliqijikkut talvannga Ryerson Iliharvikjuamin. Havalihaaliqhuni, upitpaktuq qaitquininganun ukiuqtaqtumin nuutiqhuni Whitehorse-mun.
Havaktilluni Yukon-mi, Jane hulidjutivaktain inuuhiin amigaittun inulrammiinni ilanginnilu talvuuna havagutimini nutaqqanun hapummidjutini, ilagiiktuni havagutini, qajangnaqtuni pidjutainni ihivriuqhinirni, inulrammiinni maligaliqidjutini, qajangnaqtuni hatummiarutini, mamiharnikkullu nunallaani miitirutiginirni. Tamaani havaamini, hivulliuqtauhimajuq uppiridjutaani nakuutqijaujuni pidjutikhainnun nutaramun.
Imaatun Winnie the Pooh-mi uumanilu Star Wars-mi quviagiqpiarutiqaqhuni, quviagijain aallakkiikniqarutit inuuhiup hailihimajain. Uinga Russ, qinmialu Gizmo naammagiqpiaqtaa nuutirnia Nunavunmun. Jane quviahuktuq havagutigiplugin inulrammiit Nunavunmiutaujun pipkainikkullu pilaarutait ikajuqtaujun.
Jessica Shabtai
Aulapkaiyiat Nutaqqat Inulramiit Ikayuqtikhaq Pivikhaqautikhanik
Jessica angiklihimayuq Thornhill-mi, Ontario-mi ukuallu pingahunik aniqaqhuni. Akhuurutaa ikajuriamini inungnik, inulrammilluanik, pidjutigijaa iniqhijaami Naunaitkutikhamun ihumaliqinikkut (Bachelors in Psychology) talvani University of Waterloo-mi 2006-mi unalu Masters-mik Inuhiliqinikkut talvani University of Toronto-mi 2008-mi. Uukturnahurittuni nakuutqijamik ikajuqtiujaami, iniqtiqtaa una Juris Doctorate talvanga University of Saskatchewan uumuuna Nunavut Maligaliqinikkut Ilihaidjut 2021-mi.
Ilautinnani havagviptingni, Jessica havaqatigijait Nunavut Kavamanga aallatqiini havaarihimajaminik, ukunanilluaq pivluni Havagviat Inulirijitkut. Nunagivagaa Uqhuqtuuq 2011-min 2013-mun aullaqtinnani Iqalungnun 2014-mi.
Havangitkaangami, Jessica takunnaqhivaktuq hunaliuraaqhuni munarivlugilluuniin tigumivlugit hulilukaajuktuk cat-ngijanis, Saxi unalu Frage. Aliagiqpiaktaillu Marvel-ngujun makpiraannualiuqhimajun, aligijain ulapqivluni ulapqidjutinik tiiviikkullu ulapqidjutin, taiguaqhugillu nutaatqijan aligijaminik.
Nubiya Enuaraq
Atan'ngujaullaktuq Inmigut Ikajuutikhaq Kivgaqtuutit
Nubiya Enuaraq havalihaaqliqtuq Nutaqqat Inulramiit Ikayuqtikhaq Ayuiqhattiaqhimayuni Qiqaiyarluarvia 2020mi.
Nubiya ilihagiaqpakhimayuq Dalhousie Universitymi Halifax, Nova Scotiami, Imaruqtirvia 2017, iniqtiqhimavakhimayuq ilihaqtamingnik uqaqtiuvakhimayurlu ilihaqtunik iniqtirtunik talvanga Nunavut Ilihaliarpaarvingmi aituqtauplunilu Ilitagiryuarutingnik Ilihaqtamingni Nallunaqtunik talvani Ukiuktaqni Munarhinik Ilihaqtuni. Talvanga iniqtiqhimavakhimayuq Munarhiliqinik Ayuiqhaqtukharnik ilihairutingnik talvanga havaktitauvakhimayuq allatqiinik hivutunirmiklu munarhiliqidjutingnik havaangani Qikiqtani Aanniarvingmi (QGH). Havaktitinani munarhiuvakhimayuq talvani Amigaqhuutiqaqtunik Aanniaqtunik Havagviani QGHmi. Nubiya akhurnaqtunik pivakhimayuq ilihairutingnik, ayuittiarutingnik havagiaqaqtainiklu talvuuna malrungnik ukiunganik titiqiqidjutiqaqhuni munarhiuvakhimayuq QGHmi ihumayurlu ihuaqtumik aituiniaqtuq tautugumainik havagviangani.
Havadjagiktaa ikayukhimaanginagumaplugit inungnik piyaanganik ihuaqtumik ikayuutikharnik, malikhautiplugitlu ihuaqtumik pidjutiqarniaqtun Nunavunmi piyaangat pidjutikharnik inugaingini. Talvuuna havaatigiyainik, nigiukhimayuq akhurhaidjutikharnik unalu/unaluuniit aituiyaangat pivalliadjutikharnik inuuhirinikkut nunalaani atugakhangitni.
Mariama Fofana
Nutaqqat Inulramiit Ikayuqtikhaq Ayuikhattiakhimayuq
Mariama inuuhimajuq nunagivaktaalu Sierra Leone, West Africa. Angiklilirhuni, ikajuraanginnarumavaktait inuit nutarutilluni, akhuurhaqpaktaillu pilaarutain arnat nutaqqallu nunallaamini. Nuutiqhimajuq Kanadamun ukiuqarhuni 9nik.
Iliharvigijaa George Brown College iliharutigiplugin Ningaqtauhimajuni Arnani Nutaranilu Uqaudjiunikkut Akhuurhainikkut pinahuarutimik kinguagullu ilihariaqtuqhimajuq uvani University of Windsor-mi ilihargugin Ilagiiktuni Inuqatigiingnikkut Pidjutiqatigiingnik.
Iliharutit iniramigit, havakpaktuq qaffiujuni nakuujuni havagvingni imaatun Jays Care Foundation, Black Women in Motion, uvanilu Scarborough Centre for Healthy Communities. Havaktilluni Jays Care Foundation-mi, aittuqtaujuq uuminnga Hall of Fame atittuutimik uvani Curve Ball Gala-mi. Havakpakhimajuq iliharvigjuami ilihaijirjuarngupluni uvani nanminirijaujumi iliharvigjuami Ontario-mi, ikajurnikkullu havakpaktuq uvani Victim Service Toronto-mi aullaarhimavaktuqlu Dominican Republic-mun inungnik havagutigijaqtuqhugin.
Nunavunmi, havakpakhimajuq uvani Illagiittugut Girls Group Home-mi quvianaqpiaqtuqlu ilaulirman havagviptiknun. Niriuktuq naunaijattiarumaplugu Nunavun ilitturittiarumapluni pitquhianik nunaaniklu pijumajuqlu uuminnga Masters titiraqarutaanik uvani Inuliqijini.
Mariama amigaittunik nakuugijuq hilaaani havangnirnin ilaujullu ungahiktunun pihungnirnik, pihungnirnik, numirnirnik, humungaunirniklu nutaani aullaarutinik, piliurnikkut pitquhikkut hungaujanik, tangmaarnirnik, iganikkullu nutaamik igadjutinik. Nakuuriqpiaqtaalu najuriami ilaminik ilannaminiklu.
Dustin Patar
Atan'ngujaullaktuq Tuhaqtipkainikkut Inungniklu Qaujihimanikkut
Inuuhimajuq San Francisco, California, angiklihimajuqlu avatingni United Statesmi Kanatamilu, Dustinmi naunaihimajuq nanminikkut nuutaanik avatingniitunik inungniklu. Taimaali ajungnaqtuq, Dustin ukpiguhuktut hapkua anginiqhait atuqtait tiguaqhimablugu hakugiktumik ihumabluni uvalu quviagijaminik unipkaaqniqmik; inuuhirmingni malikhautikhangit taima anugikkut aulavikharnik avaliqangitunik atuqtakharnik.
Iliharpakhimajingit, Dustum ingilravinga aadlangajuq inuuhinganut atuqtaminik. Malrungnik ukiunik piksasuuliurnikkut ilihaivakhimajuq, qun'ngiaqtuq unipkaanganik ajuitaminik. Ukiuni kinguani, ilihaqhuni haffuminga naunaitkutit ilihaqtamingnik ilitagidjutinik tuhaqtitinikkut hamanga Simon Fraser Iliharvikjuanganin, malikhugit iliharnikkut naunaitkutiqaqtut hamanga Iliharvikjuangani British Columbiami Iniqtiqhimajut Iliharviit Taiguangnikkut.
Inirami ilihaqtaminik, Dustin tununngani, tikittuq Iqalungmut Apitilirvia 2019-mi havagiami taiguagakhamik Nunatsiaq News-mut. Talvanganin, havakpakhimajuq talvani Inhabit Educationmi, CBC Northmi, akiqangitumiklu titiraqhimajunik. Ikajuqtuq ilihimajaujumik makpiraaliurninnga ukunatitut Kaanatami Press, Globe titiraqarvikkutlu, unalu Kaanatami Nunangit.
Dustin pihimangitkumik piksaliurunmik imaaluuniit hivuagut qaritaujamik, paqitaulajuq miqhurnirmik, ihuaqhailuni ilanganik akhaluutimik, imaaluuniit maniqanirmiinginaqtuq.
Ross Ferguson
Atanilluaq Atuqtauyukhanut Naunaiyaiyi/Ilittuqhaiyi
Ross inuuhimajuq angiklihimajuqlu qingmiqpaqaqtumik najugaani uataani New Brunswick-mi. Angiklivaliagaluaqtilugit hunat Ross ihumajuq attauhiq aalangajuq najugaa nunaqjuami, ihumagiinaqtuq aalanik pitquhiqaqtunik. 1988mi, una ihumagiinaqtuq pipkaidjutijaa pigiami tuglianik ilihainiq uumani inuuhigaluangit ihivriurniq unalu pitquhiliqinikkut ilihainiq. Quviagingitainik ihumaluutigiluangitainik hunaujuq ilihaqtamingnik nuutiqtunun nunaptingnun, Ross qimaktuq iliharvikjuanga. Talvanga aullaqtiqtuq qanuqtun pidjutihimajuq imaa "20-nik ukiunik aullaaqtittijuq" uataani Kanatap. Atuqtilugu una qulini ukiuni-hivituniani, Ross havaktut Rockiesmi iqalukhiuqtut maligahat, uvani Yukonmi hiuvani hivuliqhuqnikkut, uvalu hinaani British Columbiami havaliqhutik hananikkut havaanik.
Taima Ross utiqhimagami New Brunswickmun, ihumaliuqhimayuq tiglugianganik ilanganik ayungnautiqaqtunik ayuiqhaqhimaaqpakhimayuq talvuuna hivulliuyunik ilhaqpakhimajuq talvani iliharvikyuanganik. Una ihuaqhidjutauyuq iniqtiriangani ilitagiyauniq ihumaliqinikkut, uvalu inuuhiqattiaqnikkut havaqatigiikhutik tugaaqhimalugit Hiuvulliuyut Aallait nutaqqat munagidjutikhait. Havakpakhimagaluaqhuni nutaraq munagidjutikharnik inuuhiliqiyi havakti aulatitivakhimayuq New Brunswickmi, Rossmi aulatitiffaaffaaqtuq talvunga British Columbiami Yukonmilu.
Ross' ihumagijaingit ukiuqtaqtumi nuviktuq inuuhimini. Hilamiunginaqtuq, hinaktuqtuq qiniqhiabluni Qikiqtaalungmi hivutunirmik ihumagiinaqtaa. Ross, Iqalungniiqhuni, ikayuqtaaqtuq inulramingnun uvalu piyakhanik iqalukpingmik, hinaktuqhuni.
Miatta Kargbo
Nutaqqat Inulramiit Ikayuqtikhaq Ayuikhattiakhimayuq
Miatta inuuhimajuq pamikhimajurlu Torontomi, Ontariomi. Angiklitiktiluni, ilihaijuq akhuugutinik akiitumik ikajuqhuni uvalu ikajuqhimaanginaqhuni nunallaami.
Ilihaqpakhimajuq talvanij York Universitymi, iliharjuaqpakhuni talvani Munarhiliqinikkut Munagidjutikharnik Titiqiqidjutiliqijuniklu. Kinguagut ilihaivakhimajuq Qablunaaqtun Aihiniitunik Uqauhirnik (TEFL) ilitagidjutikharnik, taima Qablunaaqtun Kinguliuliqhugu Uqauhiq (ESL) Ilihaiji.
Iniqtiruirami, Miatta havakpaktuq talvani munarhitkunni titiqiqilikhuni unalu naunaitkutaq qaritaujakkut ajuitaminik. Hulilukaaqhuni ilihaqhuni uvalu nuuhimajuq Mexicomun ilihaijaangani Qablunaatut ukiumi atauhirmi. Miatta qakugu nuuttuq Mittimatalikmut, Nunavut ilihaihimaaqpakhuni Qablunaatitut Uqauhianik talvani.
Miatta namagijaa aulaqatagiangani humunliqaak nigiukhimajutlu qiniqhiajaangat amigaitunik Nunavutim tautuktauvakhimangitunik nunanganik. Quviagijaalu tivjagiktunik niqinik uvalu atuqtuujaliqijaangatlu qimirluqhuni DJtun. Hivuniptingni, Miatta nigiuktut pijaangani Inmi Ilihairutikharjuarnik Ilitagidjutingnik Nunaqjuami Havaqatigiingnikkut.
Auyami Ilihaqtut
Shawna Kyak
Hanaqiyanguqtakhanun Naunaiyaiyi Aujami Ilihaqtunun
(Auyami 2023)
Shawna Kyak inuuhimajuq Iqalungni. Angajukhimik aniqaqtuq qinmiqaqhunilu piqapagijani pihuujaqatigijaami. Shawna nunagijaa Iqaluit inuuhirmini, talvunga 2022 nuunnami Ottawa-mun ilihariamini iliharvirjuami.
Shawna tadja ilihautigijaa Ulapqijuliqinikkut Hulilukaarnikkullu Havakviujumi, malrungni ukiuni ilihautikhaq talvani Algonquin College. Ilihautiginialiqtaa tuglik ukiunganik Apitilirviani. Ilihaqtaminik iniqhigumi, Shawna pijumajuq iliharjuumiluni ilihautigilugu Kinesiology. Quviahukpiaqtuq hivun’ngani pijakhamun!
Shawna aliagijaa hungaujanik hiutirmialiuriami, miqhuqhuni, tingmivlunilu tamaat Kanadami. Tadja havaarijaa Ulapqijuliqinikkut Ajuiqhaijiup Ikajuqtia ukununga Ulapqiqatigiiktun Nunavut Arnat valipaaqtunun niriukhuni pihimmaarlugu una hivun’ngani.
Shawna quviagijaa havaqatigivlugin nutaqqat havakhimavlunilu talvani Aqsarniit Ilinniarvik Iliharvik. Quviahuktuq havaqatigivlugin RCYO-kut aujami ilihimajurlu ikajuqtaaqhuni amihunun inulramminun ukununga nutaqqanun pilaarutin naunaitkutainik ilihautigijaminik. RCYO-kut aliahuktun havangman Shawna havagvigijamingni aujami!
Sylvia Kablutsiak
Uqaqtiuyuq Aujami Ilihaqtunun
(Auyami 2021)
Sylvia Arviataumiuyuq hadja nunaqaliqtuq Iqalungni. Pamiqtauhimayuq angajuqqaanganik Arviatmi pingahuujutlu nayangit aqaluangalu talvana qimangma ilihagiaqtugami iliharvikyuanganik 18nik ukiulihaaliqtiluni.
Ilihaivakhimayuq Nunavut Sivuniksavutmi atauhirmi ukiumi nuutpakhimayuq talvunga Carleton Universitymun atauhirmik ukiumik. Ukiakhaliqtumi 2021mi, nuutpakhimayuq talvuna Laurentian Universitymun havakpakhimayuq ilihairutikharnik iniqtiriniaqhimayainik ilihairutikharnik. Quviahukpiaqtuq hivunikhanga aulavikhangit nanminikharnik nanminigiyaingitlu piqpagiyaingit.
Sylvia quviagiyuq pihuuyagianganik, hungauyarniq, aqpangniq, aulaqatagianganiklu, uuktugumainaqtuq nanminikharnik uuktugianganik nuutaanik ubluq tamaat qakungugaigaangamilu. Quviagiyaa qunngianganik Grey’s Anatomy hulingitkaangat.
Sylvia quviagiyaalu uqaqtiuyaangat ayuqhaqtunik nutaqqanik inulramiinunlu Nunavunmi talvuuna quviagiyuq havagianganik talvani Kivgaqtiuyuq Nutaqqant Inulrammiinnilu Havagviani uvani auyami! Quviahuktugut ilaulirmigami havaptingni!
Rhea Monteiro
Tuhagakhanik Tutqikhaiyi
(Auyami 2018)
Rhea nuuhimajuq Iqalungnut nunaminit Mumbai, India, Qiqaijaluarvia 2017mi. Nuutirami Ukiuqtaqtumut aallangaqpiaktuq inuuhirmini nunaqaqpakhimagami qaajurnailrumi nunamini angijumi inugiangnirmillu. Quviagigamiuk aturiamini ilauliqhimajuq tapkununga Inuksuk Qilaudjaqtinut uqaqtuq imaatut, “nakuuqpiaktuq ajuiqhavigigamiut ilanginnik Inuktitut mikijumiklu Inuit ilitquhiannik.”
Rheap aujami havaarihimajaa talvani Nutaqqanut Inulramirnullu Uqaqtikhaanik Havagvia (RCYO) hivulliqpamik havaliqhimajuq havaariplugu!
Tuhaqtipkaijiit tukimuaqtiupluni munariniqaqtuq ubluq tamaat tuhaqtitaujukhanik munariplugit imaalu ihuaqtumiklu auladjutikhainnik ikajuutikhat Iqalungni nunangani niqitarviit niuvvavingni imaalu aujami maniqqamiilvikhainnik.
Rhea ilitturihimajuq talvuuna Hilarjuami Katimarjuaqtit Pilaarutaitigut Nutaqqap imaalu naunaiqhitikhanik nakuuniqharmik pilaarutikhanik ihumaliurutikhanik 2018 Unipkarnik, Nipingnut akimanahuarutikharnik. Rhea ilauqqatauhimajuq takunnaqtunik quviahuutigiplugit inulramiit nipingit uumani havagviup ihivriuqhidjutaanik ihumaliqinikkut ikajuutikhanik.
Rhea uqaqtuq “havakkami talvani Nutaqqanut Inulramirnullu Uqaqtikhaanik Havagvia (RCYO) ihuaqtumik kangiqhitikhaminnik qanuqtut anginiqaqtut nutaqqat pilaarutait, iikajuqtangallu munaqhittiarnirmik ikajurahuarutikhamniklu aallanut uvamniinnaungittumik ihumagilugit aallat, uqautigiplugit iumagijatka naunaiqtaujukhaniklu allanut havaqatgiiktunut. Quviahuktunga havaaqatiggiplugit ajuinniqharnik inungnik ukpiruhuktut taimaatut nutaqqanun inulramirnunlu nippait tuhaqtaujukhat.”
Quvianaqpiaktuq havaqatigiplugu Rhea havagviptingni, aujainnaugaluammi!
Caroline Angalik
Ikayuktiuyuq Naunairutikharnik Qauyihaiyi
(Auyami 2017)
Caroline Angalik quviagiyaa ikayugiagnaik tuniyaangatlu inungnun. Quviagiyaa havaqatigiyaanganik nuttaqqanun havakhimaaqturlu hivunikharnik ilihaiyaangat havakhimaarhunilu Ilitagidjutigikharnik talvanga Ilinniaqtuliqiyikkut talvuuna Nunavut Ilihaiyiikharnik Iliharutikharnik Havaaqharnik. Caroline ilaunialiqtuq tuglianganik ukium ilihaqtamingnik talvuuna Aippiut 2017mi.
Talvaniitiluni Arviami, Qamanittuarmi talvanilu Iqalungni, Caroine inuuhimaanginaqtun nunaptingnik inuuhirmini. Caroline quviagiyaa inuuhimaagianganik Nuanvunmi - tamna kihiani pinirninga nunam, amigaitilaangitlu uumaniqaqtunik nunami, pitquhingit, inuitlu. Quviagiyaalu miqhungniq, igayaangat, ilauqatigiyaangatlu ilagiyaingit, kihimiluaq nuttaraingit.
Caroline havagiaqaqtainik qauyihaidjutikharnik iliqatigiiktukharnik akhurnaqtuq ihumagiyauyukharnik tapkuninga havaqatigiyainik qaffiuyunuat ihumagiyauyukhat huuq Caroline tunngahuktitauyukhaq havaktukharnik talvani Ilautquyauhimayunik Havakviani talvuuna 2017mi auyami havaktitiunik ilihaqtunik.
Clara Akulukjuk
Tuhagakhaliriyi
(Auyami 2016)
Clara Akulukjuk Pangniqtuumiutauyuq, Nunavut pamikhimayuq maamaminit ilaminillu. Iniqhigami angayughiit iliharviani, Clara nunamiitpaktuq ilanginni Ontario-mi ilihaqyuumiqhuni iliharvikyuani. Iliharvigiyaa tuniyauhimavlunilu titiqqamik naunaitkutikhamik ilihaudjutiminut ukunanga Nunavut Sivuniksavut talvani Algonquin College unalu Early Childhood Education ilihaidjutikhaq talvani Georgian College. Clara tadja ilihaudjutigiyaa Bachelor of Education ukunuuna Nunavunmi Ilihaiyikhanut Ilihaidjutingit Iqalungni. Ilihaudjutigiliqniaqtaa inmi pingahuni ukiunginnut taaffumunga hitamani ukiuni ilihaudjutikhamut talvani Apitilirvik 2016.
Aliagiyaa hulilukaaqatigivlugit ilaqatini Iqalungni Pangniqtuumilu, hanikpaniiqatigivlugit ataattiani ananattianilu auyami, aullaaqhuni piksaliuqpakhunilu. Clara tammaqtittumangitaa inmi Inuit pitquhingit kangiqhiyumavlunilu amihunik Nunaqaqqaaqhimayunut pitquhiinnik Ukiuqtaqtumi nunaqaqtuni.
Clara uqaqtuq taimaa ilauvluni Nutaqqanut Inulramminut Uqaqtikhaanik havagvingmi auyami ilihaqtiuvluni havakhimavluni ikayuutigiyaa kangiqhiyaami qanuq piqutigiyauyut nutaqqanut pilaarutit ittaakhainut qanuqlu ikayuutiginiaqtavut kanggikhipkaidjutigilugit ihumagivaklugillu.
Clara atuqpagait inmi hakugiknikhat auladjutinut upalungairutikhanullu ayuiqhimayani RCY-kut havagviani. Quviagikpiaktakkut uvaptingniinmat!
Megan Blair
Inuulrammiinik Ilaliutiniqmut Ihivriuqtiuyuq
(Auyami 2015)
Nova Scotia-miutayuq, Megan nuuttuq ilangalu Iqalungmut 2004mi. Qangaraaluk nunagiyaminik, Megan quviagiyaa tamaat angikliyuumiqtilluni Nunavunmi. Iniqtiqtaa sikuurutinga Iqalungmi qakugunnuaqlu piniaqtaa Iliharyuarvikmut Inuknik uumani Inuit Pilaarutingit Carleton Iliharvikyuanganit. Iniqtiqmagu Ilihaidjutinganik, Megan Nunavunmi ittumayuq havakhimmaaqluni inuit pilaarutinginnik iglumini.
Megan tingmiinaqtuq aadlanut nunanut quviagiyaalu amihut tingmidjutikmani. Ihumagiyuq qakugu tingmiyumayuq tamainnut nunaryuaptiknik aturiami aadlatqiittut pitquhit unipkaangillu..
Havaktilluni auyami ayuirhaqtuq RCY-mi ilihaidjutigiyaa naunaiqtipkaiplunilu Megan-mut naunaiqtitaalu nutaaq piumayanganik pilaarutinik aliagiyanganiklu nutaqqat inuulrammiinullu. Quviahuktuq takugiami tunigiamilu piliurninnganik ikayuqtiutikhaqmik nutaqqanut inuulrammiinullu Nunavunmi.