ᔭᐃᓐ ᐸᐃᑦᔅ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑐᑭᒧᐊᖅᑎᑦᑎᔨ
ᔭᐃᓐ ᐅᓂᑳᖓ ᐱᒋᐊᓚᐅᖅᐳᖅ ᒥᓯᓵᒍᐊ, ᐋᓐᑎᐅᕆᐅᒥᑦ ᓂᐸᐃᑦᑐᒥᑦ ᐊᖏᕐᕋᒥᓂᒃ ᑎᒍᐊᕐᑎᒥᓂᒃ. ᖁᕕᐊᒋᔭᖃᐃᓐᓇᐅᔭᖅᑐᖅ ᐃᑲᔪᖃᑦᑕᕐᓂᕐᒧᑦ ᒪᒃᑯᒃᑐᓂᑦ, ᐱᒋᐊᕈᑎᒋᓚᐅᕐᐹ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓄᓕᕆᓂᕐᒧᑦ Ryerson ᓯᓚᑦᑐᕐᓴᕐᕕᒡᔪᐊᒥᑦ. ᐃᖃᓇᐃᔮᒥᓂᒃ ᐱᒋᐊᓕᓵᖅᑎᓪᓗᒍ, ᑭᐅᓚᐅᕐᓯᒪᖕᒪᑦ ᐅᑭᐅᕐᑕᖅᑐᒧᐊᖁᔭᐅᓕᕐᒪᑦ ᓅᒋᓪᓗᓂ ᕙᐃᑦᕼᐅᐊᔅᒧᑦ.
ᐃᖃᓇᐃᔭᖅᑎᓪᓗᒍ ᔫᑳᓐᒥᑦ, ᔭᐃᓐ ᐊᒃᑐᖅᓯᓯᒪᔪᖅ ᐃᓄᒋᐊᑦ ᐃᓅᓯᖏᓐᓂᑦ ᐊᒻᒪᓗ ᐃᓚᖏᓪᓗ ᐃᑲᔫᑎᖃᖃᑦᑕᕐᓂᖏᓐᓄᑦ ᓄᑕᕋᕐᓂᑦ ᓴᐳᔾᔨᓂᕐᒥᑦ, ᐃᓄᓕᕆᔨᒃᑯᑦ, ᐱᕐᕈᓗᐊᕿᕐᔪᐊᕐᑐᓄᑦ ᖃᐅᔨᓴᖅᑐᓕᕆᔩᑦ, ᒪᒃᑯᒃᑐᓄᑦ ᒪᓕᒐᓕᕆᔨᒃᑯᑦ, ᐊᒃᓱᕈᕐᓇᖅᑐᓃᑦᑐᓄᑦ ᐋᖀᓇᓱᒃᑐᑦ, ᐊᒻᒪᓗ ᐅᑎᕐᑎᑎᓇᓱᐊᕐᑐᓪᓗ ᓄᓇᓕᖕᓂᑦ ᑲᑎᒪᔨᖏᑦ. ᐃᖃᓇᐃᔮᒥᓂᒃ, ᖃᐅᔨᒪᔨᑕᖃᖃᑦᑕᓚᐅᕐᒪᑦ ᐊᖏᔪᖄᕐᒥᑦ ᐱᐅᓛᒥᑦ ᐱᓕᕆᐊᒃᓴᖃᖁᔨᔪᒥᑦ ᓄᑕᕋᕐᓄᑦ.
Winnie the pooh ᐊᒻᒪᓗ Star Wars−ᓂᑦ ᐊᓕᐊᓇᐃᒍᓱᒃᑐᑦ ᐅᕐᓄᓂᖅᐹᓂᑦ ᐱᔭᐅᔪᒪᕙᒃᑐᑦ, ᖁᕕᐊᒋᕙᓪᓕᐊᑐᐃᓐᓇᕐᑕᖓ ᐊᔾᔨᒌᖏᕈᓘᔭᖃᑦᑕᕐᓂᖓ ᐃᓅᓯᕐᒥᑦ ᐊᐳᕐᐸᓪᓕᐊᔭᖏᑦ. ᐅᐃᖓ ᕌᔅ, ᐊᒻᒪᓗ ᕿᒻᒥᖓ ᒋᔅᒨ ᐃᑲᔪᖅᓱᑦᑎᐊᕐᑐᑦ ᓅᓚᐅᕐᓂᖓᓄᑦ ᓄᓇᕗᒻᒧᑦ. ᔭᐃᓐ ᑲᔪᓯᑎᑦᑎᑦᑎᐊᕐᑐᑦ ᐱᔨᑦᑎᕋᕐᓂᕐᒧᑦ ᒪᒃᑯᒃᑐᓄᑦ ᓄᓇᕗᒻᒥᐅᓂᑦ ᐱᔪᓐᓇᐅᑎᖏᓪᓗ ᐃᑲᔪᖅᓱᖅᑕᐅᑦᑎᐊᕐᖢᑎᒃ.
ᔨᐊᕆᑦ ᐹᑯ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᓄᑦ ᐱᔨᑦᑎᕋᖅᑎᓄᑦ
ᑐᑭᓕᐅᖅᑕᐅᕙᓪᓕᐊᔪᖅ
ᑭᒻ ᕚᔅᑐ
ᐊᐅᓚᑦᓯᔨ, ᐊᑐᐊᒐᕐᓄᑦ ᑐᓴᐅᒪᖃᑦᑕᐅᑎᓂᕐᒧᓪᓗ
ᓄᓇᖃᖅᓯᒪᓪᓗᓂ ᑕᒪᐃᓐᓂᒃ Atlantic ᐊᒻᒪ Pacific ᐃᒪᕕᖕᓂ, ᑭᒻ ᓅᓚᐅᖅᓯᒪᔪᖅ ᐅᑭᐅᖅᑕᖅᑑᑉ ᑕᕆᐅᕐᔪᐊᖓᓄᑦ ᐃᖃᓗᖕᓂ 2017−ᖑᑎᓪᓗᒍ.
ᐃᑲᔪᖅᖢᓂᒋᑦ ᓄᑕᖅᑲᑦ, ᒪᒃᑯᒃᑐᑦ, ᐊᒻᒪ ᐃᓚᒌᑦ, ᐃᓚᒋᕐᔪᐊᖅᓯᒪᔭᖓ ᑭᒻ ᐃᓅᓯᖓᓂ, ᐃᖅᑲᓇᐃᔭᓵᓚᐅᖅᖢᓂ Ronald McDonald House ᐃᑲᔪᕋᓱᐊᖅᑎᒃᑯᓐᓂ ®ᓂᒋᖅᐸᓯᕐᒥ ᕿᑎᐊᓂᓗ ᐃᐅᓪᐴᑕ.
2024−ᒥ, ᑭᒻ ᐱᔭᕇᖅᓯᓪᓗᓂ ᐱᔭᕇᕈᓯᐊᕐᒥᒃ ᓇᓗᓇᐃᒃᑯᑕᕐᒥ ᐱᓕᕆᐊᒃᓴᒧᑦ ᐊᐅᓚᑦᑎᓂᕐᒥᒃ ᐃᓕᓐᓂᐊᒐᒃᓴᒥ ᐱᑎᑕᐅᔪᒥᒃ ᐱᓕᕆᖃᑎᒌᒃᖢᑎᒃ ᓄᓇᕗᒻᒥ ᒐᕙᒪᒃᑯᑦ ᐊᒻᒪ York ᓯᓚᑦᑐᖅᓴᕐᕕᒃᔪᐊᖓᑕ Schulich ᐃᓕᓐᓂᐊᕐᕕᖕᒥ ᓇᖕᒥᓂᖃᕐᓂᕐᒧᑦ. ᑭᒻ ᐱᓪᓗᓂᐅᒃ ᐃᓕᓐᓂᐊᕌᓂᒍᓯᐊᖓ ᑐᓴᐅᒪᔪᓕᕆᔨᒃᑯᓐᓂ ᓯᓚᑦᑐᖅᓴᕐᕕᖓ ᑳᓪᒍᕆ ᐊᒻᒪ ᐊᕐᕌᒎᖕᓄ ᒪᕐᕉᖕᓄ ᐃᓕᓐᓂᐊᕌᓂᒍᓯᐊᖅ ᐃᓄᐃᑦ ᐃᓅᓯᖏᓐᓂ ᐅᓂᒃᑲᐅᓯᖃᕐᓂᖅ ᑎᑎᖅᑲᑎᒍᑦ ᓂᒋᖅᐸᓯᐊᓂ ᐃᐅᓪᐴᑕ ᓯᓚᑦᑐᖅᓴᕐᕕᖕᒥ ᖃᕆᑕᐅᔭᓕᕆᕝᕕᖕᒥ.
ᐱᔪᒪᓂᖅᐹᕆᔭᖓ ᐃᓚᖓᒍᑦ ᐊᐅᓪᓚᑲᑕᖕᓂᖅ, ᖁᕕᐊᒋᓂᕐᒥᓄᑦ ᐃᓕᑦᑎᓗᓂ ᐊᑐᕐᓗᓂᓗ ᐊᔾᔨᒌᙱᑦᑐᓂᒃ ᐃᓕᖅᑯᓯᕐᓂ ᓂᕿᓂᒡᓗ. ᑭᒻ ᖁᕕᐊᒋᔭᖃᕐᒥᔪᖅ ᕿᒻᒥᒥᓂᒃ ᓇᒧᙵᐅᖃᑎᖃᑲᑕᒋᐊᒃᓴᖅ, ᕼᐊᑦᓴᓐᒥᑦ; ᐆᑎᕆᓂᕐᒥᒃ; ᖃᖓᑦᑎᐊᓵᕐᓗ ᓇᖕᒥᓂᖅ ᐃᓕᓴᐃᖃᑦᑕᓕᓚᐅᖅᐳᖅ ᐃᒪᕐᒧᑦ ᐊᒥᐊᒐᕐᓂᕐᒥᒃ.
ᓄᕝᕕᔭ ᐃᓄᐊᕋᕐᒃ - ᓄᖅᑲᖓᓚᐅᑲᒃᑐᖅ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᒻᒪᕆᒃ
ᓄᑉᐱᔭ ᐃᓄᐊᕋᖅ ᓄᑖᖑᓂᖅᐹᕆᔭᕗᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᖅᑎᐅᔪᒻᒪᕆᐅᑦᓱᓂ ᒪᐃ 2020.
ᓄᑉᐱᔭ ᐃᓕᓐᓂᐊᕆᐊᖅᓯᒪᔪᖅ ᑖᓪᕼᐊᐅᓯ ᓯᓚᑦᑐᖅᓴᕐᕕᔾᔪᐊᖅᒧᑦ, ᕼᐊᓕᕚᒃᔅ, ᓅᕙ ᔅᑰᓯᐊᒥ, ᐊᒻᒪᓗ ᔫᓂ 2017, ᐱᔭᕇᖅᓯᓚᐅᖅᑐᖅ ᐃᓕᓐᓂᐊᕐᓂᕐᒥᑦ ᐅᖃᖅᑎᑦᓯᔨᐅᑦᓱᓂᓗ ᓄᓇᕗᒻᒥ ᓯᓚᑦᑐᖅᓴᕐᕕᒃᒧᑦ ᐱᑦᓱᓂᓗ ᐱᔭᕇᖅᓯᔾᔪᓯᐊᖅ ᓯᕗᓪᓕᖅᒥ ᖃᐅᔨᓴᕐᓂᕐᒧᑦ ᐅᑭᐅᖅᑕᖅᑐᖅᒥ ᐋᓐᓂᐊᓯᐅᖅᑎᐅᓂᕐᒧᑦ. ᐱᔭᕇᖅᓯᒋᐊᖅᑐᓚᐅᖅᑐᖅ ᐋᓐᓂᐊᓯᐅᖅᑎᐅᓂᕐᒧᑦ ᑲᔪᖏᖅᓴᐃᔪᓕᕆᓂᕐᒧᑦ ᐱᓕᕆᐊᒧᑦ ᐃᓂᖃᖅᑎᑕᐅᓚᐅᖅᑐᖅ ᐊᔾᔨᒌᖏᑦᑐᓂᑦ ᑲᒪᒋᔭᐅᒋᐊᖃᓪᓚᕆᑦᑐᓄᑦ ᐊᑯᓂᐅᔪᒥᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐋᖅᑭᑦᓯᒪᓂᓕᓐᓂᑦ ᕿᑭᖅᑕᓂ ᐋᓐᓂᐊᕕᒃᒥ (QGH). ᓯᕗᕐᖓᒍᑦ ᐃᓚᒋᔭᐅᓕᓚᐅᕋᓂ ᐱᓕᕆᖃᑎᒌᑎᓐᓄᑦ ᐋᓐᓂᐊᓯᐅᖅᑎᐅᓚᐅᖅᑐᖅ ᑐᐊᕕᕐᓇᖅᑐᓕᕆᓂᕐᒧᑦ ᐱᓕᕆᕝᕕᖓᓂᑦ ᕿᑭᖅᑕᓂ ᐋᓐᓂᐊᕕᒃᒥ. ᓄᑉᐱᔭ ᐱᕚᓪᓕᓚᐅᖅᑐᖅ ᐃᓚᖏᓐᓂᑦ ᐱᒻᒪᕆᐅᔪᓂᑦ ᖃᐅᔨᒪᓂᖅᒥ, ᐊᔪᙱᑕᖃᕐᓂᖅᒥ, ᐱᔪᓐᓇᕐᓂᖃᕐᓂᕐᒥᓪᓗ ᐊᕐᕌᒍᓐᓄᑦ ᒪᕐᕉᓐᓄᑦ ᐃᓕᑕᕆᔭᐅᔾᔪᑎᖃᖅᓱᓂ ᐋᓐᓂᐊᓯᐅᖅᑎᐅᓂᕐᒧᑦ ᕿᑭᖅᑕᓂ ᐋᓐᓂᐊᕕᒃᒥ ᐃᑉᐱᓐᓂᐊᓂᖃᖅᓱᓂᓗ ᐱᐅᔪᒃᑯᑦ ᐃᑲᔫᑎᖃᓚᖓᒋᐊᖓ ᑕᐅᑐᖅᑰᖅᑕᖓᓂᑦ ᐊᓪᓚᕝᕕᑦᑕ.
ᖁᕕᐊᒋᔭᖃᕐᓂᖓ ᐱᔨᑦᓯᕋᕐᓂᕐᒥᑦ ᑭᒃᑯᑐᐃᓐᓇᕐᓂᑦ ᓇᓗᓇᐃᖅᓯᓂᕐᒥᓪᓗ ᐱᔨᑦᓯᕋᐅᑏᑦ, ᐊᑐᐊᒐᐃᑦ, ᐱᓕᕆᔾᔪᓰᓪᓗ ᐋᖅᑭᑦᓯᒪᔪᐃᑦ ᓄᓇᕗᒻᒥ ᓈᒻᒪᒃᑲᐊᕐᒪᖔᑕ ᐱᔭᕆᐊᓕᖏᓐᓄᑦ ᐃᓄᒋᐊᓐᓂᖏᓐᓄᑦ. ᐃᖅᑲᓇᐃᔮᖓᑎᒍᑦ, ᓂᕆᐅᓐᓂᖃᖅᑐᖅ ᓴᙱᓕᑎᑦᓯᓂᕐᒥᑦ ᐊᒻᒪᓗ/ᐅᕝᕙᓗᓃᑦ ᐃᑲᔫᑎᖃᕐᓂᕐᒥᑦ ᐱᕙᓪᓕᐊᑎᑦᓯᓂᕐᒧᑦ ᖃᓄᐃᙱᑦᓯᐊᕐᓂᕐᒧᑦ ᑭᒃᑯᑐᐃᓐᓇᕐᓄᑦ ᐊᑐᐊᒐᐃᑦ.
ᑕᔅᑎᓐ ᐸᑕ
ᖃᕋᓴᐅᔭᑎᒎᖓᔪᓂᒃ ᖃᐅᔨᓴᖅᑎᒻᒪᕆᒃ
ᐃᓅᓂᑯ ᓵᓐ ᕗᕌᓐᓯᔅᑯ, ᑳᓕᕗᐊᓂᐊᒥ, ᐱᕈᖅᓴᓪᓗᓂᓗ ᒥᐊᓕᒐᐃᑦ ᓄᓇᖓᓐᓂ ᑲᓇᑕᒥᓗ, ᑕᔅᑎᓐ ᓇᓂᓯᒐᔪᓚᐅᖅᑐᖅ ᐊᕙᓗᔭᐅᓯᒪᓪᓗᓂ ᓄᑖᓄᑦ ᐊᕙᑎᓄᑦ ᐃᓄᖕᓄᓪᓗ. ᐊᒃᓱᕈᕐᓇᕋᓗᐊᖅᑎᓪᓗᒍ, ᑕᔅᑎᓐ ᐅᒃᐱᕈᓱᓚᐅᖅᐳᖅ ᑖᒃᑯᐊ ᐊᔪᖅᓴᙱᖦᖢᑎᒃ ᖃᐅᔨᖃᑦᑕᖅᓯᒪᔭᖏᑦ ᖃᐅᔨᔪᒪᑦᑎᐊᕐᓇᕐᓂᖓᓂᒃ ᐊᒻᒪ ᐅᓂᒃᑳᕈᒪᑦᑎᐊᕐᓇᕐᓂᖓᓂᒃ; ᐃᓅᓯᓕᒫᒧᑦ ᖃᐅᔨᒪᔨᑕᐃᑦ ᐊᓄᕆᒥᒃ ᐊᑐᖅᓯᒪᔪᑦ ᐊᔾᔨᐅᙱᑦᑐᒥᒃ ᐊᑐᖅᓯᒪᔭᒥᓂᒃ.
ᐃᓕᓐᓂᐊᖅᓯᒪᑦᑎᐊᖅᖢᓂ, ᑕᔅᑎᓐ ᐃᖏᕐᕋᓂᕆᔭᖓ ᐊᔾᔨᒋᔪᓐᓃᖅᓯᒪᖕᒪᒍ ᐃᓅᓯᖓᓂ ᐊᑐᖅᓯᒪᔭᖓᑎᑐᑦ. ᐅᑭᐅᖕᓄᑦ ᒪᕐᕉᖕᓄᑦ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᓚᐅᖅᑐᖅ, ᑕᑯᒃᓴᐅᑦᑎᐊᖅᖢᓂ ᐅᓂᒃᑳᖅᑐᐊᕈᓐᓇᖅᖢᓂ. ᐊᕐᕌᒍᒐᓴᑦ ᐊᓂᒍᖅᑎᓪᓗᒋᑦ, ᐱᓇᔪᓕᓚᐅᖅᓯᒪᕗᖅ ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᕌᓂᒍᓯᐊᕐᒥᒃ ᑐᓴᐅᒪᑎᑦᑎᓂᕐᒧᑦ ᓴᐃᒪᓐ ᕗᕋᐃᓱ ᓯᓚᑦᑐᖅᓴᕐᕕᒡᔪᐊᖓᓂ, ᑭᖑᓂᐊᒍᓪᓗ ᐊᑯᓪᓕᕐᒥ ᐃᓕᓐᓂᐊᕈᓯᐊᖅᖢᓂ ᓯᓚᑦᑐᖅᓴᕐᕕᒡᔪᐊᒥᑦ ᐳᕆᑎᔅ ᑲᓚᒻᐱᐊᒥ ᐊᓂᒍᐃᓪᓗᓂ ᐃᓕᓐᓂᐊᕐᕕᖕᒥ ᐱᕙᓪᓕᐊᔪᓕᕆᓂᕐᒥᒃ.
ᐃᓕᓐᓂᐊᖅᑕᒥᓂᒃ ᐊᓂᒍᐃᓚᐅᖅᑎᓪᓗᒍ, ᑕᔅᑎᓐ ᐅᑭᐅᖅᑕᖅᑐᒧᐊᓚᐅᖅᐳᖅ, ᐃᖃᓗᖕᓄᐊᖅᖢᓂ ᓯᑎᐱᕆ 2019−ᒥ ᐱᕙᓪᓕᐊᔪᓕᕆᔨᐅᔭᖅᑐᖅᖢᓂ ᓄᓇᑦᓯᐊᑉ ᐱᕙᓪᓕᐊᔪᖏᓐᓄᑦ. ᑕᐃᒪᙵᓂᑦ, ᐃᖅᑲᓇᐃᔭᖅᓯᒪᓕᖅᑐᖅ Inhabit ᐃᓕᓐᓂᐊᖅᑐᓕᕆᔨᒃᑯᓐᓂ, ᓰᕖᓰ ᐅᑭᐅᖅᑕᖅᑐᒥ, ᐊᒻᒪᓗ ᐱᕙᓪᓕᐊᔪᓕᕆᔨᐅᓪᓗᓂ. ᐃᑲᔪᖅᓯᒪᔪᖅ ᖃᐅᔨᒪᔭᐅᑦᑎᐊᖅᑐᓄᑦ ᐅᖃᓕᒫᒐᕐᓄᑦ ᓲᕐᓗ ᑲᓇᑕᒥ ᐱᕙᓪᓕᐊᔪᓂ, Globe and Mail, ᐊᒻᒪᓗ ᑲᓇᑕᒥ ᓄᓇᓕᕆᔨᓂᒃ.
ᑕᔅᑎᓐ ᐊᔾᔨᓕᐅᕈᑎᖃᖅᑎᓐᓇᒍ ᐅᕝᕙᓘᓐᓃᑦ ᖃᕋᓴᐅᔭᐅᑉ ᓵᖓᓂ, ᓇᓂᔭᐅᔪᓐᓇᖅᑐᖅ ᒥᖅᓲᑎᓕᕆᔪᖅ, ᓴᓇᓗᓂᓘᓐᓃᑦ ᓄᓇᓯᐅᑎᒥᒃ, ᐅᕝᕙᓘᓐᓃᑦ ᓄᓇᐃᓐᓇᒧᑦ ᐊᐅᓪᓚᖅᓯᒪᓗᓂ.
ᕌᔅ ᕘᒐᓴᓐ
ᖃᕋᓴᐅᔭᑎᒎᖓᔪᓂᒃ ᖃᐅᔨᓴᖅᑎᒻᒪᕆᒃ
ᕌᔅ ᐃᓅᓚᐅᖅᑐᖅ ᐱᕈᖅᓴᓪᓗᓂᓗ horse ranch−ᒥ ᐱᖓᓐᓇᖅᐸᓯᐊᓂ ᓂᐅ ᐳᕋᓐᔅᐅᐃᒃᒥ. ᐱᕈᖅᓯᒪᒐᓗᐊᖅᖢᓂ ᕌᔅ ᐃᓱᒪᒋᔭᖓᓂ ᐊᔾᔨᒌᙱᓛᓂᑦ ᓄᓇᓂᑦ ᓄᓇᕐᔪᐊᒥᑦ, ᑐᓴᕈᒪᐃᓐᓇᐅᔭᖅᑐᖅ ᐊᓯᖏᓐᓂᑦ ᐃᓕᖅᑯᓯᕐᓂᑦ. 1988-ᒥ, ᑖᓐᓇ ᖃᐅᔨᔪᒪᓂᖅ ᑐᕌᖅᑎᑦᑎᓪᓗᓂ ᐱᓇᓱᖕᓂᕐᒥᒃ ᐃᓕᓐᓂᐊᒃᑲᓐᓂᕐᓂᕐᒥᒃ ᐃᓕᖅᑯᓯᓕᕆᓂᕐᒥᒃ ᐊᒻᒪ ᓄᓇᖃᖅᑳᖅᓯᒪᔪᓂᒃ ᖃᐅᔨᓴᕐᓂᕐᒨᖓᔪᓂᒃ. ᓈᒻᒪᒃᓴᙱᖦᖢᓂ ᐊᒻᒪ ᐊᑲᐅᒃᓴᙱᖦᖢᓂ ᐃᓕᑕᒥᓂᒃ ᓄᓇᑐᖃᕆᙱᑕᒥᓄᑦ ᓄᓇᑖᖅᑎᑕᐅᓯᒪᔪᓂᒃ, ᕌᔅ ᓯᓚᑦᑐᖅᓴᕐᕕᒡᔪᐊᒥ ᐱᓕᕆᖃᑕᐅᔪᓐᓃᓚᐅᖅᐳᖅ. ᑕᐃᔅᓱᒪᓂᓕ ᐱᒋᐊᓕᓚᐅᖅᑐᖅ ᐅᖃᐅᓯᖃᖅᑐᓂ "ᐊᕙᑎᓄᑦ ᐅᑭᐅᓄᑦ ᐊᐅᓪᓛᖅᓯᒪᓪᓗᓂ" ᑲᓇᑕᐅᑉ ᐱᖓᓐᓇᖓᓂ. ᐅᑭᐅᑦ ᖁᓕᑦ ᐊᑐᖅᑎᓪᓗᒋᑦ, ᕌᔅ ᐱᓕᕆᓚᐅᖅᐳᖅ ᖃᖅᑲᓕᖕᒥᑦ ᐃᖃᓗᒐᓲᑎᓄᑦ ᖃᐅᔨᒪᔨᑕᐅᓪᓗᓂ, ᔫᑳᓐᒥ ᓄᓇᑐᐃᓐᓇᕐᒥᓪᓗ ᖃᐅᔨᒪᔨᑕᐅᓪᓗᓂ, ᐊᒻᒪ ᐳᕆᑎᔅ ᑲᓚᒻᐱᐊ ᓯᒡᔭᖓᓂ ᓇᐹᖅᑐᓕᕆᔨᐅᓪᓗᓂ.
ᕌᔅ ᐅᑎᕐᒪᑦ ᓂᐅ ᐳᕋᓐᔅᐅᐃᒃᒧᑦ, ᐱᓕᕆᐊᖃᕈᒪᓕᓚᐅᖅᑐᖅ ᐊᑲᐅᙱᓕᐅᕈᑎᒥᓂᒃ ᐃᓕᓚᐅᖅᑕᖓᓂᒃ ᓯᕗᓪᓕᖅᐹᒥ ᓯᓚᑦᑐᖅᓴᕐᕕᒡᔪᐊᒥ. ᑕᒪᓐᓇ ᐋᖅᑭᒍᑕᐅᓚᐅᖅᑐᖅ ᐱᔭᕇᖅᓯᔪᓐᓇᖅᓯᓚᐅᖅᐳᖅ ᐃᓕᑕᕆᔭᐅᔾᔪᑎᑖᖅᑐᓂᒃ ᐃᓱᒪᓕᕆᔨᓂᒃ, ᐊᒻᒪ ᐃᓄᓕᕆᓂᕐᒥᒃ ᑐᕌᒐᖃᓪᓗᐊᑕᖅᖢᓂ ᓄᓇᖃᖅᑳᖅᓯᒪᔪᑦ ᓄᑕᖅᑲᑦ ᓴᐳᔾᔭᐅᒋᐊᖃᕐᓂᖏᓐᓂᒃ. ᐃᖅᑲᓇᐃᔮᖓ ᓄᑕᖅᑲᓂᑦ ᓴᐳᔾᔨᔨᐅᓪᓗᓂ ᐱᒋᐊᓚᐅᕋᓗᐊᖅᑎᓪᓗᒍ ᓂᐅ ᐳᕋᓐᔅᐅᐃᒃᒥ, ᕌᔅ ᐅᑎᒃᑲᓐᓂᓚᐅᕐᒥᔪᖅ ᕗᕆᑎᔅ ᑲᓚᒻᐱᐊᒧᑦ ᐊᒻᒪ ᔫᑳᓐᒧᑦ.
ᕌᔅ ᐱᔪᒪᓂᖓ ᐅᑭᐅᖅᑕᖅᑐᒥ ᓯᐊᒻᒪᒃᓯᒪᐃᓐᓇᐅᔭᖅᑐᖅ ᐃᓅᓯᖓᓂ. ᐊᓃᖅᖢᓂ ᐱᓕᕆᕈᓘᔭᖃᑦᑕᖅᑎᓪᓗᒍ, ᐃᓱᒪᒋᔭᖃᖃᑦᑕᖅᓯᒪᔪᖅ ᕿᑭᖅᑖᓗᖕᒥ ᕿᒥᕐᕈᔪᒪᓯᒪᓪᓗᓂ ᐃᖅᑲᐅᒪᓇᕈᓐᓃᖅᐸᓵᕐᒪᑦ ᖃᖓᓂᒃᑭᐊᖅ. ᕌᔅᒧᑦ, ᐃᖃᓗᖕᓃᖦᖢᓂ, ᐃᑲᔪᕈᓐᓇᖅᖢᓂ ᒪᒃᑯᒃᑐᓂᒃ ᐃᖃᓗᒍᓐᓇᖅᓯᓗᓂᓗ, ᐃᓱᒪᒋᖃᑦᑕᖅᓯᒪᔭᖓᑕ ᐃᓚᖓ ᐊᑐᖅᓯᒪᔭᐃᓐᓄᒋᓕᖅᖢᓂᐅᒃ.
ᕕᓐᑎ ᒪᒃᐸ
ᑲᒪᔨᒻᒪᕆᒃ
ᑐᑭᓕᐅᖅᑕᐅᕙᓪᓕᐊᔪᖅ
ᕕᓕᑉ ᑦᓯᐊᓐ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᒻᒪᕆᒃ
ᕕᓕᑉ ᐱᕈᖅᓴᓚᐅᖅᑐᖅ ᐋᑐᕚᒥ ᐊᓂᓯᓇᐱᒡ ᓄᓇᖓᓂ. ᖃᐅᔨᒪᔭᐅᓚᐅᖅᐳᖅ ᐊᒃᓱᕉᑎᖃᓪᓚᕆᖕᓂᖓᓂᒃ ᐊᔾᔨᒌᒃᑎᑦᑎᓂᕐᒥᒃ ᐊᒻᒪ ᒪᓕᒐᓕᕆᓂᕐᒥᒃ, ᐊᖓᔪᖅᑳᒥᓄᑦ ᐊᑲᐃᓪᓕᐅᕈᑎᖃᕋᓗᐊᖅᑎᓪᓗᒍ. ᐅᒃᐱᕈᓱᒃᐳᖅ ᐃᓅᓯᕐᒥᓂ ᐊᑐᖅᓯᒪᔭᖏᑦ ᐊᓯᒥᓂᒃ ᐃᒃᐱᒍᓱᑦᑎᐊᕈᑎᒋᖕᒪᒋᑦ ᑭᖑᕚᕇᓂᑦ ᖁᐊᖅᓵᕐᓇᖅᑐᒃᑰᕈᑕᐅᕙᒃᑐᓂᑦ ᐊᒃᑐᖅᑕᐅᓯᒪᔪᓂᓪᓗ ᓄᓇᒋᔭᒥᓂ ᐊᑲᐅᙱᓕᐅᕈᑕᐅᔪᓂᑦ.
ᕕᓕᑉ ᐱᔭᕇᕈᓯᐊᓚᐅᖅᐳᖅ ᐊᓂᖅᑎᕆᑦᑎᐊᕈᓐᓇᙱᑦᑐᓂᑦ ᖃᐅᔨᓴᕐᓂᕐᒧᑦ ᐋᓪᒑᓐᑯᐃᓐ ᓯᓚᑦᑐᖅᓴᕐᕕᖓᓂ 2003−ᒥ ᐊᒻᒪ ᐃᒃᐱᖕᓂᐊᔪᓐᓃᖅᑎᑦᑎᔨᒧᑦ ᐃᑲᔪᖅᑎᒧᑦ ᓇᓗᓇᐃᒃᑯᑕᖅᑖᓚᐅᖅᖢᓂ ᑖᒻᓴᓐ ᕆᕗᔅ ᓯᓚᑦᑐᖅᓴᕐᕕᒡᔪᐊᕐᒥ 2016−ᒥ.
ᐊᔪᕈᓐᓃᖅᓴᕈᒪᓪᓚᕆᒃᖢᓂ ᐅᑭᐅᖅᑕᖅᑐᒥ, 2018 ᐱᒋᐊᓕᓵᖅᑎᓪᓗᒍ ᕕᓕᑉ ᐅᑭᐅᖅᑕᖅᑐᒧᐊᓚᐅᖅᐳᖅ ᐱᓕᕆᔭᖅᑐᖅᖢᓂ ᓯᕗᓪᓕᖅᐹᑦᑎᐊᒥ ᓄᓇᓕᓕᒫᓂ ᖃᐅᔨᓴᕈᒪᓪᓗᓂ ᐳᕙᒡᓗᖕᓇᒧᑦ ᑖᒃᑯᓂᖓ ᐊᕐᕌᒍᖃᑎᒌᙱᑦᑐᓂᑦ ᕿᑭᖅᑕᕐᔪᐊᒥ. ᑭᖑᓂᐊᒍᑦ ᐃᖅᑲᓇᐃᔭᓕᓚᐅᖅᓯᒪᔪᖅ ᐊᖏᖃᑎᒌᒍᑎᒃᑯᑦ ᕿᑭᖅᑕᓂ ᐋᓐᓂᐊᕕᐊᓗᖕᒥ ᐊᒻᒪᓗ ᓂᐱᒋᔭᐅᖏᓐᓇᖃᑦᑕᓕᖅᖢᓂ ᐊᔭᐅᖅᑐᐃᓪᓗᓂ ᐃᓚᒋᐊᖅᑕᐅᖁᓪᓗᒋᑦ ᐱᔨᑦᑎᕋᐅᑏᑦ ᐊᒻᒪᓗ ᑲᒪᒋᔭᐅᔪᑦ ᐊᖏᕐᕋᖏᓐᓄᑦ ᖃᓂᓐᓂᖅᓴᐅᖁᓪᓗᒋᑦ ᓄᓇᕗᒻᒥᐅᑦ.
ᑭᒡᒐᖅᑐᐃᖏᓐᓇᕈᒪᓪᓗᓂ ᓈᒻᒪᒃᑐᓂᒃ, ᐊᔾᔨᒌᒃᑎᑦᑎᔪᓂᒃ, ᐊᒻᒪ ᐊᔾᔨᒌᒡᔫᒥᔪᓂᒃ ᐱᔨᑦᑎᕋᐅᑎᓂᒃ, ᕕᓕᑉ ᑎᑎᕋᕐᕕᑦᑎᓐᓄᐊᓚᐅᖅᐳᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᒻᒪᕆᐅᓪᓗᓂ 2025−ᒥ.
ᐃᖅᑲᓇᐃᔮᖓᑕ ᓯᓚᑖᒍᑦ, ᕕᓕᑉ ᐃᓕᓐᓂᐊᕈᒪᐃᓐᓇᖃᑦᑕᖅᐳᖅ ᓄᑖᓂᒃ ᐊᒻᒪ ᐊᔾᔨᒌᙱᕈᓘᔭᖅᑐᓂᒃ ᐊᔪᕈᓐᓃᖅᓴᖅᐸᒡᓗᓂ ᖁᕕᐊᒋᔭᖃᖅᖢᓂᓗ ᐃᙱᑲᑕᕐᓂᕐᒥᒃ, ᑐᒃᑲᕆᐊᓕᖕᓂᕐᒥᒃ, ᓄᒃᑕᕐᓂᕐᒥᒃ, ᐊᒻᒪ ᐅᒥᐊᖅᑐᕐᓂᕐᒥᒃ.
ᕘᓐᒥᓚᐅᓚ ᐅᐃᓐᑑᑯᓐ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᒻᒪᕆᒃ
ᕙᐃᕗ ᐱᔭᕇᖅᓯᓚᐅᖅᐳᖅ ᓯᕗᓪᓕᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ ᐋᒻᐳᕉᔅ ᐋᓕ ᓯᓚᑦᑐᖅᓴᕐᕕᒡᔪᐊᕐᒥ ᐃᒃᐴᒪ, ᓂᒋᐅᕆᐊᒥ 2009−ᖑᑎᓪᓗᒍ. ᑲᓇᑕᒧᑦ ᓅᓚᐅᖅᖢᓂ 2014−ᒥ, ᐱᔭᕇᖅᓯᓚᐅᖅᐳᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᓕᕆᔨᐅᓂᕐᒧᑦ ᓇᓗᓇᐃᒃᑯᑕᖅᑖᖅᖢᓂ ᐅᕇᕕᔅ ᓯᓚᑦᑐᖅᓴᕐᕕᖕᒥ ᐃᐊᑦᒪᓐᑕᓐ, ᐋᓪᐴᑕᒥ. ᑕᒪᓐᓇ ᐊᑐᖅᑎᓪᓗᒍ, ᐊᔪᕈᓐᓃᖅᐹᓪᓕᖅᓯᒪᓪᓚᕆᒃᑐᖅ ᖁᐊᖅᓵᖅᓯᒪᔪᓂᒃ−ᑐᑭᓯᐅᒪᓗᓂ ᑲᒪᔪᓐᓇᕐᓂᕐᒧᑦ, ᐊᑲᐅᙱᓕᐅᕈᑎᒋᔭᐅᔪᓂᒃ ᐋᖅᑭᒃᓱᐃᓂᕐᒥᒃ, ᐊᒃᓱᕈᕐᓇᖅᑐᒃᑰᖅᑐᓂᒃ ᐃᑲᔫᑎᐅᔪᓂᑦ, ᒪᒃᑯᒃᑐᓂᒡᓗ ᐱᕙᓪᓕᐊᑎᑦᑎᓂᕐᒥᒃ.
ᕙᐃᕗ ᐃᓅᖃᑎᒥᓂᒃ ᐃᑲᔪᕈᒪᑦᑎᐊᖅᑐᖅ ᖃᐅᔨᒪᔭᐅᓪᓗᓂ ᐃᒃᐱᒍᓱᑦᑎᐊᕐᓂᖓᓄᑦ, ᕿᓄᐃᓵᕈᓐᓇᕐᓂᖓᓄᑦ, ᐊᒻᒪ ᐊᑦᑕᕐᓇᙱᑦᑐᒥᒃ, ᐃᑲᔪᖅᓱᐃᑦᑎᐊᖅᑐᒥᒃ ᐃᓅᖃᑎᖃᕈᓐᓇᕐᓂᕐᒥᒃ ᐊᔾᔨᒌᙱᑦᑐᓂᒃ ᒪᒃᑯᒃᑐᓂᒃ.
ᕙᐃᕗ ᑎᑎᕋᕐᕕᑦᑎᓐᓄᐊᓚᐅᖅᐳᖅ ᐊᐅᔭᒃᑯᑦ ᐃᓕᓐᓂᐊᖅᑎᐅᓪᓗᓂ 2025−ᒥ, ᐱᕙᒌᔭᖅᓯᒪᓪᓗᓂᓗ ᐱᒋᐊᓛᕈᒪᓪᓗᓂ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓄᓕᕆᔨᐅᓂᕐᒧᑦ ᓇᓗᓇᐃᒃᑯᑕᖅᑖᕐᓂᕐᒥᒃ 2026−ᒥ ᑭᒡᒐᖅᑐᐃᓗᓂ ᐱᓕᕆᐊᒥᓂᒃ ᐱᕚᓪᓕᖅᑎᑦᑎᔪᒪᓪᓚᕆᖕᒪᑦ ᐃᓄᖕᓂᒃ ᓄᓇᓕᖕᓂᒡᓗ.
ᕙᐃᕗ ᐃᑲᔪᖅᑐᐃᙱᒃᑳᖓᑦ ᓄᑕᖅᑲᓂᒃ, ᒪᒃᑯᒃᑐᓂᒃ, ᐊᒻᒪ ᖃᑕᙳᑎᒌᓂᒃ, ᑕᕐᕆᔭᖅᖢᓂ ᖁᕕᐊᒋᔭᖓ, ᑎᑎᕋᑲᑕᒃᖢᓂ, ᐊᒻᒪ ᖃᑕᙳᑎᒥᓂᒃ ᐱᖃᑎᖃᖅᖢᓂ.
ᐴ ᕚᔅᑐ
ᖃᕋᓴᐅᔭᑎᒎᖓᔪᓂᒃ ᖃᐅᔨᓴᖅᑎᒻᒪᕆᒃ
ᐅᑭᐅᑦ 25 ᐅᖓᑖᓄᑦ ᐊᐅᓚᑦᑎᔨᐅᖃᑦᑕᖅᓯᒪᓪᓗᓂ ᓯᓚᒥᓗ ᐱᓕᕆᖃᑦᑕᖅᓯᒪᓪᓗᓂ, ᐴ ᖁᕕᐊᒋᔭᖃᐃᓐᓇᐅᔭᖅᐳᖅ ᐱᓕᕆᖃᑎᖃᕐᓂᕐᒥᒃ ᓄᑕᖅᑲᓂᒃ ᐃᓚᒌᓂᒡᓗ.
ᐴᑉ ᐱᓕᕆᔨᒻᒪᕆᐅᓂᖓ ᐃᓕᖅᑯᓯᓕᕆᓂᕐᒥᒃ ᐊᒻᒪ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ, ᐱᓕᕆᖃᑎᖃᓪᓗᐊᑕᖅᐸᒃᖢᓂ ᐊᑦᑕᕐᓇᖅᑐᒦᑦᑐᓂᒃ ᒪᒃᑯᒃᑐᓂᒃ, ᓄᑕᖅᑲᓂᒃ ᑲᒪᒋᔭᐅᔪᓂᒃ, ᐱᕙᓪᓕᐊᓂᕐᒧᑦ ᐊᔪᕈᑎᓕᖕᓂᒃ, ᐋᖓᔮᕐᓇᖅᑐᓄᑦ ᐃᒥᐊᓗᖕᒧᓪᓗ ᒪᒥᓴᕐᓂᕐᒧᑦ ᐱᓕᕆᐊᒃᓴᓂᒃ, ᐊᒻᒪ ᒪᒃᑯᒃᑐᓂᒃ ᐊᔾᔨᒌᙱᑦᑑᑎᓂᒃ ᑎᒍᔭᐅᓯᒪᕝᕕᖕᒦᑦᑐᓂᒃ.
ᐴ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᔪᖅ ᒪᒥᓴᕐᓂᕐᒧᑦ ᓯᓚᑦᑐᖅᓴᕐᕕᒡᔪᐊᕐᒥ ᑳᓪᒍᕆᒥ ᐊᒻᒪ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ ᐱᔾᔪᑎᖃᓪᓗᐊᑕᖅᖢᓂ ᐃᓅᖃᑎᒌᓂᒃ ᓇᖕᒥᓂᖃᕐᓂᕐᒥᒃ ᐊᒻᒪ ᓯᕗᓕᖅᑎᐅᓂᕐᒥᒃ ᓯᓚᑦᑐᖅᓴᕐᕕᒡᔪᐊᕐᒥ ᕗᕆᑐᕆᒃᑕᓐᒥ.
ᐴ ᐃᖃᓗᖕᓄᑦ ᓅᓚᐅᖅᓯᒪᔪᖅ 2025−ᒥ ᐅᑭᐊᒃᓵᒃᑯᑦ. ᐴ ᐃᓅᓯᓕᒫᑲᓴᖓ ᑳᓪᒍᕆ, ᐋᓪᐴᑕᒥ ᓄᓇᖃᓚᐅᖅᓯᒪᔪᖅ, ᑭᓯᐊᓂ ᐅᑭᐅᓂᒃ 8-ᓂᒃ, ᓄᓇᖃᓚᐅᖅᓯᒪᓪᓗᓂ ᐆᕆᒐᓐᒥ ᐃᓚᖏᓪᓗ, ᒪᕐᕉᒃ ᕿᑐᕐᖓᖏᑦ ᐊᒻᒪ ᒪᕐᕉᒃ ᕿᒻᒥᖏᑦ.
ᓄᖅᑲᖓᓕᕌᖓᒥ, ᐴ ᖁᕕᐊᒋᔭᖃᖅᐳᖅ ᐃᓚᒥᓃᒋᐊᒃᓴᖅ, ᐅᖃᓕᒫᖅᖢᓂ, ᐱᙳᐊᖅᑐᓂᒃ ᖁᙱᐊᕆᐊᒃᓴᖅ, ᐊᒻᒪ ᓄᑖᓂᒃ ᑭᐱᙳᐃᔭᐅᑎᓂᒃ ᐃᓕᑦᑎᕙᓪᓕᐊᓪᓗᓂ, ᒫᓐᓇᓵᖑᓚᐅᖅᑐᖅ ᓂᐊᖂᔭᓕᐅᕆᐅᓵᓚᐅᕆᓪᓗᓂ.
ᑳᓖᓐ ᓴᑉᔅ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᒻᒪᕆᒃ
ᑳᓖᓐ ᖁᕕᐊᒋᔭᖃᐃᓐᓇᐅᔭᖅᑐᖅ ᐱᓕᕆᖃᑎᖃᕆᐊᒃᓴᖅ ᐃᑲᔪᕆᐊᒃᓴᕐᓗ ᐃᓄᖕᓂᒃ.
ᐱᓕᕆᖃᑦᑕᖅᓯᒪᕐᔪᐊᖅᐳᖅ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᔾᔨᒌᙱᕈᓘᔭᖅᑐᓂᒡᓗ ᐋᓐᓂᐊᓪᓚᕆᒃᑐᓂᒃ, ᐃᓚᒋᔭᐅᓪᓗᑎᒃ ᐃᓅᓕᓴᐅᑎᓕᕆᓂᖅ, ᓄᑕᕋᓕᕆᓂᖅ, ᐊᒻᒪ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᕐᓂᖅ, ᐊᑯᓂᐊᓗᒃ ᑲᒪᒋᔭᐅᕝᕕᖕᒥ ᐃᖅᑲᓇᐃᔭᖃᑦᑕᖅᓯᒪᓪᓗᓂ ᐊᕙᑎᑲᓴᖕᓄᑦ ᐅᑭᐅᓄᑦ ᓂᖃᐃᓱᖅᑐᓕᕆᔨᐅᓯᒪᓪᓗᓂᓗ ᑲᒪᒋᔭᐅᖏᓐᓇᕆᐊᖃᓪᓚᕆᒃᑐᓄᑦ ᐅᑭᐅᓄᑦ ᖁᓕᓄᑦ.
ᐃᖃᓗᖕᓂ, ᑳᓖᓐ ᐃᖅᑲᓇᐃᔭᖃᑦᑕᖅᓯᒪᔪᖅ ᐃᓐᓇᒃᑯᕕᖕᒥ, ᕿᑭᖅᑕᓂ ᐋᓐᓂᐊᕕᖕᒥ ᐋᓐᓂᐊᕕᐊᓗᖕᒥ, ᐊᒻᒪ ᐊᑲᐅᓯᓴᕐᕕᖕᒥ ᐃᓱᒪᓕᕆᔨᒃᑯᓐᓂ.
ᑳᓖᓐ ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᓛᐸᑐᐊᑉ ᓯᒡᔭᖓᑕ ᓂᒋᐊᓂ ᓅᓚᐅᖅᓯᒪᓪᓗᓂᓗ Corner Brook, ᓂᐅᕙᐅᓐᓛᓐᒧᑦ ᐊᖓᔪᒃᖡᑦ ᐃᓕᓐᓂᐊᕇᕋᒥᒃ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕆᐊᖅᖢᓂ. ᑳᓖᓐ ᐱᔪᒪᓂᖃᐃᓐᓇᐅᔭᓚᐅᖅᐳᖅ ᐅᑭᐅᖅᑕᖅᑐᒥ 2020−ᒥᓗ ᑕᐅᑐᙳᐊᖅᑕᒥᓂᒃ ᑲᔪᓯᑎᑦᑎᓚᐅᖅᐳᖅ ᓅᖦᖢᓂᓗ ᓄᓇᕗᒻᒧᑦ.
ᑳᓖᓐ ᓂᕆᐅᒋᔭᖃᖅᐳᖅ ᐱᕕᒃᓴᒥᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒻᒪᕆᐅᓕᕐᓗᓂ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᑦ ᐊᓪᓚᕝᕕᖕᒥ, ᖃᐅᔨᒪᓂᕆᔭᖓ ᐊᑐᖅᓯᒪᔭᖓᓗ ᑲᒪᑦᑎᐊᖅᐸᖕᓂᖓᓄᑦ, ᐃᒃᐱᒋᔭᖃᑦᑎᐊᕐᓂᖓᓄᓪᓗ.
ᐋᐱᒋᐅᓪ ᐊᑏᓐᓴ
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᒻᒪᕆᒃ
ᑐᑭᓕᐅᖅᑕᐅᕙᓪᓕᐊᔪᖅ