Kitkunnut Havaktugut


Nutaqqanut Inuulrammiinullu havaktugut. Pittaarupta, ikayurniqmut havaavut naunaiqtauyuq hunamik uqaraangangata uvaptiknut.

Maligaptikni, nutaraq kinami 15nik ukiulik 15nit ataaniluuniit. Inuulrammiiq 16mit 18mut ukiulik. Tamna Havaktinga Nutaqqanut Inuulrammiinullu Maliganga piqaqtuqlu pittaarumi ikayuqtaaqtavut kinaliqaak avatqumayuq 18nik ukiunik.Tamna ikayuqtipkaiyaatigut inuulrammiqmik 19nit 21mut ukiuqaqtunik imaatut:

  • apirhirumi ikayuqtaugumiluniit titiraqhimayumi Ilihainiqmut Maligangani pittaarumilu titiraqhimayumi Maligaqmi sikuuqtukhamik

  • apirhuqtauyukhaq ihuinaaqqat titiraqhimayumi Inuulrammiit Ihuinaaqtut Apirhuinikkut Maligananik unaluuniit Inuulrammiit Inuinaaqtut Maliganani huli ihuinaarutitaungitpat ihuinaarutitaugumiluuniit
  • ihuinaarutitaukpat ihuinaarutinganik pihimatilluni Inuulrammiit Ihuinaaqtut Apirhuinikkut Maligananik uumaniluuniit Inuulrammiit Inuinaaqtut Maliganani iniqtingitaalu ihuinaarutinganik

  • akuniraalukmik timimitigut, ihumamitigut, ilihimaniqmitigut timimitigutlu ayurhautiqarumi

Ikayuqtaaqtaqqullu inuulrammiq 19mit 25mut ukiuqaqqat ikayuqtaugumi uumannga Nutaqqat Ilagiiktullu Ikayuqtauyut Maliganganit. Naunairyuumirumaguvit hapkunuuna naunaitkutinik, uqaqatigiluta.