INUNGNUT TUHAQTIDJUTIKHAQ
Tarium Hikutirvia 23, 2021
Nutaqqanut Inulramirnullu Uqaqtikhaanik tunijun 2020-2021 ukiuq tamaat unniudjutait
Iqaluit, NU – Aajjikkiingniqarutaanun aippaanganiup ukiuq tamaat unniudjutaanin, Nutaqqanut Inulramirnullu Uqaqtikhaanik (Uqaqtia) taitai tuniniarhimajuq naittumik-naunaitkutimik qanuqtun ininngani inulrammiupluni pidjutainni Nunavut Kavamangani (GN) havagutainni.
Taimaitkaluarhuni umani ukiumi Qanurinninginni Inulrammiinni Nunavunmiutani ilangani tunihimajuq amigaitqijaujunik ilitturipkaidjutikhanik talvannga hitamanin pilluarutinin nutaqqani- inulrammiinnilu ikajurviinnin GN-kunni havakviinni; tunnganiqarhuni Junemi uqarvighami uvani katimajiralaangunnaqtuni uvani Amirinikkut Kavamatkunni Aulapkaidjutainni Kavamatkunnilu Maniliqidjutainni, una Uqaqtia, Jane Bates, uqaqtuq, “Piqangittuq ikajuutikhaqaqtunik aallanguqtirutikhanik ilanginnin havagviinnin kangiqhihimanikkut anginiqarniani pittiarutaanilu naunaijarutimi uumani ilitturipkaidjutini.”
“Havagviit ajuiqjuummiqtiqtukhat naunaijarutinik uumani ilitturipkaidjutini pijaamik qilamik pidjutinik ihuaqtun ilitturpkaidjutinik mighaagun havagutimingnik,” uqaqtuq Bates. “Pihimangitkumigit, ilitturihimajunik, pihimajukhanik ihumaliurutilimaittun talvuuna nakuutqijaujunun pidjutikhainnun tamainni Nunavunmiunnun, ukunungaungittunullu nunapta pivighaqaitqijaujunun nutaqqanun inulrammiinnullu.”
Una Uqaqtia niriuktuq takujumapluni pidjutikhamik pivallialiqtuq havagviinni atulirlutik ilitturipkaidjutinik uvani RCYO-kut ukiuq tamaat unniudjutaani piliuriami ilitturihimajunik ihumaliurutinik pimmarigharlugillu kavamatkunni havagutainnik inulrammiinnun Nunavunmiunnun. Nutaat ilaliutihimajun uumani ukiup ukiuq tamaat unniudjutimi ilalik:
• uuminnga amirinikkut naunaitkutimik naunaijariami havagviit hivumuurutainnik iniqtirnikkut pitquidjutinik piliuqtauhimajun RCYO-kunnin;
• naunaijattiarutit iharigijaujuni aannirhimadjutini tuqudjutinilu naunaijarutainni, ublukhaqarlutik talvannga Saptaipa 30, 2015; taimaalu
• una RCYO-kut havagutikkut aturaanginnarutait nakuunikkullu qaujihimanikkut qanuriliurutait, tunnganiqaqtun Inuit Inuuqatigiingnikkut Uppiridjutait uvanilu Kanadami Akhuurhainikkut Aturutait.
Una RCYO-kut 2020-2021 ukiut tamaat unniudjutaa ilihimajuq katimadjutikhamun Maliugaliurvingmi Nunavunmi uvani Nuvaipa 19, 2021.
###
Tuhaqtipkainikkut Uqarvigijakhaq:
Kim Foster
Atannguyaq Tuhaqtittiyinut Inungniklu Ilitturipkainiqmik
Uqaqtighaat Nutaqqat Inulrammiillu Havakviat
867-975-5091 | kfoster@rcynu.ca
Nunavut misses mark on school violence database as child advocate slams government's poor recordkeeping