TUHAAYAGHAT HAILIYAUHIMAYUT
Tuhaqtinnariqtughat
Iqaluit, NU – Havagviat Nutaqqanut Inulramirnullu Uqaqtikhaanik (RCYO) havaktiita aktuqhimavagaat inulrammirnut Nunavunmi nunaliinnit qanuq ikayurumayangit haffumani ihumakkut aanniaqtailinirnut nutaqqanut inulrammirnullu.
Uvani October 2017 mi, una RCYO turaaqhihimayangit ikayuutikhainit ilagivluniuk qimilrurnikhainnut, RCYO havaktiita aulattitivlutik nalunaiqhiivlutik inulrammirnut iliharvingnut tamainnut Qitirmiunmi, Kivallirmi, Qikiqtani aviktuqhimayunmi. Ublumimut, avatquttumik 140 nit nalunaiqhiiyut iniqhimayangit inulrammirnut Nunavunmiunut.
Una nalunaiqhiiyut angmaumavlutik inulrammirnut nipingit tuhaqtaugiami ikayuutikhainit ilihautikhangillu ihumaaluutigivagaat. “Inulrammirnut ayuitpiaqtut hunanik piyumagaangat inuuhirmingnut nipingillu naalaktauyuitpaktut,” uqaqtangit Sherry McNeil-Mulak, Nutaqqanut Inulramirnullu Uqaqtikhaanik. “Hivulliriyauyukhaq havagviata ilagiyakhaat nipingit inulrammirnut havaatigut uvanilu qimilruqtaunikkut inulrammirnut nipingit havagvingmiinniaqtuq.”
Una nunaliit pulaaqhimayuugaluaqtut pukuktauhimayut uumani RCYO nit taimaa ikpigiyaugamik avvautingit inulrammirnut amihuuningit nunaptingni. “Tiguhimayangit niplautigiyangit hamanngat pingahut aviktuqhimaningit atuliqtaunikhaat ihumagiyauvlutik uumani qimilruqhimayavut ikayuutaugiami naunaiqhiinahuarlugit itquumayangit aviktuqhimaningit aallatqiinguyut,” uqaqhimayuq McNeil-Mulak.
Ilagiyangit uvunga inulrammirnut nipingit, hamna RCYO apiriyangit nipliqhimayatit tamainnut kitunuliqaak inungnut uumani ihumatigut aanniarnairutikhanut ikayuutikhait nutaqqanut inulrammirnullu iluani nunallaami. Una RCYO ikayurluaqtangit tamainnut Nunavunmiunut ukiuqaqtunut 16 avataanilu, pulaarlutit uvunga www.rcynu.ca havagvipta hivayarlugu akiqanngittukkut uvani 1-855-449-8118 iniriangani nalunaiqhiiyut.
###
Naunaittiarumaguffi:
Kim Foster
Atannguyat Tuhaqtipkainikkut Inungniklu Qauyimayakhainik
Nutaqqanut Inulramirnullu Uqaqtikhaanik
867-975-5091 | kfoster@rcynu.ca