Quyagiumayatka tamaita ilauvakhimayut talvuuna akigaktuinikkut talvuuna inugluguhingniq qanurlu ihuaqtumik ilannagiyanganik.
Quviahuutigiyauyut akimayut!
Tamaita inulrammiit piumagumik piumagumik hapummiyauniq aaniqtaugiami, timingani ihumaminilu. Tamaita inuit munaridjutiqaqtut aanniruiqlugit aalat, timimi ihumamingnilu.
- United Nations Katimajiit Pilaarutainut Nutaqqat, Ilanga 19
Hapi Nunaqyuami Nutaqat Ublua!
_______________________________________________________________________________________________________
Nutaqqat pilaarutait hunat tamaita inulramiit piqaqtaghaat, imaatun qayangnaitumik imarmik niuqagahamik niriyuminaqtuniklu niqinik, uvaluuniin hunat hulidjutigiyaaqtait, ilihariaqtuqlutik tuniyaulutiklu ilihaidjutinik inmi uqauhirmigut. Piyaarnirit hapkununga hunanun ikayuutigiyaat nutaqqat, inulramiit, ilaillu nakuuyunik piyaghanik piyaangini inuuhirmingni, ikayuutauyut angiklivalianirmun pivallianirmunlu piyaarnirmun munaridjariktut inuit kitut ikayuqtut inmingnik, ilamingnik nunallaamingniklu.
Tamaita inulrammiit piumagumik hapummiutiqaqtut aanniqtaugiami, timimi ihumamingnillu. Tamaita inuit munaridjutiqaqtut aaningilugit aalat, timimi ihumamingnilu.
Quviahuutigilugu Kanadamimi Nutaraq Ublunga, imaa tautuktitiluta hunat nakuuyumik ilanat uvalu/uvaluuniin alianaiguhukniq naunaiyautaa ilingnun.
Piksavit idjuhia akuvruaptingnun iliyauniaqtuq!
AKIMAYAARNI iqalukhiurutinik aulaarutighanikluuniinakiqaqtut imaa $500
__________________________________________________________________________________
Pijumavin pijumanikkut? Nutaqqat pilaarutait ikayuutit paqinaqtut hamani.
__________________________________________________________________________________
Akimanahuarutit maligahati:
Havaklugit piksamik tapkua tautuktitiyut hunat nakuuyumik ilanat uvalu/uvaluuniin alianaiguhukniq naunaiyautaa ilingnun. Tamaita nutaqqat pilaarutait titiraqhimayut talvani United Nations Katimayiit Pilaarutainut Nutaqqat. - Havagviat Nutaqqanut Inulramirnullu Uqaqtikhaanik Havagviat havaktit tuniyauniaqtut pingahunik taktakhanik naunaiyautigilugit havauhiitigut uvalu ihuaqniitigut.
- Akimayuq piksa aadjiliuqtauniaqtuq akuvruamun tuyuqtaulutiklu avatiinun aviktuqhimayup.
- Pingahut akimayut tuniyauniaqtut ikalukhiurutighanik aularutighanikluuniin akitunirhaa imaa $500 aalakiillu RCYOkunin hunavaluit nutaamiklu akuruamik!
- Umikvighaa Piksanun tuyuqvighaa Hikutirvia 20, 2022, 5mungaqqat MST.
- Tamaita uuktuutit tuyuqtauyughat hapkununga Representative for Children and Youth’s havagvianun uvani contact@rcynu.ca facebookkuluuniin makpirviinun (@NunavutRepresentativeforChildrenandYouth).
- Piksallu, ilaulugit atqit, ukiut, nunat, hivayautip napaa, qaritauyakkut naunaitkutaa, titirqiviublu nayugaa. Tuyurungni piksat facebookkut, turaaqlugu hamunga @NunavutRepresentativeforChildrenandYouth inuup kangiqhidjutaillu titiraqhimayut qulaani.
- Akimayut ilituripkaqtauniaqtut hivayautikkut qaritauyakuluuniin uvani Hikutirvia 22. Akimayut inungnun tuhaqtitauniaqtu uvani Hikutirvia 28, 2022, uvani Representative for Children and Youth’s qaritauyaliqiviani facebookmilu, uvanilu Nunavut News ukualu Kivalliq News.
Uqariiyautit:
- Una akimanahuarut angmaumayuq Nunavunmiutainarnun inungnun 19nik ukiulgit nukarhiillu.
- Ukua Nutaqqanut Inulramirnullu Uqaqtikhaanik Havagviat pidjutiqangitut piyauhimangitut uuktuutit pidjutigiblugu Facebookmi hiamitigahaungitutigut maligainun.
- Akimayuq piksa ihuaqhaqtauniaqtuq iliurariangani akuvruamun.
- UkuaNutaqqanut Inulramirnullu Uqaqtikhaanik Havagviat pilaarutiqaqtut aturlugit tamaita piksat, atiit, ukiungit, nunaillu nauyugait tuyuqtauyut uuktuutit aadjiliuqlugit qaritauyakullu aghuuqhaidjutighanun havaarmigut, uvanilu NNSL Tuhaqtidjutaini qaritauyakullu nuitiqtaulutik.