2018 Unipkaat, Nipit Akimanahuarut

2018 Unipkaariyat, Nipit Akimanahurittunut Maliktakhauyut

Nutaqqanut Inulramirnullu Uqaqtikhaanik Havagviat aliahuktut tuhaqtittiyumavlutik hitamauyumut ukiungani, Unipkaariyat, Nipit Akimanahurittunut! Iliharvingnit ilaupkaiyumayugut uumani ukiungani ilaulutik ilihaqlutiklu nutaqqanut pilaarutikhainut.

Aullaqtirutigiyaqqut inulramminut 2015-mi – kangiqhipkaiyumavluta Nunakyuami Nutaqqanut Ublua, nutaqqanut pilaarutikhait, havagviptingnullu. Nunakyuami Nutaqqanut Ublua quviahuutigivagaat nunakyuami tikitkaangat ukiungani talvani Hikutirvia 20 sainiutigiyaat uumunga United Nations-kut Katimakyuarutaat Pilaarutikhainut Nutaqqamut.

2018-mi, apiqhiliqmiyugut iliharvikni igluani pisaliuqhimayamingnut tunihilutik talvani nutaqqat tamaita iliharvikmi igluangani havaqatigiiklutik piliuqlutik takunnaqtumik naunaiqhidjutikhamingnut uumani ukiungani pidjutaanut!

Akimanahuarutaanut Pidhutaa 2018-mi

Uumani ukiungani pidjutaa una nutaqqanut pilaarutikhainut iliharnikkut, takunnaqtuq talvani Titiraqhimayuq 28, 29lu uvani Katimakyuarutaat Pilaarutikhainut Nutaqqamut.

Titiraqhimayuq 28 uqaqhimayuq tamaita nutaqqat pilaarutiqaqtut nakuukpiaktumik ilihaudjutikhamut. Ilihariaktuquyauyukhat nakuutqiyamut pittaaqtamingnut.

Titiraqhimayuq 29 uqaqhimayuq taimaa nutaqqap ilihaudjutikhait ikayuutigiyakhait atuqlugit ilihaqyuumivallialutik inmik ayuiqhimayamingnik, pittaaqtamingniklu. Ikayurniaqtaatillu inuugiarni iqhiurnaittumik, hapummiutilugu avatinga pimmariktumiklu pilugit aallat inuit.

Naunairiirumaguffi uumunga pilaarutikhamut, takulugit kangiqhidjutit naunaitkutat ikayuutikhallu titiqqat tuniyauhimayut.

Akimanahurittunut Maliktauyakhat

1. Pigiyaqqut 2018 Unipkaat, Nipit Akimanahuridjutikhaa angmakniaqtuq talvani Tattiarnaqhilirvia 10, 2018, umikluni 5pm-mi Kivalliup Ubluqhiutaa talvani Hikutirvia 9, 2018.

2. Akitaqutaut akmaumayuq ilihaqviknut Nunavumi inuit ilihaqviini ilihalihaanit ayuiniqaqtunut 12.

2. Akimanahuarutikhaa angmaumayuq tamainnut iliharvikni igluanginnut Nunavunmi iliharviinnut ilihariaktulihaaqtunut puqtutilaanganut 12.

3. Uuktuutikhat titirauyaktakhait tunihilutik naunaiklugu pilaarutikhamut iliharnirmut.

4. Uuktuqnahuat nainaiktauyakhat katimayiinnit RCYO-kuni havaktiinnit ilauyunit titirauyattiarutainut, inmikkut pihimayainut, qanuqlu nutaqqap pilaarutait iliharnikkut naunaiqhimayaakhaa.

5. Piyakhani atauhiinnaq inmingnik uuktuqtunit atauhiqmit iliharvikmi igluanganit.

6. Auladjutinut pidjutikhaanut, iliharvikmi igluangani ilihaiyit tunihiyukhat uuktuutikhaq pidjutigilugu inmik iliharvikmi igluarmingnit.

7. Uuktuutit tuyuktauyukhaq qaritauyakkut titiqqilutik talvunga nunallaap atia iliharvikmi igluangata puqtuqilaanga atiit tamaita ilihaqtut ilauyunut, unalu

8. Uuktuutit piyauyukhat RCYO-kunit talvunga contact@rcynu.ca qaangiktinnagu 5pm-mi Kivalliup Ublukhiutaanut talvani Tallimmiut, Hikutirvia 9, 2018.

9. Ilihaiyit akimayunit uuktuqtunit apiqhuqtauniaqtut sainiqhilutik angirutikhamik nuutiriangani piliuqtauhimayumut naunaitkutaanut itquumadjutaa havagviptingnut. Piksaliuqhimayut akimayunik uuktuqtunit aallanut takupkaiyukhat qaritauyakkut takuyakturviani pigiyaptingnullu ukiunganut unnirutaani.

Akimayunut Taktakhainullu

Akimanahurittuni akimayut naunaiktitauniaqtut RCYO-kunit talvani 20, 2018, Nunakyuami Nutaqqanut Ublua. Atauhiq taktakhaq aittuqtauniaqtuq tamainnut akimayukhanut nauniqhimayunut ataani. Tamaita akimayut iliharvikmi igluanganit piniaqtut taktakhamik akitutqiyaungittumik $500-mik ihumaliurutauniaqhuni iliharvikmi igluanganit RCYO-kunillu.

Ilihalihaaliqtunit puqtutilanganut 3
Puqtutilaanga 4-mit Puqtutilaanganut 7-mut
Puqtutilaanganit 8-mit Puqtutilaanganut 12-mut

Apiqhuutiqaruvit

Apiqhuutiqaruvit akimanahuarutinut ukunungaluunniit nutaqqanut pilaarutikhainut, uqaqvigilugq havagvikput hivayarvigilugit talvunga 1-855-449-8118 (akiligakhaittumut) uumungaluunniit 867-975-5090 (Iqalungni) qaritauyakkut titiqqivigilutaluunniit talvunga contact@rcynu.ca