ᑕᐃᕕᑎ ᐃᓄᑑᔾᔨᔭᕆᐅᓚᐅᖅᑐᖅ ᓄᓇᓕᓐᓄᑦ ᐳᓛᕐᓂᕆᔭᖓ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᓚᐅᖅᑐᖅ. ᐳᓚᕋᓚᐅᖅᑐᑦ ᐅᑭᐅᒃᑯᑦ ᓂᒡᓚᓱᒃᑐᐊᓘᑎᓪᓗᒍ ᑕᐃᒪᐃᓐᓂᖓᓄᑦ ᓄᑕᖅᑲᑦ ᐊᓃᓗᐊᓚᐅᖏᑦᑐᑦ. ᑕᐃᒪᐃᒃᑲᓗᐊᖅᑎᓪᓗᒍ, ᑕᐃᕕᑎᐅᑉ ᑲᑎᑕᖏᑦ ᖃᐅᔨᔪᒪᓚᐅᖅᑐᑦ ᐃᖅᑲᓇᐃᔮᖓᓂᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑎᑎᕋᕐᕕᖓᑕ ᒥᒃᓵᓄᑦ.
02/03/2018
ᑯᓪᐱ ᑲᑎᖃᑕᐅᓚᐅᖅᑐᖅ ᐃᓕᓐᓂᐊᕐᕕᒻᒥᑦ ᑐᙵᓱᒃᑎᑕᐅᑦᑎᐊᓚᐅᖅᑐᖅ ᐃᖅᑲᓇᐃᔭᖅᑎᓄᑦ ᐱᓕᕆᖃᑕᐅᖃᑦᑕᓚᐅᕐᒪᑦ ᑭᖑᓪᓕᐹᒥᑦ ᐳᓛᓚᐅᖅᑎᓪᓗᑕ. ᐃᓚᒌᓐᓂᖃᑦᑎᐊᓚᐅᖅᑐᑦ ᖁᕐᓗᖅᑑᒥᐅᓂᑦ ᐊᓪᓚᕕᑦᑎᓃᖓᖅᑐᑦ ᓄᓇᓖᓪᓗ ᐱᓕᕆᖃᑎᒌᑦᑎᐊᓚᐅᖅᑐᑦ ᑭᒡᒐᖅᑐᐃᓪᓗᑎᒃ ᐊᒥᓱᓂᑦ ᓄᑕᖅᑲᓂᑦ ᒪᒃᑯᒃᑐᓂᒡᓗ.
02/03/2018
ᑕᑯᒥᓇᖅᑐᖅ ᓄᑕᕋᕐᓄᑦ ᐊᖁᑎᖃᕈᓐᓇᐅᑏᑦ ᐊᒻᒪ ᐱᓕᕆᐊᒃᓴᖏᑦ ᖁᖅᓲᓐ ᐃᓕᕼᐊᒡᕕᒃ ᓄᑕᕋᕐᓄᑦ ᐃᓕᓐᓂᐊᕐᕕᒃ ᐅᖅᓱᖅᑑᕐᒥᑦ!
02/03/2018
ᓄᑕᖅᑲᓄᑦ ᒪᒃᑯᑐᓄᓪᓗ ᑭᒡᒐᖅᑐᐃᔩᑦ ᐊᓪᓚᕕᖓᓃᖓᖅᑐᑦ ᖁᕕᐊᓚᐅᖅᑐᑦ ᑕᑯᔭᕆᐊᒃᓴᖅ ᐃᓕᓐᓂᐊᕐᕕᒻᒥ ᓄᑲᑕᒍᓐᓇᖅᑐᒥᒃ ᐊᐅᓚᓂᖃᑦᑎᐊᖅᑐᒥᒃ ᓇᒻᒥᓂᖅ ᑭᒡᒐᖅᑐᖅᑎᐅᓂᕐᒧᑦ ᐃᓕᓐᓂᐊᖅᓯᓐᓈᑦ ᑲᑎᒪᓂᖃᓚᐅᖅᑐᑦ ᑭᙵᐃᑦ ᐃᓕᓐᓂᐊᕐᕕᐊᓗᐊᓂᑦ ᐃᓕᓐᓂᐊᖅᑐᓄᑦ ᓯᑎᐱᕆ 2017ᖑᑎᓪᓗᒍ.
02/03/2018
ᓯᓈᖓ ᑕᑯᒃᓴᐅᓚᐅᖅᑐᖅ ᓴᓂᕋᔭᒃᒥᑦ. ᐊᐅᔭᒃᑯᑦ ᐃᓕᓐᓂᐊᕐᓇᕈᓐᓃᖅᑎᓪᓗᒍ, ᓄᓇᓖᑦ ᐃᓄᑭᓚᐅᖅᑐᑦ ᐅᐱᕐᖏᔭᖅᑐᖅᓯᒪᔪᓄᑦ.
02/03/2018
ᐃᒡᓗᓕᒻᒥᑦ ᐊᒡᓚᒐᖅ ᑕᑯᒃᓴᐅᑎᑕᐅᔪᖅ ᐊᑕᒍᑦᑖᓘᑉ ᐃᓕᓐᓂᐊᕐᕕᐊᓗᐊᓂᑦ ᔪᓂ 2017ᒥ. ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩᑦ ᐊᒡᓚᕕᖓᓃᖔᖅᑐᑦ ᑲᒪᖃᑎᖃᖃᑦᑕᓚᐅᖅᑐᑦ ᐊᔾᔨᒌᖏᑦᑐᓂᑦ ᓄᑕᖅᑲᓂᑦ ᒪᒃᑯᒃᑐᓂᒡᓗ ᐱᔨᑦᑎᕋᖅᑎᑦᑎᔨᓂᑦ.
10/12/2017
ᓈᓐᓯ, ᐊᐅᓚᑦᑎᔾᔪᑎᓄᑦ ᖃᐅᔨᓴᖅᑎᐅᖃᑕᐅᔪᖅ, ᐅᑎᓵᓚᐅᖅᑐᖅ ᑲᑎᒪᑎᑦᑎᓂᕐᒥ ᒪᒃᑯᒃᑐᓂᒃ ᐊᒻᒪ ᐱᔨᑦᑎᕋᖅᑎᓄᑦ ᐊᑐᐃᓐᓇᐅᑎᑦᑎᔪᓄᑦ ᓇᐅᔮᓂ. ᐅᕝᕙᐅᑯᐊ ᐅᖃᐅᓯᕆᓚᐅᖅᑕᖏᑦ ᐊᐅᓪᓚᕐᓂᕆᓚᐅᖅᑕᖓᓂ:
ᐱᖓᓱᐃᖅᖢᖓ ᑎᑭᓐᓇᓱᓚᐅᖅᑐᖓ ᓇᐅᔮᓄᑦ, ᐅᐱᒍᓱᑦᑎᐊᓚᐅᖅᐳᖓ RCYO − ᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᑎᑭᑦᑐᓐᓇᓚᐅᕐᓂᕐᓄᑦ ᑕᒪᐅᖓ ᐱᐅᔪᒻᒪᕆᖕᒧᑦ ᓄᓇᓕᖕᓄᑦ.
ᓇᐅᔮᓃᑎᓪᓗᖓ, ᑲᑎᖃᑎᖃᓚᐅᖅᐳᖓ ᐃᖅᑲᓇᐃᔭᖅᑎᓂᒃ ᐃᓕᓐᓂᐊᖅᑎᓂᒡᓗ ᑐᓴᕐᕕᒃ ᓴᓪᓕᖅ ᐃᓕᓐᓂᐊᕐᕕᖕᒥ ᐱᕕᖃᓚᐅᕐᓂᓐᓄᑦ ᐅᖃᐅᓯᖃᕈᓐᓇᖅᖢᖓ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ ᐱᓕᕆᓂᕆᔭᑦᑎᓐᓂᓗ ᑎᑎᕋᕐᕕᑦᑎᓐᓂ. ᑲᑎᒪᓂᑦᑎᐊᕙᐅᓚᐅᖅᑐᖅ ᐃᓕᓐᓂᐊᖅᑎᓕᒫᑦ - ᐊᓕᐊᓇᐃᑦᑎᐊᓚᐅᕐᒪᑕ! ᑭᖑᓪᓕᖅᐹᖅᓱᕈᔪᖕᓇᕐᓂᕐᒧᑦ ᐃᓕᓐᓂᐊᕐᓂᐅᑉ ᓄᙳᐊᓂ, ᑲᑎᖃᑎᖃᓕᓚᐅᕐᒥᒐᒪ ᑎᓪᓕᖅ ᐃᓕᓐᓂᐊᖅᑎᓂᒃ ᐱᙳᐊᕐᕕᖕᒥ ᐅᓐᓄᒃᑯᑦ. ᐅᓄᖅᑐᑦ ᒪᒃᑯᒃᑐᑦ ᑲᑎᖃᑎᒋᓚᐅᖅᑕᒃᑲ ᐊᒃᓱᕉᑎᖃᑦᑎᐊᓚᐅᖅᑐᑦ ᐃᓄᒃᑎᑑᕐᓂᕐᒥᒃ ᐱᖅᑯᓯᖏᓐᓂᒡᓗ.
07/19/2017
ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ, ᓯᐅᕆ ᒪᒃᓂᐅᓪ−ᒧᓚᒃ ᑭᒡᒐᖅᑐᐃᔨᒻᒪᕆᖕᒥᒃᓗ, ᐋᓐᑐᕉ ᓄᓇᔾ, ᐅᐸᒍᑎᓪᓗᑎᒃ ᓄᓇᓕᖏᓐᓄᑦ ᐸᖕᓂᖅᑑᖅ ᐊᒻᒪ ᕿᑭᖅᑕᕐᔪᐊᖅ ᒫᑦᓯᒥ 27- ᐊᐃᕆᓕᒧᑦ 1, 2017. ᐅᐸᒍᑎᓯᒪᑎᓪᓗᒋᒃ, ᓯᐅᕆ ᐊᒻᒪ ᐋᓐᑐᕉ ᐱᕕᖃᓚᐅᖅᑐᒃ ᑲᑎᖃᑎᖃᕐᓂᕐᒥ ᓄᓇᓕᖕᒥ ᐱᔨᑦᑎᕋᖅᑎᑦ ᐱᑎᑦᑎᔨᖏᓐᓂ ᓲᕐᓗ Hᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂ, ᐃᓕᓴᐃᔨᓂᒃ, ᐃᓕᓴᐃᔨᑦ ᐊᖓᔪᖅᑳᖏᓐᓂᒃ, ᐋᓐᓂᐊᕕᖕᒥ ᐃᓱᒪᓕᕆᔨᒃᑯᓪᓗ ᐃᖅᑲᓇᐃᔭᖅᑎᖏᓐᓂ, ᐃᓄᓕᕆᔨᒃᑯᓐᓂ ᐸᓖᓯᒃᑯᓐᓂᓗ.
07/19/2017
ᑰᓪᐱ ᐅᑕᓄ, ᒪᒃᑯᒃᑐᓄᑦ ᑭᒡᒐᖅᑐᐃᔨᓕᕆᔨᒻᒪᕆᒃ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑎᑎᕋᕐᕕᖓᓂ (RCYO), ᑎᑭᖦᖢᓂ ᐃᒃᐱᐊᕐᔪᖕᒧᑦ ᒫᑦᓯ 2017−ᒥ, ᐱᕕᖃᕐᖢᓂ ᑲᑎᖃᑎᖃᕐᓂᕐᒥ ᐅᓄᖅᑐᓂᒃ ᐃᓄᑦᑎᐊᕙᐅᑎᓂᒃ, ᐃᓚᐅᓪᓗᑎᒃ ᐃᓚᖏᑦ ᐋᓐᓂᐊᕕᖕᒥ ᐱᓕᕆᔨᒻᒪᕆᑦ ᐊᑯᓂᐅᔪᒃᑯᑦ ᓄᓇᓕᖕᓃᖃᑕᐅᓯᒪᔪᓂᒃ ᐊᕐᕌᒍᒐᓴᖕᓄᑦ. ᐊᑐᕐᓂᑯᖏᑦ ᖃᐅᔨᒪᓂᖏᓪᓗ ᓄᓇᓕᖕᒥ ᓯᕗᕋᐃᓪᓗᑎᒃ ᑰᓪᐱᐅᑉ ᑲᑎᖃᑎᒋᔭᖏᓐᓂ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑕᐃᑲᓃᑎᓪᓗᒍ. ᑰᓪᐱ ᓴᖅᑭᑎᑦᑎᒋᓪᓗᓂ ᐃᓅᔭᖅ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᖏᓐᓄᑦ ᐱᓪᓗᒍ ᓄᑕᖅᑲᑦ ᒪᒃᑯᒃᑐᓪᓗ ᐱᔪᓐᓇᐅᑎᖏᑦ ᖁᔭᓕᑦᑎᐊᕐᖢᓂᓗ ᐃᑲᔪᖅᓱᖅᑕᐅᑦᑎᐊᕐᓂᕐᒥᓂᒃ ᕌᐱᓐ ᖃᐅᓇᖅᒧᑦ, ᖁᑦᑎᖕᓂᖅᓴᒥ ᐃᓕᓐᓂᐊᖅᑎ ᐱᑎᑦᑎᓪᓗᓂ ᑐᑭᓕᐅᕆᓂᕐᒥ ᐱᔨᑦᑎᕋᐅᑎᖏᓐᓂ ᐃᓄᒃᑎᑐᑦ. ᑰᓪᐱ ᓄᓇᓕᖕᒧᑦ ᐳᓛᕐᓂᖓ ᐃᒃᐱᐊᕐᔪᒃᒥ ᐃᓱᓕᖦᖢᓂ ᑲᑎᖃᑎᖃᕐᓂᕐᒥ ᐃᓚᒋᔭᐅᔪᒥᒃ ᒪᓕᒐᓕᐅᕐᕕᖕᒥ ᓄᓇᕗᒻᒥ; ᐊᐃᓴᒃ ᓲᔪᒃ ᑐᓴᖅᑎᑦᑎᓪᓗᓂ ᑕᐅᑐᙳᐊᖅᑕᒥᓂᒃ ᑐᑭᒧᐊᕈᑎᒃᓴᖓᓄᑦ ᓄᓇᕗᒻᒥ ᓂᕿᐅᒋᔭᖏᓐᓄᓪᓗ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ.
Pages
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.