ᓄᓇᓕᐅᔪᓂᑦ


ᑭᓐᖓᐃᑦ: ᑏᓰᑉᐱᕆ 9 - 13, 2019
02/28/2020

ᑕᐃᕕᑎ ᔨᐊᑉᓗ ᑭᓐᖓᕐᓃᓚᐅᖅᑐᑦ ᐱᓇᓱᐊᕈᓯᓕᒫᖅ ᐅᓂᒃᑳᕆᐊᖅᑐᖅᑐᓂ ᓂᓕᖃᓚᐅᕆᑦ: ᓇᒻᒥᓂᖅ ᓂᓪᓕᐊᓂᕐᒧᑦ ᑲᑎᒪᓂᐅᔪᖅ ᐃᓕᓐᓂᐊᕕᓐᓄᑦ. ᐱᖅᓯᓕᕈᔾᔭᐅᖃᑦᑕᓚᐅᖅᑐᑦ ᐱᓇᓱᐊᕈᓯᓕᒪᕐᓗ ᐱᓱᖃᑦᑕᖅᑐᑎᑦ ᓇᒧᑐᐃᓐᓇᖅ. ᓂᕆᑎᑦᑎᓚᐅᕐᒥᔪᑦ ᐲᔾᔭᓂᑦ ᐃᓄᓱᑦᑐᓄᑦ ᑕᐃᑲᓂ ᐃᓄᓱᑦᑐᒃᑯᕕᒻᒥ. ᑕᐃᑯᑦ ᔨᐊᑉᓗ ᖁᕕᐊᓛᕐᒥᔫᒃ ᐊᒡᒐᖏᓐᓂ ᐃᓂᓕᐅᖅᓯᓪᓗᑎᑦ ᐊᒥᐊᕐᒧᑦ ᐊᑭᓐᓇᕐᒥ ᕿᒪᐃᒍᓐᓇᓚᐅᕐᖓᑎᒃ. ᐃᓅᓱᑦᑐᐃᑦ ᐅᐸᑲᒃᑕᕐᕕᖓᓐᓂ ᐃᒥᒐᑦᑕᐃᓕᒪᓂᕐᒧᑦ ᐊᒻᒪᓗ ᐅᖃᖃᑎᒌᑦᑐᑎᑦ ᐃᓱᒪᓕᕆᓂᕐᒥᑦ ᕿᑎᖅᑰᑕᒫᒎᖅ ᓂᓪᓕᐊᖃᑦᑕᖅᑐᑦ ᑕᐃᒪᒃ ᐃᓅᓱᑦᑐᐃᑦ ᐊᑦᑕᓇᖅᑐᒦᑦᑕᐃᓕᒪᕐᓂᕐᒧᓪᓗ ᐃᑲᔪᖅᑐᖅᑕᐅᖃᑦᑕᖅᑐᑎᓪᓗ.

ᑎᑭᕋᕐᔪᐊᖅ: ᓅᕕᑉᐱᕆ 25 - 27, 2019
02/28/2020
ᖁᕕᐊᓇᓚᐅᖅᑐᖅ ᑎᐋᓇ ᑭᒻᓗ ᑎᑭᕋᕐᔪᐊᒦᓐᓂᖏᓐᓂ ᓇᓄᖅᑕᖃᖃᑦᑕᓚᐅᕆᓪᓗᓂᓗ, ᖁᔭᒋᑦᑎᐊᖅᑕᖏᑦ ᓄᓇᓕᒻᒥᐅᑦ ᐃᑭᒪᑎᑦᑎᖃᑦᑕᓚᐅᕐᖓᑕ ᐊᑦᑕᓇᖅᑐᒦᓐᖏᑦᑎᐊᖅᑐᑎᑦ. ᖁᔭᓐᓇᒦᖅᑕᖅᐹᓗᐃᓪᓗ ᐃᓄᓱᑦᑐᐃᑦ ᖃᐃᓚᐅᖅᑐᑦ ᐃᓅᓱᑦᑐᒃᑯᕕᒻᒧᑦ ᐊᑭᑦᑐᕋᐅᑎᓇᓱᐊᖅᑎᓪᓗᒋᑦ ᔫᔫᒥᑦ (yo-yo).
ᐅᖅᓱᖅᑑᖅ ᐊᒻᒪᓗ ᑯᕌᕈᑦ: ᓅᕕᑉᐱᕆ 1 - 10, 2019
02/28/2020

ᑕᐃᕕᑦ ᐅᓱᖅᑑᒨᓚᐅᖅᓯᒪᔪᖅ ᑰᒑᕐᔪᒻᒧᓪᓗ ᐅᓂᒃᑳᕆᐊᖅᑐᖅᑐᓂ ᓂᓕᖃᓚᐅᕆᑦ: ᓇᒻᒥᓂᖅ ᓂᓪᓕᐊᓂᕐᒧᑦ ᑲᑎᒪᓂᐅᔪᖅ ᑲᑎᒪᖃᑎᖃᖅᑎᓂᓗ ᓄᓇᓕᓐᓂᒥᐅᓂᑦ. ᑕᑯᓪᓗᓂᓗ ᐱᐅᔪᕐᔪᐊᕌᓗᓐᓂ ᐃᑲᔫᑎᔅᓴᓂᒃ ᐃᓕᓐᓂᐊᕕᓐᓂ ᐊᒻᒪᓗ ᐅᑎᕈᒪᓪᓗᓂ ᐃᓄᓱᑦᑐᓂᑦ ᑲᑎᒪᖃᑎᖃᕈᒪᓪᓗᓂ ᐊᒻᒪᓗ ᐅᔾᔨᕈᓱᑦᑎᑦᑎᑲᓐᓂᕈᒪᓪᓗᓂ ᓱᕈᓰᑦ ᐱᔪᓐᓇᐅᑎᖏᓐᓂ ᐊᒻᒪᓗ RCYO−ᓂᑦ!

ᐊᐅᓱᐃᑦᑐᖅ ᒪᐃ 28 - 30, 2019
07/17/2019
ᐊᐅᓱᐃᑦᑐᒦᓐᓂᕐᒥᓂ, ᑕᐃᕕᑦ ᑲᑎᖃᑎᖃᓚᐅᖅᐳᖅ ᐊᒥᓱᓂᒃ ᐃᓄᖕᓂᒃ, ᑖᒃᑯᐊᓗ ᑐᙵᓇᖅᑐᒻᒪᕆᐅᓚᐅᖅᖢᑎᒃ ᖁᕕᐊᓱᒻᒪᕆᖃᑦᑕᓚᐅᖅᖢᑎᒡᓗ ᑐᓴᕌᖓᒥᒃ ᑕᐃᑲᓃᓐᓂᕐᒥᓂ ᐊᓕᐊᓇᐃᒋᔭᖃᖃᑦᑕᑦᑎᐊᓚᐅᕐᓂᖓᓂᒃ. ᖁᕕᐊᒋᔭᖃᑦᑎᐊᓚᐅᖅᐳᖅ ᐱᕕᒃᓴᖃᕐᓂᕐᒥᓂ ᑲᖏᖅᖢᖕᒧᙵᐅᔪᓐᓇᕋᒥ ᑕᑯᔭᖅᑐᖅᖢᓂ ᓯᕐᒥᖕᒥᒃ.
ᓇᐅᔮᑦ: ᒪᐃ 13 - 16, 2019
06/12/2019

ᓇᐅᔮᓂ ᓯᓚᑦᑎᐊᕙᐅᓚᐅᕐᒪᑦ ᓇᐅᔮᕐᒥᐅᑦ ᐊᓃᑲᑕᓚᐅᖅᐳᑦ ᔭᐃᑲᒃᓯᒪᑐᐃᓐᓇᖅᖢᑎᒃ ᐊᒻᒪᓘᓐᓃᑦ ᐊᐃᑭᑦᑐᖅᓯᒪᑐᐃᓐᓇᖅᖢᑎᒃ ᒪᐃ ᕿᑎᖅᐸᓯᐊᓂ! ᓯᐅᕋᓐ ᐊᓕᐃᓇᐃᒋᑦᑎᐊᓚᐅᖅᑕᖓ ᐅᓂᒃᑲᐅᓯᖃᕆᐊᒃᓴᖅ ᓂᐱᕗᑦ ᑐᓴᖅᑕᐅᑎᓪᓚᕗᑦ ᐱᔾᔪᑎᒋᓪᓗᒍ: ᖃᔅᓯᑲᓪᓚᑦ ᓇᖕᒥᓂᖅ ᑭᒡᒐᖅᑐᐃᔪᓐᓇᕐᓂᕐᒥᒃ ᐃᓕᓐᓂᐊᖅᓯᓐᓈᑦ ᑲᑎᒪᓚᐅᖅᐳᑦ ᐃᓕᓐᓂᐊᖅᑎᑦ ᓄᑖᕋᐃᓐᓄᖕᒥ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᑎᓕᖕᒧᓪᓗ ᒪᑭᑦᑕᖅᖢᑎᒃ ᓄᑕᖅᑲᑦ ᐃᓕᓐᓂᐊᕐᕈᑎᓖᑦ 3-ᒥ 6-ᒧᑦ. ᓯᐅᕋᓐ ᖁᔭᓕᕗᖅ ᐃᓕᓐᓂᐊᖅᑎᓂᒃ ᖁᕝᕙᓯᖕᓂᓕᖕᓂᒃ 8−ᒥ ᐃᓕᓴᖅᑕᐅᓚᐅᕐᒪᑦ ᐃᒧᓯᑲᐅᑦᑐᕐᓂᕐᒥᑦ RCYO ᐃᒋᑦᑕᕆᐊᓕᒃ/ᐊᑯᕆᐊᓕᖕᒥ ᐴᖓᓄᐊᕆᐊᖃᕐᓂᕐᒥᒃ.

ᐃᒡᓗᓕᒃ: ᐊᐃᕆᓕ 8 - 11, 2019
06/12/2019

ᓯᐅᕋᓐ ᐃᒡᓗᓕᖕᒧᐊᖅᓯᒪᑎᓪᓗᒍ ᐊᖓᔪᒃᖡᑦ ᐃᓕᓐᓂᐊᕐᕕᖕᒦᑲᑕᓚᐅᖅᐳᖅ ᖁᕕᐊᒋᓚᐅᖅᐹᓗ ᐅᓂᒃᑲᐅᓯᖃᖅᖢᓂ ᓂᐱᕗᑦ ᑐᓴᖅᑕᐅᑎᓪᓚᕗᒻᒥ: ᓇᖕᒥᓂᖅ ᑭᒡᒐᖅᑐᐃᔪᓐᓇᕐᓂᕐᒥᒃ ᐃᓕᓐᓂᐊᖅᓯᓐᓈᑦ ᑲᑎᒪᓂᖅ. ᖁᕕᐊᒋᔭᖃᓚᐅᖅᑐᖅ ᑕᑯᔪᓐᓇᓚᐅᕐᒪᑦ ᓄᑕᖅᑲᓂᒃ ᒪᒃᑯᒃᑐᓂᒡᓗ ᐊᓃᕋᔭᒃᖢᑎᒃ ᐱᙳᐊᖃᑦᑕᒃᑐᓂᒃ ᖁᕕᐊᒋᓚᐅᖅᖢᓂᐅᒡᓗ ᑐᙵᓱᒃᑎᑕᐅᓚᐅᕐᒪᑦ ᐃᑲᔪᖅᑕᐅᑦᑎᐊᖅᖢᓂᓗ ᓇᒧᙵᐅᒋᐊᖃᕐᒪᖔᑦ ᖃᐅᔨᑎᑕᐅᕙᒃᖢᓂ ᐃᓄᖕᓂᒃ ᐊᖅᑯᓵᖅᐸᓪᓕᐊᔭᖏᓐᓂᒃ.

ᖃᐅᓱᐃᑦᑐᖅ ᐃᒃᐱᐊᕐᔪᒡᓗ ᐅᑐᐱᕆ 14-19, 2018
12/13/2018

ᖃᐅᓱᐃᑦᑐᖅ ᐃᒃᐱᐊᕐᔪᖕᒥᓗ ᓂᐅᕐᕉᖃᑎᓪᓗᒍ ᑕᐃᕕᑎ ᖃᔅᓯᑲᓪᓚᖕᓂᑦ ᐊᑐᖅᑎᑕᐅᓚᐅᐳᖅ ᓂᐲᑦ ᑐᓴᖅᑕᐅᑎᓪᓗᒍ:  ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅ ᒪᒃᑯᒃᑐᓂᑦ ᐃᓚᖃᖅᖢᑎ ᖁᔭᓕᔪᒪᕗᑦ ᐃᓚᐅᖃᑕᐅᓚᐅᖅᑐᓕᒫᓂᑦ. ᑕᐃᕕᑎᐅᑉ ᐃᖅᑲᐅᒪᓛᕆᕚ ᑖᒃᑯᓇᖓᑦ ᓂᐅᕈᑲᑕᒃᑕᖏᓐᓂ ᒪᒃᑯᒃᑐᑦ ᐅᓄᖅᑐᑦ ᖁᕕᐊᓱᒃᖢᑎᒃ ᖃᐅᔨᒃᑲᓐᓂᕈᒪᓂᖏᑦ ᐊᒡᓚᕝᕕᖓᓐᓂ ᖃᓄᐃᓕᐅᖅᐸᖕᓂᖏᓐᓂ ᐅᖃᓪᓚᖃᑎᒋᓚᐅᖅᑕᖏᑦ.

  

ᑭᒻᒥᕈᑦ ᐅᑐᐱᕆ 9 − 12, 2018
12/13/2018

ᓯᐅᕆ ᓯᐅᕋᓐᓗ ᐃᓅᓯᓕᕆᓂᕐᒥᒃ ᐅᖃᓪᓚᒃᑎᓪᓗᒋᑦ ᐊᓕᐊᓇᐃᒍᓱᑦᑎᐊᓚᐅᖅᐴᒃ ᑐᙵᓇᑦᑎᐊᖅᑐᓄᑦ ᑭᒻᒥᕈᒻᒥᐅᓄᑦ. ᖁᔭᓐᓇᒦᒃ ᖁᑦᑎᖕᓂᖅᓴᒥᒃ ᐃᓕᓐᓂᐊᖅᑎᓄᑦ ᐃᓚᐅᖃᑕᐅᑦᑎᐊᓚᐅᕐᓂᖏᓐᓄᑦ ᓂᐲ ᑐᓴᖅᑕᐅᑎᓪᓗᒍ: ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅ ᑕᑯᓚᐅᖅᑕᕗᑦ ᐃᖅᑲᐅᒪᓇᓛᖑᒋᕗᖅ ᓯᒡᔭᖓᓂ ᐃᓛᒍᖅᑐᖅᓯᐅᑎ ᓯᑭᑑᕐᓚᐅᔭᖅ ᐃᖏᕐᕋᔪᖅ ᐱᖅᓯᓚᐅᖅᑎᓪᓗᒍ. ᖁᕕᐊᓇᖅ!

ᑲᖏᖅᖠᓂᕐᒥ: ᓯᑎᐱᕆ 24 - 28, 2018
12/13/2018

ᑲᖏᖅᖠᓂᕐᒥᑦ ᓂᐅᕐᕉᖃᑎᓪᓗᒍ ᓘᕆ ᐊᕐᕕᓂᓕᖕᓂ ᐱᖓᓱᓂᓪᓗ ᑲᔪᓯᑎᑦᑎᓚᐅᖅᐳᖅ ᓂᐲᑦ ᑐᓴᖅᑕᐅᑎᒍ: ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅᓂᒃ ᒪᒃᑯᒃᑐᓄᑦ ᖁᑎᖕᓂᓕᖕᓄᑦ 8 -12. ᖁᔭᓐᓇᒦᒃ ᒫᓂ ᐅᓗᔪᒃ ᐃᓕᓐᓂᐊᕐᕕᒃ, ᐳᓛᕐᕕᒃ, ᒪᒃᑯᒃᑐᑯᕕᒃ, ᓂᐅᕕᕐᕕᒡᓗ ᓘᕆᒥᑦ ᐃᓂᖃᖅᑎᑦᑎᔪᓐᓇᓚᐅᕐᓂᖏᓐᓂ ᑲᑎᒪᓂᕐᒧᑦ ᐊᒻᒪᓗ ᐅᔾᔨᖅᓱᖅᐹᓪᓕᖅᑎᑦᑎᖃᑕᐅᓚᐅᕐᓂᖏᓐᓄᑦ ᓄᑕᖅᑲᑦ ᐱᔪᓐᓇᐅᑎᖏᓐᓂ ᐱᓕᕆᕙᒃᑕᑦᑎᓐᓂᒡᓗ ᐊᒡᓚᕝᕕᑦᑎᓐᓂ.  ᓘᕆ ᐱᔪᒃᓯᑎᒋᑦᑎᐊᓚᐅᖅᐳᖅ ᑐᓴᑲᑕᒋᒃᓴᖅ ᓄᓇᓕᖕᓂ ᐊᔾᔨᒌᙱᑦᑑᑎᓂᒃ ᑲᑐᔾᔨᔨᓂ ᐱᓕᕆᓂᖏᓐᓂᒃ ᑭᐱᙳᐃᔭᐅᑎᓂᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᓄᓇᓕᒥᖕᓂ, ᑕᑯᔪᓐᓇᖅᓯᓚᐅᖅᖢᒍᓗ ᒪᒃᑯᒃᑐᑯᕕᒃ ᓄᑖᖅ ᓂᖅᖠᐅᕐᕕᖃᓕᕐᓂᐊᓂ ᐊᒻᒪᓗ ᐃᒡᓗᕈᓯᖃᓕᖅᖢᓂ ᐊᓯᐊᓂᒃ ᐃᓐᓇᐃᑦ ᒪᒃᑯᒃᑐᓪᓗ ᑲᑎᖓᕝᕕᐊᓂᑦ.

ᒥᑦᑎᒪᑕᓕᒃ: ᐋᒡᒌᓯ 27 - 31, 2018
12/13/2018

ᓯᐅᕋᓐ ᓂᐅᕐᕉᖅᑲᑎᓪᓗᒍ ᒥᑦᑎᒪᑕᓕᖕᒥᑦ ᑐᙵᓱᒃᑎᑕᐅᑦᑎᐊᓚᐅᕐᓂᖓᓂ ᐃᑲᔪᖅᑕᐅᑎᐊᑲᑕᓚᐅᕐᓂᐊᓂᓗ ᖁᔭᓕᑦᑎᐊᖅᐳᖅ ᑲᑎᖃᑎᒋᓚᐅᖅᑕᖏᓐᓂ. ᖁᔭᓐᓇᒦᒃ ᑕᒪᐃᓐᓂ ᓄᑕᖅᑲᑦ, ᒪᒃᑯᒃᑐᑦ, ᒥᑦᑎᒪᑕᓕᖕᒥᐅᑕᓪᓗ ᑐᑭᓯᒋᐊᕐᓂᕐᒧ ᐅᐸᖃᑦᑕᓚᐅᖅᑐᑦ ᑯᐊᐸᒃᑯᓐᓂ ᑕᒪᕐᒥᑦᑎᐊᓗ ᒪᒃᑯᒃᑐᑦ ᐃᓚᐅᖃᑕᐅᓚᐅᖅᑐᑦ ᓂᐲᑦ ᑐᓴᖅᑕᐅᑎᓪᓗᒍ: ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅ ᓇᓯᕝᕕᒃ ᐃᓕᓐᓂᐊᕐᕕᖕᒥᑦ.

Pages