ᓄᓇᓕᐅᔪᓂᑦ


RCY−ᑯᑦ ᐳᓛᕆᐊᕐᓂᕆᔭᖓᑦ ᐃᒡᓗᓕᒑᕐᔪᖕᒧᑦ
07/06/2016

ᓈᓐᓯ, ᖃᓄᐃᓕᐅᖅᑕᐅᕙᓪᓕᐊᔪᓂᒃ ᖃᐅᔨᓴᖅᑎᒋᔭᕗᑦ ᐊᒻᒪᓗ ᐅᑎᐅᓪ, ᐊᐅᓚᑦᑎᔨᒋᔭᕗᑦ ᑐᓴᐅᒪᑎᑦᑎᕙᖕᓂᕐᒧᑦ, ᐅᑎᓵᑦᑎᐊᓚᐅᖅᐳᒃ ᑲᑎᒪᖃᑎᖃᕐᓂᕆᓚᐅᖅᑕᒥᓂᒃ ᒪᒃᑯᒃᑐᓂᒃ ᐱᓕᕆᑎᑦᑎᔨᒋᔭᐅᕙᒃᑐᓂᒡᓗ ᐃᒡᓗᓕᒑᕐᔪᖕᒥᐅᓂ ᑲᖏᖅᖠᓂᕐᒥᐅᓂᓗ. ᐃᒪᓐᓇ ᓈᓐᓯ ᐅᖃᐅᓯᖃᓚᐅᖅᑐᖅ ᑕᒪᑐᒧᖓ ᑕᐃᒃᑯᖕᓄᙵ ᓄᓇᓕᖕᓄᙵᐅᓂᕆᓚᐅᖅᑕᒥᖕᓄᑦ:

RCY-ᑯᑦ ᐳᓛᕆᐊᕐᓂᕆᔭᖓᑦ ᕿᑎᕐᒥᐅᓄᑦ
07/06/2016

ᑰᓪᐱ, ᐃᓚᖓᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᓕᕆᔨᒋᕙᒃᑕᕗᑦ, ᖃᖓᑦᑎᐊᓵᖅ ᐅᑎᓵᓚᐅᖅᑐᖅ ᑲᑎᖃᑎᖃᖃᑦᑖᓪᓚᓚᐅᖅᖢᓂ ᒪᒃᑯᒃᑐᓂᒃ ᐱᔨᑦᑎᕋᖅᑎᒋᔭᐅᕙᒃᑐᓂᒡᓗ ᐅᑯᓇᓂ ᓄᓇᓕᖕᓂ, ᑕᓗᕐᔪᐊᖅ, ᖁᕐᓗᖅᑐᖅ ᐊᒻᒪᓗ ᐃᖃᓗᒃᑑᑦᑎᐊᖅ. ᐃᒪᓐᓇ ᐅᖃᐅᓯᒃᓴᖃᓚᐅᖅᑐᖅ ᑕᒪᑐᒧᖓ ᑕᐃᒃᑯᓄᙵᐅᓂᕆᓚᐅᖅᑕᒥᓄᑦ:

ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑦ ᑭᙵᓄᑦ ᐳᓛᕆᐊᖅᐳᑦ
04/13/2016

ᖁᕕᐊᓇᑦᑎᐊᓚᐅᖅᐳᖅ ᑭᙵᒦᑎᓪᓗᑕ ᒫᔾᔨ 29-ᒥ ᐊᐃᕆᓕ 1-ᒧ, 2016.

ᑐᙵᓇᑦᑎᐊᖅᑐᓂᒃ ᓄᑕᖅᑲᓂᒃ ᒪᒃᑯᒃᑐᓂᓪᓗ ᐅᓄᖅᑐᓂᒃ ᑕᑯᓚᐅᖅᐳᒍᑦ! ᑕᑯᔪᒥᓇᖅᑐᖅᑕᖃᐅᓚᐅᕋᓗᐊᖅᐳᖅ ᑭᓯᐊᓂ ᐃᓕᑕᕆᔪᒪᑦᑎᐊᖅᐸᕗᑦ ᐃᓕᓐᓂᐊᖅᑏᑦ, ᐊᖓᔪᖅᑳᕆᔭᐅᔪᑦ ᐸᖅᑭᔨᒋᔭᐅᔪᓪᓗ ᐊᒻᒪ ᐃᖅᑲᓇᐃᔭᖅᑏᑦ ᐲᑕ ᐱᑦᑎᐊᓛᖅ ᐊᖓᔪᖅᖡᑦ ᐃᓕᓐᓂᐊᕐᕕᖓᓂ ᓵᒻ ᐳᑦᓚᑦ ᓄᑲᖅᖡᑦ ᐃᓕᓐᓂᐊᕐᕕᖓᓂᓗ.

ᐅᑭᐊᒃᓵᖅ ᐱᒋᐊᖅᖢᓂ, ᓄᑲᖅᖡᑦ ᐊᒻᒪ ᐊᖓᔪᒃᖡᑦ ᐃᓕᓐᓂᐊᕐᕕᖏᑕ ᐃᖅᑲᓇᐃᔭᖅᑎᖏᑦ ᐃᓕᓐᓂᐊᖅᑎᖏᓪᓗ ᓄᑲᖅᖡᑦ ᐃᓕᓐᓂᐊᕐᕕᖓᓂ ᐊᑐᖃᑦᑕᖅᓯᒪᖕᒪᑕ ᑭᖑᕝᕕᖅᑕᖅᑎᒌᒃᖢᑎᒃ. ᑕᒪᐃᓐᓂᒃ ᐃᓕᓐᓂᐊᕐᕕᖕᒦᑲᑕᒃᖢᑎᒃ ᐱᓕᕆᖃᑎᒌᓪᓚᑦᑖᖅᖢᑎᒡᓗ ᐊᒃᓱᕈᕐᓇᖅᑐᓂᒃ ᐱᓕᕆᐊᒃᓴᖃᕋᓗᐊᖅᑎᓪᓗᒋᑦ ᐊᑕᐅᓯᕐᒥ ᐃᓕᓐᓂᐊᕐᕕᖕᒦᑲᑕᒃᑎᓪᓗᒋᑦ ᐃᒃᐱᖕᓇᑦᑎᐊᓚᐅᖅᐳᖅ. ᐱᓕᕆᖃᑕᐅᓚᐅᖅᑐᓕᒫᑦᑎᐊᑦ ᐅᐱᒋᔭᐅᑦᑎᐊᖅᐳᑦ!

ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐳᓚᕋᖕᓂᖏᑦ ᐅᖅᓱᖅᑑᒧᑦ ᑰᒑᕐᔪᖕᒧᓪᓗ
03/31/2016

ᓯᐅᕋᓐ, ᑐᑭᒧᐊᒃᑎᑦᑎᔨᕗᑦ ᑭᒡᒐᖅᑐᐃᕕᖕᒥᑦ, ᑰᓪᐱᓗ, ᐃᓚᒋᔭᐅᔪᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᓂᑦ, ᐅᖅᓱᖅᑑᒧᐊᓚᐅᖕᒪᑕ ᑰᒑᕐᔪᖕᒧᓪᓗ ᕕᕝᕗᐊᕆ 2016−ᖑᑎᓪᓗᒍ. 

ᐳᓛᕆᐊᖕᓂᖏᑦ ᐃᓚᒋᔭᐅᖃᑕᐅᔪᖅ ᑎᑎᕋᕐᕕᑦᑕ ᓄᓇᓕᖕᓄᐊᖕᓂᒃᓴᖏᓐᓄᑦ ᓄᓇᕗᒻᒥᑦ. ᑖᒃᑯᐊ ᐳᓚᕋᖕᓃᑦ ᐱᕕᖃᐅᑕᐅᕗᑦ ᑎᑎᕋᕐᕕᖕᒥᐅᑕᕗᑦ ᑲᑎᖃᑎᖃᕈᓐᓇᖁᓪᓗᒋᑦ ᓄᓇᕗᒻᒥᐅᑕᓪᓚᕆᖕᓂᑦ, ᑐᓴᕐᑎᓪᓗᒋᓪᓗ ᖃᓄᐃᓕᐅᖅᐸᖕᒪᖔᑦᑕ, ᐱᓗᐊᖅᑐᒥᒡᓗ, ᑐᓵᓗᑎᒍᑦ ᓄᑕᖅᑲᕗᑦ, ᒪᒃᑯᒃᑐᖁᑎᕗᑦ, ᐃᓚᒌᑦ ᐊᓯᖏᓪᓗ ᓄᓇᕗᒻᒦᑦᑐᑦ ᐊᔾᔨᒌᙱᑦᑑᑏᑦ ᖃᓄᐃᓕᔭᒃᓴᖃᖕᒪᖔᖏᓐᓂᑦ.

ᓄᑕᖅᑲᓂᒃ ᒪᒃᑯᒃᑐᓂᒡᓗ ᑭᒡᒐᖅᑐᐃᔨᒃᑯᑦ ᐃᒡᓗᓕᖕᒧᑦ ᓴᓂᕋᔭᖕᒧᓪᓗ ᐳᓛᕆᐊᓚᐅᕐᓂᖓ
03/26/2016

ᓯᐅᕆ, ᑭᒡᒐᖅᑐᐃᔨ, ᐊᒻᒪ ᑯᕆᔅᑕ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᖃᑎᑦᑕ ᐃᓚᖓ, ᐃᒡᓗᓕᖕᒧᑦ ᓴᓂᕋᔭᖕᒧᓪᓗ ᐳᓛᕆᐊᓚᐅᕐᒪᑎᒃ ᕕᕗᐊᕆ, 2016-ᖑᑎᓪᓗᒍ.

ᐳᓛᕆᐊᖅᓯᒪᑎᓪᓗᒋᒃ ᐃᒡᓗᓕᖕᒧᑦ ᓴᓂᕋᔭᖕᒧᓪᓗ ᐃᓕᓐᓂᐊᕐᕕᖏᓐᓄᑦ ᐅᐸᒍᑎᔪᓐᓇᓚᐅᕐᒪᑎᑦ ᑕᑰᑎᔪᓐᓇᓚᐅᖅᖢᑎᒡᓗ ᓄᓇᕗᒻᒥᐅᑦ ᒪᒃᑯᒃᑐᑦ ᐃᓚᖏᓐᓂᒃ. “ᐃᓚᐅᑦᑎᐊᖃᑦᑕᓚᐅᖅᑐᑦ ᖁᕕᐊᒋᑦᑎᐊᓚᐅᖅᑕᕗᓪᓗ ᐅᖃᐅᓯᕆᔪᒪᔭᖏᑦ ᐅᖃᐅᓯᕆᔪᓐᓇᓚᐅᕐᒪᒋᑦ,” ᑯᕆᔅᑕ ᐅᖃᓚᐅᖅᐳᖅ. ᓯᐅᕆᒃᑯᒃ ᑯᕆᔅᑕᒃᑯᒃ ᑲᑎᖃᑎᖃᕈᓐᓇᓚᐅᕐᒥᔫᒃ ᒐᕙᒪᒃᑯᓐᓄᑦ ᐱᔨᑦᑎᕋᖅᑎᓄᑦ ᐱᓕᕆᖃᑎᖃᓲᓄᑦ ᓄᑕᖅᑲᓂᒃ, ᒪᒃᑯᒃᑐᓂᒃ, ᐃᓚᖏᓐᓂᒡᓗ (ᖃᑕᙳᑎᒌᓂᒃ).

ᑐᓴᖅᑎᑦᑎᓚᐅᕆᓪᓗᑎᒡᓗ ᐊᒡᓚᕝᕕᖓᓐᓂ ᖃᓄᐃᓕᐅᖅᐸᓪᓕᐊᖕᒪᖔᑕ ᑖᒃᑯᓄᖓᓗ ᐃᖅᑲᓇᐃᔭᖅᑎᓂᒃ ᑐᓴᕈᓐᓇᓚᐅᕆᓪᓗᑎᒃ ᐱᓕᕆᐊᖃᕐᔪᐊᓲᓂᒃ ᐃᑲᔪᕋᓱᒃᖢᒋᑦ ᓄᓇᕗᒻᒥ ᓄᑕᖅᑲᑦ ᐊᒻᒪ ᒪᒃᑯᒃᑐᑦ. ᐊᒡᓚᕝᕕᑦᑎᓐᓂ ᐊᓯᖏᓐᓄᑦ ᓄᓇᓕᖕᓄᑦ ᓄᓇᕗᒻᒥ ᐳᓛᕆᐊᒃᑲᓐᓂᖃᑦᑕᕈᒪᑦᑎᐊᖅᑐᒍᑦ!

ᖁᕕᐊᓲᑎᖃᓚᐅᖅᑐᒍᑦ ᒪᒃᐱᖅᑕᐅᑎᓪᓗᒍ ᑎᑎᕋᕐᕕᒃ ᐃᖃᓗᖕᓂ ᐅᑐᐱᕆ 23, 2015-ᖑᑎᓪᓗᒍ
03/24/2016
ᖁᕕᐊᓲᑎᖃᓚᐅᖅᑐᒍᑦ ᒪᒃᐱᖅᑕᐅᑎᓪᓗᒍ ᑎᑎᕋᕐᕕᒃ ᐃᖃᓗᖕᓂ ᐅᑐᐱᕆ 23, 2015-ᖑᑎᓪᓗᒍ. ᐊᕐᕌᒍᓂᒡᓗ ᐊᒡᒋᖅᑐᓂᒃ ᓄᓇᓕᖕᓄᑦ ᐳᓛᕆᐊᖃᑦᑕᓛᕈᒪᑦᑎᐊᖅᐳᒍᑦ.
ᑎᑎᕋᕐᕕᒃᐳᑦ ᐹᖏ ᒪᒃᐱᓪᓚᕆᓚᐅᖅᓯᒪᕗᑦ ᓯᑎᐱᕆ 30, 2015-ᖑᑎᓪᓗᒍ
03/24/2016

ᑎᑎᕋᕐᕕᒃᐳᑦ ᐹᖏ ᒪᒃᐱᓪᓚᕆᓚᐅᖅᓯᒪᕗᑦ ᓯᑎᐱᕆ 30, 2015-ᖑᑎᓪᓗᒍ. ᐊᓕᐊᓇᐃᒍᓱᑦᑎᐊᖅᑐᒍᑦ ᒫᓐᓇ ᐱᓕᕆᖃᑎᖃᕈᓐᓇᖅᓯᒐᑦᑕ ᓄᑕᖅᑲᓂᒃ ᒪᒃᑯᒃᑐᓂᒡᓗ ᓄᓇᕘᒥ!

Pages