ᑳᔫᒃ ᖃᑉᓛᓕᒃ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᕙᖕᓂᕐᒧᑦ ᐱᓕᕆᔨᓪᓚᕆᒃ, ᖃᖓᑦᑎᐊᓵᖅ ᑲᖏᖅᖠᓂᕐᒥᐅᓄᙵᐅᓚᐅᖅᑐᖅ ᑕᐃᑯᙵᐅᖃᑎᖃᑦᖢᓂ ᐆᒥᖓ, ᓯᐅᕋᓐ ᕆᐊᓲᕐ, ᑐᑭᒧᐊᖅᑎᑦᑎᔨᒋᔭᕗᑦ ᓄᑕᖅᑲᓂᒃ ᒪᒃᑯᒃᑐᓂᒡᓗ ᑭᒡᒐᖅᑐᐃᕙᖕᓂᕐᒧᑦ ᐱᔨᑦᑎᕋᕐᓂᕆᕙᒃᑕᑦᑎᓐᓂᒃ. ᐃᒪᓐᓇ ᑳᔫᒃ ᐅᖃᓚᐅᖅᑐᖅ ᐳᓛᕆᐊᕐᓂᕆᓚᐅᖅᑕᒥᓄᑦ:
“ᑕᒪᓐᓇ ᓇᒧᙵᐅᓂᕆᔭᐅᔪᖅ ᓇᐅᔮᓕᐊᕐᓂᐅᓂᐊᓚᐅᕋᓗᐊᖅᐳᖅ, ᑭᓯᐊᓂ ᑕᐃᒪᐃᓚᐅᙱᓚᖅ ᓯᓚ ᐱᔾᔪᑎᒋᓪᓗᒍ ᓯᓚᐅᓪᓗ ᓴᙱᓂᕆᔭᖓᓄᑦ. ᑕᐃᑯᙵᐅᙱᖔᖅᖢᓄᒃ, ᓯᐅᕋᓐᓗ ᑲᖏᖅᖠᓂᕐᒦᓕᓚᐅᖅᐳᒍᒃ. ᑕᒪᓐᓇ ᑕᐃᑯᙵᐅᓂᕆᔭᕗᒃ ᐅᕙᓐᓄᑦ ᐃᖅᑲᐃᓐᓇᖃᑦᑕᓚᐅᖅᐳᖅ ᓲᖃᐃᒻᒪ ᐃᓅᓯᓕᒫᑲᓴᖕᓂ ᑕᐃᑲᓂᕐᒥᐅᑕᐅᓚᐅᖅᓯᒪᔪᖓ!
ᑕᐃᑯᙵᐅᓯᒪᓂᓐᓂ, ᐃᓕᓐᓂᐊᕐᕕᖕᓄᙵᐅᓚᐅᖅᐳᖓ ᐅᖃᖃᑎᒋᔭᖅᑐᖅᖢᒋᑦ ᓄᑕᖅᑲᑦ ᑎᑎᕋᕐᕕᑦᑕ ᒥᒃᓵᓄᑦ ᖃᓄᐊᓕᐅᖅᑎᐅᕙᖕᒪᖔᑦᑕᓗ. ᐊᒥᓱᓂᑦ ᓄᑕᖅᑲᓂᑦ ᐃᓂᓴᕆᔭᐅᖅᑰᔨᓚᐅᖅᑐᖓ ᑕᐃᑲᓂ, ᓲᖃᐃᒻᒪ ᐊᓂᒐ ᐊᖓᔪᒋᔭᕋ ᑕᐃᑲᓂ ᐃᓕᓐᓂᐊᖅᑎᓄᑦ ᐃᑲᔪᖅᑐᐃᕙᖕᓂᕐᒧᑦ ᐃᑲᔪᖅᑎᐅᖕᒪᑦ ᕿᑎᐊᓃᑦᑐᒥ ᐃᓕᓐᓂᐊᕐᕕᖕᒥ ᑕᐃᖕᓇᓗ ᐊᔾᔨᒌᑲᓴᑦᑎᐊᖅᖢᓄᒃ. ᐃᓕᓐᓂᐊᖅᑏᖅ ᐃᓕᓐᓂᐊᕐᕕᖕᒥᓗ ᐃᖅᑲᓇᐃᔭᖅᑏᑦ ᑐᙵᓇᑦᑎᐊᓚᐅᖅᐳᑦ ᐊᒻᒪᓗ, ᑕᒪᕐᒥᑦᑎᐊᕐᓗ ᐅᕙᓐᓂᒃ ᐱᓕᕆᖃᑎᖃᕈᓐᓇᓚᐅᖅᖢᑎᒃ ᑐᓴᖅᑎᑕᐅᓯᑲᐅᑎᒋᒐᓗᐊᖅᖢᑎᒃ ᑕᒪᑐᒧᖓ.
ᑭᐳᒥ ᐊᑐᕐᓂᐊᖅᑕᕐᓂᒃ ᐋᖅᑭᒃᓯᓚᐅᕐᒥᔪᖓ ᑯᐊᐸᒃᑯᑦ ᓂᐅᕕᕐᕕᖓᓂ. ᑕᒪᓐᓇ ᑲᔪᓯᓂᖃᑦᑎᐊᓚᐅᖅᑐᖅ ᓲᖃᐃᒻᒪ 80−ᐳᓴᐸᓗᒋᓐᓂᒃ ᖃᐃᔪᓂᒃ ᐅᕙᑦᑎᓐᓂᒃ ᐅᖃᓪᓚᒋᐊᖅᑐᖃᑎᖃᖅᖢᑎᒃ ᖃᐅᔨᒪᓚᐅᖅᑐᖓ. ᑕᒪᓐᓇ ᑕᒪᑐᒥᖓ ᐱᓕᕆᓂᕆᔭᕗᑦ ᖁᕕᐊᓇᓚᐅᖅᑐᖅ ᓲᖃᐃᒻᒪ ᐊᔪᕐᓇᙱᑦᑐᑯᓘᓚᐅᖅᑐᑦ ᑕᒪᑐᒧᖓ ᖃᐅᔨᔪᒪᔪᓄᑦ.
ᑕᒪᓐᓇ ᐱᓕᕆᓂᐅᓚᐅᖅᑐᑦ ᐱᐅᓚᐅᖅᑐᖅ ᑕᐃᒪᐃᓐᓂᖓᓄᑦ!”
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.