ᐱᔪᓐᓇᐅᑎᑦ ᒪᑭᑦᑕᐅᑎᒧᑦ ᐱᙳᐊᕈᑎ


ᐱᔪᓐᓇᐅᑎᑦ ᒪᑭᑦᑕᐅᑎᒧᑦ ᐱᙳᐊᕈᑎ

ᐅᓇ ᐱᙳᐊᕈᑎ ᖁᕕᐊᓇᖅᑐᖅ ᖃᖓᑐᐃᓐᓇᒃᑯᑦ. ᐱᙳᐊᕈᑎᐅᓵᖅᑐᑦ ᖃᓄᐃᓕᐅᕈᑎᓪᓘᓐᓃᑦ ᐱᔭᕆᐊᖃᙱᑦᑐᑦ

ᐱᓕᕆᔾᔪᑏᑦ:
 ᒪᕐᕉᒃ ᒪᑭᑦᑕᐅᑏᒃ
 ᐊᑕᐅᓯᖅ (ᕿᓪᓕᖅᑐᒥᒃ ᓂᐱᑎᕝᕕᒋᓯᒪᔫᒃ) ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᑦ (ᐅᕝᕙᓘᓐᓃᑦ ᐱᔪᓐᓇᐅᑎᑦ ᐊᔾᔨᙳᐊᖏᑦ)

ᐱᙳᐊᖅᑐᖃᓚᐅᖅᑳᖅᑎᓐᓇᒍ: RCYO-ᒥᑦ ᐊᑐᖅᑕᐅᔪᒃᓴᑦ ᐃᓚᖃᖅᐳᖅ ᐅᖃᐅᓯᕐᒥᑦ ᑲᑎᖅᓱᕐᕕᖕᒥᑦ ᐱᔪᓐᓇᐅᑎᓂᒃ ᑭᔾᔭᖅᑐᖅᓯᒪᔪᓂᒃ ᒪᑭᑦᑕᐅᑎᒧᑦ ᐱᙳᐊᕈᑎᓂᒃ ᓇᓂᔭᐅᔪᓐᓇᖅᑐᑦ ᐱᔪᓐᓇᐅᑎᓂᒃ ᒪᑭᑕᐅᑎᒧᑦ ᐱᙳᐊᕈᑎᓂᒃ ᑲᑎᖅᓱᕐᕕᖕᒥᑦ. ᐅᓄᖅᑐᓕᐅᕈᑎᒧᑦ ᐊᔾᔨᖓᓂ ᐋᕿᒃᓯᓗᑎᑦ ᐊᒻᒪ ᑭᔾᔭᖅᑐᕐᓗᒋᑦ ᐱᔪᓐᓇᐅᑏᑦ. ᕿᓪᓕᖅᓯᑎᑦᑎᓗᑎ ᑭᔾᔭᖅᑐᖅᑕᐅᓯᒪᔪᑦ ᐊᑐᕈᓐᓇᕐᒥᔪᑦ. ᑕᕝᕙᓂᑦᑕᐃᓐᓇᖅ ᑎᑎᕋᖅᓯᒪᔪᒃᑯᕕᖕᒥ, ᐊᓯᐊᓂᒃ ᑎᑎᕋᖅᓯᒪᔪᒃᑯᕕᒃᑕᖃᕐᒥᔪᖅ ᐊᑎᖃᕐᖢᓂ ᐱᔪᓐᓇᐅᑎᑦ ᐊᔾᔨᙳᐊᖏᑦ, ᐊᑐᖅᑕᐃᓕᙱᓪᓗᒋᑦ ᑖᒃᑯᐊ ᐊᔾᔨᙳᐊᑦ ᑭᔾᔭᖅᑐᖅᓯᒪᔪᑦ ᐱᙱᖔᕈᓐᓇᖅᑐᑦ ᐅᖃᐅᓯᖏᑦ ᓄᑖᕈᕆᐊᖅᓯᒪᖅᑰᔨᒋᓗᐊᕈᕕᒋᑦ ᐃᓕᓐᓂᐊᖅᑎᖁᑎᖕᓄᑦ.

ᐋᖅᑭᒃᓱᕐᓗᒍ ᐱᙳᐊᖅᑕᐅᓂᐊᖅᑐᖅ: ᐃᓕᓗᒋᑦ ᑭᔾᔭᖅᑐᖅᓯᒪᔪᑦ (ᐊᔾᔨᙳᐊᓪᓘᓐᓃᑦ) ᑲᑎᙵᕈᓘᔭᖅᑐᓄᑦ, ᑯᔾᔭᖓᑎᖔᕐᖢᒋᑦ, ᑭᐴᑉ ᕐᑳᖓᓄᑦ ᐊᓯᐊᓄᓪᓘᓐᓃᑦ ᒪᓂᖅᑭᒃᑐᒧᑦ, ᐅᖓᓯᓗᐊᙱᓪᓗᒍ ᑲᑎᙵᔪᓄᑦ. ᐱᖁᓗᒋᑦ ᐃᓕᓐᓂᐊᖅᑎᑦ ᑲᑎᖁᓗᒋᑦ ᐊᖕᒪᓗᖅᓯᓗᑎᒃ ᓇᑎᕐᒥ, ᐃᓂᖃᕐᓗᑎᒃ ᐅᖓᓯᒋᐊᕐᔪᒃᑕᖓᓂ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᑦ.

ᑐᕌᕆᔭᖓ ᑖᔅᓱᒪ ᒪᒃᑭᑦᑕᐅᑎᓄᑦ ᐱᙳᐊᕈᑎ ᐊᑐᓂ ᐃᓕᓐᓂᐊᖅᑎᑦ ᐅᖃᓕᒫᕐᓗᑎᒃ ᓂᐱᖅᑯᖅᑐᓗᑎᒃ ᐅᓄᕆᐊᕐᓗᒋᑦ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᓂ ᐊᔪᕐᓇᙱᓐᓂᓕᒫᖓᓂ ᑭᓇᑭᐊᖅ ᒪᑭᑦᑎᓚᐅᙱᓐᓂᖓᓂ ᓈᓴᐅᑎᖅᑕᖓᓂᒃ. ᐃᓕᓴᐃᔨ ᖃᓂᒃᓴᕆᐊᓕᒃ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᓂ ᐃᑲᔪᕈᓐᓇᕐᓂᐊᕐᒪᑕ ᐅᖃᓕᒫᖅᑎᓪᓗᒋᑦ, ᐱᔭᕆᐊᖃᖅᐸᑦ. ᐱᖁᕙᔅᓯ ᓵᓚᒋᓇᓱᒃᓗᒋᑦ ᐃᓕᓐᓂᐊᖅᑎᑎᑦ ᐅᖃᐅᓯᕐᓄᑦ. ᑖᒃᑯᐊ ᐱᒻᒪᕆᐅᖕᒪᑕ ᐅᖃᐅᓰᑦ ᖃᐅᔨᒪᓕᕆᐊᖃᖅᑕᖏᑦ.

ᐱᒋᐊᕐᓂᐊᕐᓗᒍ ᐱᙳᐊᕈᑎ. ᐃᓄᒃ ᐊᑕᐅᓯᖅ ᒪᑭᑦᑎᓗᓂ ᒪᑭᑦᑕᐅᑎᒥᒃ ᖃᐅᔨᓂᐊᕐᒪᑕ ᓈᓴᐅᑎᖓᓂᒃ. ᖃᐅᔨᒪᑎᒋᐊᖅᑕᓕᒫᕆᓗᒋᑦ ᒪᑭᑦᑕᕆᐊᓕᐅᑉ ᓈᓴᐅᑖᓂᒃ. ᑐᓂᓕᕐᒥᓗᒋᑦ ᒪᕐᕉᒃ ᒪᑭᑦᑕᐅᑏᒃ ᐃᓕᓐᓂᐊᖅᑎᓄᑦ ᓯᕗᓕᕇᒃᓗᑎᒃ ᐊᖕᒪᓗᖅᓯᖓᔪᓂᑦ.

ᐃᓕᓐᓂᐊᖅᑎᑦ ᒪᑭᑦᑎᕙᒃᓗᑎᒃ ᒪᑭᑦᑕᐅᑎᒥᒃ ᐊᑕᐅᓯᐊᕐᓗᑎᒃ ᐅᐃᔾᔮᕐᐸᓪᓕᐊᓗᑎᒃ ᓯᕿᙳᔭᑐᑦ ᐃᓕᓐᓂᐊᖃᑎᖏᓐᓄᑦ. ᐃᓕᓐᓂᐊᖅᑎ ᒪᑭᑦᑎᒃᐸᑦ ᓈᓴᐅᑎᖅᑕᖓᓂᒃ, ᒪᑭᐊᓪᓚᒋᐊᕆᐊᖃᖅᑐᑦ ᐅᓪᓚᒃᓯᓗᑎᒃᓗ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᓄᑦ ᐅᖃᓕᒫᕐᓗᑎᒃᓗ ᓂᐱᖅᑯᖅᑐᓗᑎᒃ ᐅᓄᕆᐊᕐᓗᖏᑦ ᐱᔪᓐᓇᐅᑎᑦ ᐊᔪᙱᑕᓕᒫᖏᓐᓂ ᐊᓯᖓ ᐃᓕᓐᓂᐊᖅᑎ ᒪᑭᑦᑎᓚᐅᙱᓐᓂᓕᒫᖓᓂᒃ ᓈᓴᐅᑎᖅᑕᒥᒃ. ᓈᓴᐅᑎᖅᑕᖅ ᒪᑭᑕᐅᒃᐸᑦ ᐊᓯᐊᓄᑦ ᐃᓕᓐᓂᐊᖅᑎᒧᑦ, ᓯᕗᓪᓕᐅᓵᖅᑐᖅ ᐃᓕᓐᓂᐊᖅᑎ ᐅᑎᕐᓗᓂ ᐊᖕᒪᓗᖅᓯᖓᔪᓄᑦ ᐱᓯᒪᓗᒋᑦ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᑦ ᐅᖃᓕᒫᓵᖅᑕᖏᑦ, ᐱᖃᑖ ᐃᓕᓐᓂᐊᖅᑎ ᐅᖃᓕᒫᖑᔭᓕᖅᑎᓪᓗᒍ ᓂᐱᖅᑯᖅᑐᓗᓂ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᓂ ᐅᓄᕆᐊᕐᓗᒋᑦᑕᐅᖅ.

ᐱᙳᐊᕈᑎ ᐃᓱᓕᓪᓗᓂ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᓕᒫᖏᑦ ᐊᕝᕗᖅᑕᐅᔪᐃᓐᓇᐅᒃᐸᑕ ᐅᖃᓕᒫᖅᑕᐅᓗᑎᒃᓗ, ᐱᕕᖃᕐᕕᖓᓘᓐᓃᑦ ᐃᓱᓕᑉᐸᑦ. ᐱᙳᐊᕌᓂᒃᑎᓪᓗᒋᑦ, ᐃᓕᓐᓂᐊᖅᑎ ᐅᓄᓛᓂᒃ ᑭᔾᔭᖅᑐᖅᓯᒪᔪᓂᒃ ᐱᔪᖅ ᓵᓚᖃᕐᓗᓂ. ᐊᔾᔨᒌᒃᑐᖃᕋᔭᖅᐸᑦ, ᐊᑐᓂ ᐃᓅᒃ ᒪᑭᑦᑎᓗᑎᒃ ᒪᑭᑦᑕᐅᑎᒥᒃ ᖁᑦᑎᓛᒥᓪᓗ ᓈᓴᐅᑎᓕᒃ ᓵᓚᖃᕐᓗᓂ.

ᐅᖃᖃᑎᒋᔾᔪᑎᒃᓴᑦ ᑲᑎᙵᔪᓄᑦ: ᐊᑐᓂ ᐃᓕᓐᓂᐊᖅᑎᑦ ᐅᖃᓕᒫᖅᑎᒃᑲᓐᓂᕐᓗᒋᑦ ᓂᐱᖅᑯᖅᑐᓗᑎᒃ ᐃᓚᖓᓂᒃ ᐱᔪᓐᓇᐅᑎᑦ ᑭᔾᔭᖅᑐᖅᓯᒪᔪᓂ ᐱᔭᖏᓐᓂ. ᐅᖃᐅᓯᕆᓗᒋᑦ ᐊᑐᓂ ᐱᔪᓐᓇᐅᑎᑦ. ᐊᐱᕆᒋᐊᕆᐊᕐᓗᑎᑦ ᑲᑎᖅᓱᖅᑕᓂ ᐊᑐᓂ ᐱᔪᓐᓇᐅᑎᓂᒃ ᐃᓕᓐᓂᐊᖅᑎᓂᑦ.