ᑲᓇᑕᒥᑦ ᑲᑎᒪᔨᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᓂ ᐅᓂᒃᑳᓕᐊᖅ ᓱᕈᓯᕐᓄᑦ ᐱᔪᓐᓇᐅᑎᖏᑦ ᑲᓇᑕᒥᑦ, 2019−ᒥᑦ


ᑲᓇᑕᒥᑦ ᓱᕈᓰᑦ ᐱᔪᓐᓇᐅᑎᖏᑦ ᐊᑲᐅᖏᓕᐅᕈᑎᐅᓚᐅᖅᐳᖅ 2018−ᒥᓂ. ᒪᒃᑯᒃᑐᑦ ᖁᕙᕆᐊᖅᑕᐅᖃᑦᑕᖏᑦᑐᑦ, ᓂᑲᓇᖅᑑᖃᑦᑕᖅᐳᑦ ᒐᕙᒪᒃᑯᓐᓂᖔᖅᑐᓪᓗ, ᑕᑯᓯᒪᕗᑦ ᐱᔪᓐᓇᐅᑎᖏᑦ ᐃᓱᒪᒋᔭᐅᖏᑦᑐᑦ ᐊᒻᒪ ᓂᐱᖃᖅᑎᑕᐅᖏᖢᑎᒃ. ᑲᓇᑕᐅᒥᐅᑦ ᐅᕙᑦᑎᓐᓄᑦ ᐱᓇᓱᐊᕆᐊᖃᓪᓚᕆᓕᖅᐳᑦ ᒐᕙᒪᖏᓐᓄᑦ ᐱᖁᔭᖏᑦ ᐋᖅᑭᒋᐊᖅᑕᐅᒋᐊᓖᑦ ᓴᐳᒃᖠᓗᑎᒡᓗ ᐱᔪᓐᓇᐅᑎᖏᓐᓂ ᓱᕈᓯᕐᓂᑦ ᒪᒃᑯᒃᑐᓂᒡᓗ. ᐱᓕᕆᐊᖑᓇᓱᐊᖅᑎᓪᓗᒋᑦ ᑲᒪᔪᓐᓇᖅᑎᑕᐅᖏᒻᒪᑕ.

ᓱᕈᓰᑦ ᐱᔪᓐᓇᐅᑎᖏᑦ ᐱᒻᒪᕆᐅᕗᑦ. ᓱᕈᓯᓕᒫᑦ ᓂᐱᖃᕆᐊᓖᑦ ᐊᒃᑐᖅᑕᐅᖃᑦᑕᖅᑕᒥᖕᓄᑦ ᐃᓱᒪᓕᐅᖅᑕᐅᖃᑦᑕᕋᒥᒃ. ᑭᒡᒐᖅᑐᐃᔨᑦ, ᐃᑲᔪᕆᐊᖃᖅᑕᕗᑦ ᒪᒃᑯᒃᑐᑦ ᑐᓴᖅᑕᐅᒋᐊᖃᕋᒥᑦ ᒐᕙᒪᒃᑯᓐᓂ ᐃᑲᔪᖅᑕᐅᖃᑦᑕᕐᓂᐊᕋᒥᒃ ᓴᐳᒻᒥᔭᐅᓗᑎᒡᓗ. ᐃᑲᔪᖅᑕᐅᖃᑦᑕᖏᑎᓪᓗᒋᑦ, ᑲᒪᒋᔭᐅᑦᑎᐊᔾᔮᖏᓐᓂᐊᕋᓱᒋᖃᑦᑕᕐᒪᑕ ᐃᒻᒥᓄᑦ, ᖁᕙᕆᐊᖅᑎᑕᐅᖏᓪᓗᑎᒃ ᐋᓐᓂᕐᔪᐊᓗᑎᒡᓘᓐᓃᑦ. ᑕᐃᒪᓐᓇ ᓇᖕᒥᓂᖅ ᓄᓇᓖᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᑭᒡᒐᖅᑐᐃᔨᐅᔪᑦ ᐊᑑᑎᕐᔪᐊᖅᐳᑦ. ᑕᑯᒐᔪᒃᐳᒍᑦ ᒪᒃᑯᒃᑐᓂ, ᐅᓂᒃᑳᖅᑕᖏᑦ ᓈᓚᒃᐸᒃᖢᑎᒃᑯᑦ ᐃᑲᔪᖅᑕᐅᒋᐊᖃᕌᖓᒥᒡᓗ ᐃᑲᔪᖅᐸᒃᖢᑎᒃᑯᑦ.

ᓯᓚᕐᔪᐊᕐᒥᐅᑦ ᑲᑐᔾᔨᖃᑎᒌᑦ ᑲᑎᒪᔨᖏᑦ ᐱᔪᓐᓇᐅᑎᖏᓐᓄᑦ ᓱᕈᓯᕐᓄᑦ ᕿᒥᕐᕈᔭᐅᓂᖅᐹᖑᖃᑦᑕᖅᐳᖅ ᐊᖏᖃᑎᒌᒍᑦ ᐃᑲᔪᖅᑕᐅᔪᓐᓇᖁᓗᒋᑦ ᓱᕈᓰᑦ. ᑲᓇᑕᒥᑦ ᐊᖏᕈᑎᓕᐅᓚᐅᖅᓯᒪᕗᑦ ᓯᓚᕐᔪᐊᓂ ᑲᑐᔾᔨᖃᑎᒌᖏᓐᓄᑦ ᐱᔪᓐᓇᐅᑎᖏᓐᓄᑦ ᓱᕈᓯᕐᓄᑦ 1991-ᒥᑦ ᐃᓱᒪᒋᔭᐅᓯᒪᓪᓗᓂᒡᓗ ᐊᖏᖅᓯᒪᔭᖓᓂ ᓴᐳᒻᒥᔭᐅᖁᓗᒋᑦ ᐃᑲᔪᖅᑕᖁᓗᒋᓪᓗ ᓱᕈᓰᑦ ᐱᔪᓐᓇᐅᑎᖏᑦ ᑲᓇᑕᒥᑦ. ᑎᑎᖅᑲᑎᒍᑦ ᐃᑲᔫᑎᐅᒐᓗᐊᖅᑎᓪᓗᒍ ᑖᓐᓇ ᓯᓚᕐᔪᐊᕐᒥᐅᑦ ᑲᑐᔾᔨᖃᑎᒌᑦ ᑲᑎᒪᔨᖏᑦ ᐱᔪᓐᓇᐅᑎᖏᓐᓄᑦ ᓱᕈᓯᕐᓄᑦ , ᑭᒃᑯᑐᐃᓐᓇᕐᓄᑦ ᐊᑐᖅᑕᐅᖃᑦᑕᖏᑦᑐᖅ ᐱᔨᑦᑎᖃᑦᑕᖏᒻᒪᑕ ᒪᒃᑯᒃᑐᑦ ᐃᑲᔪᑕᐅᒋᐊᓕᖕᓄᓪᓗ ᓂᐱᖃᕈᓐᓃᖅᑎᑕᐅᓪᓗᑎᒃ ᐊᒻᒪ ᖁᕝᕙᕆᐊᖃᖅᑕᐅᓇᑎᒃ.

ᐃᑲᔪᖅᑕᐅᖏᓗᐊᖃᑦᑕᕐᒪᑕ ᐊᖏᖅᑕᐅᓯᒪᔭᖏᓐᓂᒡᓗ ᐱᔪᓐᓇᐅᑎᖏᓐᓂ ᒪᒃᑯᒃᑐᑦ ᓴᕿᔮᕐᓂᓴᖅᑕᐅᓚᐅᖏᓪᓚᖅ ᐲᖅᑕᐅᓚᐅᕐᓂᖓ ᐋᓐᑎᐅᕆᐅᑉ ᓱᕈᓯᕐᓄᑦ ᑭᒡᒐᖅᑐᐃᕕᖏᓐᓂᒃ ᑎᑎᕋᕐᕕᐊᓂ. ᑲᓇᑕᒥᑦ ᓄᓇᓕᖕᓂᑦ ᐊᕕᒃᑐᖅᓯᒪᔪᓂ ᐃᓱᒪᒋᔭᐅᓂᖅᐹᖑᖃᑦᑕᓚᐅᖅᓯᒪᔪᖅ ᓇᖕᒥᓂᖅ ᓂᐱᖃᕈᓐᓃᓛᖅᓯᕗᖅ ᐃᑲᔪᕋᓱᖃᑦᑕᖅᑐᑦ ᐃᓕᓐᓂᐊᖅᑎᑦᑎᓇᓱᐊᖅᖢᑎᒃ ᒪᒃᑯᒃᑐᓂ ᑭᒃᑯᑐᐃᓐᓇᕐᓄᑦ ᐱᔨᑦᑎᖅᑕᐅᒋᐊᓕᖕᓄᑦ ᐊᒻᒪ ᑭᒡᒐᖅᑐᐃᖃᑦᑕᖅᑐᑦ ᐱᔨᑦᑎᖃᑦᑕᖏᓪᓚᑦ ᐱᔨᑦᑎᖅᑕᐅᒋᐊᓕᖕᓂ. ᑎᑎᕋᕐᕕᐊ ᑭᒡᒐᖅᑐᐃᓯᒪᕗᖅ ᒪᒃᑯᒃᑐᓂ ᐅᑯᖑᕗᑦ: ᓄᓇᖃᖅᑳᖅᓯᒪᔪᑦ, ᓱᕈᓯᕐᓄᑦ ᐸᐸᖅᑎᔨᓄᑦ ᐃᓱᒪᓕᕆᓂᕐᒧᑦ ᐱᔨᑦᑎᐅᑎᓂᒡᓗ; ᒪᒃᑯᒃᑐᒃᑯᕕᖕᒦᑦᑐᑦ; ᑎᒥᒥᒍᑦ ᐊᔪᕈᑎᖃᖅᑐᓂ ᐃᓅᖃᑎᖃᖅᑐᓂ; ᐅᕝᕙᓘᓐᓃᑦ ᐋᓐᑎᐅᕆᐅ ᐊᕕᒃᑐᖅᓯᒪᕝᕕᒋᔭᖓᓂ ᐊᒻᒪ ᐃᓱᒪᒋᔭᐅᔪᓂ ᐃᓕᓐᓂᐊᕐᕕᖕᓂᑦ. ᑎᑎᕋᕐᕕᐊ ᐅᒃᑑᑎᐅᓯᒪᕗᖅ ᑲᓇᑕᓕᒫᒥᑦ ᓂᐱᖃᖅᑎᑦᑎᓗᓂ ᒪᒃᑯᒃᑐᓂ ᑭᒡᒐᖅᑐᐃᔨᖏᓐᓂᒡᓗ ᐱᔪᓐᓇᐅᑎᖏᓐᓄᑦ.

ᐱᕙᓪᓕᐊᔭᐅᕋᑖᓚᐅᖅᑐᒥᑦ, ᐱᖁᔨᓐᓇᕋᓗᐊᖅᑎᓪᓗᒋᑦ ᐊᓯᖏᑦ ᑭᒡᒐᖅᑐᐃᔪᑦ, ᐅᓄᖅᑐᑦ ᑲᑎᙵᐅᖅᑐᑦ ᐱᓕᕆᔩᑦ ᓲᕐᓗ ᓯᓚᕐᔪᐊᕐᒥᐅᑦ ᑲᑐᔾᔨᖃᑎᒌᖏᑦ ᓱᕈᓯᕐᓄᑦ ᑐᐊᕕᕐᓇᖅᑐᓂ ᑮᓇᐅᔭᖅᑖᖅᑎᑦᑎᔨᓄᑦ, ᐊᒻᒪ 2015−ᒥᑦ ᑐᖁᖓᔪᓕᕆᔩᑦ ᖃᐅᔨᓴᖁᔨᑎᓪᓗᒋᑦ, ᒪᒃᑯᒃᑐᑦ ᐳᕋᔅ ᐊᑦᕗᑦ ᕿᑭᖅᑕᖓᓂ ᐅᓪᓗᒥᐅᔪᖅ ᓱᕈᓯᕐᓄᑦ ᑭᒡᒐᖅᑐᐃᔨᖃᓕᖅᐳᑦ. ᐅᒡᒋᐊᓇᖅᑐᖅ ᓄᓇᓕᖕᓂᑦ ᐊᕕᒃᑐᖅᓯᒪᔪᓂ ᑲᓇᑕᒥᖔᖅᑐᓂ ᓱᕈᓯᕐᓄᑦ ᑭᒡᒐᖅᑐᐃᔨᑖᓕᒑᖕᒪᑦ, ᐊᖏᓂᖅᐹᖓᑦ ᓄᓇᓕᖕᓂᑦ ᐊᕕᒃᑐᖅᓯᒪᕝᕕᒋᔭᖓᑦ ᓇᖕᒥᓂᖅ ᑭᒡᒐᖅᑐᐃᔨᖃᕈᓐᓃᓕᒑᓂᖓᓂ. ᑭᓯᐊᓂᑦᑕᐅᖅ, ᐋᓐᑎᐅᕆᐅ ᑲᓇᑕᒥᐅᑕᑐᐊᖑᖏᑉᐳᖅ ᐱᔪᓐᓇᐅᑎᖏᑦ ᒪᒃᑯᒃᑐᑦ ᑭᒡᓕᖃᖅᑎᑕᐅᓕᒑᓕᖅᑐᑦ.

ᓄᓇᑦᑎᐊᕐᒥᑦ ᓇᖕᒥᓂᖅ ᓱᕈᓯᕐᓄᑦ ᑭᒡᒐᖅᑐᐃᔨᑕᖃᖏᑦᑐᖅ. ᑮᓇᐅᔭᓕᕆᐊᖑᕙᒃᑐᓂ ᖃᐅᔨᓴᖅᑎᒻᒪᕆᒃ ᖃᐅᔨᒪᕗᖅ ᐱᔭᒃᓴᓗᐊᑕᑦ ᓴᐳᒻᒥᔭᐅᓇᓱᒃᑎᓪᓗᒋᑦ ᓱᕈᓰᑦ ᐸᖅᑭᔭᐅᔪᑦ ᐊᒻᒪ ᓇᓗᓇᐃᖅᑕᐅᓯᒪᕗᖅ ᒪᕐᕉᖕᓄᑦ ᐱᖓᓱᐃᓕᖅᓱᖅᖢᒍ ᑎᒍᐊᙳᐊᖃᕐᕖᑦ ᖃᐅᔨᓴᖅᑕᐅᖃᑦᑕᖏᒻᒪᑕ ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᖏᓐᓄᑦ. ᓯᕈᓰᑦ ᐱᓯᒪᔭᐅᖏᓐᓇᓕᖅᑐᒃᑯᕕᖕᒦᑦᑐᑦ ᐃᓂᒋᔭᖏᑦ ᓈᒻᒪᖏᑦᑑᒋᐊᒃᓴᖏᓐᓂ − ᓄᖅᑎᑕᐅᒐᔪᒃᐳᓪᓗ 12- ᓱᒻᒪᕆᒃᖢᒍ. 2018−ᒥᑦ, ᐃᓄᓕᕆᔨᒃᑯᑦ ᖃᐅᔨᓴᖃᑦᑕᖏᑉᐳᑦ ᐸᖅᑭᔭᐅᔪᓂ ᒪᕐᕉᐃᖅᓱᕐᓗᑎᑦ ᑕᖅᑭᓂ 88%−ᖑᔪᑦ ᑎᒍᐊᙳᕆᔭᐅᔪᑦ. ᑕᑯᖃᑦᑕᖅᓯᒪᕗᒍᑦ ᖃᓄᐃᓂᕐᓗᒃᑐᖃᖅᑐᕕᓂᐅᑎᓪᓗᒍ ᓴᖅᑭᑕᐅᔪᓐᓇᖅᑐᑦ ᓱᕈᓰᑦ ᒐᕙᒪᒃᑯᓐᓂ ᐸᖅᑭᔭᐅᔪᑦ ᐃᑲᔪᖅᑕᐅᑦᑎᐊᖃᑦᑕᖏᒻᒪᑕ ᖃᐅᔨᓴᖅᑕᐅᖏᖢᑎᒡᓘᓐᓃᑦ.
 
ᒐᕙᒪᑐᖃᒃᑯᑦ, ᐊᑲᓂᐅᔪᖅ ᐊᖏᖅᓯᒪᒐᓗᐊᖅᐳᑦ ᑲᓇᑕᒥᑦ ᓱᕈᓰᑦ ᑎᒥᙳᖅᑎᑕᐅᓯᒪᓂᖓ ᑲᔪᓯᓚᐅᖏᑦᑐᖅ ᓱᓕ. ᐊᕐᕌᒍᒐᓴᖕᓄᑦ, ᓴᓇᖁᔨᓯᒪᕗᒍᑦ ᓇᖕᒥᓂᖅ ᐱᖁᔭᓕᐅᖅᑎᒥᑦ, ᐱᓇᓱᐊᖃᑦᑕᕐᓗᓂ ᓄᓇᖃᖅᑳᓯᒪᔪᑦ ᓱᕈᓰᑦ, ᒪᒃᑯᒃᑐᑦ ᑲᓇᑕᒧᐊᖅᑐᕕᓂᕐᓄᑦ, ᐊᒻᒪ ᑖᒃᑯᐊᓗ ᐱᖃᑕᐅᔪᑦ ᒪᒃᑯᒃᑐᓂ ᐃᖅᑲᖅᑐᐃᖃᑦᑕᖅᑐᓂ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓱᒪᓕᕆᔨᒃᑯᓪᓗ. ᐅᓄᓗᐊᖅᑐᕗᑦ ᓱᓕ ᓱᕈᓰᑦ ᓯᓚᑖᓂ ᐱᖁᔭᒃᓴᑎᒎᖃᑦᑕᖅᐳᑦ ᑐᕌᖅᑕᖏᓐᓄᑦ ᒐᕙᒪᑐᖃᒃᑯᑦ ᑮᓇᐅᔭᖅᑖᖃᑦᑕᖅᑐᓂ ᐱᔨᑦᑎᐅᑎᓂ. ᐱᔪᓐᓇᐅᑎᖃᖏᓗᐊᕐᒪᑕ ᑖᒃᑯᓂᖓ ᒪᒃᑯᒃᑐᓄᑦ ᓇᓗᓇᖏᓗᐊᖅᐳᑦ. ᑖᓐᓇ ᐱᖃᓯᐅᔾᔨᖏᓚᖅ ᐊᖏᖅᑕᐅᓯᒪᔪᓂ ᑕᒪᕐᒥᓕᒫᖅ ᓱᕈᓰᑦ ᑲᓇᑕᒥᑦ ᐊᖏᓚᐅᖅᓯᒪᔭᑦᑎᓐᓄᑦ ᓯᓚᕐᔪᐊᒥᑦ ᑲᑐᔾᔨᖃᑎᒌᖏᓐᓄᑦ ᑲᑎᒪᔨᕐᔪᐊᑦ ᐊᕐᕌᒍᓪᓗᐊᓂ 30−ᓂᒃ.
 
ᖃᐅᔨᒪᔪᒍᑦ ᑲᓇᑕᒥᐅᑉ ᐱᒻᒪᕆᐅᑎᑦᑎᖕᒪᑕ ᖃᓄᐃᖏᑦᑎᐊᕐᓗᑎᒃ ᑭᒃᑯᑐᐃᓐᓇᕐᓄᑦ ᐱᔨᑦᑎᖅᑕᐅᔪᑦ ᐊᒻᒪ ᓴᙱᔪᒥᒃ ᓂᕈᐊᕐᕕᖃᕈᒪᖕᒪᑕ, ᑭᒃᑯᐃᑐᐃᓐᓇᓕᕆᔪᑦ ᑲᒪᖃᑦᑕᕐᓗᑎᒃ ᖃᓄᖅ ᐱᔨᑦᑎᖅᑕᐅᖃᑦᑕᖕᒪᖔᑕ. ᖃᐅᔨᒪᒋᕗᒍᓪᓗ ᑲᓇᑕᒥᐅᑉ ᐱᖃᑕᐅᓕᕐᓂᐊᖅᑐᑦ ᐅᕙᑦᑎᓐᓄᑦ ᐃᒃᐱᕈᓱᓕᕐᓗᑎᒃ ᓱᕈᓯᒫᑦ ᐱᐅᓂᖅᐹᒥᑦ ᐱᓇᓱᐊᖅᑕᐅᔭᕆᐊᖃᖅᑕᑐᑦ ᐱᔪᓐᓇᕐᓂᓕᒫᖏᓐᓂᒃ ᐱᕈᖁᓗᒋᑦ. 
 
ᐱᓕᕆᐊᖃᖅᓯᒪᕗᒍᑦ ᐊᑐᖅᑕᐅᖃᑦᑕᖅᑐᓂ ᓇᒥᙶᖅᑐᑐᐃᓐᓇᕐᓂᑦ ᒐᕙᒪᒃᑯᓐᓂ ᒪᒃᑯᒃᑐᑦ ᐱᒻᒪᕆᐅᑎᑕᐅᒐᓗᐊᕐᒪᖔᑕ ᐱᔪᓐᓇᐅᑎᖃᖅᑎᑕᐅᓗᑎᒃ ᐱᖃᑕᐅᖏᓐᓇᖅᐸᒡᓗᑎᒡᓗ ᓄᓇᑦᑎᓐᓂ. ᑲᔪᖏᖅᓴᐃᓯᒪᕗᒍᑦ ᒐᕙᒪᒃᑯᑐᒃᑲᓐᓂ, ᓄᓇᓕᖕᓂᑦ ᐊᕕᒃᑐᖅᓯᒪᔪᒥᑦ ᐊᒻᒪ ᐅᑭᐅᖅᑕᖅᑐᒥᑦ ᒐᕙᒪᖏᓐᓂ ᕿᒥᕐᕈᑎᒃ ᐊᖏᓚᐅᖅᓯᒪᔭᖏᓐᓄᑦ ᒪᒃᑯᒃᑐᓂ, ᑭᓇᑯᑐᐃᓐᓇᐅᑎᓪᓗᒋᑦ ᓇᒥᖔᖅᑐᕕᓂᐅᑎᓪᓗᒋᓪᓗ, ᐃᖅᑲᓇᐃᔭᕐᕕᐅᖃᑦᑕᖅᑐᓂ ᐊᑐᖅᑕᐅᖃᑦᑕᖅᑐᓂᒡᓗ ᓴᐳᒻᒥᒃᖠᒐᓗᐊᕐᒪᖔᑕ ᐱᔪᓐᓇᐅᑎᖏᓐᓂᒃ.
 
ᑲᓇᑕᒥᐅᑕᐅᑎᓪᓗᑕ, ᐅᐱᒍᓱᖃᑦᑕᕋᖅᑕ ᓇᖏᕈᓐᓇᖃᑦᑕᕋᖅᑕ ᐱᔪᓐᓇᐅᑎᕗᑦ ᐃᓱᒪᖅᓲᑎᕗᓪᓗ ᑲᒪᒋᔭᐅᒐᕐᒪᖔᑕ ᐃᓄᓕᒫᑎᒍᑦ. ᓱᕈᓰᒃ ᐱᔪᓐᓇᐅᑎᖏᑦ ᐃᓱᒪᒋᔭᐅᔭᕌᖓᒥᑦ, ᐃᓚᖏᓐᓂ ᑲᔪᓯᔪᖃᑦᑎᐊᓲᖑᕗᖅ. ᐊᓯᐊᒍᓪᓕ, ᐱᕚᓪᓕᕈᑎᑕᖃᖅᓯᒪᖏᓚᖅ ᒥᑭᖠᒋᐊᖅᑎᑦᑎᓗᓂᒡᓘᓐᓃᑦ ᐃᓱᒪᒋᔭᐅᓂᖏᑦ ᒪᒃᑯᒃᑐᑦ ᐱᔪᓐᓇᐅᑎᖏᓐᓂ.
 
ᒐᕙᒪᒃᑯᑦ ᐱᓕᕆᐊᕆᖃᑦᑕᖅᑕᖏᑦ ᐱᐅᔪᐃᓐᓈᓗᖏᒻᒪᑕ. ᐃᑲᔪᖅᑕᐅᕕᐅᔪᓂ ᓴᐳᒻᒥᒃᖠᒋᐊᖃᖅᑐᒍᑦ ᓱᕈᓰᑦ ᐱᔪᓐᓇᐅᑎᖏᓐᓂ. ᓄᓇᓖᑦ ᐊᕕᒃᑐᖅᓯᒪᔪᑦ/ᐅᑭᐅᖅᑕᖅᑐᒥᑦ ᑭᒡᒐᖅᑐᐃᔨᑦ ᑲᒪᒋᓇᓱᐊᕐᓂᐊᖅᐸᖏᑦ ᐊᑐᖅᑕᐅᓯᐅᖑᔪᑦ ᑲᒪᑦᑎᐊᕈᓐᓇᖏᑦᑐᓂ, ᑲᒪᑎᑦᑎᑲᓐᓂᕋᓱᒃᑲᓐᓂᕐᓕᕐᓗᑎᒡᓗ. ᒪᒃᑯᒃᑐᑦ ᐱᔭᕆᐊᖃᖅᑕᖏᓐᓂ ᐱᓂᖅᓴᐅᒋᐊᓕᖑᒐᓗᐊᖅ ᒐᕙᒪᖏᓐᓄᑦ ᐊᒻᒪ ᐅᕙᑦᑎᓐᓄᓕᒫᕐᓗ. ᓂᕆᐅᒍᓐᓇᕆᖃᖅᑐᑦ ᐅᕙᒍᓕᒫᖅ ᑕᑎᒋᔭᐅᓕᕈᓐᓇᕋᔭᑦᑕ ᐱᔪᓐᓇᐅᖏᓪᓗ ᐱᒻᒪᕆᐅᑎᓕᕐᓗᑎᒃᑯᑦ. ᑕᐃᒪᐃᑎᓪᓗᒍ, ᑲᓇᑕᒥᐅᑦ ᓱᕈᓰᑦ ᑲᒪᒋᔭᕆᐊᖃᖅᑕᕗᑦ ᓴᖏᔫᔪᓐᓇᖁᓗᒍ ᓄᓇᕗᑦ ᓯᓚᕐᔪᐊᓗ ᓂᕆᐅᖕᓂᖃᑦᑕᖁᓗᒍ.
 

ᐱᔾᔪᑎᒋᓪᓗᒋᑦ ᑲᓇᑕᒥᐅᓄ ᑲᑎᒪᔩᑦ ᓄᑕᖅᑲᓐᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᒋᔭᐅᔪᑦ

ᑲᓇᑕᒥᐅᓄᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᓪᓗᑎᒃ ᑲᑐᔾᔨᖃᑎᒌᖑᕗᑦ ᒪᓕᒐᑎᒍᑦ ᑎᓕᔭᐅᓯᒪᓪᓗᑎᒃ ᑭᒡᒐᖅᑐᐃᔨᐅᓪᓗᑎᒃ ᐱᔪᓐᓇᐅᑎᒋᔭᐅᔪᓄᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ. ᑕᒪᒃᑯᐊ ᑭᒡᒐᖅᑐᖅᑏᑦ ᐊᐅᓚᑐᐃᓐᓇᕆᐊᖃᖅᐳᑦ ᐊᔾᔨᒌᙱᑦᑐᑎᒍᑦ ᑕᐃᔭᐅᕙᒃᑐᑎᒍᑦ (ᓲᕐᓗ ᐃᒪᓐᓇ,−ᑭᐅᓯᔨ ᑭᒡᒐᖅᑐᐃᔨ,ᐱᓕᕆᖃᑎᖃᖅᑎ, ᑲᒥᓯᓇ) ᑭᓯᐊᓂ ᑕᒪᕐᒥᑦᑎᐊᖅ ᑭᒡᒐᖅᑐᖅᑎᓪᓚᕆᒋᔭᐅᕗᑦ ᐅᖃᐅᓯᐅᓯᒪᔪᓂ ᐊᕕᒃᓯᒪᓂᕆᔭᐅᔪᓂ ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕐᓂ. ᑕᒪᕐᒥᑦᑎᐊᖅ CCCYA−ᒧᑦ ᐃᓚᒋᔭᐅᔪᑦ ᐃᓛᒃᑰᖅᖢᑎᒃ ᐱᓕᕆᔨᓪᓚᕆᐅᓪᓗᑎᒃ ᐅᖃᕐᕕᖃᑲᐅᑎᒋᕙᒃᖢᑎᒃ ᒪᓕᒐᓕᐅᕐᕕᖕᒥᐅᓄᑦ ᐱᓕᕆᕝᕕᒋᔪᓐᓇᖅᑕᒥᓂ ᐃᓂᒥᓂᒃ ᐱᔾᔪᑎᖃᕐᓗᑎᒃ. ᑕᒪᕐᒥᒃ ᐊᑐᓂᑦ CCCYA−ᒧᑦ ᐃᓚᒋᔭᐅᔪᓄᑦ ᑎᑎᕐᕕᒋᔭᐅᔪᖅ ᐋᖅᑭᒃᑕᐅᓯᒪᕗᖅ ᐱᖁᔭᑎᒍᑦ ᐊᐅᓚᓂᐊᕐᓗᑎᒃ ᐃᓛᒃᑰᕐᓗᑎᒃ ᒐᕙᒪᒃᑯᑦ ᐱᔪᓐᓇᐅᑎᒋᔭᖏᓐᓂᑦ ᐊᐅᓚᑕᖏᓐᓃᓪᓘᓐᓃᑦ. ᑲᑎᒪᔨᒋᔭᐅᔪᑦ ᐃᓚᖃᖅᐳᑦ ᐃᓚᒋᔭᐅᔪᓂᒃ 9-ᓂᑦ ᐊᕕᒃᓯᒪᓂᕆᔭᐅᔪᓂᑦ ᒪᕐᕉᖕᓂᓪᓗ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓂᑦ ᐅᑯᓇᓂ, ᐋᓪᐴᑕ, ᕈᐳᕆᑎᔅ ᑲᓚᒻᐱᐊ, ᒪᓂᑑᐸ, ᓂᐅ ᐳᕋᓐᔅᐅᐃ, ᓂᐅᕙᐅᓐᓛᓐᑦ, ᐊᒻᒪᓗ ᓛᐸᑐᐊ, ᓅᕙ ᒡᑰᓯᐊ, ᓄᓇᕗᑦ, ᐊᓐᑎᐅᕆᐅ, ᑯᐃᐸᒃ, ᓇᔅᑳᑦᓱᐊᓐ ᐊᒻᒪᓗ ᔫᑳᓐ.