ᖁᔭᓐᓇᒦᒃ ᑕᒪᔅᓯᑦᑎᐊᖅ ᐃᓯᓚᐅᖅᑐᓄᑦ ᓄᑕᖅᑲᑦᑕ ᐱᔪᓐᓇᐅᑎᖏᓐᓄᑦ ᐅᕕᓂᕈᕐᒧᑦ ᑕᖅᓴᒃᓴᒧᑦ ᓵᓚᖃᕋᓲᑎᒧᑦ.
ᐊᓕᐊᓇᐃᒍᓱᖃᑎᒋᑦᑎᐊᖅᐸᕗᑦ ᓵᓚᒃᓴᖅᑐᑦ!
ᐅᕝᕙᐅᑯᐊ ᐊᓯᖏᑦ ᐱᐅᔪᒻᒪᕆᐊᓗᐃᑦ ᐃᓕᐅᖅᑲᖅᑕᐅᓚᐅᖅᑐᑦ.
__________________________________________________________________________________
ᓄᕕᐱᕆ 20 ᐊᕐᕌᒍᑕᒫᑦ, ᑲᓇᑕᓕᒫᒥᑦ ᓄᑕᖃᓄᑦ ᐅᓪᓗᖓ ᖁᕕᐊᓲᑎᒋᔭᐅᕙᒃᑐᖅ ᐃᓕᓴᕆᔭᐅᓯᒪᓪᓗᓂ ᑲᓇᑕᐅᑉ ᐊᖏᖃᑎᒌᒃᓯᒪᓂᖓ ᐱᔪᓐᓇᕐᓂᕆᔭᖏᓐᓂᑦ ᐱᔪᓐᓇᐅᑎᒋᔭᐅᔪᑦ ᓄᑕᖃᓄᑦ.
ᓄᑕᖅᑲᑦ ᐱᔪᓐᓇᐅᑎᖏᑦ ᐱᒋᔭᐅᕙᒃᐳᑦ ᑕᒪᕐᒥᑦᑎᐊᖅ ᒪᒃᑯᑦᑐᑦ ᐱᓯᒪᓪᓗᐊᖅᓱᓂᔾᔪᒃ, ᓲᕐᓗ ᐃᒪᓐᓇ, ᐊᑐᖅᑕᖃᖃᑦᑕᕈᓐᓇᕐᓂᖅ ᖁᐊᖅᓵᕐᓇᙱᑦᑐᒥᒃ ᐃᒪᕐᒥᒃ ᓂᕿᑦᑎᐊᕙᖕᓂᒡᓗ, ᐱᓕᕆᐊᕆᔪᓐᓇᓪᓗᐊᖅᑕᖏᓐᓄᓪᓘᓐᓃᑦ, ᓲᕐᓗ, ᐃᓕᓐᓂᐊᕆᐊᖅᐸᒡᓗᑎᒃ ᐃᓕᓐᓂᐊᖅᑎᑕᐅᕙᒡᓗᑎᒡᓗ ᓇᖕᒥᓂᖅ ᐅᖃᐅᓯᕐᒥᑎᒍᑦ.
ᐊᑐᕈᓐᓇᕐᓂᖅ ᑕᒪᒃᑯᓂᖓ ᐃᑲᔪᖅᐸᒃᐳᖅ ᓄᑕᖅᑲᓂᒃ, ᒪᒃᑯᑦᑐᓂᒃ, ᐃᓚᖏᓐᓂᒡᓗ ᐱᐅᔪᓂᒃ ᓂᕈᐊᕆᔭᖃᕈᓐᓇᖅᐸᑦᓱᑎᒃ ᐃᓅᓯᕐᒥᓄᑦ, ᐃᑲᔪᖅᕈᑕᐅᕙᑦᑐᓂ ᐱᕈᖅᐸᓪᓕᐊᓂᖏᓐᓄᑦ ᐋᖅᑭᒃᓱᐃᕙᓪᓕᐊᕙᑦᓱᑎᓪᓗ ᐱᓕᕆᔪᓐᓇᑦᓯᐊᕐᓂᕐᒧᓪᓗ ᓄᓇᖅᑲᑎᒥᓄᑦ ᐃᒻᒥᓂᒃ, ᐃᓚᒥᓂᒃ ᓄᓇᓕᒻᒥᓂᓪᓗ ᒪᑭᑕᔪᓐᓇᖅᑎᑦᑎᕙᑦᓱᑎᒃ.
ᖁᕕᐊᓲᑎᒋᓗᒍ ᑲᓇᑕᓕᒫᒥᑦ ᓄᑕᖅᑲᓄᑦ ᐅᓪᓗᖓ ᓄᕕᐱᕆ 20, ᑕᑯᔪᒪᔪᒍᑦ ᓄᑕᖅᑲᑦ ᐱᔪᓐᓇᐅᑎᖏᑦ ᓄᓇᕗᒻᒥ ᐃᓕᓐᓄᑦ ᖃᓄᖅ ᑐᑭᖃᕐᒪᖔᑕ.
ᓇᓗᓇᐃᒃᑯᑕᐅᑉ ᑕᐅᑦᑐᖓᓐᓂᒃ ᓴᓇᔭᐃᑦ ᐅᕙᒍᑦ ᐅᕕᓂᕈᖏᓐᓃᒍᓐᓇᖅᑐᑦ!
ᓵᓚᒃᓴᖅᑐᖅ ᐃᖃᓗᒐᓱᖕᓂᖅ ᐅᕝᕙᓘᓐᓃᑦ ᐊᐅᓪᓛᖅᓯᒪᓂᐊᕐᓗᓂ ᐊᔭᖅᑭᑦᑕᕈᑎ ᐊᑭᖃᖅᑎᒋᔪᖅ $500
__________________________________________________________________________________
ᑲᔪᖏᖅᓴᐃᔾᔪᑎᑖᕆᐊᖃᖅᐲᑦ? ᓄᑕᖅᑲᑦ ᐱᔪᓐᓇᐅᑎᖏᓐᓄᑦ ᐃᑲᔫᑎᒃᓴᑦ ᐅᕙᓂ ᓇᓂᔭᒃᓴᐅᔪᑦ.
__________________________________________________________________________________
ᓵᓚᒃᓴᕋᓱᖕᓂᕐᒧᑦ ᒪᓕᒃᑕᐅᔭᕆᐊᓖᑦ:
- ᓇᓗᓇᐃᒃᑯᑕᐅᑉ ᑕᐅᑦᑐᔅᓴᖓᓐᓂᑦ ᓴᓇᓗᑎᑦ ᑕᑯᔅᓴᐅᑎᑦᑎᔪᒥᑦ ᓄᑕᖅᑲᑦ ᐱᔪᓐᓇᐅᑎᖏᑦ ᓄᓇᕗᒻᒥ ᖃᓄᖅ ᐃᓕᓐᓄᑦ ᑐᑭᖃᕐᒪᖔᖅ. ᐱᔪᓐᓇᐅᑎᓕᒫᑦ ᓄᑕᖅᑲᓄᑦ ᑎᑎᕋᖅᓯᒪᔪᐃᓐᓇᐃᑦ ᓄᓇᕐᔪᐊᒥ ᐊᖏᖃᑎᒌᒍᑎᖏᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᓪᓗᒋᑦ.
- ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖓᓐᓂ ᐃᖅᑲᓇᐃᔭᖅᑎᖏᑦ ᐱᖓᓱᓂᑦ ᓂᕈᐊᕋᔭᖅᑐᑦ ᑐᙵᕕᖃᕐᓗᑎᑦ ᓴᓇᑐᓂᖏᓐᓂᑦ ᐊᒻᒪᓗ ᓇᓛᒎᑦᑎᐊᕐᓂᖓᓄᑦ ᓄᓇᕗᒻᒥ ᑖᓐᓇ ᓇᓗᓇᐃᒃᑯᑕᐅᑉ ᑕᐅᑦᑐᖓ ᓴᓇᔭᐅᔪᖅ ᓄᑕᖅᑲᑦ ᐱᔪᓐᓇᐅᑎᖏᑕ.
- ᓵᓚᔅᓴᖅᑐᖅ ᓇᓗᓇᐃᒃᑯᑕᔅᓴᕐᒥᑦ ᑕᖅᓴᖏᑦ ᐊᔾᔨᖓᓐᓂᒃ ᐅᕕᕈᓐᓃᑎᑕᐅᓛᖅᑐᑦ ᓄᓇᕗᓕᒫᒥᑦ ᑖᒃᑯᐊ ᑐᓂᐅᖅᑲᖅᑕᐅᓛᖅᑐᑦ.
- ᑖᒃᑯᐊ ᐱᖓᓱᑦ ᓵᓚᔅᓴᖅᑐᑦ ᐊᑐᓂᒃ ᐱᔾᔪᓯᐊᖅᑎᑕᐅᓛᖅᑐᑦ ᐃᖃᓗᒐᓱᑦᑐᖅᓯᐅᑎᓂᑦ ᐅᕝᕙᓘᓐᓃᑦ ᐊᐅᓪᓚᖅᓯᒪᔪᖅᓯᐅᑎᓂᑦ ᐊᑭᓕᓐᓂᑦ $500ᓄᑦ ᑎᑭᖅᑲᔪᓂᑦ ᐊᒻᒪᓗ ᐊᔾᔨᖐᙱᑦᑐᓂᑦ ᑖᒃᑯᐊ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᑭᓱᕈᓘᔭᖏᓐᓂᑦ ᐱᑖᕆᔭᐅᔅᓴᐅᔪᓂᑦ ᑖᒃᑯᐊᓗ ᐅᕕᓂᕈᐃᑦ ᐱᖃᑕᐅᓗᑎᑦ!
- ᓵᓚᔅᓴᕋᓱᐊᕐᓂᖅ ᑭᓪᓕᖃᖅᑎᑕᐅᔪᖅ ᓇᓗᓇᐃᒃᑯᑕᓄᑦ ᑕᐅᑦᑐᖓᓐᓂᒃ ᓴᓇᑎᑕᐅᔪᓄᑦ ᓄᕕᐱᕆ 16, 2021, 5ᒥ ᐅᓐᓄᒃᓴᒃᑯᑦ ᕿᑎᕐᒥᐅᑦ ᖃᐅᔨᓴᐅᔭᑎᖓᒍᑦ.
- ᐱᖃᑕᐅᓂᐊᖅᑐᑦ ᑐᓂᓯᔭᕆᐊᓖᑦ ᑖᒃᑯᓄᖓ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖓᓐᓄᑦ ᐅᕗᖓ contact@rcynu.ca ᐅᕝᕙᓘᓐᓃᑦ ᕙᐃᔅᐳᒃᑯᑦ (Facebook) (@NunavutRepresentativeforChildrenandYouth).
- ᓇᓗᓇᐃᒃᑯᑕᐅᑉ ᑕᐅᑦᑐᔅᓴᖓ ᓴᓇᔭᐃᑦ ᐱᖃᓯᐅᑎᓗᒍ, ᐊᒻᒪᓗ ᐊᑏᑦ, ᐅᑭᐅᑎᑦ, ᓄᓇᕕᑦ, ᐅᖄᓚᐅᑎᕕᑦ ᓈᓴᐅᑎᑕᖓ, ᐃᕐᖐᓈᖅᑕᐅᑎᒃᑯᑦ ᑐᕌᕈᑏᑦ, ᐊᒻᒪᓗ ᑎᑎᖅᑲᓂᐊᕐᕕᒃᑯᑦ ᑐᕌᕈᑏᑦ. ᕙᐃᔅᐳᒃᑯᑎᒍᑦ ᑐᓂᓯᓐᓂᕈᕕᑦ, ᑎᑎᕋᕐᕕᒋᓗᒍᑦ ᐅᕘᓇ @NunavutRepresentativeforChildrenandYouth ᑭᓇᐅᓂᓐᓂᑦ ᓇᓗᓇᐃᖅᓯᔾᔪᑎᑎᑦ ᐱᖃᓯᐅᑎᓗᒋᑦ.
- ᓵᓇᔅᓴᖅᑐᑦ ᖃᐅᔨᒃᑲᖅᑕᐅᒐᔭᖅᑐᑦ ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᐃᕐᖐᓈᖅᑕᐅᑎᒃᑯᑦ ᑎᑎᕋᕐᕕᐅᓗᑎᑦ ᓄᕕᐱᕆ 18ᒥ. ᓵᓚᔅᓴᖅᑐᑦ ᑭᒃᑯᑐᐃᓇᕐᓄᑦ ᐃᓄᓐᓄᑦ ᑐᓴᖅᑎᑦᑎᔾᔪᑕᐅᒐᔭᖅᑐᑦ ᓄᕕᐱᕆ 22, 2021ᒥ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐃᑭᐊᖅᑭᕕᖓᒍᑦ ᐊᒻᒪᓗ ᕙᐃᔅᓱᐳᒃᑯᑎᑦ, ᓄᓇᕗᒻᒥ ᐱᕙᓪᓕᐊᔪᒃᑯᑦ ᐊᒻᒪᓗ ᑭᕙᓪᓕᖅ ᐱᕙᓪᓕᐊᔪᒃᑯᑦ.
ᐸᓯᔭᒃᓴᐅᔾᔭᐃᒃᑯᑎ:
- ᑖᓐᓇ ᓵᓚᒃᓴᖅᑎᑦᑎᒐᓱᐊᕐᓂᐅᔪᖅ ᓄᓇᕗᒻᒥᐅᓄᑐᐊᖅ ᒪᑐᐃᖓᑎᑕᐅᔪᖅ ᐅᑭᐅᓕᓐᓄᑦ 19ᓂᑦ ᑐᖔᓂᓪᓗ.
- ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖓ ᓵᑕᔅᓴᐅᔾᔮᖏᑦᑐᑦ ᑕᒻᒪᖅᓯᒪᓂᕐᒧᑦ ᐱᔭᐅᙲᓐᓇᖅᑐᖃᖅᓯᒪᑉᐸᑦ ᑖᒃᑯᐊ ᕙᐃᔅᓱᐳᒃᑯᑦ ᑲᙳᓇᖅᑐᓕᕆᔾᔪᑎᖏᓐᓄᑦ ᑭᓪᓕᖃᖅᑎᑦᑎᓂᕆᕙᑦᑕᖏᓐᓄᑦ.
- ᓵᓚᔅᓴᖅᑐᖅ ᓇᓗᓇᐃᒃᑯᑕᖓᓐᓄᑦ ᑕᐅᑦᑐᔅᓴᖓᓐᓂᑦ ᓴᓇᔭᐅᓯᒪᔪᖅ ᐊᓯᔾᔨᖅᑕᐅᕌᕐᔪᑐᐃᓐᓇᕆᐊᓕᒃ ᑕᖅᓴᖓ ᐅᕕᓂᕈᓐᓄᑦ ᐊᔾᔨᓕᐅᖅᑕᐅᓕᖅᐸᑦ.
- ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖓ ᐱᔪᓐᓇᐅᑎᒥᓐᓂᒃ ᑎᒍᒥᐊᖅᑐᑦ ᑕᒪᐃᓐᓄᑦ ᓇᓗᓇᐃᒃᑯᑎᓄᑦ ᑕᐅᑦᑐᖏᓐᓂᑦ, ᐊᑎᖏᓐᓂᑦ, ᐅᑭᐅᖏᓐᓂᑦ, ᓄᓇᖃᕐᕕᖏᓐᓂᑦ ᑖᔅᓱᒪ ᐱᖃᑕᐅᔪᓄᑦ ᐊᒻᒪᓗ ᖃᕆᓴᐅᔭᒃᑯᑦ ᐃᑭᐊᖅᑭᕕᖏᑎᒍᑦ ᓴᖅᑭᔮᖅᑎᑦᑎᓂᖃᖅᑎᓪᓗᒋᑦ ᐱᓕᕆᐊᕆᕙᑦᑕᖏᓐᓂᑦ, ᐊᒻᒪᓗ ᐅᑭᐅᖅᑕᖅᑐᒥᑦ ᐱᕙᓪᓕᐊᔪᓕᕆᔨᒃᑯᑦ ᑐᓴᒐᔅᓴᓕᕆᔩᑦ ᓴᖅᑭᑎᑦᑕᖏᓐᓂᑦ ᐱᕙᓪᓕᐊᔪᓂᑦ ᐅᖃᓕᒫᒐᕐᓂᑦ ᐊᒻᒪᓗ ᐃᑭᐊᖅᑭᕕᒃᑯᑎᒍᑦ ᓴᖅᑭᖅᑎᑕᐅᔪᓂᑦ.