ᓄᕕᐱᕆ 20, 2018 − ᑲᑎᒪᔩᑦ ᑲᓇᑕᒥᐅᑕᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᓄᑦ ᑲᔪᖏᖅᓴᐃᔪᑦ ᑲᓇᑕᒥᐅᑕᓕᒫᓂᑦ ᐃᓚᒋᔭᐅᖁᔨᓪᓗᑎᒃ ᑲᓇᑕᓕᒫᒥᑦ ᓄᑕᕋᖅ − ᓱᕈᓯᖅ ᐅᓪᓗᖓᓂᑦ ᖃᓄᐃᓕᐅᕐᓂᐅᔪᓄᑦ ᑲᓇᑕᓕᒫᒥᑦ ᐅᓪᓗᒥ ᐊᒻᒪᓗ ᐱᓇᓱᐊᕈᓯᓕᒫᒥᑦ.
“ᑲᓇᑕᓕᒫᒥᑦ ᓄᑕᕋᑦ − ᓱᕈᓰᑦ ᐅᓪᓗᖓᓂᑦ ᐊᕐᕌᒍᓕᒫᖅᓯᐅᑎᑦ ᐱᔭᑦᓴᖃᖅᑎᑦᑎᓪᓗᑎᒃ ᖃᐅᔨᒪᔭᐅᓂᐊᕐᒪᑦ ᓄᑕᖅᑲᖅ ᓱᕈᓰᑦ ᐱᔪᓐᓇᐅᑎᖏᓐᓂᒃ, ᐊᒻᒪᓗ ᐊᔪᐃᓐᓇᖃᑦᑕᖅᑕᕗᑦ ᓯᕗᓂᖓᒍᑦ ᐊᒻᒪᓗ ᓴᐳᒻᒥᓗᒋᑦ ᑖᑯᐊ ᐱᔪᓐᓇᐅᑏᑦ ᖃᐅᑕᒫᑦ,” ᐅᖃᓚᐅᖅᑐᖅ ᑎᐅᓪ ᒡᕌᕝ, ᐊᐅᓪᐴᑕᒥᑦᓄᑕᕋᓄᑦ − ᓱᕈᓯᕐᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᖅᑎ, ᐊᒻᒪᓗ ᐊᖏᔪᖅᑳᕐᔪᐊᖅ ᑲᑎᒪᔩᑦ ᑲᓇᑕᒥᐅᑕᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᓄᑦ “ᑖᑯᐊ ᓄᓇᕐᔪᐊᕐᒥᐅᑦ ᑲᑐᔾᔨᖃᑎᒌᖏᓄᑦ ᑲᑎᒪᓂᕐᔪᐊᕐᒥᑦ ᐱᔪᓐᓇᐅᑏᑦ ᓄᑕᕋᓄᑦ − ᓱᕈᓯᕐᓄᑦ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ ᓇᓗᓇᐃᖅᓯᓯᒪᒻᒪᑦ ᐃᓄᐃᑦ ᐱᔪᓐᓇᐅᑎᖏᓐᓂᑦ ᓄᑕᖅᑲᓄᑦ−ᓱᕈᓯᕐᓄᑦ ᒪᒃᑯᒃᑐᓄᓪᓗ, ᐊᒻᒪᓗ ᑭᒃᑯᑐᐃᓐᓇᕐᓂᑦ ᑎᓕᐅᕆᔪᑦ ᓇᖏᖅᓯᓗᑎᒃ ᖁᕝᕙᖅᐹᓪᓕᖅᑎᑦᑎᖁᔭᐅᓪᓗᑎᒃ ᑖᑯᓂᖓ ᐱᔪᓐᓇᐅᑎᓂᑦ.”
ᐊᕐᕌᒍᐃᑦ 30 ᓈᓯᒪᓕᖅᑐᑦ ᐊᖏᕈᑕᐅᓚᐅᖅᓯᒪᑎᓪᓗᒍ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ ᑲᓇᑕᒥᐅᑦ ᐊᑎᓕᐅᖃᑕᐅᓚᐅᖅᓯᒪᔪᑦ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ ᒪᐃ 1990−ᐅᑎᓪᓗᒍ ᐊᒻᒪᓗ ᐊᖏᖅᑕᐅᓗᓂ ᑎᑎᖃᖅ 1991−ᖑᑎᓪᓗᒍ. fᑖᑯᐊ ᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ ᐱᖁᔭᑎᒍᑦ ᓴᐳᔾᔨᓯᒪᔪᑦ ᐊᔾᔨᒌᖏᑦᑐᓂᑦ ᐱᔪᓐᓇᐅᑎᓂᑦ ᐋᓂᐊᖃᕐᓴᒋᑦᑐᓕᕆᓃᑦ, ᐊᑦᑕᕐᓇᖅᑕᐃᓕᒪᓂᖅ, ᖃᓄᐃᖏᑦᑎᐊᓂᖅ ᐊᒻᒪᓗ ᐃᓕᓐᓂᐊᕐᓂᒃᑯᑦ ᓄᑕᕋᓄᑦ − ᓱᕈᓯᕐᓄᑦ. ᑲᓇᑕᒥ ᓱᕉᓰᑦ − ᓄᑕᖅᑲᑦ ᐅᓪᓗᖓ ᐃᖃᐅᒪᓪᓗᑎᑦ ᐊᖏᕈᑕᐅᓚᐅᖅᓯᒪᔪᒧᑦ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ
ᑲᓇᑕᒥᐅᑦ ᐱᓕᕆᑦᑎᐊᖅᑐᑦ ᑕᒪᒃᑯᓂᖓ, ᒐᕙᒪᕗᑦ ᑲᒪᙱᓗᐊᕐᒪᑕ ᐃᒃᐱᒍᓱᒋᐊᒃᓴᖅ ᓄᑕᖅᑲᑦ ᐱᔪᓐᓇᐅᑎᖏᑦ ᐊᓯᖏᓐᓄᑦ, ᓲᕐᓗ ᑐᓴᐅᒪᑎᑦᑎᐊᕐᓗᒋᑦ ᓄᑕᖅᑲᑦ ᐃᓐᓇᐃᓪᓗ ᓄᑕᖅᑲᑦ ᐱᔪᓐᓇᐅᑎᖏᓐᓂᑦ, ᐊᒻᒪᓗ ᐃᓚᒋᖃᓯᐅᑎᓗᒋᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐃᓕᓐᓂᐊᕈᑎᓃᓗᑎᒃ ᐃᓕᓐᓂᐊᖅᑕᐅᖃᑦᑕᕐᓂᐊᕐᒪᑕ. ᐊᓯᐊᒍᖅᑕᐅᖅ ᐃᓱᒫᓗᑎᒋᔭᐅᔪᖅ ᑲᓇᑕᒥᐅᑦ ᐅᖃᐅᓯᖃᖅᓯᒪᖏᒻᒪᑕ ᐊᔾᔨᐅᖏᑦᑐᒃᑯᑦ ᑭᙴᒪᒋᔭᐅᔪᑦ ᓄᓇᖃᖅᖄᓯᒪᔪᑦ ᓱᕈᓰᑦ − ᓄᑕᖅᑲᑦ ᒪᒃᑯᒃᑐᓪᓗ − ᐱᓗᐊᖅᑐᒥᑦ ᐊᒥᓲᓗᐊᖅᑐᑦ ᓄᓇᖃᖅᑳᖅᓯᒪᔪᑦ ᓱᕈᓯᖏᑦ −ᓄᑕᖅᑲᑦ ᒪᒃᑯᒃᑐᓪᓗ ᐸᖅᑭᔭᐅᒻᒪᑕ ᐱᕕᖃᖅᑎᑕᐅᓇᑎᒡᓗ ᐃᓱᒪᓕᕆᔨᒧᑦ ᑲᒪᒋᔭᐅᔪᓐᓇᕐᓂᖏᑦ ᐊᒻᒪᓗ ᖃᐅᔨᒪᔾᔪᑎᓂᑦ ᐊᑐᐃᓐᓇᐅᕕᐅᓇᑎᒃ ᐊᒻᒪᓗ ᐱᕙᒌᔭᖅᑕᐅᖃᑦᑕᖏᒻᒪᑕ ᐅᖃᐅᓯᐅᕙᓐᓇᓂᓗ ᐊᒥᓱᐊᓗᐃᑦ ᐃᓅᓯᕐᒥᓂᒃ ᑭᐱᓯᖃᑦᑕᕐᒪᑕ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᑦ.
ᓄᑕᖅᑲᓄᑦ ᑭᒡᒐᖅᑐᐃᔨᐅᓪᓗᑕ, ᖃᓄᐃᖏᑦᑎᐊᖁᔨᖃᑦᑕᕋᑦᑕ ᓄᑕᖅᑲᑦ ᒪᒃᑯᒃᑐᓪᓗ ᑐᓴᐅᒪᑦᑎᐊᕋᓗᐊᕐᒪᖔᑕ ᐱᔪᓐᓇᐅᑎᒥᓂᑦ. ᐊᔪᕐᓇᖃᑦᑕᕋᓗᐊᖅᑎᓪᓗᒍ ᓄᑕᖅᑲᓄᑦ ᒪᒃᑯᒃᑐᓄᓪᓗᓃᑦ ᐅᔾᔨᕈᓱᓐᓂᕐᒥᑦ ᓇᒻᒥᓂᑦ ᐱᔪᓐᓇᐅᑎᖏᑦ ᐊᑐᕐᓂᕐᓗᒃᑕᐅᓂᖏᓐᓄᑦ. ᑲᓇᑕᒥᐅᑦ, ᐃᓚᒋᓪᓗᒋᑦ ᒐᕙᒪᐅᔪᑦ, ᓯᕗᓪᓕᐅᔨᖁᓗᒋᑦ ᐅᔾᔨᕈᓱᑦᑎᐊᕐᓂᕐᒥᑦ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓱᕈᓰᑦ − ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ, ᐃᑲᔪᖅᓯᖁᔨᕗᒍᑦ ᓄᑕᖅᑲᑦ ᐱᔪᓐᓇᐅᑎᖏᓂᑦ, ᐊᒻᒪᓗ ᐱᒋᐊᖅᑎᑦᑎᓗᓯ ᐅᔾᔨᖅᓴᑦᑎᐊᕐᓂᕐᒥᑦ ᐱᔪᓐᓇᐅᑎᒋᔭᐅᔪᓂᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐃᓅᓯᕗᑦ ᓴᐳᑎᓯᒪᓂᐊᕋᑦᑎᒍ.
ᐅᖃᓕᒫᕈᒪᒍᕕᑦ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ ᒥᒃᓵᓄᑦ ᐅᕗᖓ ᖃᐅᔨᒋᐊᕈᓐᓇᖅᑐᑎᑦ https://www.ohchr.org/en/professionalinterest/pages/crc.aspx
###
ᐱᔾᔪᑎᒋᓪᓗᒋᑦ ᑲᓇᑕᒥᐅᓄ ᑲᑎᒪᔩᑦ ᓄᑕᖅᑲᓐᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᒋᔭᐅᔪᑦ
ᑲᓇᑕᒥᐅᓄᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᓪᓗᑎᒃ ᑲᑐᔾᔨᖃᑎᒌᖑᕗᑦ ᒪᓕᒐᑎᒍᑦ ᑎᓕᔭᐅᓯᒪᓪᓗᑎᒃ ᑭᒡᒐᖅᑐᐃᔨᐅᓪᓗᑎᒃ ᐱᔪᓐᓇᐅᑎᒋᔭᐅᔪᓄᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ. ᑕᒪᒃᑯᐊ ᑭᒡᒐᖅᑐᖅᑏᑦ ᐊᐅᓚᑐᐃᓐᓇᕆᐊᖃᖅᐳᑦ ᐊᔾᔨᒌᙱᑦᑐᑎᒍᑦ ᑕᐃᔭᐅᕙᒃᑐᑎᒍᑦ (ᓲᕐᓗ ᐃᒪᓐᓇ,−ᑭᐅᓯᔨ ᑭᒡᒐᖅᑐᐃᔨ,ᐱᓕᕆᖃᑎᖃᖅᑎ, ᑲᒥᓯᓇ) ᑭᓯᐊᓂ ᑕᒪᕐᒥᑦᑎᐊᖅ ᑭᒡᒐᖅᑐᖅᑎᓪᓚᕆᒋᔭᐅᕗᑦ ᐅᖃᐅᓯᐅᓯᒪᔪᓂ ᐊᕕᒃᓯᒪᓂᕆᔭᐅᔪᓂ ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕐᓂ. ᑕᒪᕐᒥᑦᑎᐊᖅ CCCYA−ᒧᑦ ᐃᓚᒋᔭᐅᔪᑦ ᐃᓛᒃᑰᖅᖢᑎᒃ ᐱᓕᕆᔨᓪᓚᕆᐅᓪᓗᑎᒃ ᐅᖃᕐᕕᖃᑲᐅᑎᒋᕙᒃᖢᑎᒃ ᒪᓕᒐᓕᐅᕐᕕᖕᒥᐅᓄᑦ ᐱᓕᕆᕝᕕᒋᔪᓐᓇᖅᑕᒥᓂ ᐃᓂᒥᓂᒃ ᐱᔾᔪᑎᖃᕐᓗᑎᒃ. ᑕᒪᕐᒥᒃ ᐊᑐᓂᑦ CCCYA−ᒧᑦ ᐃᓚᒋᔭᐅᔪᓄᑦ ᑎᑎᕐᕕᒋᔭᐅᔪᖅ ᐋᖅᑭᒃᑕᐅᓯᒪᕗᖅ ᐱᖁᔭᑎᒍᑦ ᐊᐅᓚᓂᐊᕐᓗᑎᒃ ᐃᓛᒃᑰᕐᓗᑎᒃ ᒐᕙᒪᒃᑯᑦ ᐱᔪᓐᓇᐅᑎᒋᔭᖏᓐᓂᑦ ᐊᐅᓚᑕᖏᓐᓃᓪᓘᓐᓃᑦ. ᑲᑎᒪᔨᒋᔭᐅᔪᑦ ᐃᓚᖃᖅᐳᑦ ᐃᓚᒋᔭᐅᔪᓂᒃ 9-ᓂᑦ ᐊᕕᒃᓯᒪᓂᕆᔭᐅᔪᓂᑦ ᒪᕐᕉᖕᓂᓪᓗ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓂᑦ ᐅᑯᓇᓂ, ᐋᓪᐴᑕ, ᕈᐳᕆᑎᔅ ᑲᓚᒻᐱᐊ, ᒪᓂᑑᐸ, ᓂᐅ ᐳᕋᓐᔅᐅᐃ, ᓂᐅᕙᐅᓐᓛᓐᑦ, ᐊᒻᒪᓗ ᓛᐸᑐᐊ, ᓅᕙ ᒡᑰᓯᐊ, ᓄᓇᕗᑦ, ᐊᓐᑎᐅᕆᐅ, ᑯᐃᐸᒃ, ᓇᔅᑳᑦᓱᐊᓐ ᐊᒻᒪᓗ ᔫᑳᓐ.