Photo Credit: Christian Kimber
Piksaliukta: Curtis Jones – Nunavunmi Aquiyunut
ᑐᙵᓱᒋᔅᓯ! ᖃᑕᙳᑎᒌᑦ, ᓄᓇᖅᑲᑎᒌᑦ ᐊᒻᒪ ᑲᒪᔩᑦ ᐱᒻᒪᕆᖕᓂᒃ ᐱᓕᕆᐊᒃᓴᖃᖅᑐᐃᓐᓇᐅᕗᑦ ᐃᑲᔪᖅᖢᒋᑦ ᓄᓇᕗᒥᐅᑦ ᓄᑕᖅᑲᑦ ᒪᒃᑯᒃᑐᓪᓗ. ᑎᑎᕋᕐᕕᑦᑎᓐᓂ ᑖᒃᑯᓂᖓ ᐱᓕᕆᖃᑎᒌᒍᓯᕐᓂᒃ ᐱᒻᒪᕆᐅᒍᓱᑦᑎᐊᖅᐳᒍᑦ. ᐃᓕᑕᖅᓯᐅᒪᒐᑦᑕ ᐱᓕᕆᖃᑎᒌᑦᑎᐊᑐᐊᕈᑦᑕ ᐃᑲᔫᑎᖃᕈᓐᓇᕐᒪᑦ ᓄᓇᕗᒥᐅᓂᒃ ᒪᒃᑯᒃᑐᓂᒃ ᓯᕗᒻᒧᑦ ᐃᖏᕐᕋᑦᑎᐊᓕᖅᑎᓪᓗᒋᑦ.
ᐃᑭᐊᖅᑭᕕᒃᐳᑦ ᖃᐅᔨᒋᐊᕈᓐᓇᖅᑕᓯ ᖃᐅᔨᒃᑲᓐᓂᕈᒪᑐᐊᕈᔅᓯ ᒪᒃᑯᒃᑐᑦ ᐱᔪᓐᓇᐅᑎᖏᓐᓂᒃ ᐊᒻᒪ ᑎᑎᕋᕐᕕᑦᑎᓐᓂ ᖃᓄᐃᓕᐅᓲᖑᖕᒪᖔᑦᑕ.
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐱᒋᐊᕈᑎᑦ ᐅᖃᐅᓯᒃᓴᖏᑦ
ᔫᓂ 21-22, 2021
ᖁᔭᓐᓇᒦᒃ, ᑲᑎᒪᑎᑦᑎᔩ ᐅᓪᓗᒃᑯᓪᓗ. ᐅᓪᓗᒥ ᑕᕝᕙᓃᖃᑎᒋᔭᒃᑲ ᓕᓐ ᒫᑦ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᒃᑯᑦ ᑐᑭᒧᐊᒃᑎᑦᑎᔨᖓ, ᐊᒻᒪ ᑕᐃᕕᑦ ᖁᐊᕋᖅ, ᐊᑕᐅᑦᑎᒧᑦ ᑭᒡᒐᖅᑐᐃᓂᕐᒧᑦ ᐱᔨᑦᑎᕋᖅᑏᑦ ᐊᐅᓚᑦᑎᔨᖓ. ᓇᓗᓇᐃᖅᓯᔪᒪᒋᕗᖓᑦᑕᐅᖅ ᐱᓕᕆᔨᓪᓚᕆᖕᓂᒃ ᑎᓴᒪᓂᑦ ᐱᓪᓗᐊᑕᕐᓂᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᔨᑦᑎᕋᕐᕕᖕᓄᑦ ᐱᓕᕆᕝᕕᒋᔭᐅᔪᓄᑦ ᑎᑎᕋᕐᕕᑦᑕ ᐱᓕᕆᕝᕕᒋᒐᔪᒃᐸᒃᑕᖏᑦ ᖃᖓᙳᕌᖓᑦ: ᐃᓕᓐᓂᐊᕐᓂᓕᕆᔨᒃᑯᑦ, ᐃᓄᓕᕆᔨᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐊᒻᒪ ᒪᓕᒐᓕᕆᔨᒃᑯᑦ. ᐅᐱᒍᓱᒃᐳᖓ ᑲᑎᒪᔨᕋᓛᑦ ᐃᓕᖕᓂᒃ ᐅᐸᒍᑎᓯᒪᖁᔨᓚᐅᕐᒪᑕ ᐅᓪᓗᒥᓗ ᑲᑎᒪᖃᑕᐅᖁᔨᓚᐅᕐᒪᑦ. ᑐᙵᓱᒋᑦ.
ᑎᐋᓇ ᓴᓪᓕᕐᒨᖏᖓᑦ ᐊᔾᔨᒌᓐᖏᑦᑐᓂᑦ ᐱᔨᑦᑎᕋᖅᑎᓄᑦ ᐳᓚᕋᖅᑐᓂ ᐊᒻᒪᓗ ᓴᒃᑯ ᐃᓕᓐᓂᐊᕐᕕᖓᓐᓄᑦ. ᐃᓕᓐᓂᐊᖅᑏᑦ ᖁᕕᖓᓱᓚᐅᖅᑐᑦ ᐅᓂᒃᑳᕆᐊᖅᑐᖅᑐᓂ ᓂᓕᖃᓚᐅᕆᑦ: ᓇᒻᒥᓂᖅ ᓂᓪᓕᐊᓂᕐᒧᑦ ᑲᑎᒪᓂᐅᔪᖅ ᐊᒻᒪᓗ ᓯᓚ ᓂᓪᓚᓱᑦᑐᖅ ᐅᓂᒃᑳᕆᓪᓗᓂᐅᒃ. ᖁᔭᓐᓇᒦᒃ ᑐᓐᖓᓱᑦᑎᑕᐅᑦᑎᐊᓚᐅᕐᓂᖓᓐᓄᑦ!
ᐅᓇ ᒪᑉᐱᖅᑐᒐᖅ ᐃᓚᒋᔭᐅᕗᖅ ᐅᑯᓄᖓ, ᑕᒪᑦᑕ ᐱᔪᓐᓇᐅᑎᖃᖅᑐᒍᑦ ᐅᖃᓕᒫᒐᕐᓄᑦ ᖃᑦᓯᑲᓪᓚᓄᑦ, ᑖᒃᑯᐊᓗ ᐋᖅᑭᑦᓱᖅᑕᐅᓯᒪᓪᓗᑎᒃ ᑭᒡᒐᖅᑐᐃᔨᒋᔭᐅᔪᒥᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑎᑎᕋᕐᕕᕐᒥᑦ. ᑕᒪᑦᑕ ᐱᔪᓐᓇᐅᑎᖃᑐᒍᑦ ᐅᖃᓕᒫᒐᐃᑦ ᖃᑦᓯᑲᓪᓚᐅᓪᓗᑎᒃ ᐋᖅᑭᒃᓱᖅᑕᐅᓚᐅᖅᐳᑦ ᐃᑲᔪᖅᑐᐃᔾᔪᑕᐅᔪᒪᓪᓗᑎᒃ ᐅᖃᓕᒫᕈᓐᓇᕐᓂᕐᒧᑦ ᓇᓃᓐᓂᕐᒧᑦ ᒪᓕᑦᑕᐅᔭᕆᐊᖃᖅᐸᑦᑐᓂᒃ ᓇᓗᓇᐃᔭᖅᓯᒪᔪᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐅᖃᓕᒫᕐᓂᕐᒧᑦ ᐱᓕᕆᐊᕆᕙᒃᑕᖏᓐᓂ ᐅᑯᓇᓂ, ᐅᖃᓕᒫᕆᐅᖅᓴᓂᖅ. ᐅᖃᓕᒫᕆᐅᖅᓴᓂᖅ ᑭᖑᓕᕇᖕᓂᖃᖅᐸᓪᓕᐊᕗᖅ ᑲᔪᓯᓂᖃᖅᐸᓪᓕᐊᓪᓗᓂᓗ ᐃᓄᒃᑐᑦ ᐅᖃᓕᒫᕐᓂᕐᒧᑦ ᐊᑐᖅᑕᐅᕙᑦᓱᓂ ᐃᑲᔪᖅᑐᐃᕙᑦᓱᓂ ᐃᓕᓐᓂᐊᖅᑎᓂᒃ ᐱᕙᓪᓕᐊᓂᕆᔭᖏᓐᓄᑦ ᐅᖃᓕᒫᖅᑎᐅᑎᓪᓗᒋᑦ.
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑎᒃ ᐃᒡᓗᐊᓗᒃ, ᐱᖓᔪᖓᑦ ᖄᖅᖠᖅ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.
