ᒨᓯᓯ ᐅᕐᑲᐅᓯᕐᑲᕐᒃᐳᕐᒃ ᐱᔾᔪᑎᒥᓂᒃ


ᐅᓇ ᒪᒃᐱᖅᑐᒐᖅ ᐃᓚᒋᔭᐅᕗᖅ ᐅᑯᓄᖓ, ᑕᒪᑦᑕ ᐱᔪᓐᓇᐅᑎᖃᖅᑐᒍᑦ ᐅᖃᓕᒫᒐᕐᓄᑦ ᖃᔅᓯᑲᓪᓚᖕᓄᑦ, ᑖᒃᑯᐊᓗ ᐋᖅᑭᒃᓱᖅᑕᐅᓯᒪᓪᓗᑎᒃ ᑭᒡᒐᖅᑐᐃᔨᒋᔭᐅᔪᒥᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖕᒥᑦ. ᑕᒪᑦᑕ ᐱᔪᓐᓇᐅᑎᖃᖅᑐᒍᑦ ᐅᖃᓕᒫᒐᐃᑦ ᖃᔅᓯᑲᓪᓚᐅᓪᓗᑎᒃ ᐋᖅᑭᒃᓱᖅᑕᐅᓚᐅᖅᐳᑦ ᐃᑲᔪᖅᑐᐃᔾᔪᑕᐅᔪᒪᓪᓗᑎᒃ ᐅᖃᓕᒫᕈᓐᓇᕐᓂᕐᒧᑦ ᓇᓃᓐᓂᕐᒧᑦ ᒪᓕᒃᑕᐅᔭᕆᐊᖃᖅᐸᒃᑐᓂᒃ ᓇᓗᓇᐃᔭᖅᓯᒪᔪᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐅᖃᓕᒫᕐᓂᕐᒧᑦ ᐱᓕᕆᐊᕆᕙᒃᑕᖏᓐᓂ ᐅᑯᓇᓂ, ᐅᖃᓕᒫᕆᐅᖅᓴᓂᖅ. ᐅᖃᓕᒫᕆᐅᖅᓴᓂᖅ ᑭᖑᓕᕇᖕᓂᖃᖅᐸᓪᓕᐊᕗᖅ ᑲᔪᓯᓂᖃᖅᐸᓪᓕᐊᓪᓗᓂᓗ ᐃᓄᒃᑐᑦ ᐅᖃᓕᒫᕐᓂᕐᒧᑦ ᐊᑐᖅᑕᐅᕙᒃᖢᓂ ᐃᑲᔪᖅᑐᐃᕙᒃᖢᓂ ᐃᓕᓐᓂᐊᖅᑎᓂᒃ ᐱᕙᓪᓕᐊᓂᕆᔭᖏᓐᓄᑦ ᐅᖃᓕᒫᖅᑎᐅᑎᓪᓗᒋᑦ.

ᑕᒪᑦᑕ ᐱᔪᓐᓇᐅᑎᖃᖅᑐᒍᑦ ᐅᖃᓕᒫᒐᐃᑦ  ᐊᔾᔨᖃᙱᓚᑦ, ᓄᓇᕗᒻᒥ−ᐋᖅᑭᒃᓱᖅᑕᐅᕙᓪᓕᐊᓯᒪᓪᓗᑎᒃ ᐅᖃᓕᒫᕐᓂᕐᒧᑦ ᑐᕌᒐᑎᑕᐅᓪᓗᑎᒃ ᐃᓚᓕᐅᔾᔨᓪᓗᑎᒃ ᑐᓴᖅᑕᐅᔪᒃᓴᓂᒃ ᓄᑕᖅᑲᑦ ᒪᒃᑯᒃᑐᓪᓗ ᐱᔪᓐᓇᐅᑎᖏᓐᓂᒃ ᐃᓕᖅᑯᓯᑐᖃᕐᓄᑦ ᓈᒻᒪᒃᖢᑎᒃ ᐅᖃᓕᒫᕐᓂᕐᒧᑦ ᐱᓕᕆᐊᒃᓴᐅᓪᓗᑎᒃ. ᑖᒃᑯᐊ ᐅᖃᓕᒫᒐᐃᑦ ᑐᕌᒐᕗᑦ ᐊᖏᒡᓕᒋᐊᖅᑎᑦᑎᔪᒪᓪᓗᑎᒃ ᐅᖃᓕᒫᑎᐅᑉ ᓇᖕᒥᓂᖅ ᐃᒻᒥᓂᒃ−ᐅᔾᔨᕈᓱᒡᕕᖃᕐᓂᕐᒥᓂᒃ, ᑎᓕᐅᕆᓪᓗᑎᒃ ᖃᓄᐃᙱᑦᑎᐊᖅᑐᒃᑯᑦ  ᐊᑐᖅᓯᔪᓐᓇᕐᓂᕐᒧᑦ ᖃᓄᐃᓕᐅᕈᑕᐅᕙᒃᑐᓂᒃ, ᐅᔾᔨᕐᓇᖅᓯᑎᑦᑎᓪᓗᑎᒃ ᐱᐅᔪᓂᒃ ᐃᓅᖃᑎᒌᒃᐸᖕᓂᕐᓂᒃ, ᑕᑯᒃᓴᐅᑎᑦᑎᓪᓗᑎᒃ ᐱᒻᒪᕆᐊᓘᓂᖓᓂᒃ ᑲᔪᓯᓂᖃᑦᑎᐊᕈᓐᓇᖅᑐᖅ ᑐᓴᐅᒪᖃᑦᑕᐅᑎᓂᖅ, ᐃᑲᔪᖅᑐᐃᓪᓗᑎᒡᓗ ᐱᕙᓪᓕᐊᓂᕆᔭᐅᔪᓂᒃ ᓇᖕᒥᓂᖅ−ᑭᒡᒐᖅᑐᕈᓐᓇᕐᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ ᑕᒪᒃᑯᓇᓂ ᒪᒃᑯᒃᑐᓂ ᓄᓇᕗᒻᒥᐅᓂ.  ᑭᒡᑐᐃᔨᒋᔭᐅᔪᖅ ᓄᑕᖅᑲᑦ ᒪᒃᑯᒃᑐᓪᓗ ᑎᑎᕋᕐᕕᖓᓄᑦ ᐱᓕᕆᐊᖃᒻᒪᕆᒍᒪᕗᖅ ᓯᕗᒻᒧᐊᖅᑎᑦᑎᕙᓪᓕᐊᔪᒪᓪᓚᕆᒃᖢᓂ ᐱᔪᓐᓇᐅᑎᒋᔭᐅᔪᓂᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᓄᓇᕗᒻᒥ, ᐅᔾᔨᕐᓇᖅᓯᑎᓪᓗᒋᓪᓗ ᓂᐱᖏᑦ.