ᐋᓂᒃᑯᒃ ᐅᕿᒃᑯᒃ ᐊᓃᕋᔭᒃᑑᒃ


ᐅᓇ ᒪᑉᐱᖅᑐᒐᖅ ᐃᓚᒋᔭᐅᕗᖅ ᐅᑯᓄᖓ, ᑕᒪᑦᑕ ᐱᔪᓐᓇᐅᑎᖃᖅᑐᒍᑦ ᐅᖃᓕᒫᒐᕐᓄᑦ ᖃᑦᓯᑲᓪᓚᓄᑦ, ᑖᒃᑯᐊᓗ ᐋᖅᑭᑦᓱᖅᑕᐅᓯᒪᓪᓗᑎᒃ ᑭᒡᒐᖅᑐᐃᔨᒋᔭᐅᔪᒥᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑎᑎᕋᕐᕕᕐᒥᑦ. ᑕᒪᑦᑕ ᐱᔪᓐᓇᐅᑎᖃᑐᒍᑦ ᐅᖃᓕᒫᒐᐃᑦ ᖃᑦᓯᑲᓪᓚᐅᓪᓗᑎᒃ ᐋᖅᑭᒃᓱᖅᑕᐅᓚᐅᖅᐳᑦ ᐃᑲᔪᖅᑐᐃᔾᔪᑕᐅᔪᒪᓪᓗᑎᒃ ᐅᖃᓕᒫᕈᓐᓇᕐᓂᕐᒧᑦ ᓇᓃᓐᓂᕐᒧᑦ ᒪᓕᑦᑕᐅᔭᕆᐊᖃᖅᐸᑦᑐᓂᒃ ᓇᓗᓇᐃᔭᖅᓯᒪᔪᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐅᖃᓕᒫᕐᓂᕐᒧᑦ ᐱᓕᕆᐊᕆᕙᒃᑕᖏᓐᓂ ᐅᑯᓇᓂ, ᐅᖃᓕᒫᕆᐅᖅᓴᓂᖅ. ᐅᖃᓕᒫᕆᐅᖅᓴᓂᖅ ᑭᖑᓕᕇᖕᓂᖃᖅᐸᓪᓕᐊᕗᖅ ᑲᔪᓯᓂᖃᖅᐸᓪᓕᐊᓪᓗᓂᓗ ᐃᓄᒃᑐᑦ ᐅᖃᓕᒫᕐᓂᕐᒧᑦ ᐊᑐᖅᑕᐅᕙᑦᓱᓂ ᐃᑲᔪᖅᑐᐃᕙᑦᓱᓂ ᐃᓕᓐᓂᐊᖅᑎᓂᒃ ᐱᕙᓪᓕᐊᓂᕆᔭᖏᓐᓄᑦ ᐅᖃᓕᒫᖅᑎᐅᑎᓪᓗᒋᑦ.

ᑕᒪᑦᑕ ᐱᔪᓐᓇᐅᑎᖃᑐᒍᑦ ᐅᖃᓕᒫᒐᐃᑦ ᐊᔾᔨᖃᙱᓚᑦ, ᓄᓇᕗᒻᒥ−ᐋᖅᑭᒃᓱᖅᑕᐅᕙᓪᓕᐊᓯᒪᓪᓗᑎᒃ ᐅᖃᓕᒫᕐᓂᕐᒧᑦ ᑐᕌᒐᑎᑕᐅᓪᓗᑎᒃ ᐃᓚᓕᐅᔾᔨᓪᓗᑎᒃ ᑐᓴᖅᑕᐅᔪᒃᓴᓂᒃ ᓄᑕᖅᑲᑦ ᒪᒃᑯᑦᑐᓪᓗ ᐱᔪᓐᓇᐅᑎᖏᓐᓂᒃ ᐃᓕᖅᑯᓯᑐᖃᕐᓄᑦ ᓈᒻᒪᑦᓱᑎᒃ ᐅᖃᓕᒫᕐᓂᕐᒧᑦ ᐱᓕᕆᐊᒃᓴᐅᓪᓗᑎᒃ. ᑖᒃᑯᐊ ᐅᖃᓕᒫᒐᐃᑦ ᑐᕌᒐᕗᑦ ᐊᖏᓪᓕᒋᐊᖅᑎᑦᑎᔪᒪᓪᓗᑎᒃ ᐅᖃᓕᒫᑎᐅᑉ ᓇᒻᒥᓂᖅ ᐃᒻᒥᓂᒃ−ᐅᔾᔨᕈᓱᒡᕕᖃᕐᓂᕐᒥᓂᒃ, ᑎᓕᐅᕆᓪᓗᑎᒃ ᖃᓄᐃᙱᑦᑎᐊᖅᑐᒃᑯᑦ ᐊᑐᖅᓯᔪᓐᓇᕐᓂᕐᒧᑦ ᖃᓄᐃᓕᐅᕈᑕᐅᕙᒃᑐᓂᒃ, ᐅᔾᔨᕐᓇᖅᓯᑎᑦᑎᓪᓗᑎᒃ ᐱᐅᔪᓂᒃ ᐃᓅᖃᑎᒌᑉᐸᓐᓂᕐᓂᒃ, ᑕᑯᒃᓴᐅᑎᑦᓯᓪᓗᑎᒃ ᐱᒻᒪᕆᐊᓘᓂᖓᓂᒃ ᑲᔪᓯᓂᖃᑦᑎᐊᕈᓐᓇᖅᑐᖅ ᑐᓴᐅᒪᖃᑦᑕᐅᑎᓂᖅ, ᐃᑲᔪᖅᑐᐃᓪᓗᑎᓪᓗ ᐱᕙᓪᓕᐊᓂᕆᔭᐅᔪᓂᒃ ᓇᒻᒥᓂᖅ−ᑭᒡᒐᖅᑐᕈᓐᓇᕐᓂᕐᒧᑦ ᐊᔪᕈᓐᓃᖅᑕᐅᕙᑦᑐᓂᒃ ᑕᒪᒃᑯᓇᓂ ᒪᒃᑯᒃᑐᓂ ᓄᓇᕗᒻᒥᐅᓂ.