ᐊᒡᓚᒡᕕᒃᐳᑦ ᐃᑲᔪᖃᑦᑕᖅᑐᑦ ᓄᓇᕗᒻᒥᐅᑦ ᒪᒃᑯᒃᑐᖁᑎᖏᓐᓂᒃ ᖃᐅᔨᓇᓱᐊᕐᓗᑎᒃ ᐱᔪᓐᓇᐅᑎᒥᖕᓂᑦ ᓇᓗᓇᐃᖅᐸᒃᑭᓪᓗᑕ ᓄᓇᕗᑦ ᒐᕙᒪᒃᑯᖓ ᐃᑲᔪᖅᓯᕋᓗᐊᕐᒪᖔᑦ ᐸᐸᑦᑎᓇᓱᐊᕋᓗᐊᕐᒪᖔᓪᓗ ᑕᒪᒃᑯᓂᖓ ᐱᔪᓐᓇᐅᑎᒋᔭᐅᔪᓂᒃ.
ᐱᓗᐊᖅᑐᒥᑦ, ᒪᑯᓂᖓ ᓇᓗᓇᐃᖃᑦᑕᖅᐳᒍᑦ:
- ᐱᓇᓱᐊᕈᓐᓇᕐᓂᕐᓂᑦ ᒐᕙᒪᐅᑉ ᐱᓕᕆᐊᒃᓴᖏᓐᓂᒃ ᐱᔨᑦᑎᕋᐅᑎᖏᓐᓂᒡᓗ
- ᒐᕙᒪᐅᑉ ᐱᓕᕆᐊᒃᓴᖏᑦ ᐱᔨᑦᑎᕋᐅᑎᖏᓪᓗ ᑎᑭᐅᒪᖕᒪᖔᑦ ᐱᔭᕆᐊᖃᖅᑕᕐᓄᑦ
- ᒐᕙᒪᒃᑯᑦ ᐃᓱᒪᒋᔭᖃᕐᒪᖔᑦ ᐃᓱᒪᒋᔭᕐᓂᑦ ᐃᓕᖕᓄᑦ ᐃᓱᒪᓕᐅᕆᔭᖓᓄᑦ
ᐱᓕᕆᐊᖓ ᐊᓪᓚᕝᕕᖓᑕ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ (RCYO) ᓇᓗᓇᐃᖅᓯᓂᕐᒧᑦ ᒪᓕᒐᐃᑦ, ᐊᑐᐊᒐᐃᑦ, ᐱᓕᕆᔾᔪᓰᑦ, ᐱᓕᕆᐊᑦ, ᐱᔨᑦᓯᕋᐅᑏᓪᓗ ᐃᓂᖏᓐᓃᒐᓗᐊᕐᒪᖔᑕ ᒐᕙᒪᒃᑯᓐᓂᑦ ᓄᓇᕗᒻᒥ (GN) ᐱᓕᕆᕝᕕᖏᓐᓂᑦ ᓂᕈᐊᖅᑕᐅᓯᒪᔪᓄᓪᓗ ᐱᔪᓐᓇᐅᑎᖃᖅᑐᓄᑦ (ᐱᓕᕆᕝᕖᑦ) ᐊᑐᐃᓐᓇᐅᑎᑦᓯᓂᕐᒧᑦ ᓈᒻᒪᑦᑐᓂᑦ, ᐊᔾᔨᒌᑎᑦᓯᓂᕐᒥᑦ, ᐱᔨᑦᓯᕋᑦᓯᐊᕐᓂᕐᒥᓪᓗ ᐱᔭᕆᐊᖃᖅᑕᖏᓐᓄᑦ ᐃᑲᔪᖅᑐᕐᓂᕐᒥᓪᓗ ᐱᔪᓐᓇᐅᑎᖏᓐᓂᑦ ᒪᒃᑯᑦᑐᐃᑦ ᓄᓇᕗᒻᒥᐅᑦ, ᐃᓚᒌᓪᓗ, ᑕᑎᒋᔭᖃᖅᑐᓄᑦ.
- ᐃᓕᖅᑯᓯᑦᑎᐊᕙᒃ ᑐᑭᖃᖅᐳᖅ ᐃᒪᓐᓇ, ᑭᓱᑭᐊᖅ ᐱᐅᓂᖓᓂᒃ ᑕᒻᒪᙱᓐᓂᖓᓂᒡᓘᓐᓃᑦ.
- ᓇᓕᒧᒌᖕᓂᖅ ᑐᑭᖃᖅᐳᖅ ᐊᔾᔨᒌᒃᑎᑦᑎᓂᕐᒥᒃ ᐱᓗᐊᖅᑎᑦᑎᙱᓐᓂᕐᒥᒡᓗ ᓇᓕᐊᖕᓂᑐᐃᓐᓇᖅ, ᓇᓕᒨᒌᒃᑎᑦᑎᓪᓗᓂ ᐊᔾᔨᒌᒃᑎᑦᑎᓗᓂᓘᓐᓃᑦ ᑭᒃᑯᑐᐃᓐᓇᓄᑦ.
- ᐊᑕᐅᓰᓐᓇᓕᑎᑦᑎᓂᖅ ᑐᑭᖃᖅᐳᖅ ᑭᓱᑭᐊᖅ ᐱᓕᕆᐊᖑᕙᖕᓂᖓᓂᒃ ᐊᓪᔨᑦᑎᐊᖓᒍᑦ ᐱᓕᕆᐊᖑᑦᒃᑲᓐᓂᓕᑐᐊᕌᖓᒥ.
ᑭᓇᑐᐃᓐᓇᖅ ᐅᓐᓂᕐᓘᑎᖃᖅᐸᑦ ᐱᓕᕆᕝᕕᐅᑉ ᐱᔨᑦᓯᕋᕐᓂᖓᓂᑦ, ᐱᔪᓐᓇᖏᓐᓂᕐᒥᓪᓘᓐᓃᑦ ᐱᔨᑦᓯᕋᖅᑕᐅᓂᕐᒥᑦ ᒪᒃᑯᑦᑐᒧᑦ ᐊᒻᒪᓗ/ᐅᕝᕙᓘᓐᓃᑦ ᐃᓚᖏᑦ, ᖃᐅᔨᒃᑲᖅᑕᐅᔪᓐᓇᖅᑐᖅ ᐊᓪᓚᕝᕕᕗᑦ ᕿᒥᕐᕈᓂᐊᖅᑎᓪᓗᑕ. ᑕᒪᕐᒥᑦᑎᐊᖅ ᑐᓴᖅᑕᐅᔪᒃᓴᐃᑦ ᐅᖃᐅᓯᐅᔪᑦ ᐊᓪᓚᕝᕕᑎᓐᓄᑦ ᖃᐅᔨᔭᐅᔾᔮᙱᓐᓂᖏᓐᓂᒃ ᐅᖃᐅᓯᐅᔪᓐᓇᖅᓱᑎᓪᓗ ᑭᓇ ᐅᖃᐅᓯᖃᕐᒪᖔᑦ ᖃᐅᔨᔭᐅᙱᓪᓗᓂ.
ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ (ᑭᒡᒐᖅᑐᐃᔨ) ᓇᒻᒥᓂᖅ ᐃᖅᑲᓇᐃᔭᖅᑎᐅᕗᖅ ᒪᓕᒐᓕᐅᕐᕕᒻᒧᑦ ᓄᓇᕗᒻᒥ ᑭᒃᑯᑐᐃᓐᓇᓄᓪᓗ ᐅᖃᕆᐊᖅᑐᕐᕕᖃᖅᑕᖅᓱᓂ.
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᑎᑎᕋᕐᕕᖓ ᒫᓐᓇ ᑎᓴᒪᓂᒃ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ ᐱᓕᕆᔪᑦ ᐅᑯᓂᖓᓗ
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
3-C-630 ᑯᐃᓐ ᐃᓕᓴᐱ ᐊᖅᑯᑖ, ᐃᖃᓗᐃᑦ, ᓄᓇᕗᑦ X0A 3H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.