Nunaryuami Katimayiit Katimayut Pilaarutinginnut Nutaqqat akhuraaluk ikayuqtait havaangit angayuqqaat ilangillu pitillugit nutaqqangit inuuhinginnik. Ilaa, tamna Katimayinga ilitariyaa ilagiiktut avatirilluarutinganik nutaqqat angikligiamikni.
Titiraqhimayumi Katimayinngani, angayuqqaat/munaqtingillu pihimayaa munariutilluariyanganik nutaqqiqigiamikni nutaqqangit. Tamna katimayiinga uqaqtaa taimaatut piyukhaugaluat aturiamikni nutaqqangit nakuutqianganik. Angayuqqaangit ilangillu taimaatut pilimaitkumitku, kavamatkut – kaanatamit avikturhimayumiluuniit – ikayuqtakhangit. Taimaa angayuqqaangit ilangillu pillualimaitkumigu, talvannga kavamatkut ihuaqhiyakhaat taimaa naunairiami nutaqqangit pilaarutingit ihariagiyangillu pigiamikni.
Qaffiuyut titiraqhimayut Katimayingani naunaiqtaa hapkuat havaat munariyakhangillu:
- Titiraqhimaninnga Anguritingani 5: kavamatkut pimmariktumik piyakhangit angayuqqaat/munaqtillu pittaarninnga nutaqqiqigiamikni ihuaqtumiklu pigiamikni nutaqqangit.
- Titiraqhimaninnga Anguritingani 7: nutaqqat ilihimayukhat munariyauyukhallu angayuqqaamiknit, pittaarumi.
- Titiraqhimaninnga Anguritngani 8: nutaqqat ilihimayukhat kinauyaakhamiknik – kinauyaakhaanik, atinganik, kitkullu ilagiyanganik.
- Titiraqhimaninnga Angirutingani 14: angayuqqaat ihuaqtumik piyakhangit nutaqqangit angaadjuviutinganik, taimaa ihuaqtuq nutarangit ukiunganik angikliyuumiutinganiklu.
- Titiraqhimaninnga Anguritingani 18: tamarmik angayuqqaat tamarmik munariyakhaat nutaqqiqiyukhat nutaranginnik kavamatkuttauq ikayuqtakharaluangit uuminnga
- Titiraqhimaninnga Angirutingani 27: angayuqqaat munariyukhat hapummilugit nutarangit qanuqtut inuuyut kavamatkullu (pidjutinganik) ikayuqtukhat angayuqqaangit taimalitukhaq.
- Titiraqhimaninnga Angirutingani 29: ilitarilugu ilihaidjutikhaq ikayuqtukhaq nutaqqat nakuuyumik pimmariktumik piyakhangit angayuqqaanginnik.
Una kangirhinnaqtuq uqauhinga uuma Katimayiinga nakuuqpiaqtuq ikayuutikhaq naunairyuumirumaguvit. Hivayainnariaqaqtutillu havakviptiknut.