ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᑎᑎᕋᕐᕕᖓᑦ ᖁᕕᐊᓲᑎᖃᕐᓂᐊᖅᑐᑦ ᑲᓇᑕᒥ ᓄᑕᖅᑲᑦ ᐅᓪᓗᖓᓐᓂ ᑕᒪᑐᒪᓂ ᐱᓇᓱᐊᕈᓯᕐᒥ ᓄᓇᕗᒥᐅᓕᒫᓪᓗ ᑎᓕᐅᖅᑕᐅᕗᑦ ᖁᕕᐊᓲᑎᖃᖁᔭᐅᓪᓗᑎᒃ.
ᐊᕐᕌᒍᑕᒫᑦ<, ᓄᕕᐱᕆ 20 ᑲᓇᑕᒥ ᓄᑕᖅᑲᑦ ᐅᓪᓗᕆᓕᕌᖓᒍ ᖁᕕᐊᓲᑎᒋᔭᐅᓲᖑᕗᖅ, ᐅᓪᓗᖅ ᑲᓇᑕᒥᐅᓄᑦ ᐊᖏᖅᑕᐅᓚᐅᖅᓯᒪᔪᖅ ᓄᓇᕐᔪᐊᕐᒥᐅᓕᒫᓄᑦ ᐊᖏᖃᑎᒌᒍᑎᖏᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᓪᓗᒋᑦ. ᐊᖏᖃᑎᒌᒍᑎᖏᑦ ᓄᑕᖅᑲᑦ ᐱᔪᓐᓇᐅᑎᖏᑦ ᓇᓗᓇᐃᖅᓯᓯᒪᕗᑦ ᑕᒪᐃᓐᓂᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓄᑕᖅᑲᑦ ᒪᒃᑯᒃᑐᓪᓗ ᐱᓕᕆᓲᖏᑦ ᓇᓗᓇᐃᖅᑕᐅᓲᖑᓪᓗᓂᓗ ᑲᒪᒋᔭᒃᓴᑦ ᐱᒻᒪᕆᐅᓂᖏᓐᓂᒃ ᒐᕙᒪᒃᑯᑦ ᐊᒻᒪ ᓄᓇᓖᑦ ᐃᑲᔪᓲᖑᓪᓗᑎᒃ ᒪᒃᑯᒃᑐᓂᒃ ᐱᔪᓐᓇᐅᑎᖏᓐᓂᒃ ᐅᔾᔨᕈᓱᓕᖅᑎᖦᖢᒋᑦ.
"ᑲᒪᒋᔭᒃᓴᖃᕋᑦᑕ ᐃᓐᓇᐅᓪᓗᑕ ᐊᒻᒪ ᓄᓇᓕᐅᓪᓗᑕ, ᐅᔾᔨᕆᓗᒋᑦ ᒪᒃᑯᒃᑐᑦ ᓄᓇᕗᒥᐅᑦ ᐱᔪᓐᓇᐅᑎᖏᑦ ᐃᑲᔪᖅᓱᕐᓗᒋᓪᓗ, ᐅᖃᓚᐅᖅᐳᖅ ᓯᐅᕆ ᒪᒃᓃᐅᓪ−ᒧᓚᒃ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ "ᐊᖏᖃᑎᒌᒍᑎᖏᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐊᑎᓕᐅᖅᑕᐅᓚᐅᖅᓯᒪᔫᒐᓗᐊᖅ ᐅᑭᐅᑦ 30 ᐊᓂᒍᖅᑐᓂᒃ, ᓱᓕ ᐱᔭᒃᓴᖃᕐᔪᐊᖅᑐᐊᓘᔪᒍᑦ ᐅᐱᒋᓗᑎᒍᑦ ᑖᒃᑯᐊ ᐱᔪᓐᓇᐅᑎᑦ. ᓈᓚᒍᓐᓇᖅᑐᒍᑦ ᐱᒻᒪᕆᐅᒋᓗᑎᒍᓪᓗ ᒪᒃᑯᒃᑐᑦ ᐅᖃᐅᓯᒃᓴᖏᓐᓂᒃ, ᐱᓗᐊᖅᑐᒥᒃ ᐅᕙᑦᑎᓐᓄᑦ ᐅᖃᓪᓚᓕᕌᖓᑕ ᐱᔾᔪᑎᒋᕈᓘᔭᖅᑕᖏᓐᓂᒃ ᐃᓅᓯᖏᓐᓄᑦ ᐊᒃᑑᑎᓲᓂᒃ."
ᖁᕕᐊᓱᒍᑎᒋᔪᒪᓪᓗᒍ ᑲᓇᑕᒥ ᓄᑕᖅᑲᑦ ᐅᓪᓗᐊ, ᑕᒪᑐᒪᓂ ᐱᓇᓱᐊᕈᓯᕐᒥ RCYO−ᑯᑦ ᑲᔪᓯᑎᑦᑎᓂᐊᖅᑐᑦ ᐱᑐᐃᓐᓇᐅᙱᑦᑐᒥᒃ ᐅᓪᓗᕈᒻᒥᓴᕐᓇᒥᒃ ᐃᓕᓐᓂᐊᖅᑎᓄᑦ ᐅᕙᓂ, ᐃᓄᒃᓱᒃ ᖁᑦᑎᒃᑐᒦᓐᓂᖅᓴᓄᑦ ᐃᓕᓐᓂᐊᕐᕕᖕᒥ ᐃᓚᐅᓗᑎᒃ ᕚᓯᒃᑯᑦ ᓇᒧᙵᐅᕙᓪᓕᐊᖃᑎᒌᖕᓂᕐᒥᒃ ᐃᓚᖃᕐᓗᑎᒃ ᐃᖃᓗᖕᒥᐅᑦ ᐃᓕᓐᓂᐊᕆᐅᖅᓴᓕᓵᖅᑐᑦ ᓚᐃᓴᖃᖅᖢᑎᒃ ᐃᓂᒋᔭᖏᓐᓂᒃ ᓄᕕᐱᕆ 20−ᒥ 10−ᒧᐊᖅᐸᑦ ᐅᓪᓛᒃᑯᑦ ᐱᒋᐊᓛᕐᖢᑎᒃ ᓖᔾᔭᓐ−ᒥ ᑕᐅᑐᒃᑕᖃᕐᓂᐊᖅᖢᑎᒡᓗ ᒪᒃᑯᒃᑐᓂᒃ ᒪᓕᒐᓕᐅᕐᕕᖕᒦᑦᑐᓂᒃ.
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᐱᔪᒃᓯᑦᑎᐊᕐᒥᔪᑦ ᑐᓴᖅᑎᑦᑎᓂᐊᖅᑎᓪᓗᒋᑦ ᓵᓚᒃᓴᖅᑐᓂᒃ ᑎᓴᒪᖓᓐᓂ ᐅᑭᐅᕐᒥ ᐅᓂᒃᑳᖏᑦ ᓂᐱᖏᑦ ᓵᓚᒃᓴᕋᓱᒃᑐᓂᒃ ᐅᓪᓗᒥ. ᑐᕌᒐᕆᔭᐅᔪᖅ ᓵᓚᒃᓴᕋᓱᒃᑐᓂᒃ ᐅᔾᔨᕆᔭᐅᓕᖅᑎᓐᓇᓱᒃᖢᒍ ᓄᑕᖅᑲᑦ ᐱᔪᓐᓇᐅᑎᖏᑦ ᒪᒃᑯᒃᑐᓄᑦ ᓄᓇᕗᒥᐅᓄᑦ. ᑕᒪᑐᒪᓂ ᐅᑭᐅᕐᒥ ᓵᓚᒃᓴᕋᓱᒃᑐᑦ ᑲᒪᒋᔭᐅᓵᖅᐳᖅ ᓄᑕᖅᑲᑦ ᐃᓕᓐᓂᐊᖃᑦᑕᕆᐊᖃᕐᓂᖏᑦ (28 ᐊᒻᒪ 29). ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᒃᑯᑦ ᖁᔭᓕᔪᒪᑦᑎᐊᖅᐳᑦ ᐃᓕᓐᓂᐊᕐᕕᐊᕈᓯᓕᒫᑦ ᐃᓚᐅᓚᐅᖅᑐᑦ ᐃᓱᒪᒋᑦᑎᐊᖅᓯᒪᔪᒻᒪᕆᐊᓗᖕᓂᒃ ᑲᔪᖏᖅᓴᐃᑦᑎᐊᖅᑐᓂᒡᓗ ᓴᖅᑭᑦᑎᓚᐅᕐᒪᑕ. ᑕᒪᑐᒪᓂ ᐅᑭᐅᕐᒥ ᐅᑯᐊ ᓵᓚᒃᓴᖅᓯᒪᔪᑦ:
ᐃᓕᓐᓂᐊᓕᓵᖅᑐᓂᒃ−ᐃᓕᓐᓂᐊᕈᑎᓕᖕᓄᑦ 3-ᒧᑦ: 1a ᐃᓕᓐᓂᐊᕐᕕᐊᕈᓯᖅ ᕋᐃᑦᓱ ᐊᕐᓇᒻᒪᒃᑎᖅ ᐃᓕᓐᓂᐊᕐᕕᖕᒥ, ᖃᒪᓂ'ᑐᐊᖅ
ᐃᓕᓐᓂᐊᕈᑎᓕᑦ 4-ᒥ 7-ᒧᑦ: ᖁᑦᑎᖕᓂᓕᑦ 7-9 ᐃᓕᓐᓂᐊᕐᕕᐊᕈᓯᓖᑦ ᕿᑭᕐᑕᖅ ᐃᓕHᐊᕐᕕᒃ ᐃᓕᓐᓂᐊᕐᕕᒃ ᐅᖅᓱᖅᑑᖅ
ᐃᓕᓐᓂᐊᕈᑎᓕᑦ 8-ᒥ 12-ᒧᑦ: ᖁᑦᑎᖕᓂᓕᑦ 11 ᐃᓕᓐᓂᐊᕐᕕᐊᕈᓯᓖᑦ ᐹᑦᓵᓕ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕕᒃ ᓴᓂᑭᓗᐊᖅ