ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᓄᑕᖅᑲᑦ ᐱᔪᓐᓇᐅᑎᖏᑦᑕ ᒥᒃᓵᓄᑦ ᐊᖏᖃᑎᒌᒍᑎᑦ ᐱᖁᔨᕗᖔᕈᑎᒃᑯᑦ ᐃᑲᔪᖅᓱᖅᑕᐅᕐᔪᐊᖅᐳᑦ ᐊᖓᔪᖅᑳᑦ ᓄᑕᖅᑲᓪᓗ ᐱᓕᕆᐊᕆᓲᖏᓐᓂᒃ ᓄᑕᖅᑲᑦ ᐃᓅᓯᖏᓐᓂᒃ. ᐃᒪᐃᒻᒪᑦ, ᐊᖏᖃᑎᒌᒍᑎᑦ ᐱᖁᔨᕗᖔᕈᑎᒃᑯᑦ ᐃᓕᑕᖅᓯᐅᒪᖕᒪᑕ ᖃᑕᙳᑎᒌᑦ ᐱᕈᕐᕕᑦᑎᐊᕙᐅᓂᖏᓐᓂᒃ ᓄᑕᖅᑲᓄᑦ ᑐᙵᕕᒋᔭᐅᓪᓚᕆᖕᓂᖏᓐᓄᑦ.
ᐊᖏᖃᑎᒌᒍᑎᑦ ᐱᖁᔨᕗᖔᕈᑎᑦ ᐊᖅᑯᑕᐅᓪᓗᑎᒃ, ᐊᖓᔪᖅᑳᑦ/ᒪᓕᒐᖅᑎᒍᑦ ᑲᒪᔨᙳᖅᓯᒪᔪᑦ ᓄᑕᖅᑲᓂᒃ ᐱᕈᐃᔭᕆᐊᖃᓲᖑᖕᒪᑕ. ᐊᖏᖃᑎᒌᒃᖢᑎᑦ ᐱᖁᔨᕗᖔᕈᑎᒃᑯᑦ ᐅᖃᖅᓯᒪᖕᒪᑦ ᑕᒪᓐᓇ ᐱᓕᕆᐊᖑᔭᕆᐊᖃᕐᓂᖓᓂᒃ ᓄᑕᖅᑲᑦ ᐱᓕᕆᐊᕆᔪᒥᒋᓛᖏᓐᓂᒃ ᓈᒻᒪᒃᑎᒋᐊᖃᕐᓂᖏᓐᓂᒃ. ᐊᖓᔪᖅᑳᑦ ᖃᑕᙳᑎᖏᓪᓗ ᑕᒪᑐᒥᖓ ᑲᒪᒋᔭᖃᕈᓐᓇᙱᑉᐸᑕ, ᒐᕙᒪᒃᑯᑦ-ᑲᓇᑕᒥᐅᒐᓗᐊᖅᐸᑦ ᐊᕕᒃᑐᖅᓯᒪᔪᓂᐅᒐᓗᐊᖅᐸᑦ-ᐃᑲᔪᕆᐊᖃᖅᐳᑦ. ᐊᖓᔪᖅᑳᑦ ᖃᑕᙳᑎᒌᓪᓗ ᑕᒪᑐᒥᖓ ᓱᓕ ᐊᐅᓚᑦᑎᔪᓐᓇᙱᑉᐸᑕ, ᑕᐃᒪᓕ ᒐᕙᒪᒃᑯᑦ ᐱᓕᕆᖔᓯᒋᐊᖃᕋᔭᖅᐳᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐊᑐᖅᑕᐅᑦᑎᐊᕋᓗᐊᕐᒪᖔᑕ ᖃᐅᔨᒪᓇᓱᒡᓗᑎᒃ.
ᖃᔅᓯᑲᓪᓚᑦ ᑎᑎᕋᖅᓯᒪᔪᑦ ᐊᖏᖃᑎᒌᒍᑎᑦ ᐱᖁᔨᕗᖔᕈᑎᒃᑯᑦ ᑐᑭᓯᓇᖅᑎᑦᑎᕗᑦ ᑖᒃᑯᓂᖓ ᐱᓕᕆᐊᒃᓴᓂᒃ ᑲᒪᒋᔭᒃᓴᓂᒡᓗ.
ᑖᓐᓇ ᐅᖃᐅᓯᖅᑕᖅ ᐱᔾᔪᑎᖃᖅᑐᖅ ᐊᖏᖃᑎᒌᒍᑎᑦ ᐱᖁᔨᕗᖔᕈᑎᒃᑯᑦ ᐃᑲᔫᑎᑦᑎᐊᕙᒻᒪᕆᐊᓗᒃ ᖃᓄᑐᐃᓐᓇᑦᑎᐊᖅ ᖃᐅᔨᔭᖃᒃᑲᓐᓂᕈᒪᓐᓂᕈᕕᑦ. ᑐᙵᓱᒃᑎᑕᐅᑦᑎᐊᕐᒥᔪᓯ ᑎᑎᕋᕐᕕᑦᑎᓐᓄᑦ ᖃᐅᔨᓇᓱᖃᑦᑕᕆᐊᒃᓴᖅ.