ᐊᐱᖅᑯᑕᐅᒐᔪᒃᑐᑦ ᐅᓇᓃᑦᑐᑦ ᖃᐅᔨᔾᔪᑎᒋᔪᓐᓇᖅᑕᑎᑦ ᐊᐱᖅᑯᑎᒋᔭᕐᓄᑦ ᐊᒡᓚᒡᕕᑦᑕ ᒥᒃᓵᓄᑦ.
ᐊᒡᓚᒡᕕᒃᐳᑦ ᐃᑲᔪᖃᑦᑕᖅᐳᑦ ᒪᒃᑯᒃᑐᓂᑦ ᐱᔪᓐᓇᐅᑎᖏᑦᑕ ᒥᒃᓵᓄᑦ ᓇᓗᓇᐃᖅᐸᒃᖢᑕᓗ ᓄᓇᕗᑦ ᒐᕙᒪᖓ ᐃᑲᔪᖅᓯᕋᓗᐊᕐᒪᖔᑦ ᐸᐸᑦᑎᒐᓗᐊᕐᒪᖔᓪᓗ ᑕᒪᒃᑯᓂᖓ ᐱᔪᓐᓇᐅᑎᓂᒃ.
ᐃᑲᔪᕈᑎᒋᖃᑦᑕᕐᒥᔭᕗᑦ ᐃᓛᒃᑯᑦ ᑭᒡᒐᖅᑐᐃᓪᓗᑕ. ᑖᓐᓇ ᑐᑭᖃᖅᐳᖅ ᐊᑕᐅᓯᕐᒥᑦ ᒪᒃᑯᒃᑐᒥᑦ ᐃᓛᒃᑯᑦ ᐃᑲᔪᕐᓗᑕ. ᐃᒪᐃᑦᑐᓐᓇᖅᑐᒍᑦ:
ᖃᓄᖅ ᐃᑲᔪᕐᓂᕗᑦ ᐃᓕᖕᓂ ᑕᑎᖃᖅᐳᖅ ᑭᓱᒥᒃ ᐱᔭᕆᐊᖃᕐᒪᖔᖅᐱᑦ ᖃᓄᕐᓗ ᐅᕙᑦᑎᓐᓄᑦ ᐅᖃᕐᒪᖔᖅᐱᑦ!
ᓱᕈᓯᕐᓂᑦ ᐱᔪᓐᓇᐅᑎᒋᔭᐅᔪᖅᑕᖃᕆᐊᖃᖅᐳᖅ ᐊᔪᙱᓪᓗᒋᓘᓐᓃᑦ ᐃᓅᔪᓐᓇᕐᓂᐊᕋᕕᑦ ᐊᑕᖏᐅᒪᔪᒥᑦ. ᓱᕈᓰᑦ ᓄᓇᕐᔪᐊᕐᒥᑦ ᐱᔪᓐᓇᐅᑎᖃᕈᓐᓇᖅᐳᑦ - ᐊᕐᓇᐅᒐᓗᐊᕈᓂ ᐊᖑᑕᐅᒐᓗᐊᕈᓂ, ᓇᒥ ᓄᓇᖃᕋᓗᐊᕈᓂ, ᓇᒧ ᐅᒃᐱᕋᓗᐊᕈᓂ ᓇᓂᕐᒥᐅᑕᐅᒐᓗᐊᕈᓂᓘᓐᓃᑦ.
ᐆᒃᑑᑎᒋᓗᒍ, ᐃᒪᓐᓇ ᐱᔪᓐᓇᐅᑎᖃᖅᑐᑎᑦ:
ᐊᒥᓱᓂᒃ ᐱᔾᔪᑎᑕᖃᖅᐳᖅ ᑭᓱᒧᑦ ᖃᐅᔨᒋᐊᕋᔭᕐᒪᖔᖅᐱᑦ ᐊᒡᓚᒡᕕᑦᑎᓐᓄᑦ:
ᓇᓗᒍᕕᑦ ᐃᑲᔪᕈᓐᓇᕐᓂᑦᑎᓐᓂᒃ ᐃᓕᖕᓂᑦ, ᐅᕙᑦᑎᓐᓄᑦ ᖃᐅᔨᒋᐊᖏᓐᓇᖁᕙᑦᑎᒋᑦ. ᐃᑲᔪᕈᓐᓇᙱᒃᑯᑦᑕ, ᐃᓕᖕᓄ ᓇᓂᓯᓂᐊᖅᑐᒍᑦ ᑭᓇᒥᑦ ᐃᑲᔪᕈᓐᓇᖅᑐᒥᑦ.
ᐱᔪᓐᓇᐅᑎᖃᖅᑐᑎᑦ ᐃᓅᓯᖃᕐᓂᕐᒥᑦ ᖃᓄᐃᙱᑦᑎᐊᖅᑐᒥᑦ ᐃᓚᒌᓂᑦ ᐃᓕᖕᓂᑦ ᐃᑲᔪᖅᓯᖅᑐᓂᒃ ᒐᕙᒪᒃᑯᓪᓗ ᐱᓕᕆᐊᒃᓴᖃᕐᒥᔪᑦ ᐃᑲᔪᖅᓯᕐᓂᕐᒥᑦ ᐃᓚᒌᓂᒃ. ᐃᓚᖏᑦᑎᒍᑦ ᐃᑲᔪᕈᓐᓇᖅᑐᒍᑦ ᐃᓕᖕᓂᑦ ᐃᓚᖕᓂᓪᓗ. ᓈᓚᒍᓐᓇᖅᑐᒍᑦ ᐃᓱᒫᓗᑎᒋᔭᖅᐱᑦ ᒥᒃᓵᓄᑦ. ᐃᑲᔪᕈᓐᓇᖅᑐᒍᑦ ᐃᓕᖕᓂᑦ ᐃᓚᖕᓂᓪᓗ ᐱᓕᕆᐊᒃᓴᑦ ᐱᔨᑦᑎᕋᐅᑏᓪᓗ ᒥᒃᓵᓄᑦ. ᐃᒃᓯᕚᖃᑎᖃᕈᓐᓇᖅᑐᒍᑦ ᐃᓕᖕᓂ ᑲᑎᒪᓗᑕ, ᐃᓚᑎᓪᓗ ᒐᕙᒪᒥᓪᓗ ᐃᖅᑲᓇᐃᔭᖅᑎ ᐊᐱᕆᒍᕕᑦ ᑕᐃᒪᓐᓇ.
ᑭᓇᑐᐃᓐᓇᖅ ᐅᕙᑦᑎᓐᓄ ᐅᖄᓚᔪᓐᓇᖅᑐᖅ. ᐃᒡᕕ ᐅᖄᓚᔪᓐᓇᖅᑐᑎᑦ ᐃᓐᓇᕐᒥᒡᓘᓐᓃᑦ ᐅᖃᓗᒃᑎᑦᑎᔪᓐᓇᖅᑐᑎᑦ.
ᓯᕗᓪᓕᖅᐹᖅ ᐅᖃᖃᑎᒋᔭᑦ ᑲᒪᒋᔭᐅᔪᓕᕆᔨᐅᓂᐊᖅᑐᖅ. ᐃᓕᖕᓂ ᐊᐱᕆᓂᐊᖅᑐᖅ:
ᑭᖑᓪᓕᕐᒥᑦ, ᐅᖃᖃᑎᖃᓕᓪᓗᐊᖅᑐᑎ ᓱᕈᓯᕐᓂᑦ ᒪᒃᑯᒃᑐᓂᓪᓗ ᑭᒡᒐᖅᑐᐃᔨᑦᑎᓐᓂᒃ. ᑕᐃᒎᓯᖃᖅᑎᑕᕗᑦ ᑕᒪᒃᑯᐊ ᐃᖅᑲᓇᐃᔭᖅᑏᑦ ᑭᒡᒐᖅᑐᐃᔩᑦ ᓇᐃᓈᕐᓗᒍᑦ. ᑭᒡᒐᖅᑐᐃᔨ ᐅᖃᐅᓯᖃᕐᓂᐊᖅᑐᖅ ᖃᓄᖅ ᐊᒡᓚᒡᕕᒃᐳᑦ ᐃᑲᔪᕈᓐᓇᕐᒪᖔᑦ, ᓇᓗᓇᐃᔭᕐᓗᓂ ᐱᔪᓐᓇᐅᑎᒋᔭᕐᓂᑦ ᐃᒻᒥᒃᑰᕈᓐᓇᕐᓂᕐᓂᑦ ᓇᓗᓇᐃᕐᓗᓂᓗ ᐱᓕᕆᖃᑎᖃᕈᒪᓂᕐᓂᑦ.
ᐃᒪᐃᓕᕐᓗᓂᓗ:
ᑕᒪᓐᓇᐅᕌᓂᒃᑯᓂ, ᐃᓱᒪᓕᐅᕆᔪᓐᓇᖅᑐᑎᑦ ᐱᓕᕆᖃᑎᖃᕈᒪᖕᒪᖓᖅᐱᑦ ᑭᒡᒐᖅᑐᐃᔨᒥᑦ. ᓯᕗᑎᐅᓂᐊᖅᑐᑎᑦ ᑕᒪᑐᒥᖓ. ᑲᑎᙵᓗᓯ, ᓴᖅᑭᑦᑎᓂᐊᖅᑐᓯ ᑭᒡᒐᖅᑐᖅᑕᐅᓂᕐᒧᑦ ᐸᕐᓇᐅᒻᒥ.
ᐱᔪᓐᓇᐅᑎᖃᖅᑐᑎᑦ ᐃᒻᒥᒃᑯᑦ ᖃᐅᔨᒋᐊᕆᐊᒃᓴᖅ ᐊᒡᓚᒡᕕᑦᑎᓐᓄᑦ. ᑖᓐᓇ ᑐᑭᖃᖅᐳᖅ ᑲᒪᒋᔭᖃᖅᑐᖅ ᐃᓂᒋᔭᕐᓂᑦ ᐃᓄᑑᓚᐅᑲᒃᑎᑦᑎᔭᕆᐊᖃᕐᓂᖓᓂ ᐅᖄᓚᔪᓐᓇᖁᓪᓗᑎᑦ ᐃᕐᖐᓐᓈᖅᑕᐅᒃᑯᓘᓐᓃᑦ ᑎᑎᕋᕈᓐᓇᖁᓪᓗᑎᑦ. ᐊᒻᒪᐃᓛᒃ, ᑎᑎᕋᕈᒪᒍᕕᑦ ᐅᕙᑦᑎᓐᓄᑦ, ᐃᓕᖕᓂ ᑲᒪᒋᔭᖃᖅᑐᖅ ᓇᒃᓯᐅᔾᔨᔭᕆᐊᓕᒃ ᑎᑎᖅᑲᒥᑦ ᒪᒃᐱᕐᓂᑰᙱᑦᑐᒥᑦ.
ᐱᓕᕆᐊᕗᑦ ᑐᕌᕈᑎᖃᖅᑎᑕᐅᕗᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐱᖁᔭᖓᓂ. ᑖᓐᓇ ᒪᓕᒐᖅ ᐋᖅᑭᒃᓯᓯᒪᕗᖅ ᐊᒡᓚᒡᕕᒃᐳᑦ ᖃᓄᐃᓕᐅᕈᑎᒋᔪᓐᓇᖅᑕᖏᓐᓂᒃ ᖃᓄᐃᓕᐅᕈᑎᒋᔪᓐᓇᙱᑕᖏᓐᓂᒡᓗ.
ᐱᖁᔭᖅᑎᒍᑦ, ᐃᒪᐃᓕᐅᕈᓐᓇᙱᑦᑐᒍᑦ:
ᑭᓯᐊᓂ ᖃᓄᑐᐃᓐᓇᖅ ᐃᑲᔪᖅᑕᐅᔪᒪᒍᕕᑦ, ᐅᕙᑦᑎᓐᓄᑦ ᖃᐅᔨᒋᐊᖁᕙᑦᑎᒋᑦ. ᐃᓕᖕᓂ ᐃᑲᔪᕈᓐᓇᙱᒃᑯᑦᑕ, ᐃᓕᖕᓄ ᓇᓂᓯᓂᐊᖅᑐᒍᑦ ᐃᑲᔪᕈᓐᓇᖅᑐᒥᑦ.
ᒪᓕᒐᓕᕆᔨᐅᙱᑦᑎᒍᑦ ᑕᐃᒪᐃᒻᒪᑦ ᒪᓕᒐᑎᒍᑦ ᖃᓄᐃᖁᔨᔪᓐᓇᙱᑦᑐᒍᑦ. ᑭᓯᐊᓂ ᐊᓯᖏᑦᑎᒍᑦ ᐃᓕᖕᓂ ᐃᑲᔪᕈᓐᓇᖅᑐᒍᑦ, ᐱᖃᓯᐅᑎᓪᓗᓂ ᒪᓕᒐᓕᕆᔨᒥᑦ ᐃᓕᖕᓄ ᕿᓂᕐᓂᖅ.