ᐊᔾᔨᓕᐅᖅᓯᒪᔪᑦ ᐱᓕᕆᐊᖑᓯᒪᔪᓪᓗ


07/17/2019
ᐊᐅᓱᐃᑦᑐᒦᓐᓂᕐᒥᓂ, ᑕᐃᕕᑦ ᑲᑎᖃᑎᖃᓚᐅᖅᐳᖅ ᐊᒥᓱᓂᒃ ᐃᓄᖕᓂᒃ, ᑖᒃᑯᐊᓗ ᑐᙵᓇᖅᑐᒻᒪᕆᐅᓚᐅᖅᖢᑎᒃ ᖁᕕᐊᓱᒻᒪᕆᖃᑦᑕᓚᐅᖅᖢᑎᒡᓗ ᑐᓴᕌᖓᒥᒃ ᑕᐃᑲᓃᓐᓂᕐᒥᓂ ᐊᓕᐊᓇᐃᒋᔭᖃᖃᑦᑕᑦᑎᐊᓚᐅᕐᓂᖓᓂᒃ. ᖁᕕᐊᒋᔭᖃᑦᑎᐊᓚᐅᖅᐳᖅ ᐱᕕᒃᓴᖃᕐᓂᕐᒥᓂ ᑲᖏᖅᖢᖕᒧᙵᐅᔪᓐᓇᕋᒥ ᑕᑯᔭᖅᑐᖅᖢᓂ ᓯᕐᒥᖕᒥᒃ.
06/12/2019

ᓇᐅᔮᓂ ᓯᓚᑦᑎᐊᕙᐅᓚᐅᕐᒪᑦ ᓇᐅᔮᕐᒥᐅᑦ ᐊᓃᑲᑕᓚᐅᖅᐳᑦ ᔭᐃᑲᒃᓯᒪᑐᐃᓐᓇᖅᖢᑎᒃ ᐊᒻᒪᓘᓐᓃᑦ ᐊᐃᑭᑦᑐᖅᓯᒪᑐᐃᓐᓇᖅᖢᑎᒃ ᒪᐃ ᕿᑎᖅᐸᓯᐊᓂ! ᓯᐅᕋᓐ ᐊᓕᐃᓇᐃᒋᑦᑎᐊᓚᐅᖅᑕᖓ ᐅᓂᒃᑲᐅᓯᖃᕆᐊᒃᓴᖅ ᓂᐱᕗᑦ ᑐᓴᖅᑕᐅᑎᓪᓚᕗᑦ ᐱᔾᔪᑎᒋᓪᓗᒍ: ᖃᔅᓯᑲᓪᓚᑦ ᓇᖕᒥᓂᖅ ᑭᒡᒐᖅᑐᐃᔪᓐᓇᕐᓂᕐᒥᒃ ᐃᓕᓐᓂᐊᖅᓯᓐᓈᑦ ᑲᑎᒪᓚᐅᖅᐳᑦ ᐃᓕᓐᓂᐊᖅᑎᑦ ᓄᑖᕋᐃᓐᓄᖕᒥ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᑎᓕᖕᒧᓪᓗ ᒪᑭᑦᑕᖅᖢᑎᒃ ᓄᑕᖅᑲᑦ ᐃᓕᓐᓂᐊᕐᕈᑎᓖᑦ 3-ᒥ 6-ᒧᑦ. ᓯᐅᕋᓐ ᖁᔭᓕᕗᖅ ᐃᓕᓐᓂᐊᖅᑎᓂᒃ ᖁᕝᕙᓯᖕᓂᓕᖕᓂᒃ 8−ᒥ ᐃᓕᓴᖅᑕᐅᓚᐅᕐᒪᑦ ᐃᒧᓯᑲᐅᑦᑐᕐᓂᕐᒥᑦ RCYO ᐃᒋᑦᑕᕆᐊᓕᒃ/ᐊᑯᕆᐊᓕᖕᒥ ᐴᖓᓄᐊᕆᐊᖃᕐᓂᕐᒥᒃ.

06/12/2019

ᓯᐅᕋᓐ ᐃᒡᓗᓕᖕᒧᐊᖅᓯᒪᑎᓪᓗᒍ ᐊᖓᔪᒃᖡᑦ ᐃᓕᓐᓂᐊᕐᕕᖕᒦᑲᑕᓚᐅᖅᐳᖅ ᖁᕕᐊᒋᓚᐅᖅᐹᓗ ᐅᓂᒃᑲᐅᓯᖃᖅᖢᓂ ᓂᐱᕗᑦ ᑐᓴᖅᑕᐅᑎᓪᓚᕗᒻᒥ: ᓇᖕᒥᓂᖅ ᑭᒡᒐᖅᑐᐃᔪᓐᓇᕐᓂᕐᒥᒃ ᐃᓕᓐᓂᐊᖅᓯᓐᓈᑦ ᑲᑎᒪᓂᖅ. ᖁᕕᐊᒋᔭᖃᓚᐅᖅᑐᖅ ᑕᑯᔪᓐᓇᓚᐅᕐᒪᑦ ᓄᑕᖅᑲᓂᒃ ᒪᒃᑯᒃᑐᓂᒡᓗ ᐊᓃᕋᔭᒃᖢᑎᒃ ᐱᙳᐊᖃᑦᑕᒃᑐᓂᒃ ᖁᕕᐊᒋᓚᐅᖅᖢᓂᐅᒡᓗ ᑐᙵᓱᒃᑎᑕᐅᓚᐅᕐᒪᑦ ᐃᑲᔪᖅᑕᐅᑦᑎᐊᖅᖢᓂᓗ ᓇᒧᙵᐅᒋᐊᖃᕐᒪᖔᑦ ᖃᐅᔨᑎᑕᐅᕙᒃᖢᓂ ᐃᓄᖕᓂᒃ ᐊᖅᑯᓵᖅᐸᓪᓕᐊᔭᖏᓐᓂᒃ.

12/13/2018

ᖃᐅᓱᐃᑦᑐᖅ ᐃᒃᐱᐊᕐᔪᖕᒥᓗ ᓂᐅᕐᕉᖃᑎᓪᓗᒍ ᑕᐃᕕᑎ ᖃᔅᓯᑲᓪᓚᖕᓂᑦ ᐊᑐᖅᑎᑕᐅᓚᐅᐳᖅ ᓂᐲᑦ ᑐᓴᖅᑕᐅᑎᓪᓗᒍ:  ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅ ᒪᒃᑯᒃᑐᓂᑦ ᐃᓚᖃᖅᖢᑎ ᖁᔭᓕᔪᒪᕗᑦ ᐃᓚᐅᖃᑕᐅᓚᐅᖅᑐᓕᒫᓂᑦ. ᑕᐃᕕᑎᐅᑉ ᐃᖅᑲᐅᒪᓛᕆᕚ ᑖᒃᑯᓇᖓᑦ ᓂᐅᕈᑲᑕᒃᑕᖏᓐᓂ ᒪᒃᑯᒃᑐᑦ ᐅᓄᖅᑐᑦ ᖁᕕᐊᓱᒃᖢᑎᒃ ᖃᐅᔨᒃᑲᓐᓂᕈᒪᓂᖏᑦ ᐊᒡᓚᕝᕕᖓᓐᓂ ᖃᓄᐃᓕᐅᖅᐸᖕᓂᖏᓐᓂ ᐅᖃᓪᓚᖃᑎᒋᓚᐅᖅᑕᖏᑦ.

  

12/13/2018

ᓯᐅᕆ ᓯᐅᕋᓐᓗ ᐃᓅᓯᓕᕆᓂᕐᒥᒃ ᐅᖃᓪᓚᒃᑎᓪᓗᒋᑦ ᐊᓕᐊᓇᐃᒍᓱᑦᑎᐊᓚᐅᖅᐴᒃ ᑐᙵᓇᑦᑎᐊᖅᑐᓄᑦ ᑭᒻᒥᕈᒻᒥᐅᓄᑦ. ᖁᔭᓐᓇᒦᒃ ᖁᑦᑎᖕᓂᖅᓴᒥᒃ ᐃᓕᓐᓂᐊᖅᑎᓄᑦ ᐃᓚᐅᖃᑕᐅᑦᑎᐊᓚᐅᕐᓂᖏᓐᓄᑦ ᓂᐲ ᑐᓴᖅᑕᐅᑎᓪᓗᒍ: ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅ ᑕᑯᓚᐅᖅᑕᕗᑦ ᐃᖅᑲᐅᒪᓇᓛᖑᒋᕗᖅ ᓯᒡᔭᖓᓂ ᐃᓛᒍᖅᑐᖅᓯᐅᑎ ᓯᑭᑑᕐᓚᐅᔭᖅ ᐃᖏᕐᕋᔪᖅ ᐱᖅᓯᓚᐅᖅᑎᓪᓗᒍ. ᖁᕕᐊᓇᖅ!

12/13/2018

ᑲᖏᖅᖠᓂᕐᒥᑦ ᓂᐅᕐᕉᖃᑎᓪᓗᒍ ᓘᕆ ᐊᕐᕕᓂᓕᖕᓂ ᐱᖓᓱᓂᓪᓗ ᑲᔪᓯᑎᑦᑎᓚᐅᖅᐳᖅ ᓂᐲᑦ ᑐᓴᖅᑕᐅᑎᒍ: ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅᓂᒃ ᒪᒃᑯᒃᑐᓄᑦ ᖁᑎᖕᓂᓕᖕᓄᑦ 8 -12. ᖁᔭᓐᓇᒦᒃ ᒫᓂ ᐅᓗᔪᒃ ᐃᓕᓐᓂᐊᕐᕕᒃ, ᐳᓛᕐᕕᒃ, ᒪᒃᑯᒃᑐᑯᕕᒃ, ᓂᐅᕕᕐᕕᒡᓗ ᓘᕆᒥᑦ ᐃᓂᖃᖅᑎᑦᑎᔪᓐᓇᓚᐅᕐᓂᖏᓐᓂ ᑲᑎᒪᓂᕐᒧᑦ ᐊᒻᒪᓗ ᐅᔾᔨᖅᓱᖅᐹᓪᓕᖅᑎᑦᑎᖃᑕᐅᓚᐅᕐᓂᖏᓐᓄᑦ ᓄᑕᖅᑲᑦ ᐱᔪᓐᓇᐅᑎᖏᓐᓂ ᐱᓕᕆᕙᒃᑕᑦᑎᓐᓂᒡᓗ ᐊᒡᓚᕝᕕᑦᑎᓐᓂ.  ᓘᕆ ᐱᔪᒃᓯᑎᒋᑦᑎᐊᓚᐅᖅᐳᖅ ᑐᓴᑲᑕᒋᒃᓴᖅ ᓄᓇᓕᖕᓂ ᐊᔾᔨᒌᙱᑦᑑᑎᓂᒃ ᑲᑐᔾᔨᔨᓂ ᐱᓕᕆᓂᖏᓐᓂᒃ ᑭᐱᙳᐃᔭᐅᑎᓂᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᓄᓇᓕᒥᖕᓂ, ᑕᑯᔪᓐᓇᖅᓯᓚᐅᖅᖢᒍᓗ ᒪᒃᑯᒃᑐᑯᕕᒃ ᓄᑖᖅ ᓂᖅᖠᐅᕐᕕᖃᓕᕐᓂᐊᓂ ᐊᒻᒪᓗ ᐃᒡᓗᕈᓯᖃᓕᖅᖢᓂ ᐊᓯᐊᓂᒃ ᐃᓐᓇᐃᑦ ᒪᒃᑯᒃᑐᓪᓗ ᑲᑎᖓᕝᕕᐊᓂᑦ.

12/13/2018

ᓯᐅᕋᓐ ᓂᐅᕐᕉᖅᑲᑎᓪᓗᒍ ᒥᑦᑎᒪᑕᓕᖕᒥᑦ ᑐᙵᓱᒃᑎᑕᐅᑦᑎᐊᓚᐅᕐᓂᖓᓂ ᐃᑲᔪᖅᑕᐅᑎᐊᑲᑕᓚᐅᕐᓂᐊᓂᓗ ᖁᔭᓕᑦᑎᐊᖅᐳᖅ ᑲᑎᖃᑎᒋᓚᐅᖅᑕᖏᓐᓂ. ᖁᔭᓐᓇᒦᒃ ᑕᒪᐃᓐᓂ ᓄᑕᖅᑲᑦ, ᒪᒃᑯᒃᑐᑦ, ᒥᑦᑎᒪᑕᓕᖕᒥᐅᑕᓪᓗ ᑐᑭᓯᒋᐊᕐᓂᕐᒧ ᐅᐸᖃᑦᑕᓚᐅᖅᑐᑦ ᑯᐊᐸᒃᑯᓐᓂ ᑕᒪᕐᒥᑦᑎᐊᓗ ᒪᒃᑯᒃᑐᑦ ᐃᓚᐅᖃᑕᐅᓚᐅᖅᑐᑦ ᓂᐲᑦ ᑐᓴᖅᑕᐅᑎᓪᓗᒍ: ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅ ᓇᓯᕝᕕᒃ ᐃᓕᓐᓂᐊᕐᕕᖕᒥᑦ.

12/13/2018

ᑕᐃᕕᑎ ᑐᙵᓱᒃᑎᑕᐅᑦᑎᐊᓚᐅᖅᐳᖅ ᐃᓕᓐᓂᐊᖅᑎᓄᑦ ᑕᓗᕐᔪᐊᓂ, ᐃᓕᓐᓂᐊᕌᓂᓪᓗᐊᖅᑎᓪᓗᒋᑦ ᑎᑭᓚᐅᖅᐳ. ᐃᓕᓐᓂᐊᕐᕕᐅᑉ ᐃᖅᑲᓇᐃᔭᖅᑎᖏᓐᓂᒃ ᐃᑲᔪᖅᑎᖃᖅᖢᓂ ᑕᐃᕕᑎ ᐊᐅᓚᑦᑎᓂᖃᓚᐅᖅᐳ ᒪᕐᕉᖕᓂᒃ ᑲᔪᓯᓂᖃᑦᑎᐊᖅᖢᑎᒃ ᓂᐲᑦ ᑐᓴᖅᑕᐅᑎᓪᓗᒍ: ᐃᒻᒥᓂᒃ ᑭᒡᒐᖅᑐᐃᓂᕐᒥᑦ ᑲᑎᒪᓂᖅ ᖁᔭᓐᓇᒦᒃ ᑲᑎᒪᓂᕐᒥᑦ ᐅᐸᒍᑎᓚᐅᖅᑐᓕᒫᑦ. ᐃᓚᐅᖃᑕᐅᑦᑎᐊᕐᓃᑦ ᖁᔭᒋᑦᑎᐊᖅᑕᕗᑦᐊᑭᑐᓕᖅᐸᓪᓕᐊᔪᖅ!

08/07/2018

ᓗᐊᕆ ᐊᒻᒪ ᑯᕆᔅᑕ ᖁᕕᐊᒋᔭᖃᓚᐅᖅᐳᖅ ᐱᓕᕆᕈᓘᔭᓚᐅᕐᓂᖓᓂ ᐃᖃᓗᒃᑑᑦᑎᐊᕐᒥᑦ ᑲᑎᒪᖃᑎᖃᖅᖢᑎᒃ ᐱᔨᑦᑎᕋᖅᑎᓂ ᒪᒃᑯᒃᑐᓂᓪᓗ, ᐊᒻᒪ ᐊᐅᓚᑦᑎᓪᓗᑎᓪᓗ ᓂᐱᖃᕆᐊᕆᒥᑦ: ᐃᒻᒥᓂ ᑭᒡᒐᖅᑐᐃᓂᕐᒧᑦ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ. ᖁᔭᓕᔪᒪᕗᒍᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐊᔪᖏᑎᑦᑎᓚᐅᕐᒪᑕ ᐃᓕᓐᓂᐊᓯᓐᓈᖅ ᑲᑎᒪᔪᓐᓇᖅᖢᑕᓗ ᓂᕈᑐᒻᒪᕆᒃᑐᒥᑦ ᑲᑎᒪᕝᕕᐊᓂ!

08/07/2018
ᖁᖓᔮᖅᑐᖅ, ᑐᙵᓇᖅᑐᑦ ᑐᙵᓵᓚᐅᖅᑐᑦ ᓄᑕᒐᓴᐃᑦ ᒪᒃᑯᒃᑐᓂᒡᓗ ᐊᑐᐃᓐᓇᐅᑎᑦᑎᓪᓗᑎᑦ ᐃᓂᒋᔭᐅᔪᒥᑦ ᐃᒡᓗᓕᒑᕐᔪᖕᒥᑦ, ᐃᓕᓐᓂᐊᕐᕕᒃ, ᐋᓐᓂᐊᕐᕕᒃ, ᓇᔭ ᐃᓴᐱᐅ ᐃᒡᓗᖓ, ᕼᐊᒻᒪᓚᒃᑯᑦ, ᐊᒻᒪ ᐳᑭᖅᑕᓂᒃᑯᑦ.

Pages