ᓄᓇᓕᐅᔪᓂᑦ


06/05/2023
ᓄᑉᐱᔭ ᐊᒻᒪ ᐅᓕᕕᐊ ᑰᒑᕐᔪᓕᐊᓚᐅᖅᐳᑦ ᑕᓗᕐᔪᐊᒧᓪᓗ ᐃᓕᓐᓂᐊᖅᑎᓂᒃ ᑲᑎᖃᑎᖃᕆᐊᖅᑐᖅᖢᑎᒃ, ᓄᓇᓕᖕᒥᐅᓂᒃ ᐊᒻᒪ ᓇᖕᒥᓂᖃᖃᑕᐅᔪᓂᒃ. ᖁᕕᐊᓇᓚᐅᖅᑐᖅ ᖁᙱᐊᖅᖢᓂ ᓵᓚᒃᓴᐅᓯᐊᓂᒃ ᑰᒑᕐᔪᖕᒥᑦ ᐃᖃᓗᓕᐅᑎᓚᐅᖅᑎᓪᓗᒋᑦ, ᖁᕕᐊᓱᓚᐅᖅᑐᑦ! ᑕᒪᕐᒥᒃ ᓄᓇᓖᑦ ᑐᙵᓱᒃᑎᑕᐅᑦᑎᐊᓚᐅᖅᐳᑦ ᑕᒪᕐᒥᑦᑎᐊᕐᓗ ᑐᙵᓇᓚᐅᖅᖢᑎᒃ ᐳᓛᕆᐊᖅᓯᒪᑎᓪᓗᑕ − ᖁᔭᓐᓇᒦᒃ ᑐᙵᓱᒃᑎᑦᑎᓚᐅᕋᔅᓯ. ᓄᓇᓕᑦᑎᐊᕙᒻᒪᕆᒃ ᑰᒑᕐᔪᒃ ᐊᒻᒪ ᑕᓗᕐᔪᐊᖅ.
05/03/2023
ᒪᕆᐊᒪ ᐊᒻᒪ ᑲᐃᑎ ᑭᒻᒥᕈᓕᐊᓚᐅᖅᐴᒃ ᒪᐃᐅᑉ ᐱᒋᐊᕐᓂᖓᓂ. ᓯᓚᑦᑎᐊᕙᐅᓚᐅᖅᑐᖅ, ᓄᓇᓕᖕᒥᐅᓪᓗ ᑐᙵᓇᑦᑎᐊᓚᐅᖅᑐᑦ. ᐅᔾᔨᕐᓇᓗᐊᓚᐅᖅᑐᑦ ᐊᐅᓪᓚᖅᓯᒪᑎᓪᓗᒋᑦ ᐃᓚᖃᓚᐅᖅᐳᑦ ᓄᑕᖅᑲᓂᒃ ᐅᖃᖃᑎᖃᖅᖢᑎᒃ ᓯᓚᒥ ᐱᙳᐊᕐᕕᖕᒥ, ᑲᔾᔮᕐᓇᖅᑐᒃᑰᖅᖢᑎᒃ, ᓄᓇᓕᖕᓂ ᕿᒥᕐᕈᑎᑕᐅᓪᓗᑎᒃ ᐊᒻᒪ ᐃᖃᐃᓕᓴᕆᐊᖅᑐᖅᖢᑎᒃ. ᖁᔭᓐᓇᒦᖑᔪᓯ ᑕᒪᔅᓯᑦᑎᐊᖅ ᐅᕙᑦᑎᓐᓂᒃ ᑲᑎᖃᑎᖃᕈᓐᓇᓚᐅᖅᑐᓄᑦ ᐳᓛᕆᐊᓚᐅᕐᓂᑦᑎᓐᓂᓗ ᖁᕕᐊᓇᖅᑐᒻᒪᕆᐅᓪᓗᓂ!
04/20/2023
ᒪᕆᐊᒪ ᐊᒻᒪ ᐅᓕᕕᐊ ᐳᓛᕆᐊᕈᓐᓇᑦᑎᐊᓚᐅᖅᐳᑦ ᐃᒡᓗᓕᒑᕐᔪᖕᒧᑦ ᑲᑎᒪᖃᑎᖃᖅᖢᑎᒃ ᓄᓇᓕᖕᓂᙶᖅᑐᓂᒃ, ᐱᔨᑦᑎᕋᖅᑎᓂᒃ, ᓄᑕᖅᑲᓂᒃ ᒪᒃᑯᒃᑐᓂᒡᓗ. ᐃᒡᓗᓕᒑᕐᔪᖕᒧᑦ ᓂᐅᕐᕈᔭᕆᐅᓚᐅᖅᐳᑦ ᐊᒻᒪ ᑕᕝᕙᐅᕗᑏᕈᓐᓇᑦᑎᐊᙱᖦᖢᑎᒃ! ᐃᓚᖓ ᐅᔾᔨᕐᓇᓛᖑᓚᐅᖅᑐᖅ ᑲᑎᒪᖃᑎᒋᔭᐅᓪᓗᑎᒃ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑏᓪᓗ ᐊᒻᒪᓗ ᑎᓴᒪᐃᖅᖢᑎᒃ ᐃᒻᒥᒥᒃ ᑭᒡᒐᖅᑐᕐᓂᕐᒧᑦ ᐃᓕᓐᓂᐊᖅᑎᑦᑎᓪᓗᑎᒃ. ᐃᓕᓐᓂᐊᖅᑏᑦ ᐃᓚᐅᓚᐅᖅᐳᑦ ᖃᐅᔨᔪᒪᓪᓗᑎᒡᓗ ᐱᓕᕆᔪᖃᖅᑎᓪᓗᒍ, ᕿᒪᐃᓪᓗᑎᒡᓗ ᑐᓴᖅᑕᐅᔪᒃᓴᓂᒃ ᑎᑎᕋᕐᕕᑦᑕ ᒥᒃᓵᓄᑦ ᐃᓚᖏᓪᓗ ᑎᑎᕋᕐᕕᒃᐳᑦ ᑭᐳᒃᑎᖦᖢᑎᒃ. ᖁᔭᓕᕙᕗᑦ ᓄᓇᓕᖕᒥᐅᑦ ᑐᙵᓇᑦᑎᐊᕐᓂᖏᓐᓄᑦ ᓂᕆᐅᒃᐳᒍᓪᓗ ᐅᑎᓛᕆᐊᒃᓴᖅ ᖃᖓᑐᐃᓐᓇᖅ!
04/03/2023
ᒪᕐᕉᒃ ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓᑕ ᐃᖅᑲᓇᐃᔭᖅᑎᖏᑦ ᐊᐅᓪᓚᓵᓚᐅᖅᑐᑦ ᖃᐅᓱᐃᑦᑐᒧᑦ. ᖁᔭᓐᓇᒦᖅᐸᕗᑦ ᓄᑕᖅᑲᓕᒫᑦ, ᒪᒃᑯᒃᑐᑦ, ᓄᓇᓕᖕᒥᐅᓪᓗ ᑐᙵᓱᒃᑎᑦᑎᓚᐅᖅᑐᑦ. ᐊᓕᐊᓇᐃᒍᓱᑦᑎᐊᓚᐅᖅᑐᑦ ᖃᐅᔨᒪᓕᕆᐊᒃᓴᖅ ᑭᒃᑯᓕᒫᓂᑦ ᐊᓕᐊᓇᐃᒍᓱᑦᑎᐊᓚᐅᖅᖢᑎᒡᓗ ᓯᐊᕐᕆᔮᖕᓂᓕᕆᔪᓂᑦ ᓯᐊᕐᕆᔮᕐᕕᖕᒥᑦ!
11/18/2022

ᐅᓕᕕᐊ ᐊᒻᒪ ᓄᕕᔭ ᑲᑎᖃᑎᖃᓚᐅᖅᑐᑦ ᓄᑕᖃᓂ ᐊᒻᒪ ᒪᒃᑯᒃᑐᓂ, ᓄᓇᓕᖕᓂᖔᖅᑐᓂ, ᐊᒻᒪᓗ ᐱᔨᑦᑎᕋᖅᑎᑦ ᑲᔾᔮᓐᓇᖅᑐᒦᓚᐅᖅᑎᓪᓗᒋᑦ ᒥᑦᑎᒪᑕᓕᖕᒥᑦ. ᓄᓇᓕᐊ ᑐᙵᓇᓪᓚᕆᓚᐅᖅᑐᖅ ᐊᒻᒪᓗ ᑭᒡᒐᖅᑐᐃᔨ ᓄᑕᖃᓄᑦ ᒪᒃᑯᒃᑐᓄᓪᓗ ᖁᔭᓕᓐᓇᓚᐅᖅᐳᖅ ᑐᙵᓱᒃᑎᑕᐅᑎᓪᓗᒋᑦ ᑕᐅᕙᓃᑎᓪᓗᒋᑦ. ᐃᓚᖏᑦ ᓇᓗᓇᐃᖅᑕᐅᓂᖏᑦ ᐳᓚᕋᓚᐅᖅᑐᑦ ᐃᓅᓯᑦᑎᐊᕆᒃᑐᓕᕆᕝᕕᐊ ᐊᒻᒪ ᐊᕐᓇᓄᑦ ᐊᖏᕐᕋᖃᖏᑦᑐᒃᑯᕕᒃ, ᑲᑎᒪᖃᑎᒋᓪᓗᒋᑦ ᐱᓕᕆᖃᑎᖃᕈᒪᑦᑎᐊᖅᑐᓂ ᐊᒻᒪᓗ ᑲᒪᑦᑎᐊᖅᑐᓂ ᓄᓇᓕᖕᓂᑦ ᐱᔨᑦᑎᕋᖅᑎᒃᑯᓐᓂᑦ, ᐊᒻᒪᓗ ᐅᖃᓪᓚᒋᐊᖅᑐᖢᑕ ᕼᐋᒻᒪᓚᒃᑯᓐᓄᑦ.  ᓇᓗᓇᐃᖅᑕᐅᓯᒪᖃᑕᐅᔪᖅ ᐳᓚᕋᖅᑎᓪᓗᑕ ᐃᓕᓐᓂᐊᕐᕕᐊᓗᖕᒥᑦ ᐃᓕᓐᓂᐊᖅᑏᑦ ᐃᓕᓴᐃᔩᓪᓗ ᑲᑎᖃᑎᒋᓚᐅᕋᑦᑎᒍᑦ ᐅᖃᓪᓚᒋᐊᖅᑐᖅᑎᓪᓗᑕ Raise Your Voice−ᒥᑦ: ᓇᖕᒥᓂᖅ ᑭᒡᒐᖅᑐᐃᔪᓐᓇᕐᓂᕐᒥᒃ ᐃᓕᓐᓂᐊᖅᓯᓐᓈᑦ ᑲᑎᒪᓂᖅ.  ᖁᔭᓐᓇᒦ ᑭᐅᔪᓐᓇᑦᑎᐊᓚᐅᕋᕕᑦ ᐊᒻᒪᓗ ᐃᓚᐅᖃᑕᐅᑦᑎᐊᓚᐅᕋᕕᑦ ᐃᓕᓐᓂᐊᓯᓐᓈ ᑲᑎᒪᑎᓪᓗᑕ.

10/14/2022
ᒪᕆᐊᒪ ᐊᒻᒪ ᑲᐃᑎ ᐱᓕᕆᑦᑎᐊᖅᑐᒻᒪᕆᐅᓚᐅᖅᐳᑦ, ᐊᒻᒪ ᐱᓕᕆᔪᒻᒪᕆᐅᓪᓗᑎᒃ, ᐃᖃᓗᑦᑑᑦᑎᐊᕐᒧᑦ ᐳᓛᕆᐊᖅᑐᑎᒃ. ᐃᓚᖏᑦ ᐅᔾᔨᕐᓇᓛᖑᓚᐅᖅᑐᑦ ᐱᙳᐊᖃᑕᐅᓪᓗᑎᒃ ᐲᑦᓴᖃᖅᖢᑎᒡᓗ ᐊᕐᓇᐃᑦ ᑲᑎᙵᓪᓗᑎᒃ ᐃᓐᓇᐃᑦ ᐃᒡᓗᖁᑎᖓᓂ ᑕᑯᓪᓗᑎᒡᓗ ᑐᙵᓇᖅᑐᓂᒃ ᑮᓇᖏᓐᓂᒃ ᐊᑐᖅᑐᓂᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑉ ᐊᓪᓚᕝᕕᐊᑕ ᓇᓴᖏᓐᓂᒃ ᓄᓇᓕᖕᓂ. ᖁᔭᓐᓇᒦᒃ ᐃᖃᓗᒃᑑᑦᑎᐊᕐᒥᐅᑦ ᑐᙵᓱᒃᑎᑕᐅᑦᑎᐊᕋᑦᑕ!
11/03/2021

ᑲᖏᖅᑑᒑᐱᒻᒦᑎᓪᓗᒋᒃ, ᓄᕝᕕᔭᓗ ᓈᓐᓯᓗ ᐊᒥᓱᒻᒪᕆᓐᓂᑦ ᓄᑕᖅᑲᓂᓪᓗ ᒪᒃᑯᑦᑐᓂᓪᓗ ᑲᑎᓯᒍᓐᓇᓚᐅᖅᑑᒃ! ᐊᒥᓱᓂᒃ ᐅᖃᐅᓯᖃᕈᓐᓇᖅᑑᒃ ᖃᓄᐃᓕᐅᕈᑕᐅᓚᐅᖅᑐᓂᒃ ᑭᓯᐊᓂ ᐅᖃᐅᓯᕆᔪᒪᔭᕗᑦ ᖁᔭᓕᕕᒋᓗᒋᑦ ᑖᒃᑯᐊ ᐃᖅᑲᓇᐃᔭᖅᑎᖏᓐᓂᑦ ᐊᒻᒪᓗ ᒪᒃᑯᒃᑐᓂᑦ ᐃᓕᓴᖅᓯᕕᒻᒥᑦ ᐃᓚᒋᔭᐅᖃᑦᑕᖅᑐᑦ ᐊᒻᒪᓗ ᐃᓕᓴᐃᔩᑦ ᐊᖓᔪᖅᑳᖓᑕ ᑐᖏᓕᖓ, ᐃᓕᓴᐃᔩᑦ ᐊᒻᒪᓗ ᐃᓕᓐᓂᐊᖅᑏᑦ ᖁᓗᐊᖅ ᐃᓕᓐᓂᐊᕐᕕᖓᓐᓂᒃ ᑐᙵᓇᑦᑎᐊᓚᐅᕐᓂᖏᓐᓄᑦ. ᑕᑯᔪᒥᓇᑦᑎᐊᓚᐅᖅᑐᖅ ᕿᒥᕐᕈᑎᑕᐅᑎᓪᓗᑕ ᐱᖅᑯᓯᓕᕆᕝᕕᒃ ᐃᓄᐃᑦ ᐃᓕᖅᑯᓯᖓᓐᓂᒃ ᐃᓕᓐᓂᐊᕐᕕᒃ ᐊᒻᒪᓗ ᓂᕆᑎᑕᐅᓪᓗᑕ ᓂᕿᓪᓚᑦᑖᓂᑦ ᒪᒪᖅᑐᒻᒪᕆᐊᓗᓐᓂᑦ. ᐱᖃᑕᐅᔪᓐᓇᓚᐅᖅᑐᒍᑦ ᑲᓇᑕᓕᒫᒥᑦ ᐅᓪᓗᖓᓂ ᑲᓇᑕᓕᒫᒥᑦ ᐅᓪᓗᕆᔭᐅᕗᖅ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓗ ᓄᓇᓕᓐᓂᑦ ᓂᕆᑎᑦᑎᓂᖃᖅᑎᓪᓗᒋᑦ ᐊᒻᒪᓗ ᐊᒥᓱᓂᑦ ᑕᑯᔪᓐᓇᓚᐅᖅᑐᒍᑦ ᒪᒃᑯᒃᑐᓂᑦ ᐊᑐᖅᑎᓪᓗᒋᑦ ᑕᓕᐊᕐᓂᑦ, ᓇᓴᕐᓂᑦ, ᐊᒻᒪᓗ ᑐᓐᓂᙳᐊᓂᑦ ᐱᓇᓱᐊᕈᓯᕆᓚᐅᖅᑕᖓᓐᓂᒃ.

 

02/28/2020

ᑎᐋᓇ ᓴᓪᓕᕐᒨᖏᖓᑦ ᐊᔾᔨᒌᓐᖏᑦᑐᓂᑦ ᐱᔨᑦᑎᕋᖅᑎᓄᑦ ᐳᓚᕋᖅᑐᓂ ᐊᒻᒪᓗ ᓴᒃᑯ ᐃᓕᓐᓂᐊᕐᕕᖓᓐᓄᑦ. ᐃᓕᓐᓂᐊᖅᑏᑦ ᖁᕕᖓᓱᓚᐅᖅᑐᑦ ᐅᓂᒃᑳᕆᐊᖅᑐᖅᑐᓂ ᓂᓕᖃᓚᐅᕆᑦ: ᓇᒻᒥᓂᖅ ᓂᓪᓕᐊᓂᕐᒧᑦ ᑲᑎᒪᓂᐅᔪᖅ ᐊᒻᒪᓗ ᓯᓚ ᓂᓪᓚᓱᑦᑐᖅ ᐅᓂᒃᑳᕆᓪᓗᓂᐅᒃ. ᖁᔭᓐᓇᒦᒃ ᑐᓐᖓᓱᑦᑎᑕᐅᑦᑎᐊᓚᐅᕐᓂᖓᓐᓄᑦ!

02/28/2020

ᖁᕕᐊᓇᓚᐅᖅᑐᖅ ᑲᒪᓂᑦᑎᐊᕐᒥ ᑕᐃᔭᒧᑦ. ᖃᒪᓂᖅᑐᐊᒦᓐᓂᖓᓐᓂ ᐅᓂᒃᑳᕆᐊᖅᑐᖅᑐᓂ ᓂᓕᖃᓚᐅᕆᑦ: ᓇᒻᒥᓂᖅ ᓂᓪᓕᐊᓂᕐᒧᑦ ᑲᑎᒪᓂᐅᔪᖅ ᐅᓂᒃᑳᕈᓇᓚᐅᖅᑐᖅ ᐊᒻᒪᓗ ᓯᓚ ᓂᓪᓚᓱᑦᑐᖅ ᐅᓂᒃᑲᕆᓪᓗᓂᐅᒃ. ᖁᔭᓐᓇᒦᒃ ᐃᓕᓐᓂᐊᕐᑦ ᓄᓇᓖᓪᓗ ᑐᓐᖓᓱᑦᑎᑦᑎᓚᐅᕐᓂᖏᓐᓄᑦ. ᑎᐋᓇ ᖁᕕᐊᒋᓂᖅᐹᕆᓚᐅᖅᑕᖓ ᐅᑭᐅᖅᑕᖅᑐᒥᐅᑕᕐᓂᑦ ᑲᑎᓯᒍᓐᓇᓚᐅᕐᖓᑦ.

02/28/2020
ᖁᕕᐊᓇᓚᐅᖅᑐᖅ ᓴᓂᕋᔭᒻᒨᕆᐊᖅ, ᓇᓪᓕᓇᖅᑐᑦ ᐊᒻᒪᓗ ᓱᕈᓯᖏᑦ ᐃᓄᓱᑦᑐᖏᓪᓗ ᐅᖃᖃᑎᒋᔭᕐᓂᖅᑎᐊᖅᑐᑎᑦ. ᖁᕕᐊᓇᓛᖑᓚᐅᖅᑐᖅ ᐅᖃᖃᑎᖃᖅᑐᑐᓂ ᐱᓐᖑᐊᖅᑎᑦᑎᓪᓗᑕ ᐃᓕᓐᓂᐊᖅᑎᓂᑦ ᓈᓚᑦᑎᑦᑎᓪᓗᑕᓗ ᖃᓄᖅ ᓈᓚᑦᑎᐊᒃᑲᓐᓂᕈᓐᓇᕐᓂᐊᕐᒪᖔᑕ. ᑐᓐᖓᓱᑦᑎᑕᐅᑦᑎᐊᓚᐅᖅᑐᒍᑦ ᓄᓇᓕᓐᓂ ᐅᖃᖃᑎᖃᕈᓇᑦᑎᐊᖅᑐᑕᓗ ᐊᔅᓱᕈᓇᖏᑦᑎᐊᖅᑐᓂ.

Pages