ᐱᕙᓪᓕᐊᔪᑦ


03/21/2018

ᐱᕙᓪᓕᐊᔪᑦ ᓴᖅᑭᑕᑦ
ᓴᖅᑭᑕᐅᑲᐅᑎᒋᒋᐊᓕᒃ

ᒪᒃᑯᒃᑐᑦ ᓂᐱᖏᑦ ᑐᓴᖅᑕᐅᕗᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐊᒡᓚᒡᕕᖓᓂ ᕿᒥᕐᕈᓂᐅᔪᒥᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐃᓱᒪᓕᕆᓂᕐᒧᑦ ᐱᔨᑦᑎᕋᕈᑎᐅᔪᓂᑦ ᓄᓇᕘᒥ ᐃᖃᓗᐃᑦ, ᓄᓇᕗᑦ – ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᒡᓚᒡᕕᖓᑕ (RCYO) ᐃᖅᑲᓇᐃᔭᖅᑎᖏᑦ ᑐᓴᕈᒪᓯᒪᔪᑦ ᒪᒃᑯᒃᑐᓂᑦ ᓄᓇᕘᑉ ᓄᓇᓕᖏᓐᓂ ᐅᖃᐅᓯᒃᓴᖏᓐᓂᒃ ᐃᓱᒪᓕᕆᓂᕐᒧᑦ ᐱᔨᑦᑎᕋᐅᑎᐅᔪᓂᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ.

ᐅᑐᐱᕆ 2017-ᒥ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᒡᓚᒡᕕᖓ ᑐᓴᐅᒪᑎᑦᑎᓚᐅᖅᑐᑦ ᕿᒥᕐᕈᐊᕐᓂᐊᕐᓂᖏᓐᓂᒃ ᑖᒃᑯᓂᖓ ᐱᔨᑦᑎᕋᐅᑎᐅᔪᓂᑦ ᑕᐃᒪᐃᓐᓂᖓᓄᓪᓗ ᕿᒥᕐᕈᓂᐅᑉ ᐃᓚᒋᓪᓗᓂᐅᒃ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᒡᓚᒡᕕᖓᑕ ᐃᖅᑲᓇᐃᔭᖅᑎᖏᑦ ᑲᔪᓯᑎᑦᑎᓯᒪᔪᑦ ᐊᐱᖅᓱᕐᓂᐅᔪᓂᑦ ᒪᒃᑯᒃᑐᓄᑦ ᐃᓕᓐᓂᐊᕐᕕᐅᔪᓂ ᕿᑎᕐᒥᐅᓂ, ᑭᕙᓪᓕᕐᒥ, ᐊᒻᒪ ᕿᑭᖅᑖᓗᖕᒥ. ᐅᓪᓗᒥᒧᑦ ᑎᑭᓪᓗᒍ, 140 ᐅᖓᑖᓄᑦ ᐊᐱᖅᓱᕈᑏᑦ ᐱᔭᕇᖅᑕᐅᓯᒪᔪᑦ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ.

02/12/2018

ᑲᓇᑕᒥᐅᓄᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩᑦ ᐅᖃᐅᓯᕆᔭᖓᓂᒃ ᐱᔾᔪᑎᖃᕐᓗᑎᒃ ᓄᓇᖃᖅᑳᖅᑐᑦ ᓄᑕᖅᑲᑦ ᖃᓄᐃᙱᑦᑐᓐᓇᕐᓂᖏᓐᓂᒃ ᑐᕌᓐᑐ

(ᔭᓄᐊᕆ 31, 2018) - ᐱᓇᓱᐊᕈᓯᐅᓵᖅᑐᒥ ᑐᐊᕕᕐᓇᖅᑐᒥᒃ ᑲᑎᒪᔪᖄᓪᓚᓚᐅᖅᑎᓪᓗᒍ ᓄᓇᖃᖅᑳᖅᑐᑦ ᓄᑕᖅᑲᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᐋᑐᕚᒥ ᑕᒪᓐᓇᓗ ᑲᔪᓯᑎᑕᐅᓚᐅᖅᖢᓂ ᓄᓇᖃᖅᑳᖅᑐᑦ ᐱᔨᑦᑎᕋᕐᕕᐅᕙᖕᓂᖏᓐᓄᑦ ᒥᓂᔅᑕᒥᑦ ᔭᐃᓐ ᐱᓕᐹᑦ ᐊᒻᒪᓗ ᑯᐃᓐ ᑭᒡᒐᖅᑐᖅᖢᒍ ᓄᓇᖃᖅᑳᖅᑐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐅᑭᐅᖅᑕᖅᑐᒥᓗ ᐱᓕᕆᐊᒃᓴᓄᑦ ᒥᓂᔅᑕᕆᔭᐅᔪᖅ ᑭᐅᕈᓕᓐ ᐱᓂᑦ , ᑲᓇᑕᒥᐅᓄᑦ ᑲᑎᒪᔨᒋᔭᐅᔪᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᓂᒃ (CCCYA−ᓂᒃ ᓴᖅᑭᑎᑦᑎᓯᒪᓕᖅᐳᑦ ᐆᒥᖓ ᐅᖃᐅᓯᐅᓯᒪᔪᒥᒃ:

01/25/2018
ᑕᒪᑐᒪᓂ ᐱᓇᓱᐊᕈᓯᖕᒥᑦ, ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᐊ ᑲᑎᒪᑎᑦᑎᓛᖕᒪᑕ ᓄᓇᕗᒻᒥᑦ ᓴᓇᐅᒐᖕᒥᑦ ᐃᒻᒥᒥᒃ−ᑭᒡᒐᖅᑐᐃᓂᖕᒥᑦ, "ᓂᐱᖃᕆᐊᕆᑦ", ᐃᓕᓐᓂᐊᕐᑎᓄᑦ ᐊᕐᓴᕐᓂᖕᒥᑦ ᐃᖃᓗᖕᓂᑦ.
11/20/2017

ᐃᖃᓗᐃᑦ, ᓄᓇᕗᑦ – ᓄᑕᖅᑲᓂᒃ ᒪᒃᑯᒃᑐᓂᒡᓗ ᑭᒡᒐᖅᑐᐃᔨ ᐅᐱᒍᓱᒃᖢᑎᒃ ᑐᓴᖅᑕᐅᑎᑦᑎᕗᑦ 2017−ᒥ ᓵᓚᒃᓴᓚᐅᖅᑐᓂᒃ ᐊᕐᕌᒍᑕᒫᑦ ᐱᓕᕆᐊᖑᔪᒥᒃ, ᐅᓂᒃᑳᑦ, ᓂᐲᑦ ᓵᓚᒃᓴᕋᓲᑕᐅᔪᒥᒃ. ᓵᓚᒃᓴᕋᓲᑕᐅᔪᖅ ᐅᔾᔨᕆᔭᐅᓕᖅᑎᑦᑎᓂᐊᖅᐳᖅ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ ᓇᓗᓇᐃᖅᓯᔾᔪᑕᐅᓪᓗᓂᓗ ᑲᓇᑕᒥ ᓄᑕᖅᑲᑦ ᐅᓪᓗᖓᓐᓂ, ᖁᕕᐊᓲᑕᐅᖏᓐᓇᖃᑦᑕᓕᖅᑐᖅ ᐊᕐᕌᒍᑕᒫᑦ ᓄᕕᐱᕆ 20−ᐅᓕᕌᖓᑦ.

10/05/2017
ᐅᓪᓗᒥ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᕕᐅᑉ ᑎᑎᕋᕐᕕᖓ ᓴᖅᑭᑎᑦᑎᔪᑦ ᐊᑐᖅᑕᐅᕙᒃᑐᓂᑦ ᕿᒥᕐᕈᓇᑦᑎᐊᕐᓂᐊᖅᑐᑦ ᓄᓇᕗᑦ ᒐᕙᒪᑯᖏᑕ ᒪᒃᑯᑦᑐᓄᑦ ᐃᓱᒪᒥᒍᑦ ᐊᔪᓕᖅᑕᕈᑎᓕᓐᓄᑦ ᐱᔨᑦᑎᕋᖅᑕᐅᖃᑦᑕᕐᓂᖏᓐᓄᑦ ᓄᓇᕗᒻᒥᐅᓕᒫᓄᑦ. ᑖᓐᓇ ᓯᕗᓪᓕᖅᐹᒥᑦ ᐊᒡᓚᕕᖓ ᕿᒥᕐᕈᓂᐊᖅᑐᑦ ᐊᒻᒪᓗ ᓇᓗᓇᐃᖅᑕᐅᓗᑎᒃ ᓴᖅᑭᑎᑕᐅᔪᖅ ᐊᑐᖅᑕᐅᕙᒃᑐᑦ ᑭᒡᒐᖅᑐᖅᑎᐅᓂᕐᒧᑦ ᐱᓕᕆᐊᓄᑦ.
11/18/2016

ᓇᕗᒻᒥ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐃᓚᐅᖃᑕᐅᓂᐊᖅᑐᑦ ᑲᓇᑕᒥ ᓱᕈᓰᑦ ᐅᓪᓗᖓᓂᒃ ᑕᒫᓂ ᐊᕐᕌᒍᒥ ᐃᓚᐅᖃᑕᐅᓗᑎᑦ ᒪᓕᒐᓕᐅᕐᕕᒻᒥ ᒪᕐᕉᒃ ᐊᕐᕌᒎᒃ ᐊᓂᒍᕋᐃᒻᒪᑎᒃ ᒪᒃᑯᒃᑐᑦ ᒪᓕᒐᓕᐅᖅᑎᙳᐊᖑᖃᑕᐅᓂᖏᓐᓄᑦ.  ᑲᓇᑕᒥ ᓱᕈᓰᑦ ᐅᓪᓗᖓ ᓇᓗᓇᐃᖅᑕᐅᓯᒪᕗᖅ ᓄᓇᕐᔪᐊᕐᒥ ᐊᕐᕌᒍᑕᒫᑦ ᓄᕖᕝᕙ 20−ᐅᓕᕋᐃᒻᒪᑦ ᐃᓕᓴᕆᔭᐅᖁᓪᓗᒋᑦ ᓂᕈᐊᕈᑕᐅᓚᐅᖅᓯᒪᔪᖅ ᓄᓇᕐᔪᐊᕐᒥ ᓄᓇᓕᕐᔪᐊᖑᔪᑦ ᑲᑎᒪᓂᖏᑦ ᓱᕈᓰᑦ ᐱᔪᓐᓇᐅᑎᖏᑕ.  ᑕᒫᓂ ᐊᕐᕌᒍᒥ ᓇᓪᓕᐅᓂᖅᓯᐅᕐᒪᑕ 25-ᖓᓐᓂᒃ ᓇᓪᓕᐅᓂᖅᓯᐅᕈᑕᐅᓪᓗᓂ ᑲᓇᑕᒥ ᐊᑎᓕᐅᓚᐅᖅᓯᒪᓂᖓᓄᑦ ᓄᓇᕐᔪᐊᕐᒥ ᐊᖏᕈᑎᓕᐊᕆᔭᐅᓯᒪᔪᒥᒃ.

05/27/2016
ᐅᓪᓗᒥ ᓄᓇᕗᒻᒥ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᖓ ᓴᖅᑮᕗᖅ ᐊᓪᓚᕝᕕᖓᑕ ᓯᕗᓪᓕᖅᐹᒥ ᐊᕐᕌᒍᑕᒫᑦ ᐅᓂᒃᑳᓕᐊᖓᓂᒃ ᒪᓕᒐᓕᐅᕐᕕᒻᒥ ᓄᓇᕗᒥ. ᐅᓂᒃᑳᖅ ᐅᖃᐅᓯᓕᒃ ᑎᓴᒪᐅᔪᖅᑐᑦ ᐊᑕᐅᓯᕐᓗ ᑕᖅᑭᓂᑦ ᖃᓄᐃᓕᐅᕐᓂᑯᒥᓂᖏᓐᓂᑦ: ᔫᓂ 16, 2014, ᓄᓇᕗᒻᒥ ᓯᕗᓪᓕᖅᐹᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑉ ᐊᓪᓚᕝᕕᕈᖅᑐᒥᓂᐅᓚᐅᖅᑎᓪᓗᒍ, ᐃᓱᓕᑦᑎᑦᑐᒍ 2014-2015 ᑮᓇᐅᔭᓕᕆᓐᓇᑉ ᐊᕐᕌᒍᖓᓂ. ᐅᓂᒃᑳᖅ ᐅᖃᐅᓯᖃᓗᐊᖅᑐᖅ ᐊᓪᓚᕝᕕᑉ ᐸᕐᓇᐅᑎᒋᒋᐊᙵᓚᐅᖅᓯᒪᔭᖏᓐᓂᑦ ᐊᒻᒪᓗ ᑐᙵᕕᓕᐅᖅᓯᒪᓪᓗᑎᑦ ᐱᓕᕆᐊᒥᓂᑯᖏᓐᓂᑦ, ᐱᒻᒪᕆᐅᓪᓗᑎᑦ ᐊᓪᓚᕕᒻᒧᑦ ᒪᑐᐃᖅᑐᒥᓂᐅᑎᓪᓗᒍ ᓯᑏᕝᕙ 30, 2015-ᒥ.
05/25/2016
ᑭᒡᒐᖅᑐᐃᔨᒃᑯᑦ ᓄᑕᖅᑲᕐᓂᑦ ᒪᒃᑯᑦᑐᓄᓪᓗ ᖁᕕᐊᓱᑦᑐᑦ ᑕᐃᓯᒋᐊᒥᑦ ᓵᓚᖃᖅᑐᓂᑦ ᐊᓪᓚᕝᕕᑎᓐᓂᑦ 2015-ᒥ ᐅᓂᒃᑳᑦ, ᓂᐲᑦ ᓵᓚᖃᕋᓱᐊᕐᓂᕐᒧᑦ. 2015-ᒥ ᓵᓚᖃᕋᓱᐊᕐᓂᖅ ᐱᒋᐊᖅᑎᑕᐅᓚᖅᑐᖅ ᑲᓇᑕᒥ ᓄᑕᖅᑲᕐᓄᑦ ᐅᓪᓗᖓᓂᑦ, ᓅᕙᐃᒻᕙ 20, 2015, ᐱᓕᕆᑎᑦᓯᓪᓗᑕᓗ ᓯᕗᓪᓕᖅᐹᖅᒥᑦ ᑎᑎᕋᕐᓂᕐᒧᑦ ᓵᓚᖃᕋᓱᐊᖅᑎᑦᓯᓂᕐᒥᑦ ᐃᒪᐃᑦᑐᒥᑦ “ᐱᔪᓐᓇᕐᓂᕐᒥᑦ ᐃᓕᖅᑯᓯᕐᒥᑦ.” ᓵᓚᖃᕋᓱᐊᕈᑏᑦ ᐊᔾᔨᒌᖏᑦᑑᓚᐅᖅᑐᑦ ᑎᑎᖅᑐᒐᕐᓂᑦ ᓇᒻᒥᓂᖅ ᐅᖃᐅᓯᑦᓴᖏᓐᓂᑦ ᑕᓕᖅᐱᐊᓂᑦ ᓇᐃᑦᑐᓂᑦ ᓇᐃᑦᑐᓂᑦ ᐅᓂᒃᑳᓕᐅᕐᓂᕐᒧᑦ. ᐱᖓᓱᑦ ᓵᓚᖃᓚᐅᖅᑐᑦ ᐊᑕᐅᓯᕐᓗ ᐃᓪᓗᕈᓯᖅ ᐃᓚᒋᔭᐅᔪᓂᕐᒧᑦ ᓵᓚᖃᕐᓂᕐᒧᑦ ᓂᕈᐊᖅᑕᐅᓚᐅᖅᑐᖅ ᑭᒡᒐᖅᑐᐃᔨᓄᑦ ᓄᑕᖅᑲᕐᓂᑦ ᒪᒃᑯᑦᑐᓄᓪᓗ ᐊᓪᓚᕝᕕᖓᑕ ᑲᑎᒪᔨᖏᓐᓄᑦ ᑐᓂᔭᐅᓯᒪᔪᓄᑦ ᓄᑕᖅᑲᕐᓄᑦ ᒪᒃᑯᑦᑐᓄᓪᓗ ᓄᓇᕘᒥᑦ.
03/26/2016
ᓯᐅᓕ ᒪᒃᓃᕈ-ᒧᓚᒃ ᑭᒡᒐᖅᑐᐃᔨ ᓄᑕᖅᑲᕐᓄᑦ ᒪᒃᑯᑦᑐᓄᓪᓗ ᐊᒻᒪᓗ ᑯᕆᔅᑕ ᑯᓄᒃ, ᐃᓚᖓᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᐃᔨᒻᒪᕆᒃ, ᑭᙵᕐᓃᓛᖅᑐᑦ ᐊᐃᑉᐱᒻᒥᑦ ᒫᑦᓯ 29 ᑕᓪᓕᕐᒥᒧᑦ, ᐄᐳᓗ 1. ᓯᐅᓕ ᐊᒻᒪᓗ ᑯᕆᔅᑕ ᓂᕆᐅᓐᓂᖃᖅᑐᑦ ᑲᑎᖃᑎᖃᓛᕆᐊᒥᑦ ᐃᓕᓐᓂᐊᕐᑎᓂᑦ, ᒪᒃᑯᑦᑐᑦ ᑲᑎᒪᔨᖏᓐᓂᑦ ᓄᓇᓕᓐᓂᓪᓗ ᐱᔨᑦᓯᕋᕐᑎᒃᑯᓐᓂᑦ. ᓂᕆᐅᓐᓂᖃᕐᒥᔪᑦ ᑲᑎᖃᑎᖃᓛᕆᐊᒥᑦ ᓄᓇᓕᓐᓂᑦ ᐃᓚᒋᔭᐅᔪᓂᑦ ᑯᐊᐸᒃᑯᑦ ᓂᐅᕕᕐᕕᖓᓂᓛᖅᑐᑦ ᐊᐃᑉᐱᕐᒥᑦ, ᒫᑦᓯ 29 3-ᒥ ᐅᓐᓄᓴᒃᑯᑦ. ᑐᓴᕈᒪᔪᑦ ᓄᑕᖅᑲᕐᓂᑦ, ᒪᒃᑯᑦᑐᓂᑦ, ᐃᓚᒌᓂᓪᓗ ᐃᓱᒫᓘᑕᐅᔪᓂᑦ ᐱᔾᔪᑕᐅᔪᓂᑦ ᓄᑕᖅᑲᕐᓄᑦ ᒪᒃᑯᑦᑐᖅᓄᓪᓗ ᑭᙵᕐᓂᑦ!