ᐱᕙᓪᓕᐊᔪᑦ


07/02/2018

ᑲᓇᑕᒥᐅᓄᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩᑦ ᐅᖃᐅᓯᕆᔭᖓᓂᒃ ᐱᔾᔪᑎᖃᕐᓗᑎᒃ ᓄᓇᖃᖅᑳᖅᑐᑦ ᓄᑕᖅᑲᑦ ᖃᓄᐃᙱᑦᑐᓐᓇᕐᓂᖏᓐᓂᒃ

ᒪᐃ 5, 2016 (ᑐᕌᓐᑐ) − 11−ᖑᔪᑦ ᐃᓚᒋᔭᐅᔪᑦ ᑲᓇᑕᒥᐅᓄᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩᑦ (CCCYA) ᐅᖃᓪᓚᒃᖢᑎᒃ ᐃᑲᔪᕐᖢᒍ ᑲᓇᑕᒥᐅᓄᑦ ᐃᓱᒪᓕᕆᔩᑦ ᑲᑐᔾᔨᖃᑎᒌᑦ (CMHA) 65−ᖓᓂ ᐊᕐᕌᒍᑕᒫᑦ ᐃᓱᒪᓕᕆᓂᕐᒥ ᐱᓇᓱᐊᕈᓯᖓᓂ (ᒪᐃ 2-ᒥ 8-ᒧᑦ, 2016).

ᐃᓚᒋᔭᐅᔪᑦ ᑲᓇᑕᒥᐅᓄᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩᑦ ᐃᓕᓴᖅᓯᓪᓗᑎᒃ ᓴᙱᓂᖓᓂᒃ ᓴᐱᓕᓱᐃᑦᑑᓂᕐᓗ ᑖᒃᑯᐊ ᓄᑕᖅᑲᑦ ᒪᒃᑯᒃᑐᓪᓗ ᓄᓇᓕᓕᒫᒥ ᑕᐅᑐᒃᑐᓄᑦ ᐃᓱᒪᓕᕆᓂᕐᓄᑦ ᐊᒃᓱᕈᕐᓇᖅᑐᓂᒃ. ᑐᓴᕐᕕᒋᖃᑦᑕᖅᑕᕗᑦ ᖃᐅᑕᒫᑦ ᖃᐅᔨᒪᓪᓗᑕᓗ ᐊᒃᓱᕈᕐᓇᖅᑐᒃᑰᖃᑦᑕᕐᓂᖏᓐᓂᒃ ᐅᐸᒃᑕᖏᓐᓂ.

03/21/2018

ᐱᕙᓪᓕᐊᔪᑦ ᓴᖅᑭᑕᑦ
ᓴᖅᑭᑕᐅᑲᐅᑎᒋᒋᐊᓕᒃ

ᒪᒃᑯᒃᑐᑦ ᓂᐱᖏᑦ ᑐᓴᖅᑕᐅᕗᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐊᒡᓚᒡᕕᖓᓂ ᕿᒥᕐᕈᓂᐅᔪᒥᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐃᓱᒪᓕᕆᓂᕐᒧᑦ ᐱᔨᑦᑎᕋᕈᑎᐅᔪᓂᑦ ᓄᓇᕘᒥ ᐃᖃᓗᐃᑦ, ᓄᓇᕗᑦ – ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᒡᓚᒡᕕᖓᑕ (RCYO) ᐃᖅᑲᓇᐃᔭᖅᑎᖏᑦ ᑐᓴᕈᒪᓯᒪᔪᑦ ᒪᒃᑯᒃᑐᓂᑦ ᓄᓇᕘᑉ ᓄᓇᓕᖏᓐᓂ ᐅᖃᐅᓯᒃᓴᖏᓐᓂᒃ ᐃᓱᒪᓕᕆᓂᕐᒧᑦ ᐱᔨᑦᑎᕋᐅᑎᐅᔪᓂᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ.

ᐅᑐᐱᕆ 2017-ᒥ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᒡᓚᒡᕕᖓ ᑐᓴᐅᒪᑎᑦᑎᓚᐅᖅᑐᑦ ᕿᒥᕐᕈᐊᕐᓂᐊᕐᓂᖏᓐᓂᒃ ᑖᒃᑯᓂᖓ ᐱᔨᑦᑎᕋᐅᑎᐅᔪᓂᑦ ᑕᐃᒪᐃᓐᓂᖓᓄᓪᓗ ᕿᒥᕐᕈᓂᐅᑉ ᐃᓚᒋᓪᓗᓂᐅᒃ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐊᒡᓚᒡᕕᖓᑕ ᐃᖅᑲᓇᐃᔭᖅᑎᖏᑦ ᑲᔪᓯᑎᑦᑎᓯᒪᔪᑦ ᐊᐱᖅᓱᕐᓂᐅᔪᓂᑦ ᒪᒃᑯᒃᑐᓄᑦ ᐃᓕᓐᓂᐊᕐᕕᐅᔪᓂ ᕿᑎᕐᒥᐅᓂ, ᑭᕙᓪᓕᕐᒥ, ᐊᒻᒪ ᕿᑭᖅᑖᓗᖕᒥ. ᐅᓪᓗᒥᒧᑦ ᑎᑭᓪᓗᒍ, 140 ᐅᖓᑖᓄᑦ ᐊᐱᖅᓱᕈᑏᑦ ᐱᔭᕇᖅᑕᐅᓯᒪᔪᑦ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ.

01/31/2018

(ᔭᓄᐊᕆ 31, 2018) - ᐱᓇᓱᐊᕈᓯᐅᓵᖅᑐᒥ ᑐᐊᕕᕐᓇᖅᑐᒥᒃ ᑲᑎᒪᔪᖄᓪᓚᓚᐅᖅᑎᓪᓗᒍ ᓄᓇᖃᖅᑳᖅᑐᑦ ᓄᑕᖅᑲᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᐋᑐᕚᒥ ᑕᒪᓐᓇᓗ ᑲᔪᓯᑎᑕᐅᓚᐅᖅᖢᓂ ᓄᓇᖃᖅᑳᖅᑐᑦ ᐱᔨᑦᑎᕋᕐᕕᐅᕙᖕᓂᖏᓐᓄᑦ ᒥᓂᔅᑕᒥᑦ ᔭᐃᓐ ᐱᓕᐹᑦ ᐊᒻᒪᓗ ᑯᐃᓐ ᑭᒡᒐᖅᑐᖅᖢᒍ ᓄᓇᖃᖅᑳᖅᑐᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐅᑭᐅᖅᑕᖅᑐᒥᓗ ᐱᓕᕆᐊᒃᓴᓄᑦ ᒥᓂᔅᑕᕆᔭᐅᔪᖅ ᑭᐅᕈᓕᓐ ᐱᓂᑦ , ᑲᓇᑕᒥᐅᓄᑦ ᑲᑎᒪᔨᒋᔭᐅᔪᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᓂᒃ (CCCYA−ᓂᒃ ᓴᖅᑭᑎᑦᑎᓯᒪᓕᖅᐳᑦ ᐆᒥᖓ ᐅᖃᐅᓯᐅᓯᒪᔪᒥᒃ:

ᐃᓛᒃᑰᖅᖢᑎᒃ ᓄᑕᖅᑲᓄᑦ ᑭᒡᒐᖅᑐᐃᔨᒋᔭᐅᑎᓪᓗᒋᑦ 9−ᓂ ᐊᕕᒃᓯᒪᓂᕆᔭᐅᔪᓂ ᒪᕐᕉᖕᓂᓪᓗ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᓄᑦ, ᐱᓕᕆᐊᖃᓪᓚᕆᒍᒪᕗᒍᑦ ᐅᔾᔨᕐᓇᖅᓯᑎᑦᑎᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᐃᒃᐱᒋᔭᖃᑦᑎᐊᕐᓂᕐᒥᐱᔪᓐᓇᐅᑎᒋᔭᐅᔪᓂᒃ ᓄᑕᖅᑲᓕᒫᓄᑦ ᒪᒃᑯᒃᑐᓄᓪᓗ ᐊᒻᒪᓗ, ᐱᓗᐊᙳᐊᖅᖢᓂ, ᐱᔪᓐᓴᐅᑎᓪᓚᕆᒋᔭᖏᓐᓂᒃ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᖁᐊᖅᓵᕐᓇᖅᑐᒦᙱᓐᓂᕐᒧᑦ, ᐃᓕᓐᓂᐊᖅᑎᑦᑎᓂᕐᒧᑦ ᐃᓅᓯᑦᑎᐊᕆᒍᓐᓇᕐᓂᕐᒧᓪᓗ.

01/30/2018

ᐱᕙᓪᓕᐊᔪᑦ ᐊᑐᐃᓐᓇᕈᖅᑎᑕᐅᔪᖅ ᐅᑯᓄᖓ ᑲᓇᑕᒥᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᖏᓐᓂᑦ ᔮᓄᐊᕆ 30, 2018, 07:00 ᑲᓇᖕᓇᖓᓂᑦ

ᑐᕌᓐᑐ,ᔮᓄᐊᕆ 30, 2018 /CNW/ − ᑲᓇᑕᒥᑦ ᑲᑐᔾᔨᖃᑎᒌᖑᓪᓗᑎᒃ ᐊᕕᒃᑐᖅᓯᒪᔪᓂᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩᑦ, ᑖᒃᑯᐊ ᑲᓇᑕᒥᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔩᑦ ᐃᓱᒪᒋᕙᔾᔪᒃ ᑖᓐᓇ ᒪᓕᒐᒃᓴᖅ C-45, ᐱᖁᔭᖅ ᐋᖓᔮᕐᓇᖅᑐᖅ ᐱᕈᖅᑐᕕᓂᖕᓄᑦ ᐊᓯᔾᔩᓗᑎᒡᓗ ᐊᐅᓚᑕᑦ ᐄᔭᒐᑦ ᐋᖓᔮᖕᓇᖅᑐᓄᓪᓗ ᐱᖁᔭᖓᓄᑦ, ᐱᕋᔭᖕᓂᖕᒧᓪᓗ ᒪᓕᒋᐊᓖᑦ ᐊᓯᖏᓪᓗ ᐱᖁᔭᑦ, ᐊᑐᓕᓛᖅᑐᑦ ᔪᓚᐃ 2018−ᒥᑦ, ᐃᓱᒫᓘᖕᓇᕆᓪᓗᓂᔾᔪᒃ ᓇᐅᒃᑯᕈᓘᔭᖅ. ᑲᑎᒪᔩᑦ ᐅᒃᐱᕈᓱᖕᒪᑕ ᒪᓕᒐᒃᓴᖅ ᐃᓱᒪᓗᐊᙱᒻᒪᑕ, ᓴᐳᔾᔨᓗᐊᕋᑎᒡᓘᓐᓃᑦ, ᓄᑕᖅᑲᓂᑦ ᐅᓗᕆᐊᓇᕈᑕᐅᑐᐃᓐᓇᕆᐊᓕᖕᓂᑦ ᒪᓕᒐᖅᑎᒎᓕᖅᐸᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᐅᑯᓂᖓᓗ ᖃᓄᐃᓕᐅᕆᐊᖁᔨᓪᓗᑎᒃ ᐱᔾᔪᑎᓖᑦ ᐱᖁᔭᐅᑉ ᒪᓕᒋᒐᓕᐊᖑᓂᐊᖕᓂᖓᓂᑦ ᑲᓇᑕᒥᑦ.

01/25/2018
ᑕᒪᑐᒪᓂ ᐱᓇᓱᐊᕈᓯᖕᒥᑦ, ᑭᒡᒐᖅᑐᐃᔨ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᐊ ᑲᑎᒪᑎᑦᑎᓛᖕᒪᑕ ᓄᓇᕗᒻᒥᑦ ᓴᓇᐅᒐᖕᒥᑦ ᐃᒻᒥᒥᒃ−ᑭᒡᒐᖅᑐᐃᓂᖕᒥᑦ, "ᓂᐱᖃᕆᐊᕆᑦ", ᐃᓕᓐᓂᐊᕐᑎᓄᑦ ᐊᕐᓴᕐᓂᖕᒥᑦ ᐃᖃᓗᖕᓂᑦ.
11/20/2017

ᑐᕌᓐᑐ (ᓄᕕᐱᕆ 20, 2017) − ᐅᓪᓗᒥ, ᓇᓗᓇᐃᖅᑕᕗᑦ ᑲᓇᑕᒥ ᓄᑕᖅᑲᑦ ᐅᓪᓗᕆᓂᐊᕐᓗᓂᐅᒃ, ᑲᑎᒪᔩᑦ ᑲᓇᑕᒥᐅᑕᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᑦ ᐱᒋᐊᖁᔨᔪᑦ ᒐᕙᒪᑐᖃᒃᑯᓂᑦ, ᑲᓇᑕᒥᑦ ᐊᕕᑦᑐᓯᒪᓂᖏᓐᓂᑦ ᐊᒻᒪᓗ ᓄᓇᓖᑦ ᒐᕙᒪᖏᓐᓂᑦ, ᐊᒻᒪᓗ ᑲᓇᑕᒥᐅᓕᒫᓂᑦ, ᐃᖃᐅᒪᖁᔨᓪᓗᑎᒃ ᓯᕗᓪᓕᖅᐸᐅᓗᓂ ᐱᓕᕆᐊᕆᔭᐅᖁᔭᐅᓪᓗᑎᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᔪᓐᓇᐅᑎᑦ. ᑲᑎᒪᔩᑦ ᑲᓇᑕᒥᐅᑕᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᖅᑎᐅᔪᓄᑦ ᑲᑐᔾᔨᖃᑎᒌᖑᒻᒪᑕ ᓄᑕᖅᑲᓄᑦ ᑭᒡᒐᖅᑐᐃᒻᒪᑕ, ᐊᑲᕆᔭᐅᖏᑦᑐᓂᒃ ᖃᐅᔨᓴᕐᓂᒃᑯᑦ ᐊᒻᒪᓗ ᑭᒡᒐᖅᑐᐃᔨᓂᑦ ᑲᓇᑕᓕᒫᒥᑦ ᐱᓕᕆᔭᕆᐊᖃᖅᑕᖏᓐᓂᑦ ᐃᓚᒋᓗᒋᑦ ᐅᖃᐅᔨᒋᐊᖃᑦᑕᕐᓗᑎᒃ ᐱᔪᓐᓇᐅᑎᖏᓐᓂᑦ ᓄᑕᖅᑕᑦ ᒪᒃᑯᒃᑐᐃᓪᓗ. ᐃᒻᒥᒃᑰᖢᑕ ᐱᓕᕆᔨᐅᒐᑦᑕ ᑭᒡᒐᖅᑐᐃᓂᕐᒧᑦ ᒪᓕᒐᐅᔪᓂᑦ, ᐊᒻᒪᓗ ᐱᓕᕆᐊᖃᕋᑦᑕ ᐃᓱᒫᓗᑎᒋᔭᐅᔪᓂᑦ. ᐅᔾᔨᕆᑦᑎᐊᕐᓗᒋᑦ ᐱᔪᓐᓇᐅᑎᑦ ᓄᑕᖅᑲᓄ ᒪᒃᑯᒃᑐᓄᓪᓗ ᓯᕗᓪᓕᖅᐸᐅᑎᓐᓂᐊᕋᑦᑎᒍ.

11/20/2017

ᐃᖃᓗᐃᑦ, ᓄᓇᕗᑦ – ᓄᑕᖅᑲᓂᒃ ᒪᒃᑯᒃᑐᓂᒡᓗ ᑭᒡᒐᖅᑐᐃᔨ ᐅᐱᒍᓱᒃᖢᑎᒃ ᑐᓴᖅᑕᐅᑎᑦᑎᕗᑦ 2017−ᒥ ᓵᓚᒃᓴᓚᐅᖅᑐᓂᒃ ᐊᕐᕌᒍᑕᒫᑦ ᐱᓕᕆᐊᖑᔪᒥᒃ, ᐅᓂᒃᑳᑦ, ᓂᐲᑦ ᓵᓚᒃᓴᕋᓲᑕᐅᔪᒥᒃ. ᓵᓚᒃᓴᕋᓲᑕᐅᔪᖅ ᐅᔾᔨᕆᔭᐅᓕᖅᑎᑦᑎᓂᐊᖅᐳᖅ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ ᓇᓗᓇᐃᖅᓯᔾᔪᑕᐅᓪᓗᓂᓗ ᑲᓇᑕᒥ ᓄᑕᖅᑲᑦ ᐅᓪᓗᖓᓐᓂ, ᖁᕕᐊᓲᑕᐅᖏᓐᓇᖃᑦᑕᓕᖅᑐᖅ ᐊᕐᕌᒍᑕᒫᑦ ᓄᕕᐱᕆ 20−ᐅᓕᕌᖓᑦ.

10/05/2017
ᐅᓪᓗᒥ, ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᕕᐅᑉ ᑎᑎᕋᕐᕕᖓ ᓴᖅᑭᑎᑦᑎᔪᑦ ᐊᑐᖅᑕᐅᕙᒃᑐᓂᑦ ᕿᒥᕐᕈᓇᑦᑎᐊᕐᓂᐊᖅᑐᑦ ᓄᓇᕗᑦ ᒐᕙᒪᑯᖏᑕ ᒪᒃᑯᑦᑐᓄᑦ ᐃᓱᒪᒥᒍᑦ ᐊᔪᓕᖅᑕᕈᑎᓕᓐᓄᑦ ᐱᔨᑦᑎᕋᖅᑕᐅᖃᑦᑕᕐᓂᖏᓐᓄᑦ ᓄᓇᕗᒻᒥᐅᓕᒫᓄᑦ. ᑖᓐᓇ ᓯᕗᓪᓕᖅᐹᒥᑦ ᐊᒡᓚᕕᖓ ᕿᒥᕐᕈᓂᐊᖅᑐᑦ ᐊᒻᒪᓗ ᓇᓗᓇᐃᖅᑕᐅᓗᑎᒃ ᓴᖅᑭᑎᑕᐅᔪᖅ ᐊᑐᖅᑕᐅᕙᒃᑐᑦ ᑭᒡᒐᖅᑐᖅᑎᐅᓂᕐᒧᑦ ᐱᓕᕆᐊᓄᑦ.
01/11/2017

ᐊᐃᖓᐃ ᐃᖅᑐᖅ:

ᑲᓇᑕᒥᑦ ᑲᑎᒪᔩᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᖏᑦ ᑲᑐᔾᔨᔨᐅᕗᑦ ᓄᑕᖅᑲᓄᑦ ᐊᕕᒃᑐᖅᓯᒪᔪᓂᑦ ᑭᒡᒐᖅᑐᐃᔨᓂᑦ ᐱᓇᓱᐊᒐᖃᖅᑐᑦ ᖁᕝᕙᕆᐊᖅᓯᓂᖕᓂᑦ ᐱᔪᓐᓇᖕᓂᕆᔭᐅᔪᓂᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᓂᐱᖃᕆᐊᖅᑎᑦᑎᓂᖕᒥᓪᓗ. ᑭᒡᒐᖅᑐᐃᔩᑦ ᐃᓛᒃᑯᑦ ᐱᓕᕆᔨᐅᕗᑦ ᒪᓕᒐᓂᖅ ᐱᔪᓐᓇᖕᓂᖃᕐᕕᖏᓐᓂᑦ. ᑲᑎᒪᔨᒃᑯᑦ, ᓇᓗᓇᐃᕐᓯᓯᒪᒐᑦᑕ ᐊᒥᓱᓂ ᐃᓱᒫᓘᑎᒋᔭᑦᑎᓐᓂᑦ, ᐱᓕᕆᔪᒪᓪᓗᑕᓗ ᓴᖅᑭᑦᑎᓂᖕᓂᑦ ᐱᓕᕆᐊᖃᖕᓂᖕᓂᑦ ᐊᑲᐅᙱᓕᐅᕈᑎᓂᑦ ᑲᓇᑕᒥᑦ.

ᑎᑎᕋᕐᕕᒋᕙᑦᑎᒋᑦ ᐃᑲᔪᖅᑐᐃᖁᓪᓗᑎᒋᑦ ᒪᓕᒐᒃᓴᒥᑦ S-206−ᐊᓯᔾᔨᖅᑕᐅᓯᒪᙱᖅᑐᖅ−ᐊᑐᕈᓐᓃᖅᑎᑕᐅᓗᓂᓗ 43 ᐱᕋᔭᒃᑐᓄᑦ ᒪᓕᒐᖅ, ᐋᓐᓂᖅᑎᕆᑎᑦᑎᔪᓐᓇᕈᑕᐅᔪᖅ ᓄᑕᖅᑲᓄᑦ ᐸᖅᑭᔨᖏᓐᓂᒃ.

11/18/2016

ᓇᕗᒻᒥ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐃᓚᐅᖃᑕᐅᓂᐊᖅᑐᑦ ᑲᓇᑕᒥ ᓱᕈᓰᑦ ᐅᓪᓗᖓᓂᒃ ᑕᒫᓂ ᐊᕐᕌᒍᒥ ᐃᓚᐅᖃᑕᐅᓗᑎᑦ ᒪᓕᒐᓕᐅᕐᕕᒻᒥ ᒪᕐᕉᒃ ᐊᕐᕌᒎᒃ ᐊᓂᒍᕋᐃᒻᒪᑎᒃ ᒪᒃᑯᒃᑐᑦ ᒪᓕᒐᓕᐅᖅᑎᙳᐊᖑᖃᑕᐅᓂᖏᓐᓄᑦ.  ᑲᓇᑕᒥ ᓱᕈᓰᑦ ᐅᓪᓗᖓ ᓇᓗᓇᐃᖅᑕᐅᓯᒪᕗᖅ ᓄᓇᕐᔪᐊᕐᒥ ᐊᕐᕌᒍᑕᒫᑦ ᓄᕖᕝᕙ 20−ᐅᓕᕋᐃᒻᒪᑦ ᐃᓕᓴᕆᔭᐅᖁᓪᓗᒋᑦ ᓂᕈᐊᕈᑕᐅᓚᐅᖅᓯᒪᔪᖅ ᓄᓇᕐᔪᐊᕐᒥ ᓄᓇᓕᕐᔪᐊᖑᔪᑦ ᑲᑎᒪᓂᖏᑦ ᓱᕈᓰᑦ ᐱᔪᓐᓇᐅᑎᖏᑕ.  ᑕᒫᓂ ᐊᕐᕌᒍᒥ ᓇᓪᓕᐅᓂᖅᓯᐅᕐᒪᑕ 25-ᖓᓐᓂᒃ ᓇᓪᓕᐅᓂᖅᓯᐅᕈᑕᐅᓪᓗᓂ ᑲᓇᑕᒥ ᐊᑎᓕᐅᓚᐅᖅᓯᒪᓂᖓᓄᑦ ᓄᓇᕐᔪᐊᕐᒥ ᐊᖏᕈᑎᓕᐊᕆᔭᐅᓯᒪᔪᒥᒃ.

Pages