ᑎᑎᕋᕐᕕᒃᐳᑦ ᐃᑲᔪᖅᓱᐃᓲᖑᕗᖅ ᐊᖓᔪᖅᑳᕆᔭᑦ ᑲᒪᔾᔪᓯᖓᓐᓂᒃ ᕿᑐᕐᖓᒥᖕᓄᑦ ᑲᒪᔨᓪᓗᐊᑕᐅᑎᓪᓗᒋᑦ. ᐃᑲᔪᖅᓱᐃᓲᖑᖕᒥᔪᒍᑦ ᓄᑕᖅᑲᑦ ᐱᔪᓐᓇᐅᑎᖏᓐᓄᑦ ᐃᑲᔫᑎᒋᓪᓗᒋᑦ ᖃᑕᙳᑎᒥᓄᑦ ᐊᒻᒪ ᐃᓕᖅᑯᓯᕐᒥᓄᑦ. ᐊᒻᒪ, ᖃᐅᔨᒫᓂᒃᑲᑦᑕ ᐊᒥᓱᑦ ᓄᓇᕗᒥᐅᑦ ᒪᒥᓴᖅᓯᒪᓕᕐᓂᖏᓐᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ ᓄᓇᒋᙱᑕᒥᓄᑦ. ᐃᓕᑕᖅᓯᐅᒪᒐᑦᑕ ᓄᓇᕗᒥᐅᑦ ᐱᓕᕆᖃᑎᒌᒋᐊᖃᕐᓂᖏᓐᓂᒃ ᓯᕗᒻᒧᑦ ᐃᖏᕐᕋᓗᑎᒃ ᐊᒻᒪ ᖃᑕᙳᑎᒌᑦ ᐃᑲᔪᖅᑕᐅᒃᑲᓐᓂᕆᐊᖃᕋᔭᖅᑐᒃᓴᐅᓪᓗᑎᒃ ᑕᒪᒃᑯᓂᖓ ᐊᓂᒍᐃᓇᓱᒃᑎᓪᓗᒋᑦ.
ᐱᓕᕆᐊᑦᑎᓐᓂ, ᐊᒃᓱᕉᑎᖃᓲᖑᕗᒍᑦ ᐃᑲᔪᕋᓱᒃᖢᑎᒍᑦ ᓄᑕᖅᑲᓄᑦ ᐱᓕᕆᔭᐅᔪᒪᕙᒃᑐᑦ ᖃᑕᙳᑎᒌᓂᒃ ᖃᓄᐃᙱᑦᑐᓂᒃ. ᑕᒪᒃᑯᐊ ᐱᓕᕆᓲᕗᑦ ᐃᒪᐃᓕᐅᖅᖢᑎᒍᑦ:
ᐅᒃᐱᕈᓱᑦᑎᐊᕋᑦᑕ ᖃᓄᐃᙱᑦᑎᐊᖅᑐᑦ ᖃᑕᙳᑎᒌᑦ ᐃᑲᔪᕈᓐᓇᕐᓂᖏᓐᓂᒃ ᕿᑐᕐᖓᒥᖕᓂᒃ ᐊᑦᑕᕐᓇᖅᑐᑰᖅᑎᑦᑕᐃᓕᒪᕙᒃᖢᓂᒋᑦ, ᐱᕙᓪᓕᐊᑎᖦᖢᓂᒋᑦ ᖃᐅᔨᒪᑎᖦᖢᓂᒋᓪᓗ ᐱᓇᔪᒋᐊᖃᖅᑕᖏᓐᓂᒃ!