ᑎᑎᕋᕐᕕᒃᐳᑦ ᐃᑲᔪᖅᓱᐃᓲᖑᕗᖅ ᐊᖓᔪᖅᑳᕆᔭᑦ ᑲᒪᔾᔪᓯᖓᓐᓂᒃ ᕿᑐᕐᖓᒥᖕᓄᑦ ᑲᒪᔨᓪᓗᐊᑕᐅᑎᓪᓗᒋᑦ. ᐃᑲᔪᖅᓱᐃᓲᖑᖕᒥᔪᒍᑦ ᓄᑕᖅᑲᑦ ᐱᔪᓐᓇᐅᑎᖏᓐᓄᑦ ᐃᑲᔫᑎᒋᓪᓗᒋᑦ ᖃᑕᙳᑎᒥᓄᑦ ᐊᒻᒪ ᐃᓕᖅᑯᓯᕐᒥᓄᑦ. ᐊᒻᒪ, ᖃᐅᔨᒫᓂᒃᑲᑦᑕ ᐊᒥᓱᑦ ᓄᓇᕗᒥᐅᑦ ᒪᒥᓴᖅᓯᒪᓕᕐᓂᖏᓐᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ ᓄᓇᒋᙱᑕᒥᓄᑦ. ᐃᓕᑕᖅᓯᐅᒪᒐᑦᑕ ᓄᓇᕗᒥᐅᑦ ᐱᓕᕆᖃᑎᒌᒋᐊᖃᕐᓂᖏᓐᓂᒃ ᓯᕗᒻᒧᑦ ᐃᖏᕐᕋᓗᑎᒃ ᐊᒻᒪ ᖃᑕᙳᑎᒌᑦ ᐃᑲᔪᖅᑕᐅᒃᑲᓐᓂᕆᐊᖃᕋᔭᖅᑐᒃᓴᐅᓪᓗᑎᒃ ᑕᒪᒃᑯᓂᖓ ᐊᓂᒍᐃᓇᓱᒃᑎᓪᓗᒋᑦ.
ᐱᓕᕆᐊᑦᑎᓐᓂ, ᐊᒃᓱᕉᑎᖃᓲᖑᕗᒍᑦ ᐃᑲᔪᕋᓱᒃᖢᑎᒍᑦ ᓄᑕᖅᑲᓄᑦ ᐱᓕᕆᔭᐅᔪᒪᕙᒃᑐᑦ ᖃᑕᙳᑎᒌᓂᒃ ᖃᓄᐃᙱᑦᑐᓂᒃ. ᑕᒪᒃᑯᐊ ᐱᓕᕆᓲᕗᑦ ᐃᒪᐃᓕᐅᖅᖢᑎᒍᑦ:
- ᐅᔾᔨᕆᔭᐅᓕᖅᑎᓪᓗᒋᑦ ᓄᑕᖅᑲᑦ ᐱᔪᓐᓇᐅᑎᓗᒃᑖᖏᑦ - ᐃᓚᓕᐅᑎᓗᒋᑦ ᓄᑕᕋᖅ ᖃᑕᙳᑎᖃᕆᐊᖃᕐᓂᖓᓂᒃ ᐊᒻᒪ ᐃᓅᔭᕆᐊᖃᕐᓂᖓᓂᒃ, ᖃᖓᓕᒫᕐᓗ ᐊᔪᕐᓇᙱᑐᐊᕌᖓᑦ, ᐃᓚᒃᑲᓐᓂᖓᓂᒃ ᑲᒪᔨᒃᑲᓐᓂᖏᓐᓂᒃ
- ᐱᓕᕆᖃᑎᒋᓗᒋᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐅᔾᔨᕆᔭᐅᓕᖅᑎᑦᑎᓇᓱᒃᑎᓪᓗᒋᑦ ᐱᓕᕆᐊᖏᑦ ᐃᑲᔪᖅᓱᐃᓕᕌᖓᑕ ᐊᖓᔪᖅᑳᕆᔭᓂᒃ ᖃᑕᙳᑎᖏᓐᓂᒡᓗ
- ᐅᔾᔨᕆᔭᐅᓕᖅᑎᓪᓗᒍ ᖃᓄᖅ ᓄᑕᖅᑲᑦ ᐱᔪᓐᓇᐅᑎᖏᑦ ᐃᑲᔫᑕᐅᓲᖑᖕᒪᖔᑕ ᐃᓕᓴᕐᓇᐅᑎᖏᓐᓄᑦ, ᖃᑕᙳᑎᖏᓐᓄᑦ ᐊᒻᒪ ᐃᓕᖅᑯᓯᖏᓐᓄᑦ
- ᑐᓴᒐᒃᓴᓕᐅᖅᐸᒡᓗᑎᒃ ᒐᕙᒪᒃᑯᑦ ᐱᓕᕆᕝᕕᖏᑦᑕ ᐱᔨᑦᑎᕋᖅᑎᖏᓐᓂᒃ ᐃᑲᔪᖅᓱᐃᔪᓂᒃ ᐊᖓᔪᖅᑳᕆᔭᓂᒃ
ᐅᒃᐱᕈᓱᑦᑎᐊᕋᑦᑕ ᖃᓄᐃᙱᑦᑎᐊᖅᑐᑦ ᖃᑕᙳᑎᒌᑦ ᐃᑲᔪᕈᓐᓇᕐᓂᖏᓐᓂᒃ ᕿᑐᕐᖓᒥᖕᓂᒃ ᐊᑦᑕᕐᓇᖅᑐᑰᖅᑎᑦᑕᐃᓕᒪᕙᒃᖢᓂᒋᑦ, ᐱᕙᓪᓕᐊᑎᖦᖢᓂᒋᑦ ᖃᐅᔨᒪᑎᖦᖢᓂᒋᓪᓗ ᐱᓇᔪᒋᐊᖃᖅᑕᖏᓐᓂᒃ!
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.