ᑎᑎᕋᕐᕕᒃᐳᑦ ᖃᐅᔨᓇᓱᐃᓐᓇᐅᔭᖅᐳᑦ ᒪᒃᑯᒃᑐᓂᒃ ᐃᓚᐅᑎᑦᑎᓇᓱᒃᐸᒃᖢᑎᒃ ᐱᓕᕆᐊᑦᑎᓐᓂ. ᒪᒃᑯᒃᑐᑦ ᐃᓚᐅᖁᒐᑦᑎᒍᑦ ᐱᓕᕆᔾᔪᓯᑦᑎᓐᓄᑦ. ᐃᓱᒫᓘᑎᖏᑦ ᑐᓴᕈᒪᖃᑦᑕᖅᑕᕗᑦ, ᐃᓱᒪᒋᔭᖏᓪᓗ ᐅᖃᐅᓯᕆᕙᒡᓗᒋᑦ ᑐᓴᖅᑕᐅᑎᑉᐸᒡᓗᒋᓪᓗ ᐃᓱᒪᓕᐅᕆᔨᓄᑦ.
ᐃᒪᐃᑦᑐᒥᓇᖅᖢᓂ, ᓄᑕᖅᑲᑦ ᒪᒃᑯᒃᑐᓪᓗ ᐃᓚᐅᖁᖃᑦᑕᕋᑦᑎᒍᑦ ᑎᑎᕋᕐᕕᑦᑎᓐᓂ ᐃᒪᐃᓕᐅᕈᓐᓇᖃᑦᑕᕐᓂᐊᕋᑦᑕ:
ᑕᐅᑐᖅᑰᖅᑕᖏᑦ ᐃᓚᓕᐅᑎᕙᒡᓗᑎᒍᑦ ᐅᖃᐅᓯᒃᓴᖃᓕᕌᖓᑦᑕ ᐃᓱᒪᓕᐅᕆᓕᕌᖓᑦᑕᓗ ᐱᔾᔪᑎᒋᔭᖏᓐᓂᒃ
ᖃᓄᖅᑑᕈᑎᒃᓴᖃᓕᓲᖑᖕᒪᑕ ᐊᒃᑐᐃᔾᔪᑎᒋᔭᖏᓐᓂᒃ
ᖃᐅᔨᕙᓪᓕᐊᖃᑦᑕᕐᒪᑕ ᐊᔪᕈᓐᓃᕆᐊᖃᖅᑕᖏᓐᓂᒃ ᐃᒻᒥᒃᑰᕐᓗᑎᒃ ᑭᒡᒐᖅᑐᕈᓐᓇᖃᑦᑕᕐᓂᐊᕐᒪᑕ ᐃᖕᒥᖕᓂᒃ
ᑎᑎᕋᕐᕕᒃᐳᑦ, ᐃᓱᒪᓕᐅᕆᔨᑦ ᐊᓯᖏᓪᓗ ᐃᓐᓇᐃᑦ ᑕᐅᑐᖅᑰᖅᑕᒥᖕᓂᒃ ᐊᑐᐃᓐᓇᐅᑎᑦᑎᓗᑎᒃ
ᐃᓅᖃᑎᒌᑦ ᐱᕚᓪᓕᕈᓐᓇᕐᒪᑕ ᑭᒃᑯᑐᐃᓐᓇᓄᑦ ᐊᖏᖅᑕᐅᔪᓐᓇᖅᓯᓗᑎᒃ ᓄᑕᖅᑲᑦ ᒪᒃᑯᒃᑐᓪᓗ ᓄᓇᖅᑲᑎᒋᔭᐅᓪᓚᕆᓕᕐᓗᑎᒃ ᐱᓕᕆᖃᑕᐅᑦᑎᐊᕐᓗᑎᒃ
ᒪᒃᑯᒃᑐᓂᒃ ᐱᓕᕆᖃᑎᖃᓲᖑᔪᒍᑦ ᖃᓄᐃᓕᐅᕈᓘᔭᖅᖢᑕ. ᓲᕐᓗ ᐃᒪᐃᓕᐅᖃᑎᒋᓪᓗᑎᒍᑦ:
ᐃᓚᐅᑎᑉᐸᒡᓗᒋᑦ ᐋᖅᑭᒃᓱᖅᑕᐅᕙᓪᓕᐊᓂᖏᑦ ᓄᓇᕗᒻᒥ ᐊᒻᒪ ᐃᓄᖕᓂᒃ ᒪᒃᑯᒃᑐᓕᕆᔨᑦ
ᖃᐅᔨᓇᓱᒃᐸᒡᓗᒋᑦ ᑭᐅᔾᔪᑕᐅᔪᑦ ᓄᑕᕋᓕᒫᓂᒃ ᒪᒃᑯᒃᑐᓕᒫᓂᒡᓗ ᑎᑎᕋᕐᕕᑦᑎᓐᓄᑦ ᐃᓯᕈᓐᓇᖅᑐᓄᑦ
ᑕᑯᒥᓇᖅᓯᑎᓪᓗᒍ ᐊᐅᔭᒃᑯᑦ ᒪᒃᑯᒃᑐᓂᒃ ᐃᖅᑲᓇᐃᔮᒃᓴᑦ ᑎᑎᕋᕐᕕᑦᑎᓐᓂ
ᖃᐅᔨᓇᓱᒃᐸᒡᓗᒋᑦ ᐅᖃᐅᓯᐅᕙᓪᓕᐊᔪᑦ ᒪᒃᑯᒃᑐᓂᒃ ᓴᖅᑭᑦᑎᕙᓪᓕᐊᑎᓪᓗᑕ ᑎᑎᕋᕐᕕᑦᑎᓐᓂ ᐃᑲᔫᑎᒃᓴᓂᒃ