Uqaqtikhaat Nutaqqanut Inuulrammiinunutlu Takunnaqtut Inuulrammiit Maligaliurviliqidjutiinni


RCY's Office at Nunavut's Youth Parliament

Tariup Hikutiriva 24, 2016 ngutillugu, Nunavunmi Uqaqtikhaat Nutaqqanut Inuulramiinunutlu ilauvaktut Maligaliurviani qun’ngiaqnaqhiplutik tiiviitigun Malguiktukhutik Uqiumi Atauhirmi Katimavaktut Inuulrammiit Maligaliurvingmi.  Talvani, Uqaqtikhaat uqaqatigiyait inuulrammiinut katimayut maligaliurvingmi taapkuninga RCY kut havakviatanik kiuplunilu apigiyauyunik hunavalurniq ihumagiyainnik.

Ikpingnaqpiaqtut katimapkaigamik katimaqatigiplugit inuulrammiit nunaqaqtut ahini tamaani Nunavunmi havakviptalu quviahuqpiaqtut ilaudjutaungmatta,” Uqaqtikhaat Sherry McNeil-Mulak uqaqtuq. “Quviahuutigitakpiaqtavut ihumagiyainnik inuulrammiit anggiyuaniklu apikkuutiqaqpakhutik”.

Ihumagiyauyut inuulrammiinit maligaliurvingmi hapkuangnguyut:  ihariagiyauyut ulapqiviit nunallaamilu katimaviitnik, tammaqpallialirmattalu inuit uqauhiitnik ilinniaqvingni ilihaqtitauyukhat Inuktitukkuugutikhanik, mamittiivikhanik nunavunmi taapkunanut ipiralimaiktait higaakluit imialuitlu ihariagiyauyuttauq ihumailiqinikkut ilitariyauyukhanik mamittiivikhainniklu ilihagutainnik.

Talvanga pingmatta katimayut, RCY kut havakviata ihivriuqpagait ihumagiyauyut inuulramiitnit ilauyut maligaliurvingmi tuniyauniaqtut taapkunanut Tugliuyut Ministanut, Ministanut Maligaliuqtiinnutlu.

Uqaqtikhaat ilaunia uvani uqiumi Inuulrammiit Maligaliurvingmi Katimadjutaata ikayuutauyuqlu Kanatami Nutaqqat Ubluanut, quviahuutigiplugut anggirutaata United Nations Katimadjutaa Pilaagutainnut Nutarap uqiuk tamaat atuligaikpat Tariup Hikutirvia 20 nguygaikpat.