Kivgauyumut Nutaqqanut Inulramirnut Havakviat Quviahuutigiyaat Nunaqyuami Nutaqat Ublua


Kivgauyumut Nutaqqanut Inulramirnut Havakviat (RCYO) quviahuutiginiaqtaat Nunaqyuami Nutaqat Ublua uvani havainingmi uvalu akhuuqhablugit tamaita Nunavunmiun taimailiuqlutik.

Ukiuq tamaat, Hikutirvia 20 itqaumayauyuq imaa Nunaqyuami Nutaqat Ublua, ublua Kanatap angigu tigihimayaa una United Nations’ Katimaqyuagutaa hapkununga Pilaagutainun Nutaqat (CRC). CRCmi naunaiyaqhimayait tamaita inuit pilaagutait tapkua nutaqat inulamiilug tigumiyait uvalu titiraqhimayut akhuungnaqtut munagiyait kavamatkut nunallaalu havaktait ikayuutikhat inulgamiit inuit ilitugiyaangani hapkua pilaagutit.

“Munagidjutiqaqtugut iningniuyugut imaalu nunallaanun, ilihimalugit pilaagutait tapkua inulgamiit Nunavunmi ikayuqtakhavut”, uqaqtuq Sherry McNeil-Mulak, Kivgauyumut Nutaqqanut Inulramirnut Havakviat. ”Havakhimagaluaqtillugit CRCkut sainiutait avatqumayut 30 ukiut, havaaghagiaktugut huli pidjutigilugit hapkua pilaagutit. Attauhiq piyaaqtavut tamapta tuhaalugit uvalu pittiaqhimalugit inulgamiit uqaqtait, uqautigigaangatik ayuqhautitik hulaqutitik inuuhingmingnun.”

Quviahuutigilugu Nunaqyuami Nutaqat Ublua, uvani havaingmi RCYO nigipkainiaqtut ilihaqtunun uvani Inukshuk Angayukhiit Ilihaqviani (Hikutirvia 20) ilauyuq akhaluutikkut Iqalungni Ilihalihaat Laisiqaqtut Iliharviit (Hikutirvia 20 10 ublaami aulagutilutik hamanga Legionmin), qungiaqlugillu Inulrammiit Kavamaliqitjutait. Ukua RCYOkut quviahukpiaqtut tuhaqtitilutik akimayunun hitamauyumi ukiumi Ilvit Unipkaat, Ilvit Nipit akitaqutaut ublumi. Tikinahuagutaa akitaqutautip ilitugipkaidjutikhaq nutaqat pilaagutainik hapkualu inulgamiit Nunavunmiut. Uvani ukiumi akitaqutautit ugaaqhimayut haffumunga nutaqat pilaagutainun ilihangningmun (Titiraqhimayuq 28 unalu 29mi). Ukua RCYOkut quyagiyumayait tamaita ilihaqviit kitut ilauyut havaktait uvalu quvianaqtut uuktuutit. Uvani ukiumi akimayut hapkua:

K Ouqtuniit 3: 1a iliharvia talvani Rachel Arngnammaktiq Elementary School, Qamaniittuaq

 

 

 

 

 

 

 

 

 

 

 

Puqtuqutilaangit 7-9 iliharvitt talvani Qiqirtaq Ilihakvik High Uqhuqtuumi

 

 

 

 

 

 

 

 

 

 

 

 

 

 

 

Puqtuqutilaanga 11 iliharvia talvani Paatsaali High School Sanikiluami