Apiqhuutaulluaqpaktut ikayuutigittaaktatit apiqhuutingnut havakviptingnut.
Havakvikput ikayuqpagait inulrammiit pilaarutikhainuttaimaalu Nunavut Kavamanga ikayuqtillugit tammaqtaililugillu ukuninga pilaarutikhainut.
Atauhiq pivaktakkut inungmut ikayuutikhainut.Kangiqhidjutaa taimaa havaqatigilugu inulrammiik avaliittumik havaqatigilugu. Taimaa pittaaqtugut:
Qanuq ikayuutivut pidjutauniaqtuq piumayangnut uvaptingnullu uqaqtangnut!
Nutaqqanut pilaarutikhat hunavaluit piyakhariyatit pittaaqtarillu nakuuyumik inuuhiudjutiqariami. Nutaqqat nunakyuami pidjutikhalgit ukununga – arnat angutilluunniit, nunagiyainut, angaadjutinut itquumagiyait kinauyaakhamingnullu pitquhirmingni.
Taimaatut, pilaarutiti ukununga:
Amihuuyut pidjutikhat huuq ilivit uqaqvigidjutikhangnut havakviptingnut:
Ilihimangitkugit ikayuqtaaptingnut, uqaqvigiluta. Ikayulimaitkupta, naunaikhiniaqtugut inungmik ikayuqtaaqtumik.
Kinalikaak uvaptingnut hivayaktaaqtut. Inirnimut uvaptingnut hivayaktittaaqtatut.
Aallanut hiamitipkailimaittugut. Aallanut naunaitkutinigiyangnut tunihilimaittugut angiruvit kihimi pittaaqtugut. Kihimi,ilaani pidjutikhalik uqaqtughauvluta ilanginnik ilvit unnirtangnut. Ukuninga:
Uqaqviginiarungnaqhiyavut angayuqqaanguyumut munaqtiuyumulluunniit nukaghiuguvit 12-nik ukiunik uqaqvigilugu havakvikput ikayurianginni. Taimaa piyuittugut ihumagupta ihuirutaukpat ihuaqtqiyanut piumayangnut.
Ilihimayukhauyugut uqariyukhaugupta hunamiklikaak, havaqatiniaqtagit qanuq taimaa piyaaptingni.
Tuglia,uqaqviginiarungnaqhiyat atauhiqmut nutaqqanut inulramminullu akhuuklhaiyit ayuittiaqhimayunut. Taivaktavut havatit akhuukhaiyit naittumik taivlugit. Akhuukhaiyi naunaikniaqtait qanuq havakvikput ikayuqniaqmagaat,naunaiklugu pilaarutit hiamitigakhaungittunut naunaikhilutillu havaqatigiyumavluta.
Havakti taimaa piniaqtuq:
Taimaa iniqqata, piumayangnik piinariqaqtutit havaqatigilugu iliptikkut akhuukhaiyilu. Hivuliqtiuniaqtutit ukununga havaktakhanut akhuukhaiyillu. Tamaptik, ikayuutikhanut qanuriliurutikhaliuqniaqtutik.
Pidjutikhaqaqtutit havagviptingnut uqariangni aallanut tuhaapkaknaittumik. Taimaa kangiqhidjutaa inuk igluqaqtuq paqittiyukhauyuq aallanit tuhaapkaknaittumik uqaqvigivikhangnut uvaptingnut qaritauyakkut titiraqvigilutaluunniit. Taimaatullu, uvaptingnut titiqqiyumaguvit, atannguyap tuyuqtakhaa una titiqqidjutauyuq havagviptingnut anmaqhimaittumik.
Havakpaktavut hivuniqaqtut uumunga Nutaqqanut Inulramminullu Maligaq. Una maligaq ihuaqhivagait hunat havagvikput pittaaqtait pilimaitaillu.
Ataani uumani maligaqmi, pilimaitavut:
Hunamullikaak ikayuqhirumaguvit, uqaqvigiluta. Ikayulimaitkupta, ikayuqtukhamik naunaikhiniaqtugut.
Tupilauyaungittugut ikayulimaittugut maligatigut uqaujiutikhanik. Aallanut kihimi ikayuqtaaqtugut, paqittiinnaqtaaqtugut tupiluayakhangnut.
Uqaqvigiluta Nunavunmiutauguvit kihimi kavamatkunit munaqtitauguvit ikayuqhiruvilluunniit hilataanit Nunavunmit. Havakvikput havaarivaktait pidjutit qanuriliurutauhimayut Nunavunmi. Ikayuqtaarungnaqhiyugut havaqatigilugu nutaqqanut inulramminullu ikayuqtiuyunut havagvianut nunaanni avikturviinniluunniit nayuqtangni.
Uqaqvigiluta akiittumut hivayarvianut talvunga 1-855-449-8118, Hivulliqmit Tallimiutmut 8:30am-mit 5:00pm-mut EST.