2019 Unipkaatit, Nipitit Akitaqutautit


Quviahuutigiyaulit 2019mi akimahimayut Unipkariyat, Nipigiyat Akitaqutaut.

Pugtuniit 1Ami  Rachel Arngnammaktiq Nukakhitqiangani iliharvianin, Qamaniittuarmin

Puqtuniit 9k 9cmin Qablunaarnikkut/Nunalaani Ilihairutingnik talvanga Maani Ulujuk Ilinniarvikmin Kangiqlinirmin

Puqtuniit 10 ilihaqtut Hunauyaliqhimayunik hamani Qiqirtaq Ilihakvik Uqhuqtuumi

Havaktiuyuq Nutaqqanut Inulramminullu Havakviat (RCYO) quviahuttiaqtut tuhaqtittiyaamik taapkuninnga tallimauliqtut ukiungat Unipkaatit, Nipivit akirautit! Una titirauyaqtinut akirautauyuq uuktuquplugillu ilihaqtut havaqatigiingniqmik titirauyaqlutik naunaitkutamik, ikluqpak haanganit minguliqhilutik, ahinikluuniit hanauyahirnik tuniyaghanik hapkua ihumagiplugit:

Ilanga 42 talvanngat United Nations Katimayiit Pilaarutainut Nutaqqat
Ilvit pilaarutiqaqtutit ilihimayaarnik pilaarutinik! Iniqnirit ilihimayaghait pilaarutitit ilihautilugillu ilingnut.
 
Tamangnik inuit pilaarutiqaqtut. Nutaqqat pilaarutait hunaqutauyut tamangnik inulrammiit pihimayaghait, taimaa amirnaittumik aimaviqariamik, taimaaluuniit hulilukaaqtaghainik inulrammiit, taimaa ilihariariamik, taimaa inmingnik ilaitalu ihariagiyainik piyaamingnik ihumaliuttiariamiklu inuuhirmingnik. Taamna United Nations Katimayiit Pilaarutainut Nutaqqat ilittuqhitivaktuq pilaarutainik inulrammiit, munaqtaghainiklu kavamatkut iniqnirillu tuniqhihimayaamik pilaarutainut.

Ilangi ilittuqhitiuyut nutaqqat pilaarutainut taapkuanguyut:
• Ilanga 12 Tamangnik inulrammiit pilaarutilgit tuhaqtittiyaamik uqauhiinik taimaalu tuhaqtauyaamik iniqnirinik ihumagittiaqhugillu.
• Ilanga 24 Tamangnik inulrammiit pilaarutilgit nakuuniqhakkut aanniaqtailiniqmut ikayuqtauyaamingnik.
• Ilanga 27 Tamangnik inulrammiit pilaarutilgit niqighaqariamik, aannuraaqariamik, amirnaittumiklu aimaviqariamik.
• Ilanga 30 Tamangnik inulrammiit pilaarutilgit atuqpagiamik ilitquhiinik, uqauhiinik, ukpiruhuutainiklu.
• Ilanga 34 Tamangnik inulrammiit pilaarutilgit amirnaiqhimayaamik nuliaqtunik aanniqtauniqmitlu.
• Ilanga 42 Tamangnik inulrammiit pilaarutilgit ilihimayaamik pilaarutainik.
 
Pilaarutinik tigumiaqtitut, inulrammiit munaqtaghalgittauq. Ilanga 28 taamnalu 29, ilittuqhitivalliayuq nutaqqat pilaarutainik ilihaqtitauyaamik, qaffiniklu munaqtaghainik inulrammiit ilaitalu taimaa inulrammiq ilihariaqpagiamik iniqhivagiamiklu ilihaqtainik.
 
RCYO-kut ilikkuuqhutik ikayuqtiuyut havakviuyut taimaa Kavamatkut Nunavunmi (GN) ikayuqpagiaghait pilaarutait ihumagittiaqhugillu inulrammiit Nunavunmiut. Apiqhuutighaqaruvit talvuuna 2019 Unipkaatit, Nipivit akirautinut, nutaqqat pilaarutainut; havaanginut havakvium; ihumaaluutiqaruvilluuniit inulramminik ikayuutainiklu GN-kut havakvianit, aghuuqhutik hivayaquyaffi havakviptingnik taimaa:
• hivayaut 1-855-449-8118 (akiittukkut) talvaniluuniit 867-975-5090 (Iqalungni)
• qaritauyakkut titiraqlutit contact@rcynu.ca, taimaaluuniit
• titiraqlugit tigumiaqtakkut 1-855-449-8118.