ᓄᓇᕗᒻᒥ ᑭᒡᒐᖅᑐᐃᔾᔪᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᖁᔭᖅ ᓇᓗᓇᐃᖅᓯᔾᔪᑕᐅᕗᖅ ᑎᑎᕋᕐᕕᑦᑎᓐᓂ ᐱᓕᕆᐊᕆᕙᒃᑕᑦᑎᓐᓂ ᐱᔪᓐᓇᕐᓂᕆᔭᑦᑎᓐᓂᒡᓗ, ᐊᒻᒪᓗ ᒐᕙᒪᒃᑯᓐᓂ ᐱᓕᕆᕝᕖᑦ ᖃᓄᐃᓕᐅᕆᐊᖃᕐᒪᖓᑕ ᐃᑲᔪᖅᓱᕐᓂᐊᕐᓗᒍ ᐱᖁᔭᖅ.
ᐱᓕᕆᐊᕗᑦ ᐃᓚᒋᔭᖃᖅᑐᖅ ᒪᓕᑦᓱᑎᒃ ᓇᓗᓇᐃᖅᓯᒪᔪᓂᑦ ᐱᓕᕆᐊᖏᓐᓂᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑭᒡᒐᖅᑐᐃᔨᖓᑕ ᐱᖁᔭᖓᓂᑦ;
- ᓇᓗᓇᐃᖅᓯᓂᕐᒧᑦ ᐱᔪᓐᓇᐅᑎᖏᑦ ᐱᔪᒪᓂᕆᔭᖏᓪᓗ ᓄᑕᖅᑲᑦ ᒪᒃᑯᑦᑐᓪᓗ, ᐃᒻᒥᑰᖅᑐᓄᑦ ᑕᒪᕐᒥᓪᓗ, ᓴᐳᑎᔭᐅᓯᒪᔪᑦ ᓯᕗᒧᐊᑦᑎᑕᐅᓂᕐᒥᓪᓗ;
- ᓇᓗᓇᐃᖅᓯᓂᕐᒥ ᐱᓕᕆᕝᕕᒋᔭᐅᔪᑦ ᓈᓚᓐᓂᖏᓐᓂᑦ ᐃᓱᒪᒋᔭᖃᕐᓂᕐᒥᓪᓗ ᐃᓱᒪᒋᔭᖏᓐᓂᑦ ᓄᑕᖅᑲᑦ ᒪᒃᑯᑦᑐᓪᓗ ᖃᓄᐃᓐᓂᐅᔪᓂᑦ ᐊᑦᑐᖅᑕᐅᓯᒪᓂᖏᓐᓄᑦ;
- ᓇᓗᓇᐃᖅᓯᓂᕐᒥ ᓄᑕᖅᑲᑦ ᒪᒃᑯᑦᑐᓪᓗ ᐱᔪᓐᓇᕐᓂᕐᒧᑦ ᐱᓕᕆᕝᕕᒋᔭᐅᔪᑦ ᐱᔨᑦᓯᕋᐅᑎᖏᓐᓂᑦ ᐱᓕᕆᕝᕕᐅᔪᓪᓗ ᐃᓱᒪᒋᔭᖃᕐᓂᕐᒥᑦ ᐃᓱᒫᓗᑎᖏᓐᓂᑦ ᐃᓱᒪᒋᔭᖏᓐᓂᓪᓗ ᑕᐃᒃᑯᐊ ᐱᔨᑦᓯᕋᐅᑎᐅᔪᑦ;
- ᐃᑲᔪᕐᓂᕐᒥᑦ ᓄᑕᖅᑲᓂᑦ, ᒪᒃᑯᑦᑐᓂᑦ, ᐃᓚᖏᓐᓂᓪᓗ ᑐᓴᐅᒪᖃᑦᑕᐅᑎᓂᕐᒧᑦ ᐱᓕᕆᕝᕕᐅᔪᓂ ᐱᔨᑦᓯᕋᖅᑎᓂᑦ, ᐱᐅᓯᕚᓪᓕᖁᓪᓗᒋᑦ ᑐᑭᓯᐅᒪᓂᐅᔪᑦ ᐊᑯᓐᓂᖏᓐᓂᑦ;
- ᑐᓴᐅᒪᑎᑦᓯᓂᕐᒥ ᑭᒃᑯᑐᐃᓐᓇᕐᓂᑦ ᐱᔪᓐᓇᐅᑎᖏᓐᓂᑦ ᐱᔭᕆᐊᖃᑦᑕᖏᓪᓗ ᓄᑕᖅᑲᑦ ᒪᒃᑯᑦᑐᓪᓗ, ᐱᓕᕆᐊᑦᓴᖏᑦ ᑲᒪᒋᔭᑦᓴᖏᓪᓗ ᑭᒡᒐᖅᑐᐃᔨᖓᑕ ᐊᓪᓚᕝᕕᖓᓄ ᓄᑕᖅᑲᑦ ᒪᒃᑯᑦᑐᓪᓗ; ᐊᒻᒪᓗ
- ᐊᑐᐃᓐᓇᐅᑎᑦᓯᓂᕐᒥᑦ ᐅᖃᐅᔾᔨᒋᐊᕆᓂᕐᒥᑦ ᐊᑐᓕᖁᔨᓂᕐᒥᓪᓗ ᐱᓕᕆᕝᕕᐅᑉ ᖃᓄᖅ ᒪᓕᒐᓕᐅᕐᓂᕐᒥᑦ, ᐊᑐᐊᒐᕐᓂᑦ, ᐱᓕᕆᐊᓂᑦ, ᐱᔨᑦᓯᕋᑦᓯᐊᕐᓂᕐᒥᓪᓗ ᓄᑕᖅᑲᓂᑦ ᒪᒃᑯᑦᑐᓂᓪᓗ ᓄᓇᕗᒻᒥ.