2019−ᒥᑦ ᐅᓂᒃᑳᓯ,ᓂᐱᔅᓯᓐᓄᑦ ᓵᓚᒃᓴᕋᓱᖕᓂᖅ


Congratulations to our 2019 winners of the Your Story, Your Voice contest.

1A ᐃᓕᓐᓂᐊᕐᕕᐊᕈᓯᖅ ᕋᐃᑦᓱ ᐊᕐᓇᒻᒪᒃᑎᖅ ᐃᓕᓐᓂᐊᕐᕕᖕᒥ ᖃᒪᓂ'ᑐᐊᖅ

ᖁᑦᑎᖕᓂᓕᑦ 9k 9c ᖃᓪᓗᓈᑎᑐᑦ/ᐃᓄᓕᕆᓂᕐᒧᑦ ᖃᐅᔨᓴᕈᑎᑦ ᒫᓂ ᐅᓚᔪ ᐃᓕᓐᓂᐊᕐᕕᒃ ᑲᖏᕐᖠᓂᕐᒥ

ᖁᑦᑎᖕᓂᓕᑦ 10 ᓴᓇᐅᒐᓕᕆᓂᕐᓄᑦ ᕿᑭᕐᑕᖅ ᐃᓕHᐊᕐᕕᒃ ᐅᖅᓱᖅᑑᒥ

ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᑎᑎᕋᕐᕕᖏᑦ ᐊᓕᐊᓇᐃᒍᓱᒃᑐᑦ ᑐᓴᖅᑎᑦᑎᔭᕆᐊᒃᓴᖅ ᐅᑭᐅᖑᔪᒥᑦ ᑕᓪᓕᒪᓂᒃ ᐊᕐᕌᒍᓕᒫᖅᓯᐅᑎᒥ ᐅᓂᒃᑳᔅᓯᓐᓂᒃ, ᓂᐱᔅᓯᓐᓂᓗ ᓵᓚᒃᓴᕋᓱᖕᓂᕐᒥᒃ! ᑕᒪᓐᓇ ᓴᓇᓂᒃᑯᑦ ᓵᓚᒃᓴᕋᓱᖕᓂᐅᔪᖅ ᑎᓕᐅᓪᓗᑕᓗ ᐃᓕᓐᓂᐊᖅᑎᓂᒃ ᐱᓕᕆᖃᑎᒌᖁᓪᓗᒋᑦ ᐊᑭᓐᓇᕐᒥᐅᑕᓕᐅᕐᓗᑎᒃ, ᑕᒪᒃᑮᓪᓗᓂ ᐊᑭᓐᓇᕐᒥᐅᑕᓕᐅᕐᓂᕐᒥᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᑐᓐᓂᖅᑯᑕᐅᔪᓂᒃ ᒪᓕᒡᓗᑎᒃ:

ᑎᑎᕋᖅᓯᒪᓂᓕᒃ 42 ᓄᓇᕐᔪᐊᒥ ᑲᑐᔾᔨᖃᑎᒌᑦ ᐱᔪᓐᓇᖕᓂᕆᔭᖏᑦ ᓄᑕᕋᐅᑉ
ᐱᔪᓐᓇᕐᓂᖃᖅᐳᑎᑦ ᐱᔪᓐᓇᐅᑎᖕᓂ ᖃᐅᔨᒪᒋᐊᒃᓴᖅ! ᐃᓐᓇᐃᑦ ᖃᐅᔨᒪᔭᕆᐊᖃᕐᒥᔪᑦ ᑖᒃᑯᓂᖓ ᐱᔪᓐᓇᐅᑎᓂᒃ ᐃᑲᔪᕆᐊᖃᖅᐳᓪᓗ ᐃᓕᔅᓯᓐᓂᒃ ᖃᐅᔨᑎᑦᑎᖃᑕᐅᕙᒡᓗᑎᒃ.
 
ᐃᓄᓕᒫᑦ ᐱᔪᓐᓇᐅᑎᖃᖅᑐᑦ. ᓄᑕᖅᑲᑦ ᐱᔪᓐᓇᐅᑎᖏᑦ ᒪᒃᑯᒃᑐᓂ ᐱᔭᐅᓯᒪᓪᓗᐊᖅᑐᑦ, ᓲᕐᓗ ᐃᓂᖃᑦᑎᐊᕐᓂᖅ, ᐅᕝᕙᓘᓐᓃᑦ ᒪᒃᑯᒃᑐᑦ ᐱᓕᕆᕙᒃᑕᖏᑦ, ᓲᕐᓗ ᐃᓕᓐᓂᐊᕆᐊᕐᓂᖅ, ᖃᑕᙳᑎᒌᑦ ᐱᔭᕆᐊᖃᖃᑦᑕᖅᑕᖏᓐᓂᒃ ᐱᔪᓐᓇᖃᑦᑕᕐᓂᐊᕐᒪᑕ ᓂᕈᐊᕆᔭᒥᓂᒃ ᐃᓅᓯᕐᒥᓂᒃ. ᓄᓇᕐᔪᐊᒥ ᑲᑐᔾᔨᖃᑎᒌᑦ ᐱᔪᓐᓇᖕᓂᕆᔭᖏᑦ ᓄᑕᕋᐅᑉ ᓇᓗᓇᐃᔭᐃᓯᒪᑦᑎᐊᖅᑐᑦ ᒪᒃᑯᒃᑐᑦ ᐱᔪᓐᓇᐅᑎᖏᓐᓂᒃ, ᑲᒪᒋᔭᒃᓴᓪᓗ ᒐᕙᒪᒃᑯᓐᓂ ᐃᓐᓇᕐᓂᒡᓗ ᐃᑲᔪᖅᓱᐃᓂᕐᒧᑦ ᑕᒪᑐᒥᖓ ᐱᔪᓐᓇᐅᑎᒥᒃ.
 
ᐃᓚᖏᑦ ᐆᒃᑑᑕᐅᔪᑦ ᓄᑕᖅᑲᑦ ᐱᔪᓐᓇᐅᑎᒋᔭᖏᓐᓄᑦ ᐅᑯᓂᖓ ᐃᓚᖃᖅᐳᑦ:
• ᑎᑎᕋᖅᓯᒪᓂᓕᒃ 12 ᒪᒃᑯᒃᑐᓕᒫᑦ ᐱᔪᓐᓇᕐᓂᖃᖅᐳᑦ ᐃᓱᒪᒋᔭᖏᓐᓂᒃ ᑐᓴᖅᑕᐅᑎᑦᑎᒋᐊᒃᓴᖅ, ᐃᓐᓇᐃᓪᓗ ᓈᓚᒋᐊᖃᖅᖢᑎᒃ ᓱᖁᑎᒃᓴᑐᐃᓐᓇᙱᓪᓗᑎᒃ.
• ᑎᑎᕋᖅᓯᒪᓂᓕᒃ 24 ᒪᒃᑯᒃᑐᓕᒫᑦ ᐱᔪᓐᓇᐅᑎᖃᖅᐳᑦ ᐱᐅᓛᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑲᒪᒋᔭᐅᔪᓐᓇᕐᓂᕐᒥᒃ.
• ᑎᑎᕋᖅᓯᒪᓂᓕᒃ 27 ᒪᒃᑯᒃᑐᓕᒫᑦ ᐱᔪᓐᓇᐅᑎᖃᖅᑐᑦ ᓂᕿᖃᕐᓂᕐᒥᑦ, ᐊᓐᓄᕌᖃᕐᓂᕐᒥᑦ, ᐃᓂᖃᑦᑎᐊᕐᓂᕐᒥᒡᓗ.
• ᑎᑎᕋᖅᓯᒪᓂᓕᒃ 30 ᒪᒃᑯᒃᑐᓕᒫᑦ ᐱᔪᓐᓇᕐᓂᖃᖅᐳᑦ ᐃᓕᖅᑯᓯᒃᑯᑦ ᐱᓕᕆᔪᓐᓇᕐᓂᕐᒥᒃ, ᐅᖃᐅᓯᕐᓂ ᐅᖃᓪᓚᒍᓐᓇᕐᓂᕐᒥᒃ ᐅᒃᐱᕆᔭᒥᖕᓂᒡᓗ ᐅᒃᐱᕐᓂᓕᕆᓂᕐᒥᒃ.
• ᑎᑎᕋᖅᓯᒪᓂᓕᒃ 34 ᒪᒃᑯᒃᑐᓕᒫᑦ ᐱᔪᓐᓇᕐᓂᖃᖅᐳᑦ ᐱᓂᕐᓗᒃᑕᐅᔭᕆᐊᖃᙱᓐᓂᕐᒥᒃ ᑎᒥᒃᑯᓪᓗ ᐋᓐᓂᖅᑎᖅᑕᐅᙱᓐᓂᕐᒥᒃ.
• ᑎᑎᕋᖅᓯᒪᓂᓕᒃ 42 ᒪᒃᑯᒃᑐᓕᒫᑦ ᖃᐅᔨᒪᓂᖃᕈᓐᓇᖅᑐᑦ ᐱᔪᓐᓇᐅᑎᖏᓐᓂᒃ.
 
ᑎᒍᒥᐊᖅᑎᐅᓪᓗᓯ ᐱᔪᓐᓇᐅᑎᓂᒃ, ᒪᒃᑯᒃᑐᑦᑕᐅᖅ ᑲᒪᒋᔭᒃᓴᖃᖅᑐᑦ. ᑎᑎᕋᖅᓯᒪᓂᓖᑦ 28 ᐊᒻᒪ 29, ᐱᔪᒥᓴᐃᔪᖅ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ ᐃᓕᓐᓂᐊᕐᓂᕐᒧᑦ, ᖃᔅᓯᑲᓪᓚᖕᓂᓗ ᑲᒪᒋᔭᒃᓴᖏᓐᓂᒃ ᒪᒃᑯᒃᑑᑉ ᖃᑕᙳᑎᖏᓐᓄᓪᓗ ᐃᓚᒋᓪᓗᒍ ᐃᓕᓐᓂᐊᕆᐊᖃᑦᑕᕋᓗᐊᕐᒪᖔᑦ ᐊᒻᒪ ᐃᓕᓐᓂᐊᕐᓇᐅᙱᑎᓪᓗᒍ ᐱᐊᓂᒋᐊᖃᖅᑕᖏᓐᓂᒃ ᐱᐊᓂᒃᓯᖃᑦᑕᕋᓗᐊᕐᒪᖔᑦ.
 
ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑦ ᑎᑎᕋᕐᕕᐊ ᐃᓛᒃᑰᖓᕗᑦ ᑖᒃᑯᐊᓗ ᓄᓇᕗᑦ ᒐᕙᒪᒃᑯᖏᓐᓂᑦ ᐃᑲᔪᖅᑐᖅᑕᐅᒐᓗᐊᕆᐊᒃᓴᖏᓐᓂᑦ ᓴᐳᔾᔭᐅᒐᓗᐊᕆᐊᒃᓴᖏᓐᓂᒃ ᐃᓱᒪᒋᔭᐅᑦᑎᐊᕋᓗᐊᕆᐊᒃᓴᖏᓪᓗ ᒪᒃᑯᒃᑐᓂ ᓄᓇᕗᒻᒥᐅᓂ. ᐊᐱᖅᑯᑎᒃᓴᖃᕈᕕᑦ 2019−ᒥ ᐅᓂᒃᑳᓯ, ᓂᐱᓯ ᓵᓚᒃᓴᕋᓲᑕᐅᓂᖓᓄᑦ; ᓄᑕᖅᑲᑦ ᐱᔪᓐᓇᐅᑎᖏᓐᓄᑦ; ᐱᓕᕆᓂᕆᔭᐅᕙᒃᑐᓂ ᑎᑎᕋᕐᕕᑦᑎᓐᓂ; ᐅᕝᕙᓘᓐᓃᑦ ᐃᓱᒫᓘᑎᖃᕈᕕᑦ ᒪᒃᑯᑦᑐᒥ ᐃᑲᔪᖅᓱᖅᑕᐅᓂᖏᓐᓂᒡᓗ ᓄᓇᕗᑦ ᒐᕙᒪᖓᓂ, ᖃᐅᔨᒋᐊᖃᑦᑕᖁᕙᑦᑎᒋᑦ ᑎᑎᕋᕐᕕᑦᑎᓐᓄᑦ ᒪᐅᓇ:
• ᐅᖄᓚᐅᑎᒃᑯᑦ 1-855-449-8118 (ᐊᑭᖃᙱᑦᑐᖅ) ᐅᕝᕙᓘᓐᓃᑦ 867-975-5090 (ᐃᖃᓗᖕᓂ)
• ᐃᕐᖐᓐᓈᖅᑕᐅᒃᑯᑦ contact@rcynu.ca, ᐅᕝᕙᓘᓐᓃᑦ
• ᑎᑎᖅᑲᓕᐅᕐᓗᑎᑦ 1-855-449-8118