Ukiuq tamaat Nutaranun Pilaarutini Akittaquti Turaangajuq uvani Nutaraup Pilaarutainni Iliharutikhanun Aullaqtiqtuq Ublumi


Tuhaqtitaujukhaq
Tuhaqtitauhainnaqtukhaq

Ukiuq tamaat Nutaranun Pilaarutini Akittaquti Turaangajuq uvani Nutaraup Pilaarutainni Iliharutikhanun Aullaqtiqtuq Ublumi

Iqaluit, NU — Una hitamaujuq ukiuq tamaat Unipkaarijat, Nipigijat akittaquti pipkaqtitaujuq Nutaqqanut Inulramirnullu Uqaqtikhaanik Havagvianin (RCYO) aullaqtiqtuq ublumi.

"Akittaquti angmaqhimajuq tamainnin ilihalihaaliqtunun talvunga puqtujunun 12mun Nunavunmi iliharvini. “Akittaqutini tujuqtaujun pivaktavun qaangiqhimajuni pingahuni ukiuni tujuqtauvaktun tamaanin nunaptiknin. Taapkuat ihumadjutipkaivaktun piliuqtauttiarhimajullu,” uqaqtuq Sherry McNeil-Mulak,Nutaqqanut Inulramirnullu Uqaqtikhaanik havakti . “Una ilitturipkaqtitaavut akittaquti piujuq ilihaqtun ilihaijillu tamaita nakuugijaa. Niriukpiaqtunga takujaami uuktuutinik tujuqtauniaqtut uumani ukiumi.”

Una Unipkaarijat, Nipigijat tunijait ilihaqtun pivikhamik ilitturijaami pilaarutimiknik tuninikkullu unipkaamiknik ihumagijamikniklu mighaagun hapkunani pilaarutini. Iliharviit akhuuqhaqtaujut havaqatigiiklutik piliuriami atauttikkuuqtumik hanaujamik, imaakiaq nivingaqtaujukhamik hanaujaqhimajumik, taamna tautungnarniqaqtuq ihumagijamiknik, ilikkuuqtunik imaalu/imaaluunniit atauttikkut uumani akittaqutim qanurinningani. Qanunginninga uumani ukiup aktittaqutingani unaujuq nutaraup pilaarutaa iliharnirnun — Article 28, 29lu uvani Nunarjuami Katimaviani Katimaqjuarutainni ukunani Pilaarutainni Nutaraup.

“Taimaatun tamaita pilaarutit aajikkiiktumik anginiqaqtun, havakvikput angiqhimajuq nutarup pilaarutaa iliharnirnun nakuujuq pihimajuq uumani ukiup akittaqutaanun, taimaittuni tadja havaktauliqtumi ihivriuqnikkut una Nunavunmi Iliharnikkut Maligaq,” uqaqtuq says McNeil-Mulak.

Tamaita uukturutin uumani ukiumi Unipkaarijat, Nipigijat tujuqtaujukhaq qaangiqtinnagu 5 pm MST uvani November 9, 2018. Pingahun akimajun iliharvit piniaqtut taktakhamik, ihumaliuqtauniaqtuq iliharvikmin RCYO-kunninlu, aktilaarutiqaqtuq $500mik. Akimajun akittaqutimi tuhaqtitauniaqtun November 20, 2018mi, Kanadami Nutaqqanun Ubluani. Kanadami Nutaqqanun Ublua ukiuq tamaat ilitarijaudjuti aliahuutigiplugin Kanadaup sainiutaani Nunarjuami Katimaviani Katimaqjuarutainni ukunani Pilaarutainni Nutaraup nutaqqanilu pilaarutainnik.

Akittaqutini maliktakhat, uuktuqvikhani qanurittuni, iliharvikni aturutikhat hulidjutikhallu tujuqtauhimajun tamainnun Nunavunmi iliharviknun hailihimajullu uvani www.rcynu.ca. Aallanik ilitturipkaidjutikhanik akittaqutimi, nutaraup pilaarutainni, havakpaktainnilu RCYO, tamaita Nunavunmiut akhuuqhaqtaujun uqaqatigiqpiaqlugit RCYO-kut, akiittumi uvani 1-855-449-8118 Iqalungniluunniit uvani 975-5090.

Aallanik ilitturipkaidjutikhanik:
Kim Foster
Atanngujaq Tuhaumapkaidjutinun Inungnunlu Qaujihimapkainikkun
1-855-449-8118 (toll free) | 867-975-5091 | kfoster@rcynu.ca