Ihivriuqninngit Akhuraaluk Aaniqtauyut Tuqutauyullu


Una pinahuarut aulapkaingittuq uuminnga Titiraqhimaninnga 4(1)(b) uumannga Nutaqqanut Inulramirnullu Uqaqtikhaanik Maliganga (RCYA) atuqtaungittuq huli.

Nunavunmi, hivitujut aaniqtut inuulrammiujut inmikkut ihivriuqtaungittut unalu tuqujut inuulrammiinik ihivriuqtaujut uumannga Havagvik uumannga Atan’ngujaujuq Ihivriuqtiujuq Tuqungajunik tuqutkumi nunavunmi, ihumaliuriami kinaujaakhaa tuqujuq, qanuqtut, qanga, humilu qanuqtullu tuquttuq.

Talvannga una titiraqhimaninnga uumannga RCYA atuliqtitauliqqat, Ihivriurutit Hivitujunik Aaniqtunik tuqutkumiluuniit pinahurutingit ihivriuqtauniaqtait qanurittaakhaanik pijuq hivitujumik aaniqtiqtaujuq tuqugumiluuniit inuulrammiujut, ihumaliuriami pijut ikajuutikhamingnik piinariaqaqtainnik taimaalu hapkuat ikajuutinik pigumitku ihariagijamingnik.
 
Ihivriuruirumik, havagvikput piliunginnarialik pitqujanginnik naunairiami kiuttaarnirmik uumannga munarijukhaq havagviujut unalu/unaluuniit piliuriami pitqujainnik ihuaqhainiq maligakhanut, maliktakhangit, qanuriliurutikhanik, pinahuarutit, unalu ikajuutinik pinahuarutikhanik pittailinahuariami aadjikutaanik aanirutinik tuqutkumiluuniit inuulrammiinik pittailigiami hivunirmi.