Tikiutinahuaqtavut, Tautuktuuyaaqtavut Maliktakhavullu


Tikinnahuaqtavut

Inmikkuuqtugut nutaqqat inuulrammiinut ikayuqtiuyut havakvik taimaa naunairiami Nunavut Kavamatkut ikayuqtut hapummiqtaallu pilaarutingit piumayanginniklu inuulrammiit Nunavunmiutat.

Tautuktuuyaaqtavut

Tamaita nutaqqat inuulrammiillu ilihimayangit pittaarningit, ilumuurutigiplugu kinauyaakhaanik ihumagiullu ikayuqtauyut piquyauyullu uqariamikni qanuqtut ihumagiyanginnik hunavaluknik ayurhautipkaiyaanginnik.

Piyakhavut

Havakvivut inmikkuuqtuq Nunavut Kavamatkunnit. Uqaqpaktugut Nunavuutim Maligaliurvianut Tamna Havakvinganut Nutaqqanut Inuulramiinullu naunaiqtitaa Havakviup havaangit piyunnautinginniklu. Hapkunanik piqaqtuq:

  • hapummilugit pilaarutingit aliagiyanginniklu inuulrammiit Nunavunmiutat – inmikkuuqtumik amigaittumikluuniit
  • naunaiyaqlugu kavamatkunni havakvingit tuhaayait ihumagillugillu inuulrammiuyut Nunavunmiutat qanuqtut ihumagiyanginnik ihumaalutinik ayurhaqtipkaidjutigiyainnik
  • naunaiqlugu inuulrammiit piinarialaqihimayakhait kavamatkunni havakvingit ikayuutinginnik
  • atuliqtitauliqlugu kangirhiniq ikayuqtiuyuni inuulrammiini ilanginnilu
  • naunaipkailuni inuulrammiit pilaarutingit havakviptalu havaanginnik
  • piyakhaliuqlugit kavamatkut havakvinginni ukunuuna nutaramut piyut maliktakhat, maligat, ilihaidjutit ikayuutikhallu