2016 Unipkaat, Nipit Akimanahuarut


Nunavut Uqaqtittiata Nutaqqanut Inulraminullu havagviat tuhaqtittiumayut haqqititamingnik 2016 Unipkaarnut Nipiinmik. 

Aularutihimayaqqut una akimanahuarun 2015 inulraminut – ilihimayaangini Nunalimaami Nutaqqat Ubluannik, nutaqqat pijunnautait havagvikpullu. Nunalimaami Nutaqqat ubluat ilitarimayauyuq nunaryuami ukiuq tamaat November 20-mi itqaumaplugu Nunaryuami Katimayiit Angirut Pijunnautitigut Nutaqqat.

2016-mi, ahiit akimanahuaruntiqaliqtugut inulraminut Nunavunmiunut. Kihimi, tuhaqtavut iliharvinit aturlugit, ukiuq piniaqtugut aallanngavyaktumik. 2016-mi, atuni titigaqtittihimaittumik, tuhiqtugut ilihaqatigiit titigauyainnik naigyunik piksaliuganik ukkuanuluunniit qaliqtakhanik, nutaqqat ilihaqatigiit havaqatigiigiangini!

Pitjutauyuq 2016-mi

2016-mi, pitjutigiyaqqut Unipkaat, Nipiitnutaqqat pijunnautaat ilaunirmut. Pijunnaut ilaummariktuq Nunaryuami Katimayiit Angirut Pijunnautitigut Nutaqqanut. Imaittuq, Angirutip auyaurutigiyaa: nutaqqat pijunnautiqaqtut ihumagiyamingnik tuhaqtittittaqhutik ihumaliurutinut aktumayunik inmingnut. Uqanngittuq nutaqat atanniqtuiyut ihumaliurutinik. Uqaqtuq nutaqqat ihumagiyait ihumagiyauyukhauyut uqumainniqarmata ihumaliurnirmut.

Kaffinuat iluliit nakatait Angirutip turangayut pijunnautainnut ilaunirmut, nakatat 12 13-lu. Nakataq 12 uqarhimayuq nutaqqat pijunnautiqaqtut tuhaqtittinirmut ihumagiyamingnik inirniillu nalaktukhauyut. Nakataq 13 uqarhimayuq nutaqqat pijunnautiqaqtut tuhaqtittinirmik qanurliqaak aturumayamingnik – titigarnikkut, titigauyarnikkut, uqarnikulluuniit – aannirutaunngitpat pimmarikhaanngitpaluuniit aallanut.

Akimanahuarunmut Maliguagat           

1.    Angmarniaqtuq October 17, 2016 umigluni 5 mungaqqat UTC (Ualiniup Ublurhiutaagut) November 4, 2016-mi.

2.    Angmauayuq ilihaqatigiinut Nunavut iliharviinni ilihalihaanut gurit 12-mut.

3.    Atauhiinnarmik tunihittaqtut ilihaqatigiit.

4.    Titiqqiqinirmut, ilihaiyi tunihiyukhaq akimanahuarutaannik ilihaiyaata.

5.    Ukturautit igluap haniraanut angiyuuluni piksaliugauluni uvvaluuniit ukkuarmut qaliqtakhauluni takuhiuriumik nutaqqat pijunnautaannik ilaunirmut. Ilitturyumirumaguvit uminga pijunnautikkut, taigurlugit kangiqhiajutikhat tuniyauhimayut. Pinahuarniat inmikkuurniat qanurlu nalaumayumik takuhiriyakhaita nutaqqat pikunnautaannik ilaunirmut ihumakhakhiurutauniaqtut.

6.    Ilihaqatigiit tuyuqtukhauyut qaritauyakkut piksainnik uktuutimingnik (JPG-nik PNG-nigluuniit) RCY havagviannut uvani: contact@rcynu.ca.

7.    Ukturautinut ukua ilauyukhat:

  • Nunaliup atia
  • Iliharviup atia
  • Ilihaiyip atia
  • Atiit tamaita ilihaqtut ilauyut
  • Ilihaqatigiit guringat
  • Ilihaiyiup talafuuta qaritauyakkullu titigarvia

8.    RCYkut niruaqqata ukturaunmik akimayumik, apiriniaqtaqqut ilihaiyi atiliuqulugu tunihinirmik nanminiqalirnirmut havagviptingnut.

9.    Ukturautit qaritauyakkut tuyuqtauyukhat RCY havagviannut 5 mungaqtinagu UTC (Ualiniup Ublurhiutaagut) Nov. 4, 2016-mi. Havagvipta qaritauyakkut titigarvia: contact@rcynu.ca.

Akimaniq Taktakhallu

Havagvikput tuhaqtittiniaqtuq akimayunik November 18, 2016-mi – Nunalimaami Nutaqqat Ubluat Unguiqhiviungmat umani ukiumi. Aittuiniaqtugut atauhirmik taktamik ukununga. Atuni aikimayut ilihaqatigiit tuniyauniaqtuq taktamik akilingmik $500-mut ihumaliurutiginiaqtaat ilihaqatigiit RCY-kullu havagviata.

  • Ilihalihaanit Gurit3-mut – ilihaqatigiinut taktaq $500-mut
  • Gurit 4-mit Gurit 7-mut – ilihaqatigiinut taktaq $500-mut
  • Gurit 8-mit Gurit 12-mut – ilihaqatigiinut taktaq $500-mut

Apirhuutikhat?

Apirhuutikhaqaruvit, apirhittailinngillutit hivayarluta 1-855-449-8118 (akiittuq) 867-975-5090 (Iqalungni) qaritauyakkut titigarvigiluta uvani contact@rcynu.ca.