Qanuqtut Ilaupkakpaktavut Innautivut


Havakvikput quviagiyaa havaangit Inirniriit piqaqtut naunaipkaigiamikni inuulrammiinik inuugiamiknik. Inirniriit tunivaktut ikayuutauqpiaqtumik ililhimayanginnik qanuqtutlu ihumagiyamiknik piyuq inuuhimayanganik pitquhiqmullu ilihainiq. Nipingit ihariagiyauqpiaqtuq havaaptiknut.

Taimaatut, havakvikput pihimayuq nutaaq titiraqhimayumik atiinnik Avikturhimayumi Inirniriit Uqaqhutik Ikayuqtiuyunik. Hapkuat ikayuqtiuyut pimmarikpiaqtumik ihumagiyauyut nunamikni ihumagiyauyullu ayuitpiaqhimayut inuit pitquhinginni uumanilu nuatqatigiiknikkut ukpiriyain. Ihumagilluaqtaallu qangaraaluknitat inuinnait ilihimayangit piyakhaq ihuarhigiami ilihaidjutinginnik ikayuutikhanginniklu nutaqqanut inuulrammiinullu.

Avikturhimayumi Inirniriit Uqaqhutik Ikayuqtiuyunik havaqatigiyaatigut qanuqtut. Hapkuninnga piyut:

 
  • ikayuqluta qaniqtumik ihuarhainahuarnikkut
  • uqautiluta inuup ikayuutikhaanut
  • uqaqluta tamainni ihivriuqninnganik
  • naunaiqluni havakvikput piyut Inuit nuatqatigiiknikkut ukpiriyain nanmininnganut havaanginnut

Ilaani, havakvikput pitquniaqtuq niruaqtukhanik Inirniriit Uqaqhutik Ikayuqtikhanginnik. Takulugu qaritauyakkut pulaarvikput qakunnguraikpat nutaanguqtiqhimayunik takugiaqni.

Unalu, havaktivut piyut katimaqataigiamikni Inirniriinut ilaukmat havaakhavut pulaaqluni aadlanut nunallaanut. Hapkuat katimadjutit pipkaidjutaukmat havakvikput naunaipkaigiami havaavut naalagiaptiknilu ayuirhariaptiknilu Inirniriinnit.