Angayuqqaat Apirhuutigiinaqtangit


Angayuqqaat ilangillu ilaani apirhuutiqaqpaktut nutarap pilaarutinginnik. Ilihimangitkumik nutarap pilaarutinginnik. Ihumaalukniaqmata nutarap pilaarutingit ayurhautipkainiaqtuq nutaqqamiknut qanuqtut piliuqtuq.Ihumanga nutarap pilaarutinga nutaanguyuq amihunut inuknut hapkuatlu ihumaalutigiyauyut kangirhinnaqtut. Una naittuq titiraqhimayut kiudjutigiyauyuq amihunut apirhuutigiyaunginnaqtuq tuhaavaktavut angayuqqaanit.

Hunaukmata nutarap pilaarutingit?

Nutarap pilaarutingit hunavaluit tamaita nutaqqat piqaqtukhat pittaaqtaminikluuniit inuugiamikni inminik ihumagittiarumi nakuuyumiklu pigumi. Nutaqqat pilaarutingit hapkuninnga piqaqtut:

  • nirigumi nakuutqianik niqinik
  • igluqarumi irhingittumik, ihumaalungittumik, qayangnaittumik
  • inuugumi ningaqhiqhimaittumik, angayuqqaangit ningaqhimaittumik angikligumi
  • pitquhimiknik aturumigit
  • munariyauyukhaq, taavungaraaluk, angayuqqaaminit
  • niplirumi hunavaluknik ihumagiyaminik inirniitlu naalakkumik

Naunairyuumirumaguvit, takulugu una kangirhinnaqtumik titiraqhimayuq uumannga Nunaryuami Katimayiit Katimayut Pilaarutinginnut Nutaqqat. Naunaiqtitaa nutaqqat pilaarutingit amihut nunagiyauyuni tamainni nunaryuaptikni angiqtaat. Naunaiqtitaalu kavamatkut ilagiiktullu hulidjutikhangit ikayuriamikni nutaqqat pilaarutinginnik.

Qanuqtut nutarap pilaarutinga ayurhautipkaiyaa nutaqqiqiriamni naunaiqlugulu nakuutqiamut nutaraqma?

Nutaqqap pilaarutingit nakuuqpiaqtumik pipkaidjutittaaqtaatit pittaarninnganut nutaqqiqininnganut nutarat. Ilihimalugu nutaqqap pilaarutinga pipkaidjutittaaqtuq nutaraqnut iliknullu. Ikayuqtaaqtaatit ikayuriami kavamatkut amihunik ikayuutikhanik ilihaidjutikhaniklu ikayuriami ilagiiktunut. Taimaatut piyuq Katimayut inmat ilagiiktunut titiraq. Ikayuqtut havaangit angayuqqaangit piqaqtut nutaqqiqigiamikni nutaqqangit. Ilitariyaalu kavamatkut ikayuqtukhat ilagiiktut ayurhalirumik.

Nutarara uqamaluktumik kiuniaqqa ayuirharumi nutarap pilaarutinganik inminik naunaipkaigiami qanurittaakhaanik?

Nutaraq uqamaluktumik kiukpat, atuinnariaqaqtat ayuirhaidjutikhamik. Ikayuqtaaqtat nutarat uqarumi qanuqtut ihumagiyanganik. Kihimi naunaiqtaaqtat inuup pilaarutinganik ilaliutihimayuq pittiaqtumik pilugit aadlat inuit. Naunaiqlugu una ikayuutauyuq uqaruvit nutaraqnut pittiaqtumik pigiamikni.

Nutarara atuqtaaqqa pilaarutinganik piumayaminik pigiami?

Irnit akhuuqniaqtuq nungulaamik piumagumi, qin’ngiraluaqhutit. Paniit ikayurumahuiqniaqtuq ikayuqtukhaugaluamik uqarumi pilaarutilik ulapqiumagumi, tadja. Una ayuirhaudjuutigiyuqlu. Naunairiami aadlautinga piumayaminik pilaarutiugumiluuniit. Naunaiqtaaqtat pilaarutit hunavaluit nutaqqat piyakhangit. Hunavaluit ikayuqtut tamainnut nutaqqanut nakuuyumik pigiamikni. Kihimi piumayangit pilaarutaungittut. Ihariagiyaungittut nakuuyumik pigiamikni angikliyuumiriamilu. Naunaiqtaaqtatlu ilvit, angayuqqaangugavit, munariyakhatit nutaqqatit nakuuyumik nakurudjutinganik.Itqaumalugu nutaqqat pilaarutingit ingittuq ninngaktittinahuarniqmik angayuqqaat nutaqqangillu! Nutaqqat pilaarutingit uqariamiknik inmikmik ikayuutauniaqtuq ilamiknut. Iliuraittaaqtuq aadlatqiiktumik nakuuqpiaqtumiklu qanuqtut ihumagiyamiknik.

Qanuqtut ikayurniaqqigu nutarap pilaarutinganik?

Ilagiiktut ikayuqtaaqtut nutaramiknik pilaarutinganik angikliyuumirumiuk inminik kangirhidjutinganik. Ilihimaguvit nutarat pilaarutinginnik, ikayuqtaaqtat ikayuriami hapkuat pilaarutinik. Uqaqatigilugu havakvikput naunairyuumirumaguvit. Hamani ittugut kiugiaptikni apirhuutiknik!