Havaktiuyuq Nutaqqanut Inuulramiinullu Maligaq


Nunavuutim Havaktiuyuq Nutaqqanut Inuulramiinullu Maligaq pipkaidjutigiyaa havakvipta havaangit piyunnautingillu, hapkuatlu kavamatkunni havakvingit piyakhangit ikayuriami Maliganganut. Tamna RCY Maliganga naunaiyaqtaalu amigaitpallaangittumik akhuurutauyut ilumuurutauyut naunaiyaqtitaa havaavut. Atuliqtitauvaktavut hapkuat ilumuurutit tamainnut hulilukaaqtaptiknut. Hapkuat ilumuurutiuyut:

  • ihumaliurniq hulidjutingillu ayurhautigiyuq inuulramiinut aadjikutariyakhaa nakuutqiamiknut aliagiyanginnik
  • pitquhiq ilitquhiqlu hakugiktitauvagait inuulramiit ilangillu hakugikninngit
  • ihumaliurutit piyangillu ilaliutiyuq inuulramiit inuit nakuuyumik piyakhangit inuit pitquhinginnik
  • Ilagiiktut pidjutigilluaqtauyut munariniqmut naunaiyainiqmullu nutaqqanut inuulramiinullu
  • piqatigiikniq inuulrammiinut ilamiknullu nakuuyumik piyakhaq unalu, pittaaqqat, ikayuqtauyut hakugiktitauyukhallu
  • pittaaqqat, ilagiiktut ilaliutiyukhat ikayuqlunilu ihumaliuqtamiknik piyangillu ayurhautigiyauyut nutaqqamiknut
  • ikayuqlutik nakuuyumiklu piluni atuqtauyukhaugaluaq ihuarhiliraigumi ihumaalutigiyauyut ayurhautiyut nutaqqanut inuulammiinullu