Hunat Hivunighaliurutikhavut


Ikittut hivunighaliurutigivaktavut pivaktaptingnut qanuqlu pivaktaptingnut. Taimaa uqarumavaktugut ukuat pivaktavut hivunighaliurutigivaktavut. 

Havaktiuyuq Nutaqqanut Inuulramiinullu Maligaq

Nunavunmi Nutaqqanut Inulramminullu Maligaq maligaliuqhimayuq havagvinikyuutigihimayakkut. Qaangiktitauhimayuq 2013-mi. Uumani Maligaqmi naunaikhimayait pittaaqtavut pilimaitavullu. Naunaikhimayait havaariyakhaptingnik hunallu Nunavut Kavamangata piyakhait ikayuutigilugit havakpaktaptingnut.

United Nations-kut Angirutaa Pilaarutinut Nutaqqanut

United Nations-kut Angirutaa Pilaarutinut Nutaqqanut (1989) naunaikhimayait pilaarutikhait nutaqqanut nunakyuami. Uqaqhimayillu hunat kavamatkut ilagiiktullu piyakhait ikayuutigilugit nutaqqanut pilaarutikhainut. Kanataup sainiqhimayaat una Angirutaa 1991-mi. Uvva nutaqqanut ayurnaittuq atuqtakhaat Angirutimut.

Inuit Hivulliurutiit Ukpiriyauyut

Inuit hivulliurutiit ukpiriyauyut ikayuutikhait Nunavunmiutat qanuq nuatqatigiigutikhatik nunamullu. Havakvikput ihumagiyatit atutauyakhat ukpiriyauyut. Atuqpaktavut 8-nik hivunighaliurutikhanik havakpaktaptingnut. Ukuat hivunighaliurutikhat hivullikmik atuqtauhimayut Nunavut Kavamanganit. Naqitlugu hamani kangiqhiyuumilugu.

Nipit!

Ikayuutigivaktakkut “nipiit nutaqqanit.” Ilihimayugut inulrammiit ikayuqtaaktut ihumaliurutikhanut pidjutikhainut taimaalu kavamatkut ihumagiyakhait inulrammiit uqaqtainut inmiknut pidjutauyunut. Havagviptingni, kangiqhidjutaa inulrammiit ikayuqpaktut havaktaptingnut – qanuqlikaak uqaqhutik uvaptingnut inmikkut pidjutimingnut, pidjutauyunulluunniit aallanut inulramminut. Havagvikput naalakpagait nipiit inulrammiit havakpaktaptingnut inulramminut uqaudjiyiuyunut havaakhamut.

CCCYA Kanatami Ikayuutikhanut Atuqpagait

Canadian Council of Child and Youth Advocates’-kut (CCCYA) nunami ikayuutikhanut atuqpagait hivunighaliurutigivaktavut havagviptingni. Ukuat atuqtauvaktut ikayuutauvaktut ihuaqtumik ikayuutikhanut havaktakhainut.

CCCYA-kut katimayiit ikayuqpaktunut nunanit avikturviinnit Kanatami. Ikayuqtiuyut havaqatigiikpaktut aadjikkiiktunut pidjutauvaktunut. Havagvikput ilagiliktaat CCCYA-kut 2014-mi.