2017 ᐸᖕᓂᖅᑑᖅ ᕿᑭᖅᑕᕐᔪᐊᕐᓗ ᓄᓇᓕᖏᓐᓄᑦ ᐅᐸᒍᑎᓂᖅ v


ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ, ᓯᐅᕆ ᒪᒃᓂᐅᓪ−ᒧᓚᒃ ᑭᒡᒐᖅᑐᐃᔨᒻᒪᕆᖕᒥᒃᓗ, ᐋᓐᑐᕉ ᓄᓇᔾ, ᐅᐸᒍᑎᓪᓗᑎᒃ ᓄᓇᓕᖏᓐᓄᑦ ᐸᖕᓂᖅᑑᖅ ᐊᒻᒪ ᕿᑭᖅᑕᕐᔪᐊᖅ ᒫᑦᓯᒥ 27- ᐊᐃᕆᓕᒧᑦ 1, 2017. ᐅᐸᒍᑎᓯᒪᑎᓪᓗᒋᒃ, ᓯᐅᕆ ᐊᒻᒪ ᐋᓐᑐᕉ ᐱᕕᖃᓚᐅᖅᑐᒃ ᑲᑎᖃᑎᖃᕐᓂᕐᒥ ᓄᓇᓕᖕᒥ ᐱᔨᑦᑎᕋᖅᑎᑦ ᐱᑎᑦᑎᔨᖏᓐᓂ ᓲᕐᓗ Hᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂ, ᐃᓕᓴᐃᔨᓂᒃ, ᐃᓕᓴᐃᔨᑦ ᐊᖓᔪᖅᑳᖏᓐᓂᒃ, ᐋᓐᓂᐊᕕᖕᒥ ᐃᓱᒪᓕᕆᔨᒃᑯᓪᓗ ᐃᖅᑲᓇᐃᔭᖅᑎᖏᓐᓂ, ᐃᓄᓕᕆᔨᒃᑯᓐᓂ ᐸᓖᓯᒃᑯᓐᓂᓗ. ᐱᓗᐊᖅᑐᒥᒃᓕ, ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓᑕ ᐃᖅᑲᓇᐃᔭᖅᑎᖏᑦ ᐅᐸᒍᑎᓪᓗᑎᒃ ᐃᓕᓐᓂᐊᖅᑎᓄᑦ ᐊᑕᐅᓯᐅᑦᑕᕐᖢᒋᑦ ᐃᓕᓐᓂᐊᕐᕖᑦ ᐅᖃᖃᑎᖃᕆᐊᖅᑐᕐᖢᑎᒃ ᐃᖅᑲᓇᐃᔮᖏᓐᓂ ᑲᒪᒋᔭᕆᐊᖃᖅᑕᖏᓐᓂᒃᓗ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓᑕ, ᐱᒻᒪᕆᐅᓂᖓᓂᒃᓗ ᒪᒃᑯᒃᑐᑦ ᐱᔪᓐᓇᐅᑎᖏᑕ. ᑕᑯᒃᓴᐅᓛᖑᖃᑕᐅᓚᐅᖅᑐᖅ ᐊᐅᓪᓚᕐᓂᕐᒥ, ᑲᑎᖃᑎᖃᕐᓂᖅ ᒪᒃᑯᑐᓂᒃ ᐲᑦᓴᑐᕐᓇᐅᑉ ᐅᓐᓄᖓᓂ ᓄᓇᓕᖓᑕ ᒪᒃᑯᒃᑐᒃᑯᕕᖓᓂ ᐸᖕᓂᖅᑑᒥ − ᑖᓐᓇ ᐊᑐᖅᑕᐅᓚᐅᖅᑐᖅ ᐃᓚᐅᑎᑦᑎᒋᓪᓗᓂ ᓄᓇᓕᖕᓂ ᐊᑭᓕᖅᓱᖅᑕᐅᙱᖦᖢᑎᒃ ᐱᓕᕆᔨᓂᒃ, ᐃᓕᓴᐃᔨᓂᒃ ᐸᓕᓯᒃᑯᓐᓂᓗ. ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓ ᖁᔭᓐᓇᒦᕈᒪᔪᑦ ᑕᒪᐃᓐᓂᒃ ᐱᕕᖃᓚᐅᖅᑐᓂᒃ ᓈᓚᖕᓂᕐᒥ ᐊᐱᕆᑲᑕᒃᖢᑎᒃᓗ, ᑐᑭᓯᓇᓱᒃᖢᑎᒃ ᖃᓄᐃᓕᐅᖃᑦᑕᕐᒪᖔᑕ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓ, ᐃᓕᑦᑎᓇᓱᒃᖢᑎᒃᓗ ᒪᒃᑯᒃᑐᑦ ᐱᔪᓐᓇᐅᑎᖏᓐᓂ. ᓯᐅᕆ ᐊᒻᒪ ᐋᓐᑐᕉ ᐅᑎᓚᐅᕐᒥᔫᒃ ᑎᑎᕋᕐᕕᖕᒧᑦ ᐱᓪᓗᑎᒃ ᐅᓄᖅᑐᓂᒃ ᐊᑑᑎᓕᒻᒪᕆᖕᓂ ᓄᓇᓕᖕᒥ ᐃᒪᐃᖁᔭᐅᔪᓂᒃ, ᑐᓴᖃᑎᒌᒍᑎᒋᑲᐅᑎᒋᓚᐅᖅᑕᖏᑦ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓ ᐱᓕᕆᖃᑎᒌᖏᓐᓄᑦ!