ᑰᓪᐱ ᐅᑕᓄ, ᒪᒃᑯᒃᑐᓄᑦ ᑭᒡᒐᖅᑐᐃᔨᓕᕆᔨᒻᒪᕆᒃ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᑎᑎᕋᕐᕕᖓᓂ (RCYO), ᑎᑭᖦᖢᓂ ᐃᒃᐱᐊᕐᔪᖕᒧᑦ ᒫᑦᓯ 2017−ᒥ, ᐱᕕᖃᕐᖢᓂ ᑲᑎᖃᑎᖃᕐᓂᕐᒥ ᐅᓄᖅᑐᓂᒃ ᐃᓄᑦᑎᐊᕙᐅᑎᓂᒃ, ᐃᓚᐅᓪᓗᑎᒃ ᐃᓚᖏᑦ ᐋᓐᓂᐊᕕᖕᒥ ᐱᓕᕆᔨᒻᒪᕆᑦ ᐊᑯᓂᐅᔪᒃᑯᑦ ᓄᓇᓕᖕᓃᖃᑕᐅᓯᒪᔪᓂᒃ ᐊᕐᕌᒍᒐᓴᖕᓄᑦ. ᐊᑐᕐᓂᑯᖏᑦ ᖃᐅᔨᒪᓂᖏᓪᓗ ᓄᓇᓕᖕᒥ ᓯᕗᕋᐃᓪᓗᑎᒃ ᑰᓪᐱᐅᑉ ᑲᑎᖃᑎᒋᔭᖏᓐᓂ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑕᐃᑲᓃᑎᓪᓗᒍ. ᑰᓪᐱ ᓴᖅᑭᑎᑦᑎᒋᓪᓗᓂ ᐃᓅᔭᖅ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᖏᓐᓄᑦ ᐱᓪᓗᒍ ᓄᑕᖅᑲᑦ ᒪᒃᑯᒃᑐᓪᓗ ᐱᔪᓐᓇᐅᑎᖏᑦ ᖁᔭᓕᑦᑎᐊᕐᖢᓂᓗ ᐃᑲᔪᖅᓱᖅᑕᐅᑦᑎᐊᕐᓂᕐᒥᓂᒃ ᕌᐱᓐ ᖃᐅᓇᖅᒧᑦ, ᖁᑦᑎᖕᓂᖅᓴᒥ ᐃᓕᓐᓂᐊᖅᑎ ᐱᑎᑦᑎᓪᓗᓂ ᑐᑭᓕᐅᕆᓂᕐᒥ ᐱᔨᑦᑎᕋᐅᑎᖏᓐᓂ ᐃᓄᒃᑎᑐᑦ. ᑰᓪᐱ ᓄᓇᓕᖕᒧᑦ ᐳᓛᕐᓂᖓ ᐃᒃᐱᐊᕐᔪᒃᒥ ᐃᓱᓕᖦᖢᓂ ᑲᑎᖃᑎᖃᕐᓂᕐᒥ ᐃᓚᒋᔭᐅᔪᒥᒃ ᒪᓕᒐᓕᐅᕐᕕᖕᒥ ᓄᓇᕗᒻᒥ; ᐊᐃᓴᒃ ᓲᔪᒃ ᑐᓴᖅᑎᑦᑎᓪᓗᓂ ᑕᐅᑐᙳᐊᖅᑕᒥᓂᒃ ᑐᑭᒧᐊᕈᑎᒃᓴᖓᓄᑦ ᓄᓇᕗᒻᒥ ᓂᕿᐅᒋᔭᖏᓐᓄᓪᓗ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ.
ᖃᐅᓱᐃᑦᑐᒥ, ᑰᓪᐱ ᐊᓕᐊᓇᐃᒍᓱᓚᐅᖅᑐᖅ ᐃᓚᐅᖃᑕᐅᔪᓐᓇᕐᓂᕐᒥᓂᒃ ᖃᕐᒪᕐᑕᓕᒃ ᐃᓕᓐᓂᐊᕐᕕᐅᑉ ᐅᓪᓛᕈᕐᒥᓴᕐᕕᖓᓂ ᐱᕕᖃᕐᖢᓂᓗ ᑕᑯᓪᓗᓂᒋᑦ ᑐᓂᓯᒪᑦᑎᐊᖅᑐᑦ ᐃᖅᑲᓇᐃᔭᖅᑎᑦ ᓴᓇᔭᖅᑐᖅᓵᓕᖃᑦᑕᖅᑐᑦ ᐅᓪᓛᑕᒫᑦ ᓂᕆᑎᑦᑎᔭᕐᑐᕐᖢᑎᒃ ᐃᓚᖏᓐᓄᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᓄᓇᓕᖕᒥ. ᑰᓪᐱ ᑐᓴᖅᑎᑦᑎᓪᓗᓂ ᐃᓕᓐᓂᐊᖅᑎᓄᑦ ᑭᒡᒐᖅᑐᐃᔨᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓᓂ ᐱᒻᒪᕆᐅᓂᖓᓂᒃᓗ ᓄᑕᖅᑲᑦ ᒪᒃᑯᒃᑐᓪᓗ ᐱᒧᓐᓇᐅᑎᖏᓐᓂ ᑲᒪᓪᓗᓂᓗ ᐱᐅᔪᐊᓗᖕᓂᒃ ᓴᓇᙳᐊᒐᖏᓐᓂ ᓴᖅᑭᔮᖅᑎᑕᐅᔪᓂᒃ ᐃᓕᓐᓂᐊᕐᕕᖕᒥ. ᓄᓇᓕᖕᒥ ᐅᐸᒍᑎᓯᒪᑎᓪᓗᒍ, ᑰᓪᐱ ᑲᑎᖃᑎᖃᕐᖢᓂ ᐅᓄᖅᑐᓂᒃ ᒐᕙᒪᒃᑯᑦ ᐱᔨᑦᑎᕋᐅᑎᖏᓐᓂ ᐱᑎᑦᑎᔨᓂᒃ ᓄᓇᓕᐅᔪᓂᒃᓗ ᑐᓴᕆᐊᕐᑐᕐᖢᑎᒃ ᐱᔾᔪᑎᓂᒃ ᐊᒃᑐᐃᔪᓂᒃ ᓄᑕᖅᑲᑦ ᒪᒃᑯᒃᑐᓪᓗ ᖃᐅᓱᐃᑦᑐᒥ.
ᑰᓪᐱ ᐊᓕᐊᓇᐃᒍᓱᓚᐅᖅᑐᖅ ᐱᕕᖃᕐᓂᕐᒥᓂᒃ ᑲᑎᖃᑎᖃᕐᓂᕐᒥ ᓄᓇᓕᐅᔪᓂᑦ ᐃᒃᐱᐊᕐᔪᖕᒥ ᖃᐅᓱᐃᑦᑐᒥᒃᓗ ᓂᕆᐅᒃᖢᓂᓗ ᐱᓕᕆᖃᑎᒌᓐᓇᕐᓂᐊᕐᓂᕐᒥᓂᒃ ᐱᐅᓯᒋᐊᖁᓪᓗᒍ ᓄᑕᖅᑲᑦ ᒪᒃᑯᒃᑐᓪᓗ ᐱᔪᓐᓇᐅᑎᖏᑦ ᓄᓇᕗᒻᒥ.
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.