ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᓇᓪᓕᓂᐅᖅᓯᐅᖃᑕᐅᓂᐊᖅᑐᑦ ᑲᓇᑕᒥ ᓱᕈᓰᑦ ᐅᓪᓗᖓᓂᒃ


ᓄᓇᕗᒻᒥ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨ ᐃᓚᐅᖃᑕᐅᓂᐊᖅᑐᑦ ᑲᓇᑕᒥ ᓱᕈᓰᑦ ᐅᓪᓗᖓᓂᒃ ᑕᒫᓂ ᐊᕐᕌᒍᒥ ᐃᓚᐅᖃᑕᐅᓗᑎᑦ ᒪᓕᒐᓕᐅᕐᕕᒻᒥ ᒪᕐᕉᒃ ᐊᕐᕌᒎᒃ ᐊᓂᒍᕋᐃᒻᒪᑎᒃ ᒪᒃᑯᒃᑐᑦ ᒪᓕᒐᓕᐅᖅᑎᙳᐊᖑᖃᑕᐅᓂᖏᓐᓄᑦ.  ᑲᓇᑕᒥ ᓱᕈᓰᑦ ᐅᓪᓗᖓ ᓇᓗᓇᐃᖅᑕᐅᓯᒪᕗᖅ ᓄᓇᕐᔪᐊᕐᒥ ᐊᕐᕌᒍᑕᒫᑦ ᓄᕖᕝᕙ 20−ᐅᓕᕋᐃᒻᒪᑦ ᐃᓕᓴᕆᔭᐅᖁᓪᓗᒋᑦ ᓂᕈᐊᕈᑕᐅᓚᐅᖅᓯᒪᔪᖅ ᓄᓇᕐᔪᐊᕐᒥ ᓄᓇᓕᕐᔪᐊᖑᔪᑦ ᑲᑎᒪᓂᖏᑦ ᓱᕈᓰᑦ ᐱᔪᓐᓇᐅᑎᖏᑕ.  ᑕᒫᓂ ᐊᕐᕌᒍᒥ ᓇᓪᓕᐅᓂᖅᓯᐅᕐᒪᑕ 25-ᖓᓐᓂᒃ ᓇᓪᓕᐅᓂᖅᓯᐅᕈᑕᐅᓪᓗᓂ ᑲᓇᑕᒥ ᐊᑎᓕᐅᓚᐅᖅᓯᒪᓂᖓᓄᑦ ᓄᓇᕐᔪᐊᕐᒥ ᐊᖏᕈᑎᓕᐊᕆᔭᐅᓯᒪᔪᒥᒃ.