ᑭᒡᒐᖅᑐᐃᔩᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᐱᓕᕆᕝᕕᖓ ᐃᓕᓐᓂᐊᖅᑎᑦᑎᓂᖃᓚᐅᖅᑐᑦ ᐃᓐᓇᐃᑦ ᐅᖃᐅᔾᔨᒋᐊᖅᑏᑦ ᑖᓐᓇ ᓄᑖᖅ ᓴᖅᑭᑕᐅᓯᒪᔪᖅ ᐱᒋᐊᖅᑎᑕᐅᔪᖅ ᔫᓂᓚᐅᖅᑐᒥᑦ ᐃᖃᓗᓐᓂᑦ. ᐃᓅᓯᖏᓐᓂᒃ ᐊᑐᖅᓯᒪᔭᖏᑦ ᐊᒻᒪ ᖃᐅᔨᒪᔭᖏᑦ ᐃᓄᐃᑦ ᐱᖅᑯᓯᖓᓂᒃ ᐊᒻᒪ ᖃᓄᐃᓐᓂᐅᖃᑦᑕᖅᓯᒪᔪᓂᑦ ᑖᒃᑯᓇᓐᖓᑦ ᑕᓪᓕᒪᓂᑦ ᐃᓐᓇᕐᓂᑦ ᐱᓯᒪᔭᐅᔪᓂᑦ ᐅᕙᒍᑦ ᐃᖅᑲᓇᐃᔭᖅᕕᖓᓐᓂᒃ ᐱᓕᕆᐊᕆᓇᓱᐊᖅᑕᑎᓐᓂ ᐊᑐᕈᓐᓇᕋᑦᑎᒍ ᐃᑲᔪᕈᑎᔅᓴᑎᓐᓂᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᓄᓇᕗᒻᒥᑦ. ᐃᓐᓇᐃᑦ ᐅᖃᐅᔾᔨᒋᐊᖅᑏᑦ ᒫᓐᓇ ᑕᓪᓕᒪᐅᓪᓗᑎᑦ ᐃᓐᓇᓪᓚᕇᑦ ᓄᓇᕗᒻᒥᑦ ᐱᓯᒪᔪᑦ.
ᐅᑯᐊᖑᕗᑦ: ᐸᔅᓯ ᓯᑕᑕᒃ, ᖁᕐᓗᖅᑑᖅ; ᕼᐊᓚᓐ ᐃᒍᑉᑕᒃ, ᑲᖏᖠᓂᖅ; ᕋᐃᒋᓕ ᐆᑦᑐᒃ, ᒥᑦᑎᒪᑕᓕᒃ; ᓘᓯ ᒪᒃᑭᒐᒃ, ᑲᖏᖠᓂᖅ; ᒦᑲ ᐊᕐᓇᒃᑲᖅ, ᐸᓐᓂᖅᑑᖅ.
ᐃᓕᓐᓂᐊᖅᑎᑕᐅᑎᓪᓗᒋᑦ, ᐃᓐᓇᐃᑦ ᐅᖃᐅᔾᔨᒋᐊᖅᑏᑦ ᓇᒻᒥᓂᖅ ᐅᖃᐅᓯᕆᔪᓐᓇᓚᐅᖅᑐᑦ ᑭᓇᐅᓂᕐᒥᓂᒃ ᐊᒻᓚ ᐃᓅᓯᕐᒥᓂᒃ ᖃᐅᔨᓯᒪᔭᖏᓐᓂᒃ ᐅᓂᒃᑲᐅᓯᕆᓪᓗᑎᑦ, ᐃᓱᒪᒋᔭᕐᒥᓂᒃ, ᐊᑐᖅᑕᐅᖁᓇᔭᖅᑕᖏᓐᓂᒃ ᐊᒻᒪ ᓄᑕᖅᑲᓄᑦ ᒪᒃᑯᑦᑐᓄᑦ ᐃᑲᔫᑎᔅᓴᓂᑦ ᐃᓱᒪᒋᔭᕐᒥᓂᒃ ᐅᖃᐅᓯᖃᑐᑎᑦ. ᑭᒡᒐᖅᑐᐃᔩᑦ ᓄᑕᖅᑲᓄᑦ ᒪᒃᑯᑦᑐᓄᓪᓗ ᐅᖃᐅᓯᖃᓚᐅᖅᑐᑦ ᑖᒃᑯᓄᖓ ᐃᓐᓇᕐᓄᑦ ᐅᖃᐅᔾᔨᒋᐊᖅᑎᐅᓂᐊᖅᑐᑦ ᖃᓄᐃᑦᑐᓂᑦ ᐱᓕᕆᐊᔅᓴᖃᕐᓂᐊᕐᒪᖔᑕ, ᐊᒻᒪ ᐃᖅᑲᓇᐃᔭᖅᑏᑦ ᐱᓕᕆᐊᔅᓴᖏᑦ ᖃᓄᐃᓕᖓᒻᒪᖔᑕᓗ.
ᐊᕐᕌᒎᓂᐊᖅᑐᓂᑦ ᐱᓕᕆᖃᑎᒌᖃᑦᑕᕐᓂᕆᓂᐊᖅᑕᑦᑎᓐᓂᒃ ᑲᔪᓯᓂᖃᑦᑎᐊᕈᒪᓂᐊᖅᑐᒍᑦ ᑲᑐᔾᔨᓂᕆᖃᑦᑕᓂᐊᖅᑕᑎᓐᓂᓪᓗ!
ᐅᕙᑦᑎᓐᓄᑦ ᐳᓛᕈᓐᓇᖅᑐᓯ
ᐃᓄᐃᑦ ᐱᓕᕆᕝᕕᑦᑎᓐᓄᐊᖅᑐᑦ ᑐᙵᓱᒃᑎᑦᑎᐊᓲᕗᑦ ᑎᑎᕋᕐᕕᑦᑎᓐᓂ. ᖃᐃᓚᐅᙱᓐᓂᔅᓯᓐᓂ ᐅᖃᓗᒃᐸᒌᖃᑦᑕᕐᓂᐊᖅᐳᓯ ᐃᓂᒃᓴᓕᐅᕐᓗᓯ.
ᖃᒧᑏᒃ ᐃᒡᓗᕐᔪᐊᖅ ᐱᖓᔪᖓ ᓇᑎᐊ
ᑎᑎᖅᑲᒃᑯᕕᐊ 488 ᐃᖃᓗᐃᑦ,
ᓄᓇᕗᑦ X0A 0H0
ᑐᐊᕕᕐᓇᖅᑐᖃᕐᓂᖅᐸᑦ ᖃᐅᔨᒋᐊᕐᕕᒃᓴᑦ
ᐃᒃᐱᒍᓱᑐᐊᕈᕕᑦ ᑐᐊᕕᕐᓇᖅᑐᒃᑯᑦ ᑕᑯᔭᐅᔭᕆᐊᖃᕋᓱᒋᓗᑎᑦ ᓄᑕᖅᑲᒥᒡᓘᓐᓃᑦ, ᐅᖃᓘᑎᑦ ᓈᓴᐅᑎᖏᑦ ᑎᑎᕋᖅᓯᒪᔪᑦ ᓇᓕᐊᖕᓄᑐᐃᓐᓇᖅ ᐅᖃᓗᒡᕕᒋᖃᑦᑕᖁᔪᑦ ᐃᕐᖐᓐᓇᖅ.